標題:
王宗堯向DaDa下戰書
[打印本頁]
作者:
帶來吉利
時間:
22/9/2012 01:47 AM
標題:
王宗堯向DaDa下戰書
近年的港產片票房非常見得人，繼《春嬌與志明》與《低俗喜劇》大賣後，緊接出場的《一路向西》亦氣勢如虹，誰勝誰負仍是未知之數，不過於戲內飾演嫖客的王宗堯(Greg)卻非常有信心，更聲言遇強愈強，直接向前女友DaDa(陳靜)擔正的《低俗喜劇》挑機；問到跟來自台灣的對手李沐晴(Eva)牀戰連場好過癮嗎﹖當事人斷言否定，更表示拍攝時要顧左顧右好麻煩。
採訪︰龍婉琪 攝影︰畢紹基 場地提供︰MM/H 生活築閣 （銅鑼灣皇室堡15樓）
上月推出的《低俗喜劇》贏到開巷，狂收3000萬元票房，即時打敗《春嬌與志明》成為香港今年錄得最賣座的華語片，不過《向西》男角之一的Greg卻闊佬懶理表示無有怕：「其實我好有信心，票房絕對可以贏DaDa（前女友》主演的《低俗》﹗」
揮低DaDa誓勝《低俗》
他又說：「對於DaDa能夠做到女主角，與杜汶澤、田蕊妮等人合作，我好替佢開心，亦欣賞佢演繹得咁自然。雙贏當然好啦，但能夠贏埋就更好，我對《一路向西》非常有信心，應該可以更勝佢哋，如果真係贏咗大家咪一齊出嚟食飯慶祝囉。」 Greg攞正牌與Eva奉旨煙韌，戲內牀戰連連，又攬又錫，Eva坦承對男方有反應﹕「其實拍攝當日我的確有少許興奮，望見佢咁Fit咁好身材，真係莫名其妙地有興奮嘅感覺，心跳得好快！」
神女有心襄王無夢
難得擁有美好身段的Eva對Greg一見傾心，可惜神女有心卻襄王無夢，Greg淡淡然說：「完全無反應喎！演戲同現實始終係兩回事，拍攝時既要顧鏡頭，又要擔心燈光、走位等問題，根本無時間遐想 ，所以唔會有生理反應。」
雖然被無情的Greg一盆冷水照淋頭，但訪問當日兩人不時打情罵俏，感情好到不得了，有可能發展嗎？Who Knows？不過正如Greg所言﹕「夾唔夾，要相處過先知。」
歡迎光臨 賽馬世界 (http://racingworld.no-ip.org/)
Powered by Discuz! 5.0.0
