賽馬世界 - Powered by Discuz! Board

標題: (河馬仔專欄)Baby Café午餐評論+9月23日『真飛心水馬』 [打印本頁]

作者: 河馬仔 時間: 22/9/2012 10:23 PM 標題: (河馬仔專欄)Baby Café午餐評論+9月23日『真飛心水馬』

『馬場樂子(妹)』(18) : 性格開朗之大頭蝦，每次同人event都會盡量試試cosplay一下。

『馬場彩珠(姐)』(18) : 頗精於製作甜品，如果妹妹樂子cosplay的話偶爾都會一起參加的。

『Mary CHAN』(18) : 馬場姊妹的大學同學，攝影役，個子較高外表斯文。

『司馬蓮華(姐)』(18) : 來自潮州的大學同學，性格溫柔，喜歡唱歌跳舞。

『司馬騏綵(妹)』(18) : 司馬家的領養妹妹，小時候因車禍失去左手，但她亦向成為畫師的夢想努力。外表文靜但內裡怕寂寞，間中愛向司馬蓮華撒嬌。

樂子 : 如果我們講起香港同埋國內都好為人熟識嘅模特兒+演員，我諗大家都會諗起佢呢。

Mary : 我都好想好似佢咁靚呢。

蓮華 : 不單只你啦，相信好多女仔都好想好似佢咁青春美麗吧。

騏綵 : ...我短頭髮就做不到了...

彩珠 : 試試駁髮啦，不過今次講的大家都應該知道，就是以Angelababy為主題的咖啡廳。坐落於旺角朗豪坊的Baby Café。

Mary : 嘩!!店裡雖然較黑漆漆，但除咗可以見到Angelababy的女僕服大照之外，牆上還有不少佢嘅相關圖片呢。

蓮華 : 餐牌上面都有嘛。

彩珠 : 還是打開一下午餐餐牌吧，有好多款式可以試，不如一齊要一些一起分啦。

樂子 : 首先每個餐都有餐湯或者沙律任揀其一，當然可以加錢要哂兩樣啦。個人意見牛尾湯係較好像的一款呢。

Mary : 不如今次就叫騏綵試下介紹一下您嘅燒鹿兒島黑豚腩片配香草意粉。

騏綵 : 唔.......意粉有點點硬，不過...腩片就真係燒得幾香口，由於切得薄一些小骨都可以咬開嘅，感覺就帶點乾身了。

騏綵 : 還有這個西梅汁豚肉，這個夠厚肉亦嫩，少少酸的酸梅汁加大量蔬菜，這個較好。

司馬騏綵---對燒鹿兒島黑豚腩片和西梅汁豚肉之評分

彩珠 : 輪到我這個火炙鮭魚腩香草蕃茄汁意粉，這個相對汁醬較多而且回酸較吸引胃口，再加上加上輕輕燒過表面的三文魚，魚肉內嫩滑而外面加上好似親子丼的三文魚子，一道感覺幾輕盈的菜式呢。

馬場彩珠---對火炙鮭魚腩香草蕃茄汁意粉之評分

樂子 : 嘩!!呢度居然有Signature dish噃，但係個名就有啲得意。

Mary : 係以個名分拆出來嘅"Angela 三食"同埋"Baby 三食"。

Mary : 先試試個"Angela 三食"，入面即係有火炙鮭魚腩+香草春雞胸+焗松露意式芝士雲吞。火炙鮭魚腩同之前題過的質地差唔多，香草春雞胸就真係有點硬及略粗糙，意式芝士雲吞雖然有點蕃茄醬一起，但雲吞感覺上食落有點粉粉地，普通咗少少。

Mary CHAN---對"Angela 三食"之評分

樂子 : 到到我嘅"Baby 三食"呢，即係日式黑松露炒蛋+火炙鮭魚腩+香草蕃茄意粉。個麵包如果改為較脆口嘅多士會更惹味，火炙鮭魚腩份量就較少但係煮法同上述唔差太遠，反而個意粉就有少少似細細個日式家庭餐廳煮嘅感覺，少少甜甜地嘅蕃茄味都好吸引到我呢。

樂子 : 而新的有墨汁意粉加上拔絲雞翼，比以往的更佳，拔絲雞翼香夾甜，亦燒得香脆。

馬場樂子---對"Baby 三食"之評分

彩珠 : 最後可以加錢轉咖啡的，味道都夠濃的。

累積賺蝕 = - $4405

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

第一場 :

13. 普渡馗 - 此駒盛時已可在四班千四米跑得近，不過此駒由於傷患困擾導致表現失準及容易變瘦。轉倉後除大量減分外，此駒更有轉肥的感覺，上場感覺極肥而且毛色甚淡下，居然可在當晚極不利外疊後追的場地中，在外疊多番停止催策避免內閃下衝得不俗。今仗磅位差不多輕無可輕，對手又古古怪怪，如跑回以往水準的話要贏唔難。

第四場 :

11. 贏啲啲 - 老馬連續省兩課閘都頗有此廄出擊影子，而上次泥閘在力騎下跳贏總統之光唔奇，但能夠跳贏同樣力策之順利得勝及百事神駒就真係唔錯。而更好就係此駒兩次試閘都出閘順利，只要轉彎時唔俾馬走甩就極具勝望。

『真飛心水馬』(TOTAL $1670)
連贏 ($840)
第一場 : 13. 普渡馗膽拖全餐 ($20注) : $260
第三場 : 5. 富國強駒膽拖全餐 ($10注) : $130 <賽馬WQT心水>
第三場 : 1.利圖+5.富國強駒+6.飛哥+10.勁啲啲 ($10注) : $60 <賽馬WQT心水>
第四場 : 11. 贏啲啲膽拖全餐 ($30注) : $330
第四場 : 3.長勝+5.華劍寶+8.合利高+11. 贏啲啲 ($10注) : $60 <賽馬WQT心水>
位置 ($830)
第一場 : 13. 普渡馗 ($390注) : $390
第四場 : 11. 贏啲啲 ($440注) : $440

作者: 河馬仔 時間: 22/9/2012 11:14 PM

唔知大家有冇去食過呢間的其他分店呢?