標題:
容祖兒聞「師兄」即封嘴
[打印本頁]
作者:
帶來吉利
時間:
12/10/2012 05:15 PM
標題:
容祖兒聞「師兄」即封嘴
衰急進，師兄劉浩龍高調宣告「祖師戀」而被喪插，為保男友，英皇「一姐」容祖兒唯有以退為進，把戀情急降溫，即使被撞破拍拖行山也唔多回應。日前傍晚，記者見祖兒跟友人現身中環超巿買餸打邊爐，掃大量素菜、仿真蟹柳棒的她邊行邊玩手機，醬料拿不定主意？即發微信問意見，隔空調情冧到爆，離去時見有記者，男友人即出手擋鏡頭，女友人則快手夾祖兒離開，問祖兒是否跟師兄煮飯仔？驚聞「師兄」兩字，祖兒耷低頭本能回應：「唔得閒答你喎！」然後急步衝上車鬆人，志雲大師話齋「唔答好過講大話」，又上了一課。
「祖師戀」曝光後，男的被人插到暈，全城圍攻，為息事寧人，祖兒決定封嘴，盡可能講少句。轉玩地下情，一切言行就變得神秘愕愕，唔想刪博的祖兒，洗版式上載工作照和轉貼別人博文，務求你揭到第十頁都見唔到「師兄」足跡。
fans埋身點影都得
當晚所見，染了一頭紅毛的祖兒與友人在超巿買餸，準備買餸打邊爐的她主打素菜類，選了大堆新鮮有機菜後，再揀幾磚有機豆腐、仿真蟹柳棒，沿途不時拿餸手機玩微信，見她收聽完一個留言後即箭步到刺身凍櫃揀選魚生拼盤，唔知買畀邊個食呢。
選醬汁最頭痛，祖兒明顯心大心細，於是又靠微信問意見，微信傳情唔通真係咁好玩？臨埋單前，祖兒友人快手送上一支價值六百元的法國紅酒，離去前被粉絲截停的祖兒任影唔嬲，直至見有記者兼被問到「師兄」近況，祖兒即嚇到耷低頭急步走，掉下一句「唔得閒答你喎！」便離開。
歡迎光臨 賽馬世界 (http://racingworld.no-ip.org/)
Powered by Discuz! 5.0.0
