賽馬世界 - Powered by Discuz! Board

標題: (河馬仔專欄)長沙灣《潮滙館》潮州食店食評+12月16日『真飛心水馬』 [打印本頁]

作者: 河馬仔 時間: 15/12/2012 06:02 PM 標題: (河馬仔專欄)長沙灣《潮滙館》潮州食店食評+12月16日『真飛心水馬』

『Mary CHAN』(18) : 司馬蓮華的大學同學，『潮州メイドCafe』的常客，在同人漫畫圈內與司馬騏綵認識。

『司馬蓮華』(18) : 來自潮州，語尾有時會帶一點尾音，喜愛日本的流行物，在假日偶然會開私房形式的女僕Cafe，名為『潮州メイドCafe』，偶爾看心情會提供一些意想不到的潮州小食。

『司馬騏綵(妹)』(18) : 司馬家的領養妹妹，小時候因車禍失去左手，但她也能克服困難成為同人團內頗有名的幕後畫師，在同人場上大多由姐姐出面賣書的。

蓮華 : 其實今次到我們出場都知道會講講潮州食店了。

騏綵 : 其實潮州食店有大眾化也有高貴級別，不過現在就算平民化的都可以有好多選擇吖。

Mary : 而今次就去一去長沙灣福榮街，雖然地點唔近地鐵，但平時都唔少人嘅潮滙館。

騏綵 : 這兒餐牌選擇也算多樣，主要以大眾街坊客為主，所以食物也較為走大眾路線。當然要食一些特別海鮮就要時價呢。

蓮華 : 而這個餐牌也有寫出不少特色食品，特別想題一題以往老一輩的潮州人很喜歡吃螄蚶。我記得以前有人和我說過，老一輩除了生腌外，他們有時也會先用粗鹽刷刷後，再以筲箕盛住他們，以大量煲水注入後等待螄蚶開口就食了，當然現代人就較少這樣食了。

Mary : 鹹菜脆花生永遠都係潮州前菜的熟識印記，但這裡的碗碟都好有特色呢。

Mary : 就是有雞公杯碗啦，原來在民國時期潮汕地區都頗興起製造大眾化的雞公圖案的杯杯碗碗，而大家如果記憶力強的話，星爺有好多電影之中，雞公圖案的碗原來出現的頻率係相當高啦，大家還記得星爺在《賭俠》之中在大班椅拍VIDEO食公仔麵的一幕嗎？

蓮華 : 當然除了這些之外，當然要談一談食物了，例如鹵水鵝片+肝，鵝片雖然薄少少但算是嫩滑，而最美味就是個肝非常軟滑而且頗有油脂味道，加上淡淡的鹵水真的是提升食味。

騏綵 : 當然食飯不能只有鹵水了，也有不少的小炒。

騏綵 : 雖然有好多菜蔬類的，不過也頗夠鑊氣，例如這個方魚炒芥蘭及潮式小炒皇等等都炒得不太油但頗入味，而菜亦炒得頗脆口，有港式大排檔的風味呢。

司馬騏綵---對鹵水及小炒類之評分

蓮華 : 當然一大班人吃一邊開啤酒的話，香口東西一定要有吧。

Mary : 這個蠔餅好大，有啲似PIZZA，入面嘅蠔都幾大隻，而最緊要係外面唔太乾身，而最緊要的香軟可口都做到。

騏綵 : 雖然香酥鴨內的芋頭加鴨都做得好香芋及鴨肉香味的結合，但以普寧炸豆腐做得好出色。估計在炸的時候在水份及油溫控制得好，端出來的時候一點都不油，內裡的豆腐香亦保留得到，食之前要點點這個韮菜盬水哦。

蓮華 : 而糯米大腸加上桔油當然是不可缺的配合，這兒的大腸有輕微炸過，會較平時吃到的脆口，有些人可能會較喜歡吃蒸的一款呢。而水瓜烙同樣是值得一試，內裡滿滿的水瓜在一層薄薄的脆漿下包圍，用來送啤酒真的很捧咧。

司馬蓮華---對煎炸類之評分

Mary : 最後當然要留小小位置俾潮式甜品呢，我地經常試過嘅水晶包同埋反沙芋。水晶包係個皮厚咗少少，不過豆沙/蓮蓉餡就唔太甜。而反沙芋外內裡軟糯，只係外面的糖塊厚，薄少少或以另一方法如以加蔥嘅糖漿煮都可以試試架。

累積賺蝕 = - $769.5

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

今次選擇第八場較明朗的賽事。

此場較有喜出望外之進步就是參與過紐西蘭打比之『奪綵奇兵』，此駒運港後受到腳患困擾良久，狀態遲遲未能見突破進展，就算上仗賽前晨操表現也只是稍好而減肥些少。不過上仗其實未能入圍確實不幸，一來起步已緩慢之餘，其實入到最後直路時在衝刺上大部份時間受制於『智高星』及『賀喜』未能施為，否則末段時間應比現在更強。而最喜歡就是晨操終於見到此駒展步開揚之情況，馬身甚輕，論班底極為有利，今次對手亦不比上場強之下其實勝望好濃。

其餘選擇為『大運財』『強中堅』『喜勝多』。

『真飛心水馬』(TOTAL $1120)
連贏 ($510)
第八場 : 5. 奪綵奇兵膽拖全餐 ($30注) : $390
第八場 : 2. 大運財 + 5. 奪綵奇兵 + 8. 強中堅 + 11. 喜勝多 ($20注) : $120
位置 ($610)
第八場 : 5. 奪綵奇兵 ($610注) : $610

[ 本帖最後由河馬仔於 15/12/2012 06:04 PM 編輯 ]

作者: 小野伸二 時間: 15/12/2012 06:21 PM

我都係呢隻膽!!

同路