標題:
糖妹拍廣告恨買樓
[打印本頁]
作者:
帶來吉利
時間:
14/1/2013 07:04 PM
標題:
糖妹拍廣告恨買樓
糖妹（黃山怡，Kandy）形象健康，加上冇後天「加工」，夠自然美，不獨係高登仔至愛，更大受廣告商歡喜，代言的天然護膚品牌繼續咬住唔放，續約又再續約，唔怪得家陣天氣咁乾，糖妹依然咁水潤，除因產品功效外，水頭充足都絕對係原因之一！她哈哈大笑道：「只可惜現時樓價太高，我同普羅大眾一樣買唔起樓，得個恨字，所以2013年嘅大計，就係要繼續努力工作，早日上車做業主！」
為了儲買樓首期，糖妹好節儉，即使親密戰友糖兄（潘雲峰）於今年4月6日和圈外女友Jessie結婚，做「兄弟」的糖妹已諗定送代言的護膚品禮物包做賀禮。
對於被指孤寒，她哈哈大笑自辯道：「我唔係慳錢，只不過有好嘢要公諸同好，一齊分享啫，我好想未來阿嫂可以靚靚咁出嫁嘛。其實身邊朋友都好注重護膚，尤其是我做呢行咁夜瞓，好需要大量補水，瞓前最好敷番個保濕面膜。對比以前，我個樣無乜大變化，所以唔會有人懷疑我整容，不過，就多咗發自內心嘅自信光彩。除咗女人要終身學習護膚外，減肥都係終身事業，每當有時間，我就會去做健身，呢樣比買樓來得更容易。」
消瘦了的糖妹，拍攝廣告硬照時，背後都要加衣夾定形，展開了成功的第一步。
最近頻頻接Job嘅糖妹係咪水頭充足呢？她否定道：「又未至於，仲差小小首期，因為我想喺新蒲崗置業，心目中買個千呎單位，呢度好有發展潛力，稍後仲會有港鐵站。」
歡迎光臨 賽馬世界 (http://racingworld.no-ip.org/)
Powered by Discuz! 5.0.0
