賽馬世界 - Powered by Discuz! Board

標題: (河馬仔專欄)《之前的新加坡尋食之旅》+『5月賽馬第一擊』 [打印本頁]

作者: 河馬仔 時間: 8/5/2013 12:38 AM 標題: (河馬仔專欄)《之前的新加坡尋食之旅》+『5月賽馬第一擊』

『馬場樂子(妹)』(18) : 性格開朗之大頭蝦，趁休息時間去了新加坡一趟呢。

『Didi Teh』(18) : 樂子的大學同學，在香港留學的新加坡人。有些少傲嬌性格，對自己相信的事很堅定，和馬場樂子是一對歡喜冤家。

樂子：來到新加坡好想尋找一下地道食物，海南雞飯呀、Singapore Sling呀...

Didi：EH.........來到新加坡只是掛住食食食...到處行行嘛。

樂子：不過真的好熱嘛，不如去試試海南雞飯咯，我知道係烏節路有一間酒店之中嘅海南雞飯好有名好有歷史哦，可以帶我去試試喇。

Didi：好EXPENSIVE呀......不過您要食就跟你去啦。

樂子：都真係好好好EXPENSIVE......接近百五蚊港幣一個海南雞飯........

樂子：來啦來啦....試一試先...

樂子：飯的確幾油而且有點硬，唔係好似香港食到的。而雞就.........雞的味道在肉味上好像好普通，預期的雞油香又好像有點一般，不如試試新叫的菜吧...

樂子：同樣另外叫的，同樣不廉宜，雖然都是較油但幸好芽菜都算是銀芽呢，如果以這餐飯的價錢來給分數的話.......唔..........我要給這個表情呀....

樂子：街邊還有這些雪榚餅車。

Didi：不如我帶你到另一間平民化少少的餐廳試試啦...這兒就便宜多lah。雖然食味都是普通，但有菜有肉有飯算so far so good。

樂子：都到夜晚啦，去飲杯野咯！

Didi：你好似話要試試Singapore Sling，eh.....都要帶你去 Raffles Hotel Singapore的Long Bar啦...說到尾都是Singapore Sling的發源地呀。

樂子：好似係1915年由當時之調酒師Ngiam Tong Boon創造，由GIN，Cherry Heering, Bénédictine以及菠蘿及青檸汁等等組成，而我見到有個SLING 125yrs...

Didi：Raffles Hotel Singapore在1887成立，125年咯，所以有這個用了Champagne Billecart-Salmon Brut 125yrs香檳之外，上面加上Singapore Sling Foam。

樂子：不如一齊看看bar內外環境吖。

樂子：先講講我呢杯最元祖最classic嘅Singapore Sling啦，好易入口而充滿熱帶風情，最適合我們這些少女們，內裡陣陣的菠蘿香味滲入gin酒中，再加入Cherry Heering之車厘子的陣陣果甜，消暑哦！

Didi：這個高杯就是SLING 125yrs，全杯酒味濃烈，可能是上面的Singapore Sling Foam加入香檳，飲到氣泡的時候都有點像濃縮version的Singapore Sling，而去到最尾就更覺得酒精的濃度及甜味越來越濃郁，好有層次感啦。

馬場樂子 --- 對Long Bar 之 Singapore Sling之評分：

Didi：Stop.........!樂子你到新加坡好似有樣食物未試過..........榴槤.............

樂子：我唔食榴槤...............陣味好勁...............

Didi：你未食過貓山王榴槤又怎樣回香港寫咧，好多遊客可能會到芽籠區的Aljunied車站下車去試。

Didi：雖然價錢真的幾EXPENSIVE，不過和其他的很不同，入口先甘苦但即轉厚厚甜味，有點像雪榚般質感，而去到喉嚨就有陣陣餘味啦。

累積賺蝕 = - $5037.5

由於自己發現揀馬水準差得緊要，為了希望減少選馬時之錯誤，預留多少少時間做多點賽馬功課，以後每個月只會寫三次賽馬心水選擇，每月只會選擇三匹心水馬匹，以$7000一個月為限，期望做到好成績呢！不過上個月由於有$2300剩下，可能會投注多一次的。

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

雖然今個賽馬日有兩隻心水，但最後都是揀回一匹老馬，未知大家還記不記得上年告達理成功令一隻久沉，同樣由大摩掃出來的『常山鳳寶』嗎？『馬風雲』甚有此駒影子，同樣出自大摩之餘，也是急急就落到四班後見狀態提升。當然體重確實有點下降，但上場幾乎因直路大塞車而沒有用力。今次檔位偏中間而且A跑道就較易衝刺，晨操肯輕鬆跳一段22.6秒應是有備而來。

『真飛心水馬』(TOTAL $2300)
獨贏 ($600)
第5場 : 1. 馬風雲 ($600注) : $600
位置 ($1700)
第5場 : 1. 馬風雲 ($1700注) : $1700

去到五月，香港兩場2400米長途大賽又會再度聲鼓齊鳴，而各位騎師到時在場策馬揚鞭來爭奪長途皇者寶座。

大家也期待這兩場鬥耐力鬥留放之精彩賽事，馬場樂子也全副裝備準備就緒與賽駒並駕齊驅，靜待閘廂鳴鐘開閘一刻跑出光輝一戰，您呢？

(較大的圖)

此Wallpaper由河馬仔設計及監製及持有版權、由香港畫師---Half Boiled繪製而成。希望大家喜歡馬場樂子這個新形象新戰衣！

*(圖中所述之故事及看板娘人名純屬虛構、如有雷同、實屬巧合。)

[ 本帖最後由河馬仔於 8/5/2013 12:39 AM 編輯 ]

作者: 贏馬人 時間: 8/5/2013 01:47 AM

QUOTE:

原帖由 河馬仔 於 8/5/2013 12:38 AM 發表
『Didi Teh』(18) : 樂子的大學同學，在香港留學的新加坡人。有些少傲嬌性格，對自己相信的事很堅定，和馬場樂子是一對歡喜冤家。

係咪驕傲呀？