標題:
陳冠希懶理女友 攬34E馬拉妹
[打印本頁]
作者:
帶來吉利
時間:
20/8/2013 05:50 PM
標題:
陳冠希懶理女友 攬34E馬拉妹
陳冠希（Edison）當年衰貪玩闖出大禍，搞到聲名狼藉，事隔五年仍唔知衰，繼續自我膨脹，上周六出席嘉士伯派對再次在台上辱罵傳媒的他，獲台下hiphop粉絲叫囂支持，爽爆，入後台見到主辦商即笑口噬噬衝前敬酒，幾杯落肚更攬住身材出眾、上圍谷上頸的34E馬拉妹吹水合照，玩得開心，但最精采的還是以上畫面盡收女友Ann Hung眼下，難怪後者嬲到要走先。
人是不會變的，陳冠希好憎傳媒，但又好想「好好利用」傳媒，聽落好幼稚，話說當年衰好色引發「裸照風波」的Edison仍未獲內地解封，工作收入大不如前，要靠夜店登台吸金撐住，早前約見曾志偉密斟被撞破即黑面狂鬧人係「狗」，好憎傳媒咁話，但諗真啲要借勢發聲，上周六Edison拖埋女友Ann出席嘉士伯派對時，即笑晒口跟傳媒表示：「我呢排有衝動想拍戲，睇吓Fit唔Fit到時間。」真係算吧啦。
囂爆罵傳媒
本報記者從特別渠道進入派對現場，見擔任表演嘉賓的Edison未上台前，拖着女友影貼紙相，頭貼頭好鬼sweet，上台表演期間，女友縮埋一邊睇騷，表現hyper的Edison突然重提機場返港遇上傳媒被拍照過程，然後鬧爆傳媒說：「佢哋根本係『狗』！」小器言論獲台下粉絲叫囂支持，爽到暈的Edison大呼過癮，縮膊寒背繼續唱，完騷入後台見主辦商即笑住口衝埋去打招呼，咁又係，米飯班主喎，據悉Edison三首歌收五十萬，實屬和味。拿着啤酒應酬狂笑的Edison，見谷胸上頸的34E馬拉妹林云埋身，笑到瞇晒眼，不停碰杯玩得happy，老闆一句影相留念，Edison情緒高漲say yes，一下子把林云擠到中間，心口頂心口，好享受的Edison笑到好high，完全唔知女友Ann在旁睇到眼火爆，轉身就走。
歡迎光臨 賽馬世界 (http://racingworld.no-ip.org/)
Powered by Discuz! 5.0.0
