賽馬世界 - Powered by Discuz! Board

標題: 國產乳神一夾「德」咗 [打印本頁]

作者: 帶來吉利 時間: 7/7/2014 01:17 AM 標題: 國產乳神一夾「德」咗

巴拉圭「乳神」莉爾莎列基美4年前世界盃期間夾胸撐國家隊，紅遍全球，不過佢喺今年世界盃前已經嫁咗人，亦都開始封胸。「乳神」退落嚟，大把姊妹想搶呢個位，中國女模樊玲就喺德國對法國一戰期間，再表演雙乳夾電話，輕易拎到中國乳神之位，連同場嚟打氣嘅德國太太團，都俾佢搶晒鏡。

胸夾手機搶過德軍WAGs

講真，上周五呢場德法8強戰其實都幾悶，德國晨早領先就梗係搓住踢，法國攻勢又唔到肉，我求大俠下半場都有諗過先去眠一眠，唞足精神睇巴哥大戰。不過有去里約熱內盧馬拉簡拿球場睇波嘅球迷，特別坐喺樊玲身邊嘅觀眾，起碼眼睛有得食吓冰淇淋先。同4年前莉爾莎將手機放喺胸前相比，樊玲似乎難度更高，因為佢將手機放喺雙胸中間，仲穩陣過用手拎，你知𠵱家手機好薄，更添樊玲嘅窒息感。

「集郵」包括Edison

中國傳媒好快就起晒樊玲個底，原來佢被稱為北京師大校花，除咗做模特兒外，都有上過電視節目，不過因為改藝名潘春春，加上刻意打扮成范冰冰，被指炒作新聞。24歲嘅樊玲今次就以騰訊足球寶貝身份嚟到巴西做直擊，之前都以低胸波衫入場睇意大利、阿根廷嘅比賽，今次8強戰做直擊，繼續佢嘅低胸德國波衫戰衣外，仲加埋夾手機呢招，人氣即時高企；嚟到巴西，樊玲炒作新聞本色都冇變，之前就自爆到沙灘拍攝期間被男球迷強吻。其實佢都鋪晒路入娛樂圈，私相集有佢同香港潮人陳冠希合照外，又話已經接拍電影《澳門風雲2》，香港球迷唔單止球場，遲啲連戲院都可以睇到佢嘞。

講開乳神，點可以唔提莉爾莎列基美，年初佢同阿甲河床球員法布結婚，或者婚後太幸福，身材走晒樣，就算着晒巴西波衫同小背心支持東道主，不過走樣程度令球迷都只能嘆句：「往事只能回味」。

作者: 雄心威龍 時間: 7/7/2014 01:20 AM