賽馬世界 - Powered by Discuz! Board

標題: 吳若希與「契爺」關係密切 [打印本頁]

作者: 帶來吉利 時間: 19/10/2014 06:35 PM 標題: 吳若希與「契爺」關係密切

長腿女神吳若希「床照」流出！昨日有爆料者指求學時期的吳若希與「契爺」關係密切，更流出一張疑似吳若希趴在床上的性感照片。不過，吳若希斬釘截鐵地說：「我冇影過呢啲相！」

年僅22歲的吳若希（Jinny）以其清純面孔及42吋長腿俘虜不少宅男，近年漸受重用的她在無綫主持節目、拍劇及唱主題曲，因而人氣急升。人紅是非多，昨日有讀者爆料指吳若希原名「吳嘉妮」，曾被人以諧音改花名「咖喱」及「Curry Ng」，更大爆吳若希冇朋友，而改英名Jinny只為跟風，想學班上一位受歡迎的女同學，明寸吳若希為孤獨精。

爆料人又奉上一張激似吳若希素顏的自拍照，而相中身穿Low Cut的長髮女子似是趴在床上並拿着相機對鏡自拍，更露出一大片白雪雪的胸部，無論膚色、纖幼手臂及輪廓，驟眼看與吳若希很相似。除有性感床上照流出外，亦傳吳若希讀書時已有相熟的「Uncle」、「契爺」，關係密切，耐人尋味。爆料人聲稱床照來源是吳若希的前男友，疑似有人出賣。

人紅是非多

捲入「艷照門」的吳若希昨日接受電話訪問時，向記者「呼冤」，她說：「相入面個女仔唔係我，驟眼睇似我，不過我冇影過呢啲相！同埋改名嘅事，網上好多人都知。（同Uncle關係密切？）乜我屋企真係咁窮咩？我冇地方住咩？呢個世界乜嘢都有人講！」對於被指人緣欠佳，她即說：「好多中學同學同我都好好朋友，我哋成日都有聚會，可以上番Instagram睇吓我哋啲合照。」她又慨嘆人在江湖身不由己：「爆料嘅嘢乜都有得吹，人哋講咩我都控制唔到。可能呢排人紅，是非自然多。」她更化身「金田一」，指爆料人是一位曾經騷擾她的狂迷：「我知邊個係放料人，有個人成日喺我個Instagram留言，爆粗同寫攻擊性嘅留言。我已經Delete過，但佢又唔死心，繼續留言。」

爆狂迷狙擊

吳若希又指該狂迷更「恐嚇」她，刪除留言和封鎖帳戶的手段根本冇用，他可以搵人開6個戶口狙擊她！問到會否擔心別人誤會她不正經，吳若希即慨嘆入娛圈令她斷送姻緣：「都知有人會信我唔正經，前男友個媽咪就係因為我做呢行而唔鍾意我。」而自言不理是非、專心工作的她最近忙拍新劇，並在微博分享工作趣事，指行程緊密，拍劇時更穿着古裝戲服錄歌。

作者: 大關刀 時間: 19/10/2014 06:38 PM

昨日有讀者爆料指吳若希原名「吳嘉妮」，曾被人以諧音改花名「咖喱」及「Curry Ng」 <--- 都唔係昨日爆啦, 幾年前已經知...

作者: 大關刀 時間: 19/10/2014 06:39 PM

不過佢話過, "中四時唱 K 被 MODEL 公司老板發掘入行" 本身就好有疑點

中四學生無啦啦做乜會同 MODEL 公司老板唱 K?