賽馬世界 - Powered by Discuz! Board

標題: 打小人口訣 [打印本頁]

作者: 阿源 時間: 23/12/2014 11:25 PM 標題: 打小人口訣

最近教學生打小人的習俗,意外地發現呢條口訣

FROM:http://www.hkgimages.com/2011/03/villain-hitting-chant/
打你個頭，打你個死人頭。
打你隻手，打到你有氣無地抖。
打你隻腳，打到你無衫著。
打你個口，打到你係咁嘔。
打你個鼻，打到你開口夾著利。
打你個肚，打到你嘔白泡。
打你個胸，打到你無老公。
打你隻耳，打到你做鬼都唔似。
打你隻眼，打到你番工唔偷懶。
打你個腦，打到你咩都無。
打你條腰，打到你發高燒。
打你個胃，打到你見人就要跪。
打你條頸，打到你瞓到唔知醒。
打你條腸，打到你放屁特別響。
打你排牙，打到你朦查查。
打你個心，打到你去見葉利欽。
打你個肝，打到你無心安。
打你個脾，打到你結婚即刻離。
打你個肺，打到你口水嗲嗲渧。
打你個腎，打到你行衰運。
打你個膽，打到你隻眼係咁眨。
打你個肛，打到你心慌慌。
打你個喉，打到你無自由。
打你條利，打到你要去做娼妓。
打你個膝頭哥，打到你係咁屙。
打你排骨，打到你俾人屈。
打你舊肉，打到你又中毒。
打你只比，打到你唔敢番屋企。
打你左右臂，打到你骨到痺。
打你條食道，打到你炒股捉錯路。
打你個腮，打到你無飯開。
打你嗰下邊，打到你絕後兼嘔電。
打你左右腭，打到你傷心又寂寞。
打你個額，打到你雙眼都反白。
打你個肩，打到你係咁先。
打你左右腿，打到你係咁流口水。
打你層皮，打到你唔死就出奇。
打你二頭肌，打到你生癩痢。
打你背脊骨，打到你成世要行乞。
打你條甲狀腺，打到你睇唔見。
打你條腦神經，打到你沽空係咁升。
打你條支氣管，打到你食飯打爛碗。
打你嗰一度，打到你唔係度。

打你個小人頭，等你有氣冇定透，日日去撼頭。
打你個小人面，等你全家中非典，成世都犯賤。
打你個小人眼，等你成世都撞板，日日被人斬。
打你個小人耳，等你日日痾爛屎，敏屎用手指。
打你個小人頸，等你周身都性病，花柳兼淋病。
打你個小人胸，等你非典兼中風，後門被人通。
打你個小人手，等你有錢唔識收，有樓變喳兜。
打你個小人腳，等你日日敷中藥，有鞋冇腳著。
打你個小人肚，等你好心冇好報，日日被人告。

打你個小人頭，等你成世無出頭，十足豬泵兜。
打你個小人眼，等你眼紅兼眼坦，行路仆到喊。
打你個小人鼻，等你索野無晒味，鼻涕流到地。
打你個小人耳，等你耳嗚難制止，唱歌一舊屎。
打你個小人口，等你有氣無定抖，食親飯都嘔。
打你個小人手，等你有錢唔識偷，無鞋挽屐走。
打你個小人胸，等你呼吸唔暢通，肺癆兼中風。
打你個小人肚，等你惡運行到老，日日畀人告。
打你個小人腳，等你有鞋唔識著，出街無人約。

作者: yuricylau 時間: 23/12/2014 11:41 PM

鵝頸橋啲阿婆係咪背得晒成首...??

作者: 阿源 時間: 23/12/2014 11:49 PM

[youtube]pmQnlIDPgVo[/youtube]

作者: 施華 時間: 24/12/2014 01:41 PM

[iframe]http://racingworld.no-ip.org/viewthread.php?tid=115365&extra=page%3D9[/iframe]

歡迎光臨賽馬世界 (http://racingworld.no-ip.org/)