標題: 蘋 馬 人 ： 評 磅 員 同 馬 會 唱 反 調 [打印本頁]
作者:
雄心威龍 時間: 23/1/2015 01:40 AM 標題: 蘋 馬 人 ： 評 磅 員 同 馬 會 唱 反 調
香 港 經 典 一 哩 賽 今 季 總 獎 金 達 八 百 萬 元 ， 頭 馬 獎 金 逾 四 百 萬 元 ， 高 獎 金 在 鼓 勵 馬 主 引 進 高 質 馬 方 面 ， 無 疑 有 一 定 刺 激 作 用 。 同 樣 是 蝕 分 出 賽 ， 頭 馬 「 美 麗 大 師 」 和 第 三 名 的 「 大 印 銀 紙 」 賽 後 均 被 評 磅 員 加 了 十 分 ， 最 高 分 的 「 和 順 超 影 」 評 分 卻 未 作 調 整 ， 評 磅 員 這 套 評 分 準 則 ， 對 「 大 印 銀 紙 」 未 免 苛 刻 ， 評 分 方 針 不 單 有 違 鼓 勵 拼 搏 宗 旨 ， 更 扼 殺 了 這 類 馬 的 前 景 ， 這 些 例 子 過 去 多 不 勝 數 ， 上 季 的 「 信 利 多 」 在 四 歲 系 列 賽 接 連 被 懲 罰 性 加 分 ， 服 役 短 時 間 內 便 退 役 ， 怎 不 叫 幕 後 斥 巨 資 買 馬 的 馬 主 心 灰 意 冷 ？
又黎
......
點解呢種文章可以見報...
[ 本帖最後由 雄心威龍 於 23/1/2015 01:41 AM 編輯 ]
作者:
美好前程 時間: 23/1/2015 08:24 AM
潘董D马，加太少分，反而俱会唔高兴
作者:
yuricylau 時間: 23/1/2015 08:38 AM
經期文…
作者:
poiuy 時間: 23/1/2015 08:39 AM
原帖由 yuricylau 於 23/1/2015 08:38 AM 發表
經期文…
一望個標題::乜又係你呀?
作者:
雄心威龍 時間: 23/1/2015 09:22 AM
記者要專業時效客觀
條友寫d咁嘅膠文點解仲未有人收佢皮
作者:
May_Be_83 時間: 23/1/2015 09:30 AM
孫柏文今日個篇同呢篇真係不遑多讓。
作者:
yuricylau 時間: 23/1/2015 09:50 AM 標題: 回復 #4 poiuy 的帖子
每到大時大節 就實有呢啲文出現 爭在係邊個出
作者:
雄心威龍 時間: 23/1/2015 09:58 AM 標題: 回復 #6 May_Be_83 的帖子
因為負磅多，所以同德>精英大師 ......
而且篇文唔知想表達d乜
作者:
大關刀 時間: 23/1/2015 10:30 AM
信利多退役係因為加分太多咩?
隻馬內傷喎
作者:
CJ. 時間: 23/1/2015 10:45 AM
你唔加佢多D分就真係令幕後斥巨資買馬的馬主心灰意冷la,花咁多錢買隻馬目的就係為左跑大賽,加多D分快D上到精英班呢類馬主先至高興,如果加得少,冇錯,咁樣可能會多左一,兩場頭馬,但呢一,兩場頭馬對呢類馬主而言根本毫無意義
[ 本帖最後由 CJ. 於 23/1/2015 10:46 AM 編輯 ]
作者:
大關刀 時間: 23/1/2015 11:16 AM
篇文有無提金秋
作者:
小武士 時間: 23/1/2015 11:54 AM
人地信利多不知幾想加分 擺明係拎黎爭2400 d盃
只係傷左咁解之嘛
作者:
雄心威龍 時間: 23/1/2015 12:09 PM 標題: 回復 #11 大關刀 的帖子
無..
btw，好多高質馬根本係為加分先跑大賽，唔加多d馬主先會心灰意冷
而信利多只係內傷退役
所以呢篇野講句難聽就係垃圾
作者:
李澤楷 時間: 23/1/2015 12:12 PM
信蘋果日報一成,你雙目肯定失明.
作者:
雄心威龍 時間: 23/1/2015 01:04 PM 標題: 轉埋孫柏文篇野
吃 黃 連 的 啞 仔 ： 不 同 馬 王 看 賽 馬 貶 值
馬 會 一 百 三 十 周 年 ， 當 然 可 喜 可 賀 。 你 去 沙 田 馬 場 ， 會 員 棚 去 會 所 行 人 天 橋 ， 就 會 望 到 馬 會 貼 出 呢 百 幾 年 來 嘅 歷 史 里 程 碑 。 例 如 幾 時 有 第 一 次 打 吡 ， 幾 時 馬 會 開 始 搞 診 所 ， 有 夜 馬 ， 有 場 外 投 注 等 。
喺 眾 多 事 件 中 ， 只 係 得 三 隻 馬 出 現 過 。 就 係 因 「 連 續 三 年 成 馬 王 」 嘅 「 祿 怡 」 ， 「 連 贏 十 場 」 嘅 「 同 德 」 同 「 連 贏 十 七 場 」 嘅 「 精 英 大 師 」 。 而 孫 柏 文 覺 得 ， 「 同 德 」 同 「 精 英 大 師 」 嘅 對 比 ， 正 好 解 答 點 解 「 好 似 以 前 好 啲 」 呢 條 問 題 。
我 問 朋 友 兼 新 會 員 王 弼 ： 「 『 同 德 』 係 一 隻 八 十 年 代 嘅 馬 ， 連 贏 十 場 ， 曾 保 持 沙 田 一 千 六 百 米 記 錄 廿 年 ， 你 知 唔 知 當 日 佢 孭 幾 多 磅 ？ 」 王 ： 「 一 百 三 十 三 磅 ？ 」 我 ： 「 係 一 百 五 十 磅 。 對 手 平 均 孭 一 百 二 十 三 磅 。 」 我 繼 續 問 ： 「 你 知 唔 知 『 精 英 大 師 』 連 贏 十 七 場 ， 最 重 嗰 次 負 磅 孭 幾 重 同 喺 咩 場 合 ？ 」 王 ： 「 唔 知 喎 。 」 我 ： 「 一 百 三 十 磅 ， 當 時 佢 仲 喺 三 班 。 」 我 中 學 讀 Island School 時 ， 中 五 英 文 堂 寫 過 一 篇 描 寫 文 ， 講 我 坐 喺 跑 馬 地 公 眾 棚 睇 夜 賽 。 而 當 時 ， 我 將 城 中 夜 賽 比 喻 為 現 代 版 羅 馬 鬥 獸 場 。 而 喺 大 學 讀 關 於 古 羅 馬 運 動 時 ， 「 王 者 」 champion 呢 樣 嘢 ， 唔 係 好 似 馬 會 啲 填 鴨 marketing 官 僚 覺 得 ， 連 捷 得 多 就 有 noise 啦 ！ 係 當 佢 面 對 全 世 界 甚 至 天 嘅 針 對 ， 都 仲 贏 得 ！
你 問 馬 會 marketing ， 二 零 一 四 年 德 國 贏 巴 西 七 比 一 ， 定 係 一 九 七 零 年 西 德 贏 英 格 蘭 三 比 二 合 口 味 啲 ， 佢 哋 一 定 揀 七 比 一 ， 因 入 球 多 呀 ！ 不 過 問 真 正 球 迷 ， 又 會 點 揀 ？ 以 前 ， 段 十 萬 計 嘅 馬 迷 ， 嗰 嗰 都 係 賽 馬 嘅 傳 教 士 。 當 佢 哋 覺 得 今 日 連 馬 王 嘅 「 含 金 量 」 都 今 非 昔 比 ， 唔 再 幫 賽 馬 傳 教 ， 你 再 請 人 做 marketing ， headcount 點 再 升 ， 都 係 嘥 氣 。 不 過 相 信 佢 哋 睇 完 我 呢 篇 文 ， 只 會 諗 點 為 跑 馬 地 啤 酒 園 搞 多 啲 gimmick 。
作者:
美好前程 時間: 23/1/2015 01:15 PM
讲d咩狗屎？俱系未想讲同德系纯血赛马史上既宇宙马，跑1600，范高尔都要收皮…
作者:
CJ. 時間: 23/1/2015 03:12 PM 標題: 回復 #15 雄心威龍 的帖子
呢篇仲好笑， 佢究竟想講d 咩， 想行番舊制， 要d 馬負150 磅？
作者:
雄心威龍 時間: 23/1/2015 03:53 PM 標題: 回復 #17 CJ. 的帖子
宜家D稿費真係易賺 隨便up兩句唔知乜都可以登報
作者:
大關刀 時間: 23/1/2015 04:15 PM
咁不如全世界針對步步友 G1都要佢咩150
咁香港嘅賽馬事業一定前所未有咁蓬勃 :0)
作者:
西人堅 時間: 23/1/2015 05:56 PM
係 lor, Deep Impact 次次平磅賽
平磅行過人 好英雄咩
最多阪神大賞典 讓人多幾磅 ja
咁都吹做 宇宙馬王
日本賽馬肯定好貶值啦
作者:
May_Be_83 時間: 23/1/2015 06:26 PM
真係唔知呢個係乜野道理，我好懷疑孫先生係咪邊飲酒邊打稿。
作者:
富源 時間: 23/1/2015 06:47 PM
其實同足球差唔多論調,以前D球星點點點乜乜物物
美斯c朗,過得去咁啦
作者:
富源 時間: 23/1/2015 06:50 PM
評磅個篇每年至少見一次
作者:
poiuy 時間: 23/1/2015 07:06 PM
頂......我收順D收佢依家收緊既7成算啦,包係講返馬,比我寫啦......
作者:
新水星 時間: 23/1/2015 10:36 PM
原帖由 May_Be_83 於 23/1/2015 06:26 PM 發表
真係唔知呢個係乜野道理，我好懷疑孫先生係咪邊飲酒邊打稿。
孫生不論政治、財經、賽馬，都只有這種水平。
作者:
小野伸二 時間: 24/1/2015 12:18 AM 標題: 回復 #25 新水星 的帖子
完全同意
買馬眼光請看樂家將
作者:
新水星 時間: 24/1/2015 12:31 AM
原帖由
小野伸二 於 24/1/2015 12:18 AM 發表
完全同意
買馬眼光請看樂家將
而我留意政治，始於十五年前有條二十三歲的粉腸自稱政治家去參選立法會
作者:
小野伸二 時間: 24/1/2015 12:44 AM 標題: 回復 #27 新水星 的帖子
作為財經界人士，我對佢揀股心水既命中率抱有極大疑問
作者:
新水星 時間: 24/1/2015 12:46 AM
原帖由
小野伸二 於 24/1/2015 12:44 AM 發表
作為財經界人士，我對佢揀股心水既命中率抱有極大疑問
不是直接當明燈嗎?
作者:
駿先鋒 時間: 24/1/2015 02:11 AM
原帖由 May_Be_83 於 23/1/2015 18:26 發表
真係唔知呢個係乜野道理，我好懷疑孫先生係咪邊飲酒邊打稿。
為振興葡萄牙經濟, 葡萄牙政府決定找來新鮮出爐的金球獎得主C朗,
向外宣傳葡萄牙。
XXX指葡萄牙政府的marketing 手段不濟:
「而家C朗贏金球獎, 對手只有美斯, 你知道當年未改制前費高贏世界足球先生時, 有甚麼對手嗎? 碧咸、大哨、拖舟、享利。「 王 者 」 呢 樣 嘢 ，唔係贏到金球獎就 有 noise ge ！ 」
[ 本帖最後由 駿先鋒 於 24/1/2015 02:53 AM 編輯 ]
作者:
駿先鋒 時間: 24/1/2015 02:23 AM
原帖由
CJ. 於 23/1/2015 15:12 發表
呢篇仲好笑， 佢究竟想講d 咩， 想行番舊制， 要d 馬負150 磅？
大致明佢想表達D 咩ge, 但係就覺得佢無理取鬧
馬會幫自己130周年慶生, 咁就梗係拎晒自己D 威水史出黎威威,
原意都唔係拎幾隻馬王比較
但孫生自己就拎幾隻馬王比較, 繼而用呢點話馬會marketing方向唔掂
作者:
駿先鋒 時間: 24/1/2015 02:26 AM
原帖由 May_Be_83 於 23/1/2015 18:26 發表
真係唔知呢個係乜野道理，我好懷疑孫先生係咪邊飲酒邊打稿。
兩隻唔同年代的馬王都唔知點樣有得比, 都冇得同場
同問C朗定費高邊個葡萄牙人勁D 一樣
我終於明白點解隔離壇有位自稱做過馬報的人會講得出「天久勁過范高爾」呢D 名言,
原來真係會係報紙見到呢種論述
作者:
駿先鋒 時間: 24/1/2015 02:30 AM
原帖由 May_Be_83 於 23/1/2015 09:30 發表
孫柏文今日個篇同呢篇真係不遑多讓。
佢之前重呻被人調離左賽日版
作者:
大關刀 時間: 24/1/2015 04:21 AM
拎現時馬王同五年前馬王, 十年前馬王比較邊隻勁
呢啲係隔離壇月經膠post
原來可以換取稿費㗎? ...
作者:
新水星 時間: 24/1/2015 10:05 AM
原帖由
駿先鋒 於 24/1/2015 02:26 AM 發表
兩隻唔同年代的馬王都唔知點樣有得比, 都冇得同場
同問C朗定費高邊個葡萄牙人勁D 一樣
我終於明白點解隔離壇有位自稱做過馬報的人會講得出「天久勁過范高爾」呢D 名言,
原來真係會係報紙見到 ...
果隻「天久」經常上左報的。
而賽馬方面的謬論，基本上日日新鮮日日甘。
作者:
May_Be_83 時間: 24/1/2015 10:21 AM
原帖由
駿先鋒 於 24/1/2015 02:30 AM 發表
佢之前重呻被人調離左賽日版
為何不向馬版編輯投訴
P.S. 估唔到孫柏文呢篇野，反響仲大過評分個篇。
[ 本帖最後由 May_Be_83 於 24/1/2015 10:23 AM 編輯 ]
作者:
May_Be_83 時間: 24/1/2015 10:25 AM
原帖由
新水星 於 24/1/2015 10:05 AM 發表
果隻「天久」經常上左報的。
而賽馬方面的謬論，基本上日日新鮮日日甘。
個條友連鴨都拿都唔知，真係唔知叫佢留意多D海外馬好呀，定抑或叫佢死左佢好過。
作者:
新水星 時間: 24/1/2015 10:32 AM
原帖由 May_Be_83 於 24/1/2015 10:25 AM 發表
個條友連鴨都拿都唔知，真係唔知叫佢留意多D海外馬好呀，定抑或叫佢死左佢好過。
佢眼中只有中共和澳門賽馬會。
可惜d五毛唔會過界撐佢d馬論。
作者:
May_Be_83 時間: 24/1/2015 10:34 AM
原帖由
新水星 於 24/1/2015 12:31 AM 發表
而我留意政治，始於十五年前有條二十三歲的粉腸自稱政治家去參選立法會
條友係港島區慘敗，保證金沒收。
作者:
poiuy 時間: 24/1/2015 10:42 AM
原帖由
May_Be_83 於 24/1/2015 10:21 AM 發表
為何不向馬版編輯投訴
P.S. 估唔到孫柏文呢篇野，反響仲大過評分個篇。
評分個篇野基本上每幾個月RUN一次,,要講都講哂
孫柏文個篇直情係ON9
作者:
新水星 時間: 24/1/2015 10:46 AM
原帖由
May_Be_83 於 24/1/2015 10:34 AM 發表
條友係港島區慘敗，保證金沒收。
見有隻獅子狗在將軍澳呃到飯食，政治家先生似乎想過新東選。
作者:
yuricylau 時間: 24/1/2015 11:25 AM
假設同德係與好爸爸步步友呢啲近代一哩王同級先啦
咁後面揹12x磅嗰啲呢…？ 大部分都係友誼至上大運財呢啲水準？ 要比較 都唔該比較埋對手呀
作者:
西人堅 時間: 24/1/2015 11:44 AM
原帖由
駿先鋒 於 24/1/2015 02:30 AM 發表
佢之前重呻被人調離左賽日版
唔係掛.....呢 d 人會出現過響馬經賽日版??!!!
幾時 ge 時黎
作者:
May_Be_83 時間: 24/1/2015 12:03 PM
原帖由
新水星 於 24/1/2015 10:46 AM 發表
見有隻獅子狗在將軍澳呃到飯食，政治家先生似乎想過新東選。
係新界東選咪輸得更慘烈……
作者:
駿先鋒 時間: 24/1/2015 12:16 PM
原帖由
西人堅 於 24/1/2015 11:44 發表
唔係掛.....呢 d 人會出現過響馬經賽日版??!!!
幾時 ge 時黎
今季ge事
呢篇係2014最後一次賽事的:
吃 黃 連 的 啞 仔 ： 馬 會 CEO 職 位 難 撈
孫 柏 文 首 先 要 向 大 家 道 歉 。 上 周 ， 馬 版 話 事 人 輝 哥 同 我 話 好 多 人 投 訴 我 寫 嘅 嘢 ， 最 傷 係 啲 投 訴 話 「 內 容 唔 好 睇 、 不 吸 引 」 。 所 以 本 欄 將 會 被 移 離 賽 日 版 （ 下 月 起 逢 周 五 或 周 一 見 報 ） ， 而 我 亦 會 痛 定 思 痛 咁 自 我 檢 討 ， 因 為 我 寫 財 經 、 時 事 專 欄 咁 多 年 ， 被 批 唔 準 、 離 題 、 譁 眾 取 寵 等 就 日 日 有 ， 不 過 真 係 未 試 過 被 批 唔 好 睇 ， 特 別 係 當 網 上 點 擊 率 又 唔 係 弱 時 。
不 過 ， 今 次 確 實 係 第 一 次 我 寫 文 心 中 嘅 假 想 讀 者 唔 係 普 羅 大 眾 ， 而 係 其 他 馬 主 、 會 員 。 而 我 寫 嘅 嘢 ， 特 別 係 呢 排 我 係 咁 寫 馬 會 嘅 內 容 ， 例 如 換 馬 政 策 減 低 投 注 意 欲 等 ， 通 通 都 係 你 行 入 去 馬 主 廂 房 ， 隔 離 左 右 開 始 信 你 時 ， 喺 你 耳 邊 細 細 聲 狂 鬧 嘅 嘢 。 所 以 千 祈 唔 好 覺 得 有 啲 嘢 上 唔 到 報 紙 傳 媒 ， 就 等 於 唔 存 在 ， 因 為 我 都 只 係 報 道 好 多 人 已 講 咗 好 多 年 嘅 嘢 。
而 我 寫 出 來 嘅 原 因 ， 係 因 大 家 都 知 當 架 構 龐 大 時 ， 好 多 訊 息 上 唔 到 最 高 層 ， 所 以 我 就 希 望 通 傳 吓 。 多 唔 使 講 ， 馬 會 近 十 年 嘅 全 職 headcount 升 四 成 ， 薪 金 支 出 升 九 成 ， 唔 怪 得 入 會 費 要 倍 升 ， 搞 到 馬 會 嘅 獨 特 性 ， 同 其 他 會 睇 齊 。 而 我 同 意 英 國 傳 媒 嘅 見 解 ， 香 港 賽 馬 會 行 政 總 裁 一 職 ， 係 世 界 馬 壇 最 難 做 嘅 位 ， 所 以 我 幫 得 就 幫 。 因 我 深 信 ， 香 港 賽 馬 會 係 世 界 第 一 體 育 會 ， 咩 巴 塞 、 Augusta 高 爾 夫 球 會 等 ， 全 部 都 冇 馬 會 嗰 種 既 頂 尖 高 深 推 動 運 動 ， 又 寬 闊 歡 迎 大 眾 嘅 特 質 ， 而 我 作 為 會 員 ， 真 係 引 以 為 傲 ！ 簡 單 問 ， 你 有 冇 見 我 一 樣 咁 出 力 鬧 其 他 會 呀 ？
今 期 推 介 第 一 場 「 辣 手 先 鋒 」 、 二 場 「 勁 猴 王 」 及 五 場 「 大 合 照 」 三 串 四 位 置 。
作者:
雄心威龍 時間: 24/1/2015 12:27 PM 標題: 回復 #45 駿先鋒 的帖子
原來投訴可以有效果的...
點解個李晉無人收佢檔
作者:
May_Be_83 時間: 24/1/2015 12:28 PM 標題: 回復 #45 駿先鋒 的帖子
我睇完第一段就笑左出黎……
作者:
May_Be_83 時間: 24/1/2015 12:29 PM
原帖由
雄心威龍 於 24/1/2015 12:27 PM 發表
原來投訴可以有效果的...
點解個李晉無人收佢檔
可能係有幾個人寫呢個專欄，但係共同用呢個名。
作者:
雄心威龍 時間: 24/1/2015 12:40 PM 標題: 回復 #48 May_Be_83 的帖子
明...有可能只係apple班水軍
btw，要插馬會無問題，有時卡洛斯同方駿暉插的仲好有道理添
但呢個專欄真係極品，係又插唔係又插，講d野唔專業都算仲要文字上誤導讀者 我好期待佢俾人封
作者:
新水星 時間: 24/1/2015 12:41 PM
原帖由
May_Be_83 於 24/1/2015 12:03 PM 發表
係新界東選咪輸得更慘烈……
其實呢類面目模糊、泛民皮但sell建制肉的在新東有一定市場
作者:
駿先鋒 時間: 24/1/2015 12:57 PM
原帖由
雄心威龍 於 24/1/2015 12:27 發表
原來投訴可以有效果的...
點解個李晉無人收佢檔
咁又唔係ge,
佢口講就話投訴, 但事實係唔係咁就得佢同高層知(甚至佢自己都未必知)
再講,
有幾多馬迷會睇完佢個專欄就去特登寫封信俾APPLE
作者:
駿先鋒 時間: 24/1/2015 01:00 PM
原帖由
新水星 於 24/1/2015 10:32 發表
佢眼中只有中共和澳門賽馬會。
可惜d五毛唔會過界撐佢d馬論。
佢係「來自星星的你」黎
泥地1400 G1 係世界賽馬主流,
門將紅牌, 就算有換人名額都唔可以換後備龍
好明顯佢唔係同我地同一個星球的人類
[ 本帖最後由 駿先鋒 於 24/1/2015 01:05 PM 編輯 ]
作者:
May_Be_83 時間: 24/1/2015 05:46 PM 標題: 回復 #51 駿先鋒 的帖子
正常應該唔會寫投訴信嘅，係擺上討論區或者面書公諸同好啫。
作者:
May_Be_83 時間: 24/1/2015 05:47 PM 標題: 回復 #50 新水星 的帖子
但最後都一樣摺埋
作者:
May_Be_83 時間: 24/1/2015 05:52 PM 標題: 回復 #40 poiuy 的帖子
硬膠無極限，真係好撚慘。
作者:
大關刀 時間: 24/1/2015 07:00 PM
之前無乜睇過佢啲文, 爬返舊文.....嘩頂, 見到師姑就唔敢賭咁大, 咁就可以吹一篇
二樓某個有個資深馬主講野好有見地, 又可以寫一篇 (但全文無提過個馬主講乜 )
難怪被人投訴
作者:
雄心威龍 時間: 24/1/2015 07:03 PM
真係唔客氣講句...
隨便搵個RW的師兄去寫都比呢兩條友寫得好N倍
稿費是不可以這樣呃的
作者:
Running 時間: 24/1/2015 07:13 PM
原帖由
駿先鋒 於 24/1/2015 12:57 發表
咁又唔係ge,
佢口講就話投訴, 但事實係唔係咁就得佢同高層知(甚至佢自己都未必知)
再講,
有幾多馬迷會睇完佢個專欄就去特登寫封信俾APPLE
其實......
會有幾多個阿叔睇佢啲文？
作者:
西人堅 時間: 24/1/2015 07:37 PM
消息人士指出
內部人士指出
某馬主/高官/幹部/高層/大袋/XX
輪流配詞配返落去
作者:
雄心威龍 時間: 24/1/2015 07:42 PM
原帖由
Running 於 24/1/2015 07:13 PM 發表
其實......
會有幾多個阿叔睇佢啲文？
其實蘋果有D文章掃下就算...
好似孫柏文，記得以前睇過佢一兩篇寫得不知所謂，以後基本上都無點睇
一般都係追住平叔同積奇幾個睇.李晉呢D就真係得啖笑
作者:
新水星 時間: 29/1/2015 09:02 PM
阿政治家繼續撩交嗌
[iframe]http://hk.apple.nextmedia.com/realtime/racing/20150129/53384882[/iframe]
作者:
Kurofune 時間: 29/1/2015 09:10 PM 標題: 回復 #61 新水星 的帖子
比水星兄你快左一步
見到虛擬馬主4個字 加埋呢度篇文
就有d熟悉感
作者:
Running 時間: 29/1/2015 09:15 PM
即係呢，點解呢班馬主唔聯合起嚟，要求馬會行返舊制去創造佢地所謂嘅馬王？
作者:
富源 時間: 29/1/2015 09:19 PM
同德跑個陣佢幾多歲
作者:
ayaya9992003 時間: 29/1/2015 09:19 PM
百三年前，幾個鬼佬見得閒、有啲馬喺到，又啱啱剷平黃泥涌，就諗不如鬥吓馬。業餘興趣，騎、練、擁有匹馬都係撈埋分分鐘同一人。好快，佢哋發現有啲馬質高，平磅贏硬。咁賽馬係過日晨，贏硬邊度有趣？就有個鬼佬同另一個話：「Why don't we make it interesting？」咁就出現讓磅。而大家想知嘅就係你隻馬要讓人讓到幾多磅先輸？幾interesting呀！仲係唔明，你都係一世養「虛擬馬」啦。
依個故仔真係掂
依篇文真係為打而打 咁都可以出得街真係
好彩我個邊冇咁求其
[ 本帖最後由 ayaya9992003 於 29/1/2015 09:22 PM 編輯 ]
作者:
Running 時間: 29/1/2015 09:21 PM
咁就出現讓磅。而大家想知嘅就係你隻馬要讓人讓到幾多磅先輸？幾interesting呀！
咦，咁點解英愛法主流三歲經典G1要跑平磅？咁嗰啲所謂馬王原來是貶值的！
作者:
雄心威龍 時間: 29/1/2015 09:31 PM
作者:
雄心威龍 時間: 29/1/2015 09:41 PM
認真討論...
跑一哩步步友要讓樂家將幾磅先輸得?
作者:
poiuy 時間: 29/1/2015 09:46 PM
有時真係唔怪得馬會對記者越黎越差.....有D咁既記者我係同行都頂你唔住
睇佢寫野真係唔慌唔 幾interesting呀！
[ 本帖最後由 poiuy 於 29/1/2015 09:47 PM 編輯 ]
作者:
May_Be_83 時間: 29/1/2015 09:46 PM 標題: 回復 #61 新水星 的帖子
唔係點谷人氣啫
作者:
keywinner 時間: 29/1/2015 09:56 PM
講馬王/賽馬貶值果篇略略掃過一次
只可講這位人兄有點兒自負, 睇野唔夠全面, 諗野更加唔夠徹底深入
假如一場馬兩隻馬實力一樣, 負重磅的馬未必一定會輸給負輕磅的馬,
賽馬或會受其他因素而對賽果有所影響
就以平時d人講步速為例
快步速的賽事不等於一定係留力後上的馬會取勝
慢步速的賽事亦不一定係放頭跟前既馬贏
段段快開由頭放到尾既馬亦唔少, 就算放頭馬最後腳軟終點前乏力, 留後既馬力度唔夠追唔到上黎的話, 一樣係放頭既馬先到終點
同樣道理, 就算放頭馬以極慢步速領放, 唔好以為隻馬就一定係留左好多力係最後直路用
步速唔合隻馬, 就算慢步速,隻馬番到黎都一樣會俾後上馬趕過
有d人就總係以偏概全, 就以為果d就係不變的大道理
最新果篇仲衰, 行行字裡好似睇唔起那些虛擬馬主咁, 這麼驕傲的人在擺姿態
作者:
mR.偉 時間: 29/1/2015 10:00 PM
記者朋友，我係mR.偉
你寫d3野真係好interesting.
作者:
CJ. 時間: 29/1/2015 10:02 PM
我講果句比佢quote 左
作者:
tin7tin7 時間: 29/1/2015 10:08 PM
證明哩到人氣唔差
等我打多兩篇博上位先，狗會都有得我做，哈哈哈
作者:
tin7tin7 時間: 29/1/2015 10:09 PM 標題: 回復 #73 CJ. 的帖子
你威水啦，出篇野回你
作者:
光仔 時間: 29/1/2015 10:11 PM
原帖由 <i>tin7tin7</i> 於 29/1/2015 10:08 PM 發表<br />
證明哩到人氣唔差<img src="images/smilies/whistling.gif" smilieid="488" border="0" alt="" /> <br />
<br />
等我打多兩篇博上位先，狗會都有得我做，哈哈哈
<br />
頂，我笑左
作者:
May_Be_83 時間: 29/1/2015 10:14 PM
佢篇文真係好似羅蘭姐咁……
作者:
yuricylau 時間: 29/1/2015 10:17 PM 標題: 回復 #68 雄心威龍 的帖子
所以我咪話...同德「當時」嘅對手係咩先
級數上係咪可以同近代嘅比較?? 根本唔會有答案 更加無可比性
作者:
Running 時間: 29/1/2015 10:19 PM
原帖由
tin7tin7 於 29/1/2015 22:08 發表
證明哩到人氣唔差
等我打多兩篇博上位先，狗會都有得我做，哈哈哈
講講下生果搵埋你寫稿啊
作者:
tin7tin7 時間: 29/1/2015 10:20 PM 標題: 回復 #78 yuricylau 的帖子
你識條春咩
作者:
yuricylau 時間: 29/1/2015 10:20 PM 標題: 回復 #80 tin7tin7 的帖子
咁我收返皮囉
繼續過下馬主癮去也
作者:
Running 時間: 29/1/2015 10:22 PM 標題: 回復 #81 yuricylau 的帖子
算啦我地發下夢兩個月後稱霸杜拜啦
不過好過人地嘅樂家將連個P都冇啦
作者:
tin7tin7 時間: 29/1/2015 10:24 PM 標題: 回復 #81 yuricylau 的帖子
笑鳥
[ 本帖最後由 tin7tin7 於 30/1/2015 06:41 AM 編輯 ]
作者:
yuricylau 時間: 29/1/2015 10:24 PM 標題: 回復 #83 tin7tin7 的帖子
PRICE? (好似係...
作者:
tin7tin7 時間: 29/1/2015 10:27 PM 標題: 回復 #84 yuricylau 的帖子
上台價<br />
<br />
人地澳州試大閘，比税都夠主席host個網成世<br />
<br />
宜家奘金收左幾多？
作者:
yuricylau 時間: 29/1/2015 10:28 PM 標題: 回復 #85 tin7tin7 的帖子
i mean JENNY條仔
作者:
tin7tin7 時間: 29/1/2015 10:29 PM 標題: 回復 #86 yuricylau 的帖子
想知？
你食生果啦
作者:
神風無缺 時間: 29/1/2015 10:29 PM
我想知同意佢個啲馬主係唔係成日無馬贏
咁讓多啲磅佢嘅馬咪有機會囉
講真養馬嘅..有幾多個想隻馬輸?
佢地想睇隻馬贏到幾多(場)
贏到幾遠多過睇下隻馬點先輸卦?
或者有啲馬主係咁嘅..可能佢地養馬贏到無野好贏
啲馬跑親都贏，點跑都贏..但係我又唔覺近年有馬主有啲咁嘅馬喎
講真個句..如果啲馬因為叻就要係"大賽"到讓磅讓到佢要輸咁濟為止..你估個馬主睇落去會好過癮?
就好似你打winning好叻..對手無你咁醒..就要屈你唔比用口制
甚至o, x都唔比用..之後輸左唔通你又會好過癮?
咁當然..弱勢個一方梗係贊成啦..最好就手都唔比用..要用腳黎禁手制添
老老實實..馬主養得馬好多都係想威，想贏多過想「睇隻馬要點先輸」..
你估而家仲係百三年前呀?(我不深究故事真假了)
ps.我唔係虛擬馬主..唔好話錯隔離呀
作者:
CJ. 時間: 29/1/2015 10:47 PM 標題: 回復 #75 tin7tin7 的帖子
完全估唔到係討論區打句野會比蘋果記者出篇新聞回應
我真係唔明點解呢位記者會有咁既思想,為左滿足自己既好奇心,想知隻馬要讓人地讓到幾多磅先輸,就要不斷加重隻馬既負磅,你講得咁口響咪建議馬會每場加步步友10磅,睇下隻馬係要負到150,160,170還是200磅先會輸law,你覺得咁好interesting?我唔覺wo,如果隻馬要負150磅咁慘,我覺得既係心痛,而唔係interesting,再者,跑到1級賽梗係要平磅先公平,世界各地除左澳洲之外都係咁格啦,你要批評香港賽馬會,咁你插埋日本,英國,法國等等啦
P.S.同德果時跑open 都係負126,我真係唔明呢D咩思想,負150磅嬴馬就代表勁過精英大師平磅嬴G1,照呢位記者既邏輯,同德勁過范高爾,同德才是真正皇者,范高爾唔係
[ 本帖最後由 CJ. 於 29/1/2015 10:54 PM 編輯 ]
作者:
tin7tin7 時間: 29/1/2015 10:48 PM
www.pricebloodstock.com/index.php/chinese/horses/in-training/
睇見都傷心
作者:
yuricylau 時間: 29/1/2015 10:53 PM 標題: 回復 #90 tin7tin7 的帖子
原來笑眼光都係呢位仁兄
作者:
Running 時間: 29/1/2015 10:53 PM 標題: 回復 #89 CJ. 的帖子
我心諗：如果呢篇嘢譯成英文，俾啲歐美大馬主 或者 馬會中人睇到，佢地分分鐘笑佢on9怕佢嬲
2000堅尼、打比、聖烈治都玩平磅，但人地咁多個世紀都創造出經典馬王；凱旋門、King Gerorge嘅所謂讓磅，都要分三歲同年長組別，實際上係各自組別都係平磅，人地設立呢類讓磅賽目的只係按年齡去拉返兩者之間嘅成熟程度差距，都冇諗到咁Q複雜。
啊，如果嗰位作者見到呢篇文，請你Quote呢句出嚟：
范高爾未孭過150磅贏G1，點算係馬王啊？
不過，睇怕你連范高爾係邊個都唔知啦！
另外我想回應埋呢度一位版友話佢表達唔好呢個問題，睇埋呢篇嘢，我覺得佢唔係表達唔好，而且由頭到尾都係on9！
[ 本帖最後由 Running 於 29/1/2015 10:56 PM 編輯 ]
作者:
CJ. 時間: 29/1/2015 10:55 PM 標題: 回復 #92 Running 的帖子
我頭先都諗到范高爾,補充埋落去
作者:
tin7tin7 時間: 29/1/2015 10:58 PM 標題: 回復 #91 yuricylau 的帖子
所以成日有飛
作者:
Running 時間: 29/1/2015 10:58 PM
原帖由
CJ. 於 29/1/2015 22:55 發表
我頭先都諗到范高爾,補充埋落去
唔好講范高爾啦，力博、秘書處、識價、勇舞、臨泰萊、天文學家、海都之星等等等等，全部都未孭過150磅贏G1，又點算得係馬王啊？
[ 本帖最後由 Running 於 29/1/2015 10:59 PM 編輯 ]
作者:
keywinner 時間: 29/1/2015 11:00 PM 標題: 回復 #89 CJ. 的帖子
佢d文章好明顯唔係俾普通一般讀者觀看, 一開始就話有位馬主稱讚他的文章寫得好, 然後又用普通讀者做例子作比較
好明顯佢係想將馬主的心聲作又好, 真事又好, 寫出黎, 目的就要搏換取馬主們歡心, 引起那些所謂要get又要share既馬主的共鳴
文章內容寫得好唔好唔係重點, 無傷大雅
最重要一點係唔好講到那些馬主們就總係高尚d咁, 有d道理虛擬馬主就一世都唔會明白咁
就如人咪就係人lor, 點解係要將中國or香港 加起人前面來制造紛爭矛盾呢
仲用舊思想套用係現今馬壇
[ 本帖最後由 keywinner 於 29/1/2015 11:07 PM 編輯 ]
作者:
yuricylau 時間: 29/1/2015 11:03 PM 標題: 回復 #95 Running 的帖子
美帝一樣有讓磅G1...但認受性始終比唔上平磅G1(至少我係咁覺得
作者:
新水星 時間: 29/1/2015 11:05 PM
原帖由
yuricylau 於 29/1/2015 11:03 PM 發表
美帝一樣有讓磅G1...但認受性始終比唔上平磅G1(至少我係咁覺得
美帝最重磅果場handicap級際，個頂都只不過係140鬆d
g1更是很少見過百三
作者:
CJ. 時間: 29/1/2015 11:06 PM 標題: 回復 #95 Running 的帖子
我地要用皇者呢個term, 如果唔係又會比果位記者出新聞回應話:虛擬馬主依然唔明我講咩,我冇話過范高爾唔係馬王,只不過係馬王既含金量低,並唔係真正皇者,同德負150磅嬴馬才是真正既皇者
作者:
小野伸二 時間: 29/1/2015 11:06 PM
抵佢本港股策略王出幾多期蝕幾多期
個人原來無腦到咁
作者:
雄心威龍 時間: 29/1/2015 11:06 PM
原帖由
CJ. 於 29/1/2015 10:02 PM 發表
我講果句比佢quote 左
孫生係資深評馬人，你唔應該咁樣講佢
以後醒定D
作者:
雄心威龍 時間: 29/1/2015 11:08 PM
原帖由
tin7tin7 於 29/1/2015 10:08 PM 發表
證明哩到人氣唔差
等我打多兩篇博上位先，狗會都有得我做，哈哈哈
狗咩會，明明係香港賽馬會
小心人地quote你
作者:
yuricylau 時間: 29/1/2015 11:08 PM
原帖由
小野伸二 於 29/1/2015 11:06 PM 發表
抵佢本港股策略王出幾多期蝕幾多期
個人原來無腦到咁
小心佢QUOTE你...話你攻擊佢呀
作者:
新水星 時間: 29/1/2015 11:10 PM
原帖由
雄心威龍 於 29/1/2015 11:08 PM 發表
狗咩會，明明係香港賽馬會
小心人地quote你
去逸園玩狗，抵過政治家先生花咁多錢9up。
作者:
雄心威龍 時間: 29/1/2015 11:11 PM 標題: 回復 #103 yuricylau 的帖子
孫生我偶像黎，你唔可以咁對佢
作者:
雄心威龍 時間: 29/1/2015 11:12 PM 標題: 回復 #104 新水星 的帖子
作者:
tin7tin7 時間: 29/1/2015 11:12 PM 標題: 回復 #102 雄心威龍 的帖子
清遠赛狗總會
我所講都是狗會，狗名
師兄，我無話係香港賽馬會
作者:
雄心威龍 時間: 29/1/2015 11:13 PM 標題: 回復 #107 tin7tin7 的帖子
師弟我會錯意，對唔住
作者:
小野伸二 時間: 29/1/2015 11:14 PM 標題: 回復 #103 yuricylau 的帖子
呢單野全行都知，作為行內人既我都係講事實
以為掟幾廿萬落黎可以捧自己上天
真係笑大人個口...
佢以前算係有才智有好際遇...
但而家d行為就真係只能用低智黎形容
作者:
小野伸二 時間: 29/1/2015 11:22 PM
講番正題，其實成件事好無聊同一字咁淺
以前係以前，而家係而家，根本無可能去做比較
好似呢度以前有位E路E會員成日開投票話邊隻馬會係世紀馬王咁
實際上全部都係個人觀感，無同場跑過根本無得比
就算有同場跑過，輸左個邊既支持者都有無限個理由去辯護
例子，Harp Star
明既就會明
作者:
leongsing123 時間: 29/1/2015 11:32 PM
本來冇咩點留意呢個post 見到過左成個禮拜都未沉就追下post
追完先知原來呢個論壇都幾出名
作者:
雄心威龍 時間: 29/1/2015 11:33 PM 標題: 回復 #110 小野伸二 的帖子
我都講番正題...
其實鍾意一隻馬好多說話都好主觀...每個人心中都有自己認為最勁的馬
可能孫生生活在同德的年代，親身見證過同德點樣用高難度同高姿態橫掃對手
鍾意同德，咁佢點都可以搵到某D理由講佢勁過精英大師
如果真真切切要比較兩隻馬的高低，贏取級際賽的數目、贏D咩對手、是否有同場較量過都要考慮到.
但孫生個邏輯真係好難令人信服，用四個字形容就係：
「冠冕堂皇」
奉勸孫生一句...每個言論都會有正面同負面評價，你咁樣出文聲討異己，只會越抹越黑而已
作者:
小野伸二 時間: 29/1/2015 11:35 PM 標題: 回復 #112 雄心威龍 的帖子
佢講同德篇野一出我已經睇過，我唔同意但尊重佢既講法
而家唔喜歡佢利用自己專欄黎串番d同佢持異見既人咋
作者:
雄心威龍 時間: 29/1/2015 11:38 PM 標題: 回復 #113 小野伸二 的帖子
其實報刊隔空對罵都有...
比如蘋果個董佳同梁定華：
http://racingworld.no-ip.org/vie ... 8435&highlight=
作者:
小野伸二 時間: 29/1/2015 11:43 PM 標題: 回復 #114 雄心威龍 的帖子
咁個d係私人恩怨，而且有平台俾佢地玩嘛
而家佢擺到明係撩交嗌之餘，恃住自己有個欄，有班有錢朋友就大聲d..
咁同d土豪有咩分別..
作者:
雄心威龍 時間: 29/1/2015 11:46 PM 標題: 回復 #115 小野伸二 的帖子
係,所以抵佢俾人鬧
作者:
李澤楷 時間: 29/1/2015 11:53 PM 標題: 回復 #100 小野伸二 的帖子
佢勁D定係沈大師勁D?
作者:
李澤楷 時間: 29/1/2015 11:55 PM
樂家將」外地馬名NIMZOWITSCH，在澳洲由史武頓(Robert Smerton)訓練，曾試閘2次。
2013年8月12日，出試左轉800米，跑第4名。2013年8月26日，出試左轉990米，跑第7名。
評語及展望: 「樂家將」父系DANE SHADOW出賽成就一般，但由於其母SLIGHT CHANCE曾六勝一級賽，故提升了DANE SHADOW的配種價值，但此父系的配種成績暫時僅屬一般。
「樂家將」母系同屬短途血緣，預期牠會是一匹短途賽駒。「樂家將」在澳洲試閘表現一般，而且腳法仍甚稚嫩，仍有很多改善之處，故此對於其前景，宜先觀望。
..............
同父馬係香港都叫做贏過馬既.
作者:
李澤楷 時間: 29/1/2015 11:57 PM
虛擬馬主....
樂家將 ------
連虛擬遊戲都無人買你果隻馬
作者:
雄心威龍 時間: 30/1/2015 12:03 AM 標題: 回復 #119 李澤楷 的帖子
有
作者:
yuricylau 時間: 30/1/2015 12:04 AM 標題: 回復 #120 雄心威龍 的帖子
作者:
光仔 時間: 30/1/2015 12:17 AM
原帖由 <i>yuricylau</i> 於 30/1/2015 12:04 AM 發表<br />
<img src="images/smilies/sm20.gif" smilieid="477" border="0" alt="" /> <img src="images/smilies/sm20.gif" smilieid="477" border="0" alt="" /> <img src="images/smilies/sm20.gif" smilieid="477" border="0" alt="" /> <img src="images/smilies/sm20.gif" smilieid="477" border="0" alt="" /> <img src="images/smilies/sm20.gif" smilieid="477" border="0" alt="" />
<br />
你大佬
作者:
大關刀 時間: 30/1/2015 12:20 AM
原帖由
李澤楷 於 29/1/2015 11:57 PM 發表
虛擬馬主....
樂家將 ------
連虛擬遊戲都無人買你果隻馬
有無勇士開來玩下?
作者:
新水星 時間: 30/1/2015 12:21 AM
原帖由
大關刀 於 30/1/2015 12:20 AM 發表
有無勇士開來玩下?
骨裂
作者:
雄心威龍 時間: 30/1/2015 12:22 AM 標題: 回復 #123 大關刀 的帖子
諗得過
其實隻馬有且只有一次追得幾好
作者:
小野伸二 時間: 30/1/2015 12:39 AM 標題: 回復 #117 李澤楷 的帖子
沈大師係唔憂做同少少串姐...
佢40歲都未到就已經串柒柒...都唔知仲可以威幾多年
作者:
新水星 時間: 30/1/2015 12:45 AM
原帖由 小野伸二 於 30/1/2015 12:39 AM 發表
沈大師係唔憂做同少少串姐...
佢40歲都未到就已經串柒柒...都唔知仲可以威幾多年
威到冇被利用價值為止
(佢廿幾歲果時已經係咁又串又柒)
作者:
小野伸二 時間: 30/1/2015 12:51 AM 標題: 回復 #127 新水星 的帖子
少年得志...之後唔講啦~
作者:
西人堅 時間: 30/1/2015 03:42 AM
都唔好話陣上 3 0 啦.....連試閘都試成咁.....D 評語
http://www.hkjc.com/chinese/raci ... tHorse_BrandNo=S202
係咪阿高尚評馬人自己出策 壓親隻馬
作者:
西人堅 時間: 30/1/2015 03:50 AM
原帖由 小野伸二 於 29/1/2015 11:35 PM 發表
佢講同德篇野一出我已經睇過，我唔同意但尊重佢既講法
而家唔喜歡佢利用自己專欄黎串番d同佢持異見既人咋
串咪串 LOR.....係串 GE 咪直接話 QUOTE 網友言論 LOR
D 狗屎媒體好興 GE
仲要咁單打
股我唔評論...不過馬要串就唔該自己隻馬先...............
山高假假地都係第1屆百萬金 WINNER 先
夾著隻咁 GE 馬.....真係好叻叻啊
我同人夾隻木馬一齊 HIGH 好過啦
作者:
poiuy 時間: 30/1/2015 04:44 AM
原帖由
西人堅 於 30/1/2015 03:50 AM 發表
串咪串 LOR.....係串 GE 咪直接話 QUOTE 網友言論 LOR
D 狗屎媒體好興 GE
仲要咁單打
股我唔評論...不過馬要串就唔該自己隻馬先...............
山高假假地都係第1屆百萬金 WINNER 先
...
買隻馬 水皮又真係唔係罪呀,,佢篇野先真係
講到自己咁有power咁多支持咪聯署叫馬會用返舊制,,等步步友負夠200磅,,贏左睇下馬主同摸摸頭會"覺得好interesting 丫,,下次負夠250磅,,又可以令香港賽馬蓬勃D"個機率高d,,定係暗地買起佢個c 眼機率高d
作者:
May_Be_83 時間: 30/1/2015 07:39 AM 標題: 回復 #123 大關刀 的帖子
係咪要等到聖氣凌雲最低分數先出手？
作者:
Running 時間: 30/1/2015 07:58 AM
原帖由 <i>May_Be_83</i> 於 30/1/2015 07:39 發表<br />
係咪要等到聖氣凌雲最低分數先出手？<img src="images/smilies/w00t2.gif" smilieid="487" border="0" alt="" />
<br />
唔唔
如果到時係0M成交，我都唔知點批
作者:
李澤楷 時間: 30/1/2015 11:22 AM 標題: 回復 #133 Running 的帖子
以前玩大宇公司隻大富翁2/3.
你有福神咭咪可以有機會買地免費,佢果隻好大機會變成買馬免費
作者:
大關刀 時間: 30/1/2015 12:49 PM
沈集成爆倉 唔知會掃走邊隻呢?
作者:
魚仔餅 時間: 30/1/2015 01:39 PM 標題: 回復 #135 大關刀 的帖子
樂家將傷得咁重
作者:
西人堅 時間: 30/1/2015 02:05 PM
原帖由
poiuy 於 30/1/2015 04:44 AM 發表
買隻馬 水皮又真係唔係罪呀,,佢篇野先真係
講到自己咁有power咁多支持咪聯署叫馬會用返舊制,,等步步友負夠200磅,,贏左睇下馬主同摸摸頭會"覺得好interesting 丫,,下次負夠250磅,,又可以令香港賽馬 ...
大家都係笑同一樣野
要串要沙塵 ma 就唔該真係有咁 ge 料先好串
(幾好啊, 越串越多笑料睇 )
作者:
西人堅 時間: 30/1/2015 02:44 PM
原帖由
新水星 於 30/1/2015 12:45 AM 發表
威到冇被利用價值為止
(佢廿幾歲果時已經係咁又串又柒
)
o岩數啦, 仲有下隻馬的話 就改名做又串又柒
作者:
小武士 時間: 30/1/2015 06:42 PM
孫生 我係小武士
我覺得你講既野充滿道理呀
如果係對住D 5歲小朋友講
作者:
小武士 時間: 30/1/2015 06:47 PM
點解宜家D人寫專欄可以咁小器 方丈呀
作者:
布宜學 時間: 30/1/2015 07:03 PM
原帖由
May_Be_83 於 30/1/2015 07:39 發表
係咪要等到聖氣凌雲最低分數先出手？
評語及展望: 「聖氣凌雲」父系FOOTSTEPSINTHESAND，同父兄弟有「滿綵」剛於國泰航空馬會盃力戰獲亞，是一個在本港漸入佳境的種氏；而「聖氣凌雲」本身外形受母系影響，此下線成功率高，家族成員主要在南美洲國家出賽，而且經常在級際賽及泥地賽事交出好成績，其母FEE DES BOIS亦曾於兩歲時贏馬，故預期「聖氣凌雲」除了偏早熟之外，亦會擅跑泥地。
作者:
Running 時間: 30/1/2015 07:05 PM
原帖由
小武士 於 30/1/2015 18:42 發表
孫生 我係小武士
我覺得你講既野充滿道理呀
如果係對住D 5歲小朋友講
有個5歲嘅小朋友同我講，話而家啲馬王唔夠以前咁勁
作者:
taxi2003 時間: 30/1/2015 07:10 PM 標題: 回復 #141 布宜學 的帖子
早熟擅泥，冇話佢質素點喎
作者:
雄心威龍 時間: 31/1/2015 01:56 PM
原帖由
小野伸二 於 29/1/2015 11:06 PM 發表
抵佢本港股策略王出幾多期蝕幾多期
個人原來無腦到咁
作者:
魚仔餅 時間: 31/1/2015 02:06 PM 標題: 回復 #144 雄心威龍 的帖子
港股策略王曾經係亞視賣過廣告
作者:
西人堅 時間: 31/1/2015 03:52 PM
E......呢本好野黎
PS 高手 WOR
修圖修很大
(入面 D 貼士就大家心照啦 )
作者:
光仔 時間: 8/2/2015 11:10 PM
賽馬長遠的隱憂，過去幾個禮拜孫柏文不斷強調，賽馬呢門運動要成功，首先一定係令參與賽馬嘅人感覺到開心。其他所有你想見到嘅結果，例如停止香港後生仔女不再理會賽馬、提高馬匹質素、吸引投注額等，只要你take care啲參與賽馬嘅人，就會無心插柳柳成蔭。
參與賽馬嘅人群當中，一百三十年前開始至1975年，理論上都係騎、練、擁有馬匹都可包辦在身嘅會員。而喺轉職業化之後，騎師、練馬師都係受聘，會員直接參與賽馬運動嘅方法就係成為馬主。呢群成百上千嘅馬主群，當感覺到受尊重，就會自自然然成為賽馬最有效嘅傳教士。因為佢哋能養馬嘅呢件事，就成為全港後生馬迷嘅aspiration抱負。
過去幾個禮拜，我不斷同「買點數卡做虛擬馬主」嘅網友隔空開火。呢日，我要同佢哋講，我都曾經有好多張G1 Leading Sire遊戲嘅磁力卡，雖然本是同根生，我都要繼續鬧嘅原因，係因為唔止係this city is dying。香港賽馬繼續流失新血，會有長遠存亡危機(existential crisis)。唔信？問馬會冇用，不如你問吓例如做賽馬節目嘅電視台，佢哋觀眾平均年齡趨勢係點？
我自己覺得，近三十年全球最佳騎師就係戴圖理，當年佢畢業成師傅冇耐，差啲簽咗做吳定強馬房嘅主帥。不過因喺倫敦街頭被發現身上有軟性毒品，所以之後冇來。 即係點？有次我解釋俾啲後生聽：「情況有如2009年，C朗離開曼聯時，居然會來香港！」佢哋話：「吓？幫南華踢？」我要再話：「No！係C朗想簽和富大埔呀！」How far have we fallen？How much further do we have to fall？你急？我都係呀。
作者:
yuricylau 時間: 8/2/2015 11:11 PM
作者:
西人堅 時間: 8/2/2015 11:26 PM
真係陰功豬, 為左些少 毒果稿費...........
作者:
活力先生 時間: 9/2/2015 12:19 AM
我覺得孫柏文同蕭若元和方丈一樣，都係好小氣。
作者:
雄心威龍 時間: 9/2/2015 12:38 AM
阿酸生，廢話我就不多說
對你呢種人，我只送你一個表情
作者:
小武士 時間: 9/2/2015 03:29 AM
呀孫生 問題係
我完全唔覺得你鬧緊我呀 因為我覺得你做笑匠真係好好笑
同埋孫生 我明白唔同年齡階層 唔清楚另一階層既潮流/思想 係好正常既事
但係你都唔好拎d傻仔理論出黎啦
邊個傻仔話你知新血得好少呀?
btw 有無人可以翻譯俾我聽 「流失新血」既意思係乜?
同埋呢 幾時有人會話佢知 點數卡呢個問題
我笑到gap gap聲
[ 本帖最後由 小武士 於 9/2/2015 03:35 AM 編輯 ]
作者:
新水星 時間: 9/2/2015 05:32 AM
哎唷唷，政治家你嬲嬲豬啊。
我們就是喜歡恥笑那些錯誤百出的自大狂啊。
作者:
taxi2003 時間: 9/2/2015 09:05 AM
仲小氣過方丈
作者:
大關刀 時間: 9/2/2015 10:15 AM
後生馬迷 aspire 做馬主?
唔好玩啦 而家唔係八九十年代
後生仔肯捱就有機會做億萬富豪嘅年代啦
而家啲後生仔能夠做馬主嘅原因只得一個, 就係上一代有錢
作者:
大關刀 時間: 9/2/2015 10:16 AM
我真係想知馬主群點樣同普羅大眾傳教
大家生活嘅世界差天共地
作者:
富源 時間: 9/2/2015 03:39 PM
自我感覺良好呢方面係幾有香港政治家風範
作者:
May_Be_83 時間: 12/3/2015 09:14 PM
http://hk.apple.nextmedia.com/realtime/racing/20150312/53524340
作者:
新水星 時間: 12/3/2015 09:21 PM
冇得燈馬係膠D。
作者:
JerryMa1989 時間: 27/3/2015 12:30 AM
[iframe]http://hk.apple.nextmedia.com/realtime/racing/20150326/53571793[/iframe]
作者:
小野伸二 時間: 27/3/2015 12:34 AM
咁神性嘅任務
首先，一路通咪又係自己匿埋屈安田紀念
第二，咁好好計贏左美國G1係咪馬王先?
杜拜賽事水準咁高，年年都淨係跑兩三個月，D PK主教，非州傳說唔出去跑唔通就唔勁?
作者:
yuricylau 時間: 27/3/2015 12:37 AM
呢篇...感覺算好....
作者:
yinho 時間: 27/3/2015 12:39 AM
呢篇係唔差既 但步步友肯定唔出去??
作者:
timothyhin 時間: 27/3/2015 02:10 AM 標題: 回復 #161 小野伸二 的帖子
好好計真係馬王
作者:
新水星 時間: 27/3/2015 02:48 AM
點解唔提royal ascot的邀請?
作者:
ayaya9992003 時間: 27/3/2015 04:15 AM
有D觀點我BUY佢 國際評分 XX排名一向都係睇完就算架啦 毫無參考價值
第二點 賽事水準 歷史同之後配種問題
作者:
西人堅 時間: 27/3/2015 09:09 AM
馬會 marketing 好唔好 同 阿葡萄酸低唔低能係兩回事
馬會 marketing 比到位佢入 唔代表佢唔係酸同低能
作者:
西人堅 時間: 27/3/2015 09:19 AM
原帖由 yuricylau 於 27/3/2015 12:37 AM 發表
呢篇...感覺算好....
佢純粹係搵 d 係人都知有問題 ge 野黎開頭洗底
等人以為後面係 o岩
毒果飛機文 d 格式經常都係咁
一開始例鬧 689 鬧共產黨 跟住後面就 9up, 用前面黎 fake 人
閹馬黎架.....去跑 d 得配種價值做乜春
贏左係咪會駁返條 j 比佢
同埋 diu Frankel 夠冇離開過英國跑啦 佢冇去過美國唔係馬王啊
[ 本帖最後由 西人堅 於 27/3/2015 12:44 PM 編輯 ]
作者:
雄心威龍 時間: 27/3/2015 09:25 AM
apple不如考慮下我喇
我要求唔高，稿費俾我三成都得
實寫得比呢條友好睇過百倍
作者:
CJ. 時間: 28/3/2015 12:11 AM 標題: 回復 #168 西人堅 的帖子
呢次我覺得佢講得唔係冇道理,同埋佢冇話過1定要去美國,佢只係以美國作為1個例子
至於Frankel,英國既一哩大賽已經公認係世界上最高水準之一,當然唔洗走去人地國家跑,但香港一哩錦標唔同,仲有佢唔係話要做世界一哩王就一定要出去美國,英國跑,佢想指出既係如果真係想香港一哩錦標係世界最強,就搵香港一哩錦標既冠,/亞軍去美國/英國跑,嬴左咪代表香港一哩錦標既水準乃世上最強,咁香港一哩馬之後就再冇需要遠征證明實力,因為已經證明左香港一哩錦標既水準乃世上最強
btw,蘋果d文出街前做下校對先啦,"咁神性嘅任務"都可以出得街...
作者:
西人堅 時間: 28/3/2015 12:22 AM 標題: 回復 #170 CJ. 的帖子
最大問題 超簡單
因為係依家我地跑到火紅火綠,
人地抖緊冬冇賽事 都冇分可計, 唔應該拿來 J 姐
國際評分雖然大家都明咩料
但評 Frankel , Just A Way 定 步步友 起碼都係同一機構黎 wor (冇記錯 ge 話)
比起 某"馬王" ge 馬主就.....
不過 阿政治家就 up 一大春野 其實冇關係又一味死酸姐
就係標準毒果文.....先前面叫 689 衰 共產黨衰, 後再面夾硬塞一堆野落去
[ 本帖最後由 西人堅 於 28/3/2015 12:24 AM 編輯 ]
作者:
antony_fai 時間: 28/3/2015 12:49 AM
最好可以搵個中立場跑返場,咁就正啦
作者:
雄心威龍 時間: 10/4/2015 01:52 AM
戰利品係平馬？？
阿孫生，人地謙詞咋，你當真？
作者:
駿先鋒 時間: 5/6/2015 04:59 PM
蘋 馬 人 ： 騎 師 王 改 例 保 障 馬 迷
上 周 泥 地 夜 馬 ， 莫 雷 拉 在 跑 畢 頭 場 賽 事 後 因 傷 退 出 ， 騎 師 王 大 熱 門 首 次 在 開 跑 後 退 出 ， 但 一 早 投 注 雷 神 封 王 的 注 項 繼 續 生 效 ， 騎 師 王 的 退 出 條 款 再 次 成 為 爭 議 話 題 。 有 馬 迷 認 為 馬 會 依 據 條 款 辦 事 合 情 合 理 ， 也 有 馬 迷 不 滿 馬 會 搵 笨 、 怨 聲 載 道 。
有 批 評 指 馬 會 在 宣 佈 雷 神 未 能 繼 續 策 騎 後 ， 仍 繼 續 就 雷 神 封 王 一 項 受 注 ， 並 將 賠 率 定 為 大 冷 的 5 , 0 0 0 倍 ， 做 法 令 人 反 感 。 不 過 ， 在 跑 畢 第 一 場 後 ， 若 剩 餘 七 場 賽 事 均 由 不 同 騎 師 勝 出 ， 有 贏 馬 的 騎 師 又 未 有 跑 入 位 置 等 情 況 配 合 ， 數 字 上 騎 師 王 確 有 可 能 由 八 位 不 同 的 騎 師 平 分 ， 雷 神 確 仍 有 機 會 封 王 。 當 然 機 會 非 常 渺 茫 ， 但 只 要 有 機 會 有 人 中 彩 ， 馬 會 即 不 能 不 受 注 。
不 過 ， 馬 會 沒 有 做 錯 卻 不 等 於 沒 有 檢 討 改 善 的 空 間 ， 即 使 騎 師 王 大 熱 門 中 途 退 出 只 偶 爾 發 生 ， 一 季 也 必 有 一 次 ， 但 馬 迷 既 已 表 達 強 烈 關 注 ， 馬 會 也 該 想 想 如 何 令 這 彩 池 更 加 完 善 。
或 許 馬 會 不 懂 投 注 人 的 心 態 ， 投 注 了 雷 神 封 王 的 馬 迷 ， 最 不 滿 是 仿 如 未 全 程 參 與 ， 已 被 判 輸 掉 注 項 ， 加 上 換 人 後 的 雷 神 原 有 座 騎 ， 相 繼 交 出 表 現 ， 由 贏 錢 變 了 輸 錢 。 在 現 時 更 換 騎 師 不 計 分 數 的 規 定 下 ， 投 注 雷 神 等 同 早 早 已 被 判 輸 ， 完 全 未 投 入 過 ， 確 令 人 不 是 味 兒 。
尤 記 得 騎 師 王 推 出 初 期 的 安 排 ， 更 換 騎 師 是 將 分 數 算 到 該 名 後 補 騎 師 身 上 ， 但 馬 會 在 這 個 機 制 下 曾 蒙 受 損 失 ， 才 急 急 改 例 變 為 不 計 分 數 。 已 有 評 馬 人 建 議 ， 若 更 換 騎 師 的 馬 匹 錄 得 分 數 ， 計 算 在 已 退 出 的 騎 師 身 上 ， 如 這 次 雷 神 退 出 ， 投 注 他 封 王 的 馬 迷 仍 然 中 彩 。 當 然 ， 有 馬 迷 或 認 為 ， 若 雷 神 或 潘 頓 等 高 手 退 出 ， 更 換 的 騎 師 級 數 不 能 相 提 並 論 ， 同 樣 影 響 原 來 的 投 注 人 利 益 ， 這 個 指 控 絕 對 合 理 ， 但 現 實 有 時 不 能 做 到 十 全 十 美 ， 退 而 求 其 次 ， 將 騎 師 王 條 例 改 得 較 現 時 完 善 ， 投 注 人 也 可 獲 得 較 大 程 度 的 保 障 。
http://hk.racing.nextmedia.com/a ... amp;tt_cat=15286386
一、標題
即是咁, 騎師王係馬會做莊同馬迷對賭,
請問邊一個莊家唔係保障自己?
開圍骰大小通吃, 唔通又係莊家唔保障賭仔?
而家馬會算係平衡到已經算係咁
二、舉例拎首名入球同神射手黎講, 唔通美斯踢左一分鐘傷出換柏圖入黎, 唔通柏圖入波計落美斯度咩?
(我舉例而已, 無意針對美斯 )
成篇野講到尾就係 「騎師王改例保障『投注雷神』馬迷」，
那邊個來保障投注其他選擇的馬迷?
三、雷神退出後, 如果餘下場次全由雷神原坐騎勝出,
而同時冇騎師拎多過12分,
5000倍騎師王就袋袋平安了
作者寫稿前有列晒所有機會率嗎?
難道機會渺茫就要neglect?
四、作者自己都話機會渺茫, 咁機會渺茫就自然開得冷,
但又引述「 將 賠 率 定 為 大 冷 的 5 , 0 0 0 倍 ， 做 法 令 人 反 感 。」
我真係R爆頭都諗唔明作者想表達甚麼
五、題外話, 西神每次賽事大部分坐騎都係機會馬，
有時8場有成6場大熱，但騎師王熱到1.4-1.5，都叫做有分頭，
唔通真係冇風險咩? 真係當馬會開善堂？
作者:
taxi2003 時間: 5/6/2015 05:55 PM 標題: 回復 #174 駿先鋒 的帖子
輸打贏要嘛
遲下可能10幾蚊跑跑下比人打矛波夾輸左都嘈退飛架啦
作者:
雄心威龍 時間: 5/6/2015 06:11 PM 標題: 回復 #174 駿先鋒 的帖子
原來條友又搵到料插馬會...
賭馬本身就有風險，條友咁都有得拗
作者:
西人堅 時間: 5/6/2015 07:33 PM 標題: 回復 #175 taxi2003 的帖子
標準 毒果 為反而反 狗屁文
作者:
駿先鋒 時間: 6/6/2015 12:14 AM 標題: 回復 #176 雄心威龍 的帖子
其實keep 住都有，
早輪就有一篇
作者:
駿先鋒 時間: 6/6/2015 09:13 AM
原帖由
西人堅 於 5/6/2015 19:33 發表
標準 毒果 為反而反 狗屁文
近期梁定華個專欄都多左好多為反而反
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |