賽馬世界 - Powered by Discuz! Board

標題: 如何去日本欣賞賽馬(關東篇)(請問版主可否把此文長期置頂) [打印本頁]

作者: 活力先生 時間: 14/6/2015 03:10 AM 標題: 如何去日本欣賞賽馬(關東篇)(請問版主可否把此文長期置頂)

如何去日本欣賞賽馬(關東篇)

      近年日元持續下調，極有機會走到六算大關，因此近年香港人是遊日旅行是首選，而日本賽馬可以說是亞州第一，極多馬迷希望可以到日本競馬場朝聖，因此本人寫下此文，教大家如何到日本看賽馬。

      日本主要的大賽，以關東來說，主要是在東京和中山競馬場(本文主力先講關東)，其中東京可以說是一級賽的重鎮，而中山只有三場一級賽(皐月賞、短途馬錦標、有馬記念)，個人提議不要去欣賞有馬記念，不是賽事級數問題，而是因為有馬記念舉行接近聖誕，酒店和機票都是十分昂貴。因此我不提議大家去看有馬記念。而其他日本重要大賽都是在旅遊淡季舉行，我假設大家一個人去，4000元機票和酒店一定可以搞掂晒所有的野，如果大家有旅伴，隨時2500元至3500元都可以搞掂。

      由於中山和東京兩個馬場都是在市區上偏遠的地方，因此大家要預1小時坐車，如果大家去睇跑馬，強烈提議大家住在新宿或接近新宿的山手線車站，因為大部分馬場都是由新宿去最接近，而去東京大部分市區旅遊景點，都是由新宿去最接近，因此絕對提議大家住在新宿或接近新宿的山手線車站。

      先講去東京競馬場，要在新宿坐京王線，要注意的是JR和京王線是由兩間不同的營運商，因此如果大家要其他點去新宿，要先在新宿出閘，再到新宿京王線前購票，先坐車到東府中，平時準特急和特急列車不停東府中站，但賽馬日卻例外，看到準特急和特急列車都可以上車。提議大家最少都要坐區間急行或急行列車，因為坐快速和各停列車，要多停很多車站，大家最少要多用成1小時才到馬場。到達東府中轉車，坐一個站到府中競馬正門前下車，該站的設計有點香港的馬場站，一下車就可以直接行到東京競馬場。

      而中山競馬場，就全程都是坐JR，先到新宿坐JR總武線到西船橋站，再在西船橋轉JR武藏野線到船橋法典站，有一個出口是中山競馬場專用出口，行10分鐘就可以到中山競馬場。

      到馬場前，提議大家先到便利店或車站報紙檔買份馬經，百多YEN的是綜合體育報資料不是最詳情，要買就買500YEN的馬經，等同香港的專業、職業、節節領先。

      個人提議，如果不是第一次到馬場，提議12:00左右先至到馬場，雖然10:00左右已經由賽事舉行，但只是舉行一些未勝利賽，未勝利賽的水準大約只值5班左右(當然間唔中會有怪獸參加未勝利賽嬴出)，而12:00左右就開始有新馬賽舉行，日本的新馬賽絕對是馬王搖籃賽，所以值得觀看。而當日的主題賽事，大部分都是在當地時間15:40舉行。

      如果大家是第一次到馬場，提提大家馬場會在9:00開門，大家可以早點到馬場行下個馬場，入到馬場，如果當日有G1，先到馬場拿本場刊，該本場刊刊登了當日賽馬的排位和介紹當日主題賽事的歷史和歷代優勝馬，此本場刊有收藏價值，很多時我都會一次過拿10多本到香港送俾我的賽馬朋友。拿完場刊大家可以先到馬場的博物館參觀和精品店購物，之後先至慢慢博殺。

      最後，我絕對覺得大家要留番個肚，在馬場的小食店食物，大把野食，好多日式小食如章魚燒，炒面，牛肉串，烏冬，天婦羅，食個炒面都係300YEN，真係好過沙田馬場好多好多。

[ 本帖最後由活力先生於 14/6/2015 01:29 PM 編輯 ]

作者: 小野伸二 時間: 14/6/2015 03:43 AM

很多時我都會一次過拿10多本到香港送俾我的賽馬朋友。

唔怪之得我上年女皇杯，日本杯同今年打比都拎唔到啦!

原來就係俾你呢D手信黨拎哂

作者: 春田花花幼稚園 時間: 14/6/2015 03:47 AM 標題: 回復 #2 小野伸二的帖子

小野長住日本

作者: 小野伸二 時間: 14/6/2015 03:51 AM 標題: 回復 #3 春田花花幼稚園的帖子

得閒無事要清Annual Leave個陣去睇下d大賽咋

點知次次都俾人拎哂d場刊

作者: 春田花花幼稚園 時間: 14/6/2015 07:17 AM 標題: 回復 #4 小野伸二的帖子

大把馬經啦

作者: tin7tin7 時間: 14/6/2015 07:21 AM 標題: 回復 #4 小野伸二的帖子

幾年前打比，日本杯，有馬，兩點入都仲有大把場刊

咁攪遲早收錢

作者: 光輝深處 時間: 14/6/2015 08:58 AM

QUOTE:

原帖由春田花花幼稚園於 14/6/2015 07:17 AM 發表
大把馬經啦

場刊記念價值馬經代替唔到

作者: 馬佳善 時間: 14/6/2015 11:48 AM

香港馬會嘅場刊有官方PDF可以DL同列印
日本呢

作者: 冼馬田 時間: 14/6/2015 11:55 AM

QUOTE:

原帖由 馬佳善 於 14/6/2015 11:48 AM 發表 
香港馬會嘅場刊有官方PDF可以DL同列印 
日本呢<img src="images/smilies/sm22.gif" smilieid="479" border="0" alt="" />

係逢星期二、五都會係公司PRINT一份

作者: 小野伸二 時間: 14/6/2015 12:02 PM 標題: 回復 #6 tin7tin7 的帖子

我已經係十點零入去

作者: tin7tin7 時間: 14/6/2015 05:02 PM 標題: 回復 #10 小野伸二的帖子

有冇咁浮誇

10點都無

咁你搭車未月台都出/入唔到?

作者: 小野伸二 時間: 14/6/2015 05:09 PM 標題: 回復 #11 tin7tin7 的帖子

女皇杯個次係拎到既

日本杯同打比都係10萬同11萬人入場，淨係買飛都俾人夾到飛起

作者: tin7tin7 時間: 14/6/2015 05:11 PM 標題: 回復 #12 小野伸二的帖子

我幾次都係八萬鬆小小

二月杯小到飛起

結論: 你黑仔

作者: 活力先生 時間: 15/6/2015 05:02 PM

QUOTE:

原帖由 小野伸二 於 14/6/2015 05:09 PM 發表
女皇杯個次係拎到既

日本杯同打比都係10萬同11萬人入場，淨係買飛都俾人夾到飛起

你係外國人可以去COUNTER拿的，不過是英文版.............

作者: 小野伸二 時間: 16/6/2015 12:36 PM 標題: 回復 #14 活力先生的帖子

英文版調番轉頭反而睇唔明啦

日文版好好多

作者: 活力先生 時間: 16/6/2015 12:47 PM

QUOTE:

原帖由 小野伸二 於 16/6/2015 12:36 PM 發表
英文版調番轉頭反而睇唔明啦

日文版好好多

其實佢都會俾日文版你的，我試過了

歡迎光臨賽馬世界 (http://racingworld.no-ip.org/)