賽馬世界 - Powered by Discuz! Board

標題: 「強國」搞賽馬 [打印本頁]

作者: 活力先生 時間: 3/7/2015 12:19 AM 標題: 「強國」搞賽馬

今日好細心和部分友人傾在「強國」搞賽馬這個問題，或者做一些POINT FORM去分析
1. 以強國人的賭性，投注額必定在日本和香港之上
2. 地方大，可以多過馬場一起舉行賽事，甚至比日本多
3. 強國馬主購買力強，例如潘蘇通這類馬主可能一次過養40至50隻馬，而且以強國馬主的購買能力，可以把天下兵器收歸旗下。
4.有廣闊的土地，可以搞育馬事業，又係以強國人的購買力，會把海外大量的一級種馬運到強國(如FASTNET ROCK之類)，亦會購入大量有質素的牝馬作配種之用。
5. 可以興建設施優良的訓練中心，絕不比日本的栗東和美浦訓練中心差，令賽駒有良好訓練軟件
但當然亦有大量的問題
1. 做馬問題嚴重(唔洗多講啦掛)
2. 中國是行人治不是行法治制度，舉一個例子，你有一隻一歲馬，將要轉售的時候，可能拿出來的血統紙是FASTNET ROCK X WINDS IN HER HAIR，但實際上可能是血統紙和配種證書都是假的，但馬主卻無從保障，需知道馬血統是決定價錢的重要因素，假血統必然週街都係。
3. 檢疫的問題，中國的衛生出晒名差，一有疫症必然會隱瞞，只有海外馬一入強國，絕對可能會發生有入無出情況出現。雖然近年都會有杜拜的純種馬來中國跑下表演賽，但會否有海外賽駒來中國參加一些國際性賽事，又或者中國賽駒要參加杜拜世界盃、安田記念等一級賽的時候，別人又會不會俾你入境？
老實說，作為一個馬迷(我不是中國人)，如果強國可以搞到成功的賽馬，甚至出到一級良駒，我會感到高興。但是，其實是不是要思考上面的問題，我當習大大俾香港賽馬會全權接手強國賽馬，但以強國的政治文化，香港賽馬會是否可在強國大展拳腳？

作者: 施華 時間: 3/7/2015 12:29 AM

「強國」99倍幾秒內變幾倍都似,中超澳彩算吧啦!

作者: 活力先生 時間: 3/7/2015 12:35 AM

但我想講，其實有唔少馬迷，對中國搞賽馬是希望..........

作者: 雄心威龍 時間: 3/7/2015 12:51 AM

其實中國搞唔搞賽馬基本上係由領導人的意志所決定...
恆大魯能國安上港強勢擴軍，上千萬歐元引入名氣外援，原因好簡單：
習總鍾意足球

無習總係度，恆大絕對無可能贏亞冠，甚至存唔存在都係個問題

作者: 施華 時間: 3/7/2015 12:52 AM

現在「強國」連足彩都冇咩人片,反而六合彩特碼汁都撈埋,
真係爪爆J,平心而論開賭場比開馬場更實際,而家中秋送兩合月餅都驚,
年尾擺兩圍唸都唔使唸果隻,開賭的話大雞唔食細米格啦!馬場搵耶穌監管嗎?

作者: ryhme1 時間: 3/7/2015 11:28 AM

朝令夕改的政治(人治) 先係最大的問題

作者: oowawawa 時間: 3/7/2015 05:23 PM

利申一下，我係大陸人。
我鐘意睇跑馬，但係唔讚成大陸搞賽馬，一嚟好似po主所講會滋生好多腐敗問題，二嚟可能先入為主習慣咗睇香港馬，唔想大陸搞賽馬會影響咗香港馬圈嘅生態。我反而希望香港馬會同澳門馬會可以進一步融合，比如馬匹同騎師可以更多互相客串。

作者: 19977 時間: 3/7/2015 06:42 PM

好現實既一個問題：假如系一般平民百姓養既馬被某個領導親友匹馬干擾倒，你會唔會去申請研訊？負責既工作人員會唔會又比面某個領導，對干擾從輕處理？

作者: 施華 時間: 3/7/2015 08:24 PM

講到強國咁不堪咁原始,近廣東的都知有關跑馬,
但外省分分鐘覺得跑羊多,強國人對跑馬認識應該不多,
何來有性趣投入賭博呢!一個中超假波事件攪左幾奈,
賽馬唸都唔使唸啦!

作者: 活力先生 時間: 4/7/2015 04:11 PM

大家一講到強國就精神起來了，呢度講賽馬就只有講強國搞賽馬先應，十個有九個都認為強國一搞賽馬就會失敗收場。而大家都只是著重賭和做馬的一方面。

我想講，強國搞賽馬就算有做馬都好，投注額依然會好高，因為D人根本唔介意做馬，只要我比早一步得到消息就可以，或者99倍打到3倍之後我中到就沒有問題。這個可以說是強國搞賽馬的先天優勢。

如果強國搞賽馬要成功，我想講一定要搞高獎金，因為這樣先可以令馬主願意投入強國的賽馬世界，而管理的方式係要使用類似一國兩制或者自貿區果種做法，即係馬場入面要行第二種法律，而且要和世界賽馬聯盟聯成一線，如果用香港普選為例，即係所有事都要符合國際標準。行英美愛法日果一套方式，這樣才可以擺脫人治的問題。

問題係，中國搞賽馬的人，會如何看待賽馬這個運動，說到這兒，只有長嘆一聲。

作者: 施華 時間: 4/7/2015 05:35 PM

'' 強國 ''系列點止精神,同護士系列有得片啦!

唸深一層果班土豪二代影頭馬相果陣,啲小朋友直情喺鏡頭面前柯尿,

馬場保安叔叔話小朋友除褲柯尿唔啱嫁,叫爸爸帶你去洗手間啦!

小朋友即時話帶你屎忽柯落你塊面都仲得呀!我爸係李剛吹咩~

六合彩特碼都賭餐死,賽馬點會當運動呀!除非冇賭博成份啫,

有米小小都賭港馬啦!一般市民仟幾銀工資夠打麻雀,

仲會有多餘錢片馬嗎?食麵包剩下啲錢片馬咁趣緻,

講真要起馬場唔難,大陸佬冇咩多就係地多,

問題係主席獎唔係最高獎金元首會點唸,再講元首親戚啲馬喺主席獎落第,

隻死猫由邊個來食,除非限制國家官員親屬不得參與賽馬事項啫,

否則問題我係舉手黨成員啲馬,居然冇人讓路,好就喺官場清算,

再講高官啲馬敢點加分磨,呢類馬一出就好似蔡明紹剛剛出道咁,

要放幾順就有幾順,只要唔打老婆就贏喇!

歡迎光臨賽馬世界 (http://racingworld.no-ip.org/)