標題: 馬宜中之唔睇好系列 [打印本頁]
作者:
雄心威龍 時間: 6/10/2015 12:20 AM 標題: 馬宜中之唔睇好系列
成報專欄之一
有無師兄留意
作者:
雄心威龍 時間: 10/10/2015 04:07 PM
呢條友貼得又真係幾準
作者:
雄心威龍 時間: 14/10/2015 10:06 PM
「尊皇速龍」及「飛廉之子」分別以2.5倍及1.9倍入位，一如所料贏唔到，唔好怪筆者幸災樂禍，只想強調莫雷拉坐騎超賣多時，如「尊皇速龍」只於五班贏過一場，之後因腳傷休戰逾年，呢次輸咁少入Q，已對得捧場客住；至於「飛廉之子」，有陰謀論會將「超凡夢想」瘋狂落飛混為一談，但公平講，莫雷拉發揮冇唔妥，而「飛廉之子」本身問題，當日本欄已指出。
今晚最冇賭W價值，又係雷神「好好分」同「幸運戰略」。「好好分」有幾水？從上次連「翡翠紅星」都跑唔贏可見一斑，今次轉細場，用意係避開沙田對手，戰意唔使懷疑，但只怕低處未算低。「幸運戰略」在澳洲由練馬師Danny O'Brien家人擁有，佢好馬多，賣得出唔慌係好，如「聖樂邦」及「星威威」都處女出局，估計會因人而熱，除非有廿倍，否則贏當抽水。
作者:
雄心威龍 時間: 18/10/2015 06:28 AM
上次介紹「幸運戰略」及「好好分」，一如所料贏唔到，做到三哥對得住捧場客，都係嗰句，莫雷拉外號雷神，但唔係真嘅神，佢騎馬出錯少係事實，但當坐騎質素唔掂，根本幫唔到幾多；「幸運戰略」在港廿一戰得一Q，於首本直路賽每有好檔，跑諏晒都贏唔到，呢次採取新戰略留前但一樣冇後，只勉強交個第三，事後睇番，有乜可能賣到廿四蚊？
今日最冇賭W價值有「綫路神駒」同「天心星」。「線路神駒」父系High Chaparral在港有廿四匹子嗣，當中十四匹勝出卅九場，但全部贏1400米或以上，就算母系唔同，但基數咁充足，「綫路神駒」贏到直路賽完全係違反統計，估計三倍左右，又係贏當抽水！「天心星」就嫌佢上年九月67分贏完冇進步，而且情況與息息相關「澤心星」有嶷似，每戰之後戰鬥力逐步下降，再者「天心星」上兩季首兩仗後每況愈下。
作者:
雄心威龍 時間: 18/10/2015 03:50 PM 標題: 回復 #4 雄心威龍 的帖子
又俾佢講中
作者:
雄心威龍 時間: 22/10/2015 01:51 AM
上次話「綫路神駒」及「天心星」有隱憂，果然贏唔到，同文洪禮賢都話「綫路神駒」好靚仔，但唔似短途馬，數字唔會呃人，呢隻馬父系High Chaparral無論在港或歐洲，子嗣都係跑中距離甚至大長途，呢鋪跑1000米捧到大熱根本搞笑，都係句，莫雷拉嘅馬，捧場客買人多過買馬。至於「天心星」，賽後驗到氣管有血，不過以呢隻馬目前進度，就算唞番三兩個月，再出捧場都要諗過先，熱捧更可免則免。
今日個人認為最冇賭W價值，第一匹係「紅衣前進」，第二匹係「直震撼」。「紅衣前進」贏馬一仗，跑谷中1000米壓倒「創出商機」，賺晒檔利都贏唔到一個馬位，上月跑1200米更輸畀難贏嘅「秋月春風」半乘，確定水皮。「直震撼」貴為打吡亞軍，轉細場似避重就輕，實際自己都睇唔起自己，且馬主養馬廿年從未贏過跑馬地，得幾倍，又係違反統計！
作者:
神風無缺 時間: 22/10/2015 07:57 AM
原帖由 雄心威龍 於 22/10/2015 01:51 AM 發表
上次話「綫路神駒」及「天心星」有隱憂，果然贏唔到，同文洪禮賢都話「綫路神駒」好靚仔，但唔似短途馬，數字唔會呃人，呢隻馬父系High Chaparral無論在港或歐洲，子嗣都係跑中距離甚至大長途，呢鋪 ...
咩料先..兩隻馬一隻郭能一隻潘頓
關莫雷拉咩事
無啦啦都要彈一句「莫雷拉啲馬，捧場客買人多過買馬」都有嘅..
作者:
雄心威龍 時間: 22/10/2015 09:16 AM 標題: 回復 #7 神風無缺 的帖子
綫路之前係莫雷拉騎，可能佢搞錯左
作者:
CJ. 時間: 22/10/2015 10:13 AM
綫路神駒都唔明點解會大熱 ...
作者:
雄心威龍 時間: 22/10/2015 10:35 AM 標題: 回復 #9 CJ. 的帖子
熱合理
但熱過隻飛魚就真係幾過份
作者:
神風無缺 時間: 22/10/2015 11:30 AM
原帖由 雄心威龍 於 22/10/2015 10:35 AM 發表
熱合理
但熱過隻飛魚就真係幾過份
莫雷拉都係替工性質騎過一場之嘛
而且隻飛魚係抽到個1檔先至3倍..
畢竟新馬直路賽，一隻之前有過表現+11檔
一隻UNKNOWN+1檔
我覺得呢個倍率都叫相對合理..
買飛魚個D咪可以收多個幾囉
我相當歡迎
作者:
雄心威龍 時間: 25/10/2015 12:12 AM
上次叫你避避「紅衣前進」及「直震撼」，同樣6倍唔算太熱，後駒鮈頂磅力追不及113磅「馬上發財」，在本欄立場嘪講算好彩，有時一啲另類數據，要打破真係唔易，當日指出馬主李子彬養馬廿載，由第一匹二手馬「亞洲光榮」開始，總共擁有十三匹馬，連同新抱李皓玲名下八駒，全部未贏過跑馬地，莫講話得6倍，起碼要有20倍先值得推翻數據。
今日最冇賭W價值嬣，第一匹係「錶之勝」，第二匹係「神電金剛」。「錶」系馬主楊建文近年來買入已退役「寶石玻璃」、「錶之寶」、「錶之鑽」及「錶之勇」，後兩駒未出賽已出局，前兩匹莫講唔識贏，就連入Q都未試過，現役「錶之勝」上季於新馬賽跑第三，能力好似唔差，但遲熟馬跑1800米最合適，如因潘頓而熱，我建議睇多場先。「神電金剛」今季三戰不同路程得個近字，快將6歲馬十八戰仲未開齋，好難以遲熟做藉口，反正唔慌好分，贏就由佢。
神電金剛仲講得過去...
錶之勝果場咁混亂，隔夜12倍，貼來做咩
無意義
作者:
CJ. 時間: 25/10/2015 12:18 AM 標題: 回復 #12 雄心威龍 的帖子
直震撼同我睇法一樣,要有20倍先值
作者:
雄心威龍 時間: 25/10/2015 01:11 PM
作者:
雄心威龍 時間: 1/11/2015 09:35 PM
上次介紹「神電金剛」及「錶之勝」竟獲一贏一位，後駒贏唔到符合預期，亦保持「錶」系未試過入Q紀錄，但「神電金剛」的確係衰咗。本欄至今介紹三十隻馬，暫時有四匹勝出，不過全部四倍以下，就算玩食貨都損失唔大。
事後睇番，「神電金剛」柏寶打到開花先僅熟，最慘李易達三駒「電訊太子」、「兄弟醒」、「講心長勝」跑入二至四名，而佢今季開齋馬「白玉凱旋」又係柏寶經手，總之成也柏寶敗也柏寶。
今日最冇賭W價值有「上浦猛將」同「駿將」，前駒跑馬地近十戰九次入三甲，落第一次都有獎金，買位置唔會反對，不過已經搏得好盡，前次險勝「越影」時間好普通，上次加磅又被該駒反先，用莫雷拉鬥志雖好，然而跑馬唔係跑人，唔值得因人而熱。「駿將」前次用莫雷拉搏盡，都輸畀年幾未出頭「牛精叻仔」，上次亦未見威脅，暫未肯定三班夠殺，位望遠高於贏。
作者:
布宜學 時間: 1/11/2015 09:54 PM
然而跑馬真係跑人
作者:
君子 時間: 2/11/2015 04:00 PM
就算玩食貨都損失唔大。 --< 咁講野都得既
作者:
神風無缺 時間: 2/11/2015 05:51 PM
原帖由
君子 於 2/11/2015 04:00 PM 發表
就算玩食貨都損失唔大。 --< 咁講野都得既
係囉..唔通我次次9UP話要飛走啲點幾倍大熱
倒灶就話自己好掂，人地贏馬就話熱門唔好分無蝕底咩..
呢挺真係擺明輸打贏要
作者:
CJ. 時間: 2/11/2015 07:05 PM
其實大熱門馬本來就係輸多過贏 佢介紹d唔睇好既熱門贏唔到其實好正常呢
作者:
雄心威龍 時間: 8/11/2015 12:44 AM
上次介紹「上浦猛將」及「駿將」又衰一隻，為警惕自己，又要報一報數，開檔合共介紹卅二匹馬有五匹勝出，如果要自我安慰，可以話「麯院風荷」過終點後，小組就柏寶所使用語言恰當性作出警告，好明顯佢都好唔順，換個角度，係雷神騎贏柏寶，而唔係「上浦猛將」跑贏「麯院風荷」，所以筆者覺得自己冇評錯，當然賽果等於一切，勝者為王，總之衰咗就係衰咗。
放眼現在，雖然雷神的確一再以中駟勝上駟，揀佢唔抵賭嬣馬有一定風險，但因此而唔講佢嬣馬，未免逃避現實，至於今日最冇賭W價值，第一匹係雷神嬣「但求上舖」，另一匹係「港林飛魚」。
「但求上舖」跑咗十五場未出頭，前仗郭能騎盡都輸，假設雷神高過佢好多，但孻次94蚊，今次少一半，已冇值博率可言。至於「港林飛魚」，條件賽連下兩城例子唔多，何況3歲馬鮈133磅。
作者:
雄心威龍 時間: 8/11/2015 01:16 PM
條友行文語氣我鐘意
港林先死一隻
作者:
雄心威龍 時間: 8/11/2015 03:48 PM
留名睇佢係專欄度威威
作者:
雄心威龍 時間: 11/11/2015 12:45 AM
上次介紹「但求上舖」及「港林飛魚」，雙雙跑第三，對捧場客講，Q都冇埋真係好攞命吓，但都係嗰句，前駒成熱純粹雷神，告東尼用佢當然想贏，但理想同現實每每有出入，衰啲講句，如果易贏馬使乜佢出馬。至今「但求上舖」16戰仍未開齋，他日贏他日事，總之一熱就唔值。至於「港林飛魚」雖然係好馬，但3歲馬133磅難度高，同齡讓對手4至17磅不等，而且呢場條件賽，性質與新馬賽冇乜分別，新馬賽通常一匹伏一匹，你贏完人人話好，更好馬喜見大樹遮蔭，唔突擊仲等幾時？所以話呢類賽事連下兩城例子唔多，就係咁解！
今晚最冇賭W價值係「南華勇將」同「駿擊快車」，前駒新勝只加4分，評磅員擺明睇佢唔起，呢匹馬右前腳騰空時間稍多，所以註定能力有限，如果10倍以上先至再諗。「駿擊快車」有前冇後，反之亦然，昨黃昏六點得65蚊，唔值！
作者:
雄心威龍 時間: 14/11/2015 12:56 AM
上次介紹「南華勇將」同「駿擊快車」，前駒筆者同評磅員齊跌眼鏡，呢次贏完都係加5分，擺明繼續睇佢唔起，個人冇嘢好講，只可以話係水鬥水下的頭馬；至於「駿擊快車」一如所料有前冇後，加眼罩及交叉鼻箍仲衰過之前，黎海榮拉士收慢，以為隻馬跛咗，但返嚟又冇事，一句講晒，馬性古靈精怪，靠唔住。
今日最冇賭W價值係「尚華盛甲」同「勇冠王」，前駒換莫雷拉，唔使問都知係盡人事，賽績的確好硬淨，唯一頭馬嗰場，二至五名「永常勝」、「好球」、「皇龍大師」、「精彩時機」之後加埋8W，第七及第九名「金威勝」及「有意思」亦各1W，不過「尚華盛甲」之後七戰只跑三至七名，梁家俊又唔係騎得差，雖然雷神一定跑高過佢，但因人而低水，絕對唔值！「勇冠王」上次個第三好勁，不過全程極唔規矩，潘頓咁好身手都論論盡盡，難發揮又易出錯，得3、4倍贏就由佢。
無野好講，只可以話
作者:
雄心威龍 時間: 14/11/2015 02:45 PM
先省佢一巴
撞正Paul so今日去馬
作者:
雄心威龍 時間: 14/11/2015 03:52 PM
1W1Q
越貼越衰
作者:
雄心威龍 時間: 22/11/2015 01:38 AM
上次「卡通飛飛」及「旅遊一哥」，一匹中一匹衰?，但不得不服莫雷拉，「尚華盛甲」可以脫胎換骨，反而「卡通飛飛」過去由佢一再上名，但遲至8歲在即先打破處女之身，仲要係大熱門，只可以講句呢場頭馬水準麻麻。
今次最冇賭W價值有「變出美麗」同「醉必勝」，「變出美麗」父系Magic Albert在港15匹子嗣8駒勝出，最出色「喜寶駒」，仍服役有「又襟又準」；「變出美麗」母系Romany Flyer源自父系Catbird，呢個種出名早熟，好多2歲已現形，但「變出美麗」至今五戰非三即四，即係冇乜進步，上次初跑1400米好似追得勁，但前三名馬實力一般，今次再追買W好勉強吓。
「醉必勝」在港33戰僅一勝，同處女馬冇乜分別，莫雷拉今季騎呢系紅黑衫如「甜哥兒」、「澳斯卡」都飲恨而回，「醉必勝」本身亦唔會再有大進，今次對手雖然唔強，但最怕遇弱愈弱。
作者:
大關刀 時間: 22/11/2015 02:02 AM
拿如果今日佢有貼步步友就霸氣喇!!!
作者:
布宜學 時間: 22/11/2015 02:17 AM
原帖由 大關刀 於 22/11/2015 02:02 發表
拿如果今日佢有貼步步友就霸氣喇!!!
不能認同更多呢
作者:
富源 時間: 22/11/2015 05:45 PM
咩專欄黎... 9up唔洗本
作者:
雄心威龍 時間: 5/3/2017 07:26 PM
今次揀兩匹熱不值賭W，分別係「奔馳寶馬」及「奪冠」，先講「奔馳寶馬」，莫雷拉一向唔係蘇保羅愛將，今季二人合作七次亦未贏過，事實上，蘇保羅成績暫仍比預期差，踏入2017年只以「錶之星」及「萬利高」贏得兩場，至於「奔馳寶馬」本身亦冇乜特別走勢，落五班重磅又唔見得有幾着數，反正必熱，贏就由佢。
至於「奪冠」亦差不多，呢匹係馬主自行培育實驗品，睇血統可能係遲熟長途馬，但上仗1800米大敗，之前跑1400亦唔叻，冇好感。
推翻上黎先
雷神讓你明白，敢攻擊佢有咩後果
作者:
西人堅 時間: 5/3/2017 07:31 PM
BenzBMW 又唔關雷 HI 事
佢傻先真....
呢隻 落班明大超班
作者:
yuricylau 時間: 5/3/2017 07:36 PM
「奔馳寶馬」本身亦冇乜特別走勢
作者:
西人堅 時間: 5/3/2017 07:44 PM 標題: 回復 #33 yuricylau 的帖子
唔好提...70幾倍果次 佢唔要....
我嬲到依家 
作者:
雄心威龍 時間: 6/4/2017 09:44 AM
【頂白篇／馬宜中】剛戰睇淡嘅兩匹，分別係「彪形猛漢」及「正本雄心」，前駒的確係贏咗，但初跑1200米，大馬轉彎效果如何係未知之數，而且一如蘇偉賢賽後所講，隻馬太生，雷神跑來都要就住，反正鴨仔賠率，唔中就罷。 「正本雄心」三甲不入則是意料之內，雖然只係3歲馬，但已經好熟吓，未來唔會有太多進步空間。事實上，好多馬搵到雷神執韁，係想用佢出色騎功搭夠，不過當上手鞍上人冇騎錯，就算改配雷神亦未必幫到太多。 今次揀兩匹熱而不值賭W，分別係「五星特工」及「仁愛之星」，呢兩匹都係處女馬，「五星特工」近兩仗配何澤堯並冇跑錯，頂唔到返嚟冇得講，以前仗泥地做準則，「大爆發」喺身邊話過就過，後駒都係該役先開齋，季軍「勇晉神駒」亦只一勝，數埋隻隻都唔叻，即係話「五星特工」泥地性能唔太堅。「仁愛之星」就連番欠運，唔係鬥輸就受阻，配潘頓四次都唔得，若純粹憧憬雷神會跑高好多，有啲盲目囉！
作者:
2709730 時間: 6/4/2017 11:31 AM 標題: 回復 #35 雄心威龍 的帖子
雷神win個兩隻佢就揀中晒,下次早d貼上來啦
作者:
雄心威龍 時間: 6/4/2017 01:11 PM 標題: 回復 #36 2709730 的帖子
佢好鐘意貼雷神坐騎
不過hea多過like
作者:
balljai923 時間: 6/4/2017 10:07 PM
其實佢咁TIP 係咪掉返轉黎解讀架! 比果兩隻先係馬膽
作者:
雄心威龍 時間: 6/4/2017 10:32 PM 標題: 回復 #38 balljai923 的帖子
鄉土都有個類似的燈神
作者:
李澤楷 時間: 7/4/2017 11:33 AM
事實上，好多馬搵到雷神執韁，係想用佢出色騎功搭夠，不過當上手鞍上人冇騎錯，就算改配雷神亦未必幫到太多。
其實呢幾句係唔係自相矛盾
作者:
馬佳善 時間: 7/4/2017 12:44 PM
原帖由
雄心威龍 於 6/4/2017 10:32 PM 發表
鄉土都有個類似的燈神
佢係專登睇準邊隻唔得，先post
作者:
yuricylau 時間: 7/4/2017 01:26 PM 標題: 回復 #40 李澤楷 的帖子
前半句當係幕後主觀意願 後半句筆者客觀意見?
作者:
李澤楷 時間: 7/4/2017 01:34 PM 標題: 回復 #42 yuricylau 的帖子
就係人地無騎錯,你騎上去先至發揮到"magic man"
人地出錯你發揮無錯只係份內事,何來神級騎功
作者:
CJ. 時間: 7/4/2017 05:09 PM 標題: 回復 #43 李澤楷 的帖子
簡單D講即係只要發揮冇錯,邊個騎都冇咩分別
作者:
光輝深處 時間: 7/4/2017 06:45 PM
如果佢話"馬匹資質有限,用莫雷拉都無用"會表達得好啲
作者:
富源 時間: 7/4/2017 07:27 PM
講起貼士,上星期攞人份方向睇一睇
貼雅寶個D都幾盲目下
作者:
雄心威龍 時間: 12/4/2017 09:56 AM
【頂白篇／馬宜中】剛戰睇淡嘅兩匹，分別係「五星特工」及「仁愛之星」，撞牆撞到應一應，兩駒贏晒真係責無旁貸，不過兜都係咁話，雷神賽前忽然退出，「五星特工」仲係咁熱的確唔多值，或者因為換蔣嘉琦有5磅減，係一大重要因素，但「仁愛之星」換杜利萊唔再係熱門，情況就完全唔同，總之跑馬時有變數，亦只好自己執生。 今次揀兩匹熱而不值賭W，分別係「靠眼光」及「佳龍駒」。「靠眼光」喺澳洲兩次試閘都好有走勢，到港四試大閘又非冠即亞，但睇真啲，每次試閘都要畀，且就算戴頭罩及加鼻箍，仍一再閃出閃入，睇佢有型有款，遲啲應該前景唔差，不過目前擺明成熟未足，初出咁多配備就知有嘢要糾正，恃質應戰只算有爭勝機會，卻並非佔有一面倒優勢。 至於「佳龍駒」勁就人所共知，不過一再只贏「巴基之星」及「四季旺」，今仗出戰國際二級賽，要面對最頂尖一群，由賺十幾分變蝕十幾分，就算能力再高，捧到大熱門點都唔抵賭。
作者:
雄心威龍 時間: 12/4/2017 09:56 AM
【頂白篇／馬宜中】剛戰睇淡嘅兩匹，分別係「靠眼光」及「佳龍駒」，再次撞牆撞到應一應，兩駒贏晒真係責無旁貸，不過兜都係咁話，兩匹雷神坐騎贏咗，都堅持咁熱唔值，尤其「靠眼光」有型有款又如何，咁多配備戴頭罩、加鼻箍又結舌帶，半程之後一度被「鞍歌」走脫，雷神鍥而不捨移出中檔追趕，終點前一步僅僅超前，造55秒4係二班時間，18蚊贏就抵，萬一輸咗你又點睇？「佳龍駒」16蚊亦然。 今次揀兩匹熱而不值賭W，分別係「英姿茂盛」及「得意繽紛」，前駒上仗排一檔起步，贏十二檔「叫關健康」，稍有差池的話，嗰鋪或者又係第二，今仗改配潘頓，計數唔會差過雷神，但加到133磅排七檔擺明冇着數，就算臨場有4倍好分頭，都非佔一面倒優勢。 「得意繽紛」係蔡廐中體重最輕一匹，僅僅1,000磅左右，就算近四仗非冠即亞，不過今仗負133磅，要讓其他馬1至24磅不等，本身又唔係好強，冇乜太大殺着，熱門絕對唔抵賭，頂多又跑位置。
作者:
西人堅 時間: 12/4/2017 02:19 PM
今晚佢貼咩??
作者:
雄心威龍 時間: 12/4/2017 02:54 PM 標題: 回復 #49 西人堅 的帖子
英姿，得意
作者:
雄心威龍 時間: 12/4/2017 07:48 PM
呢條友真係廢到喊，差D又瓜一鑊
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |