標題:
張家輝 話張繼聰 成接班人
[打印本頁]
作者:
帶來吉利
時間:
5/11/2015 08:25 PM
標題:
張家輝 話張繼聰 成接班人
要成功向來離不開「苦幹」二字，不過娛樂圈的遊戲規則，苦幹跟成功往往不成正比。不過凡事總有例外，一直觀眾緣勁旺的張家輝，去年首次自導自演電影《盂蘭神功》，雖自爆未盡全力，依然有不俗成績。今年他再接再厲，自導自演電影《陀地驅魔人》，還搵來當時得令的張繼聰演出，睇好對方的搞笑能力，拍攝時更過足料給這個後輩。就算張繼聰未必能成為張家輝的接班人，幸運地在影壇大放異彩，今次難得合作機會亦已有賺
家輝再度執導，依然對靈異題材情有獨鍾，原來都是因為「唔信邪」，「上次同時拍緊幾部戲，自己未盡力，但最後票房都好理想，先至覺得『死啦！啲觀眾咁錫我，我又做咗一件未盡到全力嘅事出嚟。』個心好唔安樂！所以今次唔信邪，如果我揀第二個題材咪輸咗囉！以後唔敢掂呢個題材，我唔想自己有遺憾，今次一手一腳自己嘢，贏輸都心甘命抵。」
激氣故事
家輝曾聲稱自導自演相當辛苦，但今次依然決定「一人分飾兩角」，他笑言：「劇本好得滯，唔想筍畀人嘛！」實則他選角經過深思熟慮，好像飾演他（驅魔人）助手的張繼聰，原來跟他近期紅及作品無關，家輝解釋：「佢紅就梗係紅，但唔夠我紅嘛！我選角唔係取捨個人係咪紅囉！」不過，阿聰談到跟家輝洽談合作時，竟指是個「激氣故事」，「我當時拍緊《收規華》，請咗半日假見導演，心裏面好開心，拍唔拍到唔緊要，淨係想見吓佢啫！佢話畀我聽個故仔，但之後要做舞台劇，導演就話：『如果你八十歲命，你唔拍我嘅戲，你嘅餘生都會後悔。』佢咁講搞到我返到廠個心好忐忑，好彩舞台劇對調到角色抽到時間拍。我拍拍吓熟啲先夠膽問佢：『你係咪睇咗我《老表》定咩戲搵我？』佢話：『完全冇睇過，只係幾年前見你成日着住套藍色嘅衫，覺得你都係麻鬼煩！』呢件事令我明白，你做每件事永遠都唔知後果係點囉！」
一世受用
家輝果然沒令阿聰後悔，合作期間還不斷袋錢落佢袋，阿聰說：「佢教我做喜劇嘅節奏，好似有場戲我有句對白其實冇乜嘢，只係『咁就得啦！』佢諗諗吓叫我咁講法，我就覺得好好笑！因為佢講完點樣對付啲鬼，其實我係無能力對付㗎嘛！但係講到好似好猛咁！（家輝：佢好似知道呢個消息，就能夠擺平呢件事咁呀！）佢令我真係明白，當你令到角色變成一個可愛嘅角色，你就冇得輸，講咩台詞都好笑！（家輝：係呀！可愛咗就得㗎啦！）所以佢間唔時就同我講，『你回番小小片酬嚟好喎！我塞咗咁多嘢畀你！』其實真係。（真係會回片酬？）我唔係好多錢啫！（家輝：哈哈！唔使回。）但係佢教嘅嘢一世受用。」
作者:
施華
時間:
5/11/2015 09:06 PM
張繼聰都就來引退啦!接班
歡迎光臨 賽馬世界 (http://racingworld.no-ip.org/)
Powered by Discuz! 5.0.0
