標題:
錢國偉嬌妻聖誕趕「造人」
[打印本頁]
作者:
帶來吉利
時間:
24/12/2015 06:49 PM
標題:
錢國偉嬌妻聖誕趕「造人」
成功泊到周星馳碼頭後，錢國偉開始行運，拍戲之餘亦要為古惑仔做巡迴演唱會，工作一直無停，難為嬌妻陳宛蔚Calinda要獨守空房，至上星期錢導終於捨得返港交人，還講明聖誕新年會留港歡度，雖然蜜月旅行至今起行無期，但老公肯放假，Calinda亦即時做嘢，約齊朋友聖誕開Party，日前更到名店掃定大堆性感內衣，一於趁聖誕趕「造人」。
今年十月，53歲的錢國偉迎娶比自己年輕20年的Calinda，在洲際筵開50席廣邀親朋，圈中好友個個戥他高興，甚至有人開口催他趕快「造人」，雖然錢導個心好想做老竇，但實質連蜜月旅行都無時間去，婚後迅即丟低嬌妻北上工作，既要為《美人魚》執後期，又要為自家電影《綁架丁丁當》開工，緊接還要跟古惑仔走埠式登台，真係每朝瞓醒都唔知身在何方。
買兩大袋禮物
為免嬌妻詐型，上星期完成手頭上工作，錢導急急回港交人，還講明會陪老婆過聖誔新年。
日前，記者見錢太Calinda單拖到九龍塘又一城選購聖誕禮物，拿着禮物清單在店內巡視一圈，快手買下兩大袋禮物，電捲髮器、夾餅機、香薰擺設樣樣啱心水，買完禮物再轉到英國著名內衣店RIGBY & PELLER選擇性感內衣，見她對喱士透視睡裙愛不釋手，不停攞上手捽，最後選定款式便埋單走人，急上的士趕回西貢愛巢，看來是想趁聖誕開啟「造人」大計。
歡迎光臨 賽馬世界 (http://racingworld.no-ip.org/)
Powered by Discuz! 5.0.0
