標題:
譚耀文搞到「宇宙最強」有壓力
[打印本頁]
作者:
帶來吉利
時間:
8/1/2016 11:44 PM
標題:
譚耀文搞到「宇宙最強」有壓力
正在上映的電影《葉問3》票房突破4,100萬，戲中老謀深算的黑幫大佬譚耀文付出過唔少汗水，眼見有咁好成績，引以為榮！仲可以同偶像「宇宙最強」甄子丹對打，更加獲益良多。不過阿譚大爆與偶像拍打戲時，對方為怕重手打傷佢，成日就住打都好大壓力㗎！
回歸香港發展的譚耀文，多產狂接戲，其中去年憑電影《我們停戰吧》，在海外電影節獲最佳男主角躋身影帝行列。今次《葉問3》中，阿譚分別跟甄子丹及世界拳王泰臣有埋身肉搏戲，絕非馬虎了事：「子丹真係好揪得，同佢合作唔止我有壓力，其實佢壓力唔比我小！因為佢設計嘅高難度動作要好精準，一旦位置唔啱就好易中招。子丹就住我嚟打，否則我會俾佢打到入醫院。」
阿譚仲自爆子丹係佢偶像：「我最怕見到鍾意嘅人，喺佢面前我會手忙腳亂，子丹個人好好冇脾氣，我哋相處得非常融洽，片場氣氛好好，尤其是度招時man到爆，型到不得了，呢個係我鍾意佢嘅精髓所在！最開心佢主動發訊息問候我腳傷，仲好似大哥哥咁提點我要小心，真係好warm。如果拍到《葉問4》就梗係求之不得啦。」
歡迎光臨 賽馬世界 (http://racingworld.no-ip.org/)
Powered by Discuz! 5.0.0
