標題:
陳嘉桓賤價頂爛市
[打印本頁]
作者:
帶來吉利
時間:
8/1/2016 11:46 PM
標題:
陳嘉桓賤價頂爛市
家庭背景複雜的陳嘉桓（Rose），一直努力工作搵錢養家，其母Ronnie年初再婚產子後，Rose的擔子愈來愈重，為幫補家計，Rose連月來四圍接Job拎贈品，出活動三幾千都殺，務求密食當三番，上月更為了哎吔細佬Jaxton BB可打免費防疫針，不惜收封利是仔便為Hello Kitty疫苗中心做開幕嘉賓，頂爛巿吊命。
自年初老闆冼國林點名力捧32C周嘉莉後，Rose的工作量大不如前，去年完成電影《販賣。愛》後，坐足成年冷板，至近日才有機會跟古天樂及吳鎮宇拍攝新片《脫皮爸爸》，無戲開唯有替電視台拍旅遊節目保住人氣，最慘係早已完成的微電影《爸爸，對不起！》也因師妹周嘉莉升呢坐正而被叮走。
三幾千起跳
人氣收入大減的Rose為免手停口停，近月不惜大割價狂接Job，出活動幾千蚊起跳，「以前搵陳嘉桓出活動無兩萬真係唔使諗，依家巿道唔好budget有限，三幾千都殺，真係好抵用，最重要係佢識冧客，做嘢永無托手肘。」知情者說。據悉，Rose上月為香港首間Hello Kitty疫苗中心擔任開幕嘉賓時，僅收封利是仔作報酬，以圖換取對方免費替細佬Jaxton BB免費打防疫針，單是最基本的13價肺炎球菌、輪狀病毒、六合一等疫苗，埋單過萬，拉勻計落算有賺，難怪一早到場的她全程笑住任影，又主動發相到社交平台instragram宣揚盛事，搲撈指數爆燈。
歡迎光臨 賽馬世界 (http://racingworld.no-ip.org/)
Powered by Discuz! 5.0.0
