賽馬世界 - Powered by Discuz! Board

標題: 馬場遊記-福島競馬場(20170422-23) [打印本頁]

作者: scorch85 時間: 24/4/2017 08:38 AM 標題: 馬場遊記-福島競馬場(20170422-23)

由於本人由下個月開始會轉換工作環境,好有可能冇時間出遠門,襯有補假決定抽空去一次過去未到過既福島競馬場一趟,順便去浸下溫泉爽一爽

由東京坐兩個半鐘左右新幹線就到達福島站
*其實仲有另一個方法就係響夜上11點左右搭通宵巴士,朝早4點左右到達,交通費大約平3000yen.
但畢竟年紀唔細+想專心刨馬,所以選擇前者,星期五下晝到達

東邊出口既站前位置係福島市內既最旺地區.但鋪頭基本都係居酒屋之類,定食店非常少,想幾百yen輕鬆坐底填肚都唔係咁容易

而我今次住既酒店係"Hotel Fukushima Hills",距離車站大約要行15分鐘,位置上輸蝕左D
不過一晚4500yen(周六5500yen)包任食早餐+有得浸45度大浴缸;房間偏細但打掃得幾乾淨亦暈唔到有異味,同其他商務酒店比較下算超值了

而選擇呢間酒店其實仲有另一個更大原因,下個post再講

[ 本帖最後由 scorch85 於 24/4/2017 08:44 AM 編輯 ]

作者: scorch85 時間: 24/4/2017 08:38 AM

結果上個post完全同馬關係,睇黎要快D入正題先

遊客以交通工具去福島競馬場既最一般方式,就係響福島站東口乘搭固定路線或者有賽事當日既特別班次,大約15分鐘車程,承惠210yen

而由我所住既酒店只需要沿住國道4號步行20分鐘左右就到,早上食行早餐後散下步順便吹下春風,幾寫意

行到咁上下響右手邊就會見到同福島市中心明顯有分別既巨型建築物,行入些少就到售票處.中央四場(府中,中山,京都,阪神)入場費200yen,但餘下包括福島既六個馬場就同日本一般地方馬場一樣只收100yen,4月22日當天既女士仲要唔駛收費,一朝早已經一家大細準備定入場

福島畢竟直路較短關係,馬場尺寸比起府中隨時細一半有多.所以觀眾席,沙圈同主要作為家庭樂用途既場中央公園區域都相對細好多.而福島畢竟響4月仍然會有機會偏涼,所以就算係2樓既免費席都有落地玻璃唔駛吹冷風之餘,就算當日有級際賽,露天位聚集唔少人都可以好容易搵到位座

大部份馬迷既場內膳食主要都係一樓既Food Court,除左馬場常客既吉野家外,仲有另外5-6間鋪頭仔提供和洋定食;另外響3/4樓仲有2-3間有位座既餐廳.

第二張既套餐既三樓食,1030yen而塊塊肉都大大舊,大食既朋友應該會幾滿足

響第4同第5場既高峰時期會需要排下隊,但肯定比起我個人認為成日要排長龍之餘又冇啖好食既中山多多聲:rr

[ 本帖最後由 scorch85 於 24/4/2017 02:10 PM 編輯 ]

作者: scorch85 時間: 24/4/2017 08:39 AM

福島競馬場其中一個特色就係觀眾席最前排同外欄之間既距離非常短,睇開閘,跳欄賽一開始向相反方向跑,最後返到直路最後一跳,夠晒刺激

而4月22日當日有近年好少遠征福島既國寶武豊參戰,話題性十足之餘仲要贏左兩場頭馬,贏第一場個陣全場拍手,魅力十足

到影完頭馬相之後俾馬迷包圍要求簽名個陣更加進入最高潮,好多女fans尖叫之餘仲要高呼"豊哥唔好走",唔知咩事仲以為去左簽唱會

*周六周日仲有女騎師藤田菜七子一共策騎12場,不過可能已經黎過好幾次,馬迷冇乜反應

而JRA不嬲都會請嘉賓到場進行TALKSHOW,過去入親場都係搵埋D唔知乜水既藝人/評馬人,個人冇興趣;但今次就搵左自稱21吋腰既水著女優"佐野雛子",吸引大批男fans圍觀

當日場內好大風,搞到佢要全程禁住條裙仔

[ 本帖最後由 scorch85 於 24/4/2017 08:01 PM 編輯 ]

作者: scorch85 時間: 24/4/2017 09:00 AM

第一日響免費公眾台觀戰;第二日就決定俾1500yen上指定席,開住電腦慢慢刨馬

不過可能由於係福島競馬場四月最後一日賽事,一開門就排長龍,到我個陣剩返唔夠10個位

原本已經打定輸數.但估唔到竟然會空左終點柱前既第一排超靚位

講返最重要既賭馬部份.春季同秋季既福島同小倉作為第三選擇(當日響關東既府中/中山,或者京都/阪神都有馬跑),一向都被公認係JRA10個馬場中最難估計.

主要原因係因為
1.幕後認為有返咁上下級數既馬,通常都會盡量留響東京/中山/京都/阪神出賽,結果過得黎既一係就近績欠佳,一係就由地方馬場賽返入JRA既不明物體,想搵隻重心馬做膽都難
2.彎急路短,就算幾好既實力馬如果推唔到上前或者受阻,往往入到直路個陣已經大局已定冇得反先
3.參賽騎師唔係牌仔就係三線騎師,步速隨時亂晒龍,人為因素影響好大

星期六齋買騎師捉到三場6倍位置Q,全日輸500yen
星期日睇完出賽表冇耐已經發覺唔對路,決定心在福島身在東京京都,冇乜認真去留心睇現場

東京R9同福島R10捉到鹿唔識脫角,超過10萬既T就咁錯過1