賽馬世界 - Powered by Discuz! Board

標題: 莊錠欣籲導演搵佢拍戲 [打印本頁]

作者: 帶來吉利 時間: 4/5/2018 03:44 PM 標題: 莊錠欣籲導演搵佢拍戲

由TVB藝人轉為韓國女團CLC成員的莊錠欣（Elike），早前回港為《韓國舞蹈模仿大賽》香港區選拔賽任評判，她坦言首次以韓星身份回港工作，特別覺得興奮。現時除了準備第8張專輯，亦在拍攝韓劇《富家公子》。在韓國發展兩年半，Elike講得一口標準韓語，連韓文讀寫都難不到她，並已融入韓國生活。去年CLC已在日本出道，她未來希望到不同地方與fans見面及拍多幾套韓劇，目標是做個歌影視瓣瓣掂的全能藝人

　　11歲開始做童星的Elike在TVB拍了近20套劇集，但她卻喜歡唱歌跳舞，並對K-Pop尤其熱愛，可惜苦無途徑入行。直至中五才驚覺年紀愈大愈難入行，於是主動電郵到韓國經紀公司試一試，有次終有回音，她興奮表示：「咁啱屋企人話去台灣旅行，我堅持要去韓國，就上咗去面試，佢叫我將識嘅嘢都騷晒出嚟，我準備咗廣東歌、國語歌、英文歌同韓文歌，仲有K-Pop同Jazz funk兩隻舞，之後返香港仲要不斷錄片畀佢哋睇，等咗一年先OK。」當時剛升中六，父母曾猶豫應否讓她去韓國發展，但Elike好有信心話一定得。

　　最初去到韓國，Elike笑言：「之前可能睇韓劇睇得多，我去到居然聽得明人哋講咩。」雖然韓文仍不太流利，經過她努力與團員溝通練習，韓文愈講愈好，「有團員讚我講得好過其中幾位成員，如果寫一定贏佢哋，因為我考韓文試攞滿分。」不過拍攝韓劇《富家公子》飾演一個海外留學生，偏要講唔純正的韓語。她稱現時在韓國除了工作，每日愛游水和做Pilates操練，亦喜歡與其他成員一齊在宿舍練習唱歌跳舞。嚟緊要準備第8張專輯，她希望未來可到不同地方與fans見面，目標是做個全能藝人，「除咗唱歌同拍劇，仲想拍電影，我知道好難，希望拍多幾套劇會有人搵我拍戲啦！」

歡迎光臨賽馬世界 (http://racingworld.no-ip.org/)