標題:
鄭嘉穎終娶陳凱琳
[打印本頁]
作者:
帶來吉利
時間:
13/8/2018 06:11 PM
標題:
鄭嘉穎終娶陳凱琳
鄭嘉穎與陳凱琳（Grace）拍拖逾三年，昨日在印尼峇里島舉行浪漫婚禮，在親友見證下共偕連理。嘉穎坦言自己見到Grace步入教堂一刻忍不住流「馬尿」，向Grace說愛的宣言時就許諾：「我會照顧你一生一世！」一對新人說出對彼此的感覺時更感動落淚，場面感人！
後日踏入49歲的鄭嘉穎和27歲女友陳凱琳（Grace）昨於雙方家長及圈中好友，包括一班好兄弟姊妹馬國明、唐詩詠、黃嘉樂、林子善、賴慰玲、陳嘉寶、黎耀祥、曹永廉及黃智賢等80位親友見證下，在印尼峇里島BVLGARI度假酒店的教堂拉埋天窗，場面浪漫感人！
新娘子Grace穿上超性感Deep V婚紗出嫁，在教堂行禮時，嘉穎坦言見到她步入教堂一刻已忍不住流了兩滴「馬尿」，他又冧爆對Grace宣讀誓詞，表示：「你帶畀我嘅喜悅、快樂，係從來未試過，你令我想組織家庭，同你拍拖一年左右就向你求婚，但當時時機未成熟，要等到今年，多謝你答應嫁畀我，無論以後條路係點，我哋一齊行落去，我會照顧你一生一世！I love you so much！」
新娘入教堂勁緊張
Grace說，行禮前叫嘉穎先到教堂，當她穿上婚紗時就感到肚子突然「囉囉攣」！在教堂聽到音樂就心跳加速、好緊張，Grace挽着父親的手臂深呼吸步入教堂，見到眾親友外，更見到嘉穎流下男兒淚，坦言想不到嘉穎比她更快落淚，他倆祈禱時亦要拿紙巾拭淚呢！
Grace在婚禮後說：「感覺超現實，來到這一刻好開心，有個愛錫自己的老公，期待我們將來幸福快樂，雖然婚姻有好多階段要經歷，但這一刻已經最開心！」嘉穎亦透露，媽咪曾經常催他結婚，他笑言可能生完BB才會結婚，令媽媽感到失望，他更即場向媽咪說：「Sorry媽咪，嚇咗你咁耐。」
伴娘姊妹好易話為
另外，嘉穎早上在酒店進行接新娘儀式，可謂為娶得美人歸凡事有求必應，在Grace要求下，唱出自己的歌曲《一千個願意》。嘉穎之後再抱起Grace由走廊行入大廳，足足200呎路程，並向姊妹團獻上開門利是。嘉穎受訪時說：「沒辦法，為咗娶老婆乜都要做，今次算好簡單，因為Grace嘅伴娘姊妹都好易話為，是要求我唱首歌，同埋抱Grace出去，好簡單，多謝佢哋。」Grace則表示，在房內聽到其他人要嘉穎表示一點誠意時，突然想起嘉穎唱K時唱過《一》曲，她覺得歌詞很貼切，所以即場叫嘉穎唱幾句來聽，令她十分窩心。
歡迎光臨 賽馬世界 (http://racingworld.no-ip.org/)
Powered by Discuz! 5.0.0
