賽馬世界 - Powered by Discuz! Board

標題: 李佳芯未肯嫁男友 [打印本頁]

作者: 帶來吉利 時間: 17/5/2019 09:03 PM 標題: 李佳芯未肯嫁男友

　李佳芯(Ali)和袁偉豪(Ben)前晚出席一公開活動，身穿禮服的Ben暢談婚禮話題，名花有主的Ali則口快快，竟指男友陳炳銓並非最理想的結婚對象。

　　Ben談到希望將來結婚能有一個場地讓賓客玩到半夜；在旁的Ali即笑指Ben言下之意是婚禮必定大搞？Ben回答係未知數，要視乎到時心情，大有大做、細有細做。問到有否跟女友張寶兒討論過？他直言：「有傾過，不過都係順住去，事關除非不搞任何儀式，否則搞結婚都要一年時間，到時會有好多可能性，甚至可能雙喜臨門！」

　　問到Ali有無可能雙喜臨門？與男友陳炳銓感情穩定的Ali竟口快快指首要是搵到個啱嘅對象！追問她男友不是最佳人選？驚覺失言的她碌大雙眼、惶恐頻呼三次「唔係呀！」續說：「我係咪講錯嘢？我意思係做男朋友好，唔代表做老公或爸爸都好，當然大家都希望有下一步，但都要看緣份。」

歡迎光臨賽馬世界 (http://racingworld.no-ip.org/)