標題: 香香爆老公最叻換片 [打印本頁]

---

作者: 帶來吉利    時間: 30/5/2019 10:05 PM     標題: 香香爆老公最叻換片


岑麗香三月誕下囝囝吳主軒（Jacob），昨日復工出席公開活動。她分享做新手媽媽兩個半月的經驗，坦言至今才真切感受媽媽的偉大，香香指老公有幫手湊B，更爆他最拿手換尿片。

　　岑麗香昨日出席代言活動，透露目前已接近最佳狀態，只差幾磅，牛仔褲褲頭鈕已可扣好，只是有少少緊。香香又透露兒子吳主軒（Jacob）名字是由爺爺奶奶改的，意思是主耶穌基督居於心中。香香表示當了兩個半月媽媽，才真實感受到媽媽的偉大，現正餵人奶。問到老公強強會否幫手湊仔？香香笑說：「強強最拿手換片，BB都好有禮貌，成日都『斟茶』畀我哋。」

　　香香又透露媽媽返了香港，更感謝她幫手照顧囝囝，她又透露分娩過程順利，「BB好錫我，到醫院連麻醉針都打唔切，已經出咗世。」問可會盡快生多一個？香香笑說：「等我搞掂呢個先！（一仔一女？）將來都有呢個計劃，不過未會咁快。」香香透露BB已見過好姊妹李亞男及鍾嘉欣的囡囡，笑言兒子見得太多靚女，怕長大後眼角高。

　　問到香香是否全面復工？她笑說：「係啊！今日Set頭化妝時感覺好開心，（會接拍劇？）所有工作都可以。（今日出門會否不捨得BB？）有啊！臨出門口望多一眼，再聞吓佢啲BB味。」

---

歡迎光臨 賽馬世界 (http://racingworld.no-ip.org/)

Powered by Discuz! 5.0.0