標題: 20200906 田草 R8 R10 分析及重心 [打印本頁]
作者:
苦海明燈 時間: 5/9/2020 11:49 PM 標題: 20200906 田草 R8 R10 分析及重心
精選場次分析
第8場1班1200 特首盃
初步估計賽事步速唔會太快,
本場主要既快馬有君達星, 最合拍, 亦都有短途放前走既大籐王, 佢地排喺8-10檔, 料會早段以前速壓入內欄以希望取得有利位置。
內側比較快既馬匹則有明駿之星,勝利風範, 。
錶之智能同勝得精彩載譽歸來會守喺中間。
有理共想, 旌暉, 美麗非凡就比較被動。
今場既重心會揀載譽歸來, 潛力未必太多, 但喺呢一組馬應該夠用, 加上賽前操練積極, 戰意非常唔錯。
配腳揀錶之智能, 今季轉4歲, 期望佢會繼續有進步, 而佢有唔錯既後勁。
另外我會留意埋最合拍, 有機會受惠賽事步速, 加上沈集成既操練都係比較積極, 狀態應該黎得唔錯。
4重彩4連環
我會包返隻大籐王, 上季跑7場, 3個第4, 狀態係有只係能力上唔及對手, 減到114分, 有競爭力。
有理共想用潘頓, 試閘走勢幾好, 都要留意下, 但受制於賽事步速, 3344機會大啲。
第10場2班1400
整場賽事既慣性放頭馬只有開心好玩
美麗掌聲都試過, 但估計有開心好玩領放下, 佢應該會跟跑, 聚才都屬於有前速既馬匹。
勁無比, 超級綠洲有條件守住中間位置。
不羈的風, 蒙古王緊隨, 外檔既極速王比較被動, 估計要留喺中間3叠既位置。
後面6隻都係比較被動既馬, 雪霸神駒, 綠彩威利, 必妙星, 競技勇士, 輝煌星以及家樂飛駒
今場重心
1號超級綠洲, 有周俊樂減10磅幫下手評分上都係有優勢, 加上上季季尾果場係贏過俾你睇, 對手蒙古王同美麗掌聲同場, 值得參考。無快步速, 守住個靚位, 末段有加速力都幾好跑。
配腳方面範圍比較闊
2號蒙古王, 始終係2班既中堅分子, 有一定實力, 但我始終唔太中意跑落黎比較被動要追。
5號聚才, 自己好中意佢亦都好睇好佢既前景, 奈何真係健康問題影響進度
8號美麗掌聲, 佢跑1400好似仲未搵到自己既步伐, 有啲質素但要睇今季仲有幾進步。
投注推介
R8 5載譽歸來 X R10 1超級綠洲 WP混合過關 2x3 共8注
R8 5載譽歸來, 6最合拍 X R10 1超級綠洲, 2蒙古王 QINQPL 混合過關 2x3 共8注
苦海明燈專屬頻道
https://youtu.be/lMudLpnbGhI
附件:
Thumbnail.png (5/9/2020 11:49 PM, 55.81 K) / 該附件被下載次數 0
http://racingworld.no-ip.org/attachment.php?aid=3741
作者:
poiuy 時間: 6/9/2020 04:32 AM
golden 個個?
作者:
布宜學 時間: 6/9/2020 04:51 AM
加上沈集成既操練都係比較積極, 狀態應該黎得唔錯
狀態點可以靠估....
作者:
苦海明燈 時間: 6/9/2020 08:10 PM
原帖由 <i>poiuy</i> 於 6/9/2020 04:32 AM 發表<br />
golden 個個?
<br />
唔係呀師兄, 我無上開高登
作者:
苦海明燈 時間: 6/9/2020 08:11 PM
2020年9月6日賽日小結
沙田A跑道開跑前有驟雨, 其後陰天轉晴
全日賽道形勢有頗明顯偏差, 利中後位追入
只有5場凌駕全程走3叠贏馬, 7場精彩勇士直路賽放頭贏馬, 以及8場最合拍望空外叠贏馬
回望心水場次第8場及第10場
第8場, 一如所料君達星放頭, 勝得精彩, 明駿之星, 最合拍等比較主動, 錶之智能比預想走得更前
但君達星未能好好操控步速, 全力奔走, 出現偏快步速
勝得精彩跑來未盡狀態屬意料當中, 明駿之星亦已盡力, 奈何能力有限
錶之智能越級挑戰得第4, 唔失禮
載譽歸來過磅輕40多磅或是勝負關鍵, 大籐王, 有理共想能力證明衰退, 反而9歲旌暉保持實力追入Q
最有驚喜係頭馬最合拍及明駿之星
明駿之星受惠步速形勢加上輕磅內欄慳位上, 追到第3
最合拍沿途3叠, 蝕腳程加上並不受惠步速, 末段仍能加速取得頭馬, 值得繼續留意
第10場, 有前速既馬匹如我所講開心好玩(潘), 美麗掌聲(拉), 聚才(巴) 等會搶取頭段領先位置。
當時騎師王形勢, 潘頓莫雷拉平分, 美麗掌聲處於開心好玩內側, 更可確定開心好玩未能單騎領放。
更未料聚才久休復出, 採取自殺式快放前速加入戰團, 第二段放到20.xx, 明顯埋唔到尾。
競技勇士亦在前列, 但此非其最佳跑法, 用心明顯, 落三班見。
原定重心馬超級綠洲守住前列馬群之後, 極速王亦攝得靚位, 蒙古王如是。忠心馬輝煌星最蝕腳程。
其餘馬後面拿埋一堆。
賽事入最後直路, 領前3駒加競技勇士提早收工是必然的結果。
受惠快步速, 極速王先現身, 蒙古王亦食正快步速追趕, 包尾既煇煌星亦步亦趨, 超級綠洲仍然未散但已欠競爭力。
最後蒙古不愧為2班中堅分子, 成功取得頭馬, 蝕位既煇煌星以凌厲後勁追上, 可惜以短頭落後極速王得第3, 超級綠洲得第4。
整場賽事, 領放馬群是關鍵, 但當中最有驚喜既係美麗掌聲, 3駒當中, 只有佢尚有力加速。
後上入前3既實力馬, 賽果亦是理所當然。
作者:
布宜學 時間: 8/9/2020 10:37 PM 標題: 回復 #5 苦海明燈 的帖子
明駿之星跑包尾喎.....
作者:
苦海明燈 時間: 9/9/2020 12:25 AM 標題: 回復 #6 布宜學 的帖子
應該係勝利風範先啱, Thanks 師兄
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |