標題: (河馬仔賽馬專欄)2020/09/20 [打印本頁]

---

作者: 河馬仔    時間: 20/9/2020 02:15 AM     標題: (河馬仔賽馬專欄)2020/09/20


三季累績 : - $193779

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

今季希望盡力啦，自己能專注一點去解讀，今年亦會改一改投注的格式呢，始終有多點回扣。

今次就選第九場3班千二米呢。

2「悅跑得」呂廄以往在普通賽事中一連出兩隻原本戰績麻麻，但去到季尾兩次賽事看似有點不同。而田泰與此廄雖然合作並不叫極多，但成功率也不算太弱，當然今場此駒乃堯哥棄騎，但當佢騎隻馬王的話又情有可原。上年此駒在上手倉都算來得快，有一場可以與「禾道駒」後上狂衝差點入圍，而及後更偶有佳作，唯一上年的確反覆無常，轉倉後一課比一課上力之餘，閘更是名顯在泥閘一課後上力克「百步穿雲」，而且少了上年的癲狂。望就望今次轉倉後加上季尾減分，能反映此駒適應後的實力外，更可憑今場快馬甚多的良機，趁有堆對手仍有不明疑點下得手。

4「夢想成金」型格明顯與此群馬有極大分別，但獨驚今場大外檔兼此駒試閘轉彎仍有點緊，今場快馬不少，是否留得好好成關鍵，但如果外疊不大問題的話基本上此群對手未必有多大機會能威脅此駒。

7「閃電俠」狀態當然超有疑問，試泥閘也是古靈精怪，不過本身此駒實力極超，上年跑三班一場基本上視「加州更好」如無物，當然缺陣日久確有問題，但實際在上年希威森試閘後長休，復課後工夫不算斷好多，而頓瑭又好少對呢類馬咁留戀，如此駒實的陣上變到身，其實係可以橫掃此群。

四重彩腳
1「天作之合」外地贏馬三場對手唔算差，上年一場狀甚有熱身味道，不過該場其實幾利追之餘，此駒贏到的後排馬又實際一般，而晨操仍是幾急，要看看此駒能否克服此群對手，特別在這分區。
8「電子群星」分開始冇乜利，特別仲要用恩哥，唯獨狀態仍保持，博有個第四還是需要。
9「平海掌星」本身是否好超仍好大疑問，特別在千二，此駒上年五月之後停課到今季初，開始幾肥之外，落腳更慢，未知是否未來要增程才好。

其他
「令才」密操快跳後好似仍是急燥神經質但開步唔闊，鬥放講真又未必有如此高速。「大師級」上年心律不正走樣得相當嚴重，而且谷草表現明顯高好多，而且之前在谷草加分不少。「加州更好」上年落雨補得出又冇乜馬放就得手，但當時贏的對手又真的相當麻麻，加分後真的表現見到未能消化增幅，今場對手非庸品好難跑。「禪勝寶駒」起步唔快就走樣，新馬同三班真的見到有距離。「電訊驫馬」原本可一博，但此駒焦燥性格難改，而且非常短力，如果改得到一換谷草一千要防，而且今場用上此廄極少合作的波叔，有點惹人疑惑，但估計會有大戶會諗。「陽光戰駒」個身油桶咁樣，落腳極慢，上場話追少少但其實唔係好貫注到走勢，可能部署跑中長途。

(河馬仔賽馬專欄)2020/09/20真投注紀錄


[ 本帖最後由 河馬仔 於 20/9/2020 02:18 AM 編輯 ]

---

作者: 2709730    時間: 20/9/2020 05:16 PM

睇派彩

[ 本帖最後由 2709730 於 20/9/2020 05:17 PM 編輯 ]

---

作者: JerryMa1989    時間: 20/9/2020 05:17 PM

---

作者: 河馬仔    時間: 20/9/2020 07:18 PM



2020/09/20「河馬仔賽馬專欄」，唔夠買部PS5

是日 : - $18645 + $21660 = + $3015

上年累績 : - $193779 + $3015 = - $190764

[ 本帖最後由 河馬仔 於 20/9/2020 07:23 PM 編輯 ]

---

作者: 富源    時間: 20/9/2020 09:08 PM



不過我覺得平海掌星應該試泥地多過增程

---

歡迎光臨 賽馬世界 (http://racingworld.no-ip.org/)

Powered by Discuz! 5.0.0