標題:
(河馬仔賽馬專欄)2020/09/27
[打印本頁]
作者:
河馬仔
時間:
27/9/2020 02:12 AM
標題:
(河馬仔賽馬專欄)2020/09/27
三季累績 : - $190764
(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)
今次選一選第九場3班千二米呢。
第1選
8「威威心得」深知此駒里程不多，而且今場純正快放馬甚少，本來甚為不利，不過此駒最近一次試閘出閘極罕地相當快速順暢，上年其實與「發財寶」跑的一場如非當時有八磅之遙，以及要後發先至，可能佢跑到第二，今次暑假又回到67分，但「發財寶」已是去到68分以及原分原磅跑，如能靠雷哥早點霸到前列位置一點，可能真的可以一圓此駒長期在達叔手上都未能開齋的可惜之處。
第2選
14「三生好運」雖然看似千四較佳，但此駒跑田草千二起家之餘，跑千四實際要好看步速是否就到，以及一定要就到前面有追逐目標才好。此駒上場雖然雷哥跑谷草千二也敗，但跑谷草一來是最初嘗試，二來此駒起步已迫在三疊，焗與「獎金大王」鬥放，敗也合理，但實際輸唔遠，此駒要減分可跑三班千四，基本唔夠班跑，不過此駒居然走去跑田草千二，仲要換配備，而綸哥奇怪地唔騎前坐騎「嘉應精英」，如果今場遇到略慢步速而有COVER，一隻雷哥成日光顧的馬匹總不能忽視此駒之實力。
第3選
9「眾歡笑」是此廄少有第一季已成功表現超卓之PPG，上年雖然上三班後明顯有點未全面適應，不過尾二之一場遇大雨及極不利追，季尾一場又衝入馬林。暑假後此駒養壯不少，而此駒今季好似冇多餘的少動作，相當文靜之下，未知頓哥光臨之下會否預示此駒之更深底蘊？
四重彩腳
6「晨曦飛馬」晨操唔差，上年是一隻較少見頓哥贏開後換巴度再贏，當然怕就怕此駒傷後跑得如何，但上場是實久疏戰陣都算係咁，如此駒仲有少少岎進步的話會有驚喜唔奇。
7「發財寶」實係好奇點解會大熱，上年用雄叔跑谷草博多場也可惜未能添勝仗，而上年尾一場已用樂仔大減分之下，先發制人也要敗在「寶成智勝」，今次雙重加分已相當吃力，亦不敢估此駒有好大進步，再加上此駒今季試草閘與以往戴眼罩試相當不同，以往好表現個陣多數有眼罩試草閘，而今場此駒是否靠放放甩對手就真的相當難料，但疑點係多的。
13「特醒」隻馬係銳，但最驚此駒入圍都係頓哥，見此駒泥閘波叔試到有點難操控，而且此駒出閘及沿途發揮係幾困難，再加上此廄鮮有頓轉波，就算磅位問題也好難剔除此疑問。
其他
「綠彩威利」真心講跑好多少都冇乜邊段好睇，似中距離速度多，但氣量又唔到。「精準快車」出閘都轉彎都異常神化，操控就算係紹哥也有好多因素要諗。「行雲流水」加眼罩出閘又唔係太快太準，特別係千二轉後追實際跑又未試過，有點懷疑是否為及後跑長一點熱身。「順意寶」今年轉倉開操初期有工夫放緩，而此駒今季唔知點解晨操又馬定機又比以前搶口，上年贏馬一場其實都係贏跑千二初出的「勁博」，以及望空放的「風雨駒」。「嘉應精英」應有不少冷品客注意，但此駒之氣管術後都係咁，而此廄今日出馬頗弱，又借唔到樂仔的十磅，跑千二以往試過泥地都唔多得，除非今場真係佢單一隻放就冇得講。「東方繁華」色淡出閘又怪，拍「童話」又急，都係等等。「英明勇將」之前贏得精彩，但兩場沿途走位際遇唔算差，而連贏三場後加分上三班已過上年年初之時，今場快馬唔多其實對老馬來說考驗好多。
(河馬仔賽馬專欄)2020/09/27真投注紀錄
[
本帖最後由 河馬仔 於 27/9/2020 02:13 AM 編輯
]
作者:
河馬仔
時間:
27/9/2020 06:12 PM
2020/09/27「河馬仔賽馬專欄」，夠買PS5+月餅了。
是日 : - $18645 + $33770 = + $15125
累績 : - $190764 + $15125 = - $175639
作者:
駿先鋒
時間:
27/9/2020 06:20 PM
河馬兄可以買到好多月餅
作者:
富源
時間:
27/9/2020 06:34 PM
歡迎光臨 賽馬世界 (http://racingworld.no-ip.org/)
Powered by Discuz! 5.0.0
