賽馬世界 - Powered by Discuz! Board

標題: 張若錡不做花瓶 [打印本頁]

作者: 帶來吉利 時間: 29/10/2020 01:06 PM 標題: 張若錡不做花瓶

憑ViuTV探靈真人騷《鬼同妳上位》彈出的張若錡（Angus），去年推出處女寫真集《錡遇》，近來就從模界踩入電視圈，參演過ViuTV劇集《黑市—黃牛》及微電影《下一秒，追到你》等，「本身都覺得自己做Model唔係特別優秀，我又唔係特別高，又唔係非常瘦嘅女仔，所以喺平面上會有啲蝕底。其實我都幾鍾意拍劇或拍戲，因為可以從演繹角色中試吓做另一個人，幾好玩。」

Angus又視台灣女星林依晨為目標，「以前拍偶像劇，佢大多飾演傻大姐，到呢幾年扮演職場女強人、演悲劇等，佢都做得好好，我會覺得佢係我演技上向學習嘅對象。」不過，擁有32D、22、34火辣身材的她，又可會擔心予人「花瓶」形象？Angus說：「只可以努力做好，令觀眾接受你，任何人嘅批評都係一個進步（機會）嚟。之前都有上Drama堂、睇多唔同嘅戲，其實要喺屋企多啲練習唔同嘅表情，然後將日常生活見到其他人嘅表情，或對事件嘅感受就要記住。」並希望有機會跟影帝黃秋生合作，從而在對方身上偷師學演技，「佢好勁，我睇佢好多戲，無論搞笑、恐怖、變態都得，真係演技好好，如果可以跟佢學一次嘢係畢生受用。」

那麼會否想擺脫性感形象？「而家嚟講性感係一個（上位）途徑，始終行性感會多啲人認得你，但佢只會記住你性感、靚女、有身材，但每日都有呢啲女仔出現，咁點令佢Keep住記得你呢？就係要努力拍囉。（幕前性感尺度？）主要睇劇本，好似《色戒》係一套藝術片，拍出嚟好睇咪可以囉。（全裸都得？）要睇角色有冇呢個意義，露唔露三點冇乜特別，外國大部份戲都有咁嘅情況，自己心態就冇咁保守，最緊要畫面好睇。」

歡迎光臨賽馬世界 (http://racingworld.no-ip.org/)