此外，早前她為百億富三代鍾培生的YouTube節目《Date With 鍾培生》擔任嘉賓，片中，換上粉紅色谷胸Sports bra及瑜伽褲的松岡，在鍾培生指導下一起健身，玩完橢圓機（Elliptical Trainer）、單車機後，她又接受背槓深蹲訓練，以及用滑輪機練手臂肌，其間，每一下俯身動作都令其33C「蜜桃胸」呼之欲出，非常養眼，搞到在旁的鍾培生雙眼也不敢亂飄。
教完松岡打Boxing後，鍾培生便施展冧功送Bear Bear熊給對方，又帶她去餐廳醫肚；食Lunch期間，當聽到松岡表示因見到靚女相，所以決心做Gym Keep Fit時，鍾培生即口花花○氹女方：「你話你見到靚女？你見到塊鏡？You see yourself。」語畢松岡也附和並大笑：「Always.」而鍾培生亦坦言開始學打拳，是因為一個字「型」，並謂：「想挑戰自己，因為我運動細胞好差，所以做一樣自己唔識嘅運動，由零開始去練好似幾好。」
