標題:
網民批噴奶環節嘔心
[打印本頁]
作者:
帶來吉利
時間:
18/7/2023 04:00 AM
標題:
網民批噴奶環節嘔心
ViuTV選秀節目《全民造星V》噚晚（16日）喺九展舉行總決賽，觀眾透過直播見證冠軍誕生，總決賽除咗安排過去四屆�H師兄師姐跟10強一同進行表演項目之外，仲有首屆冠軍姜濤以大師兄身份壓軸登場表演《鏡中鏡》；而對手TVB就以《獎門人 Happy Summer感謝祭》及《中年好聲音2 100強大召集》搶收視，不過《獎門人 Happy Summer感謝祭》�H「啖啖奶」環節就被網民狠批嘔心及唔衛生。
《獎門人 Happy Summer感謝祭》繼續由「獎門人」曾志偉帶領「獎老」錢嘉樂、麥美恩、林秀怡和程浩駿擔任主持，佢哋更以《櫻桃小丸子》造型登場，而嘉賓就包括有《濠玩夏水禮》�H「好玩隊」陸浩明、朱智賢、楊潮凱、黃婉恩、關楓馨及何浩文，對戰「喪玩隊」林盛斌（Bob）、蘇韻姿、邵初、阮兒、周志康及陳婉衡。今集有兩個經典遊戲（「開心無敵Short Short哋」和「開心無敵啖啖奶」）重現，「獎門人」曾志偉更表示好耐冇玩「開心無敵啖啖奶」，呢個遊戲非常刺激，亦係佢最鍾意�H遊戲之一。玩法就係每隊每輪派出一名隊員，估「敵方」邊一位隊員個口入面喺冇牛奶，如果估錯�H話就要慘被噴奶。
除咗蘇韻姿及朱智賢慘被噴奶之外，阿Bob估極都唔中，結果被陸浩明、朱智賢、楊潮凱、何浩文及關楓馨連番噴奶，畫面既瘋狂又嘔心。節目出街後，TVB及阿Bob亦有將片段分別放上YouTube及IG，雖然阿Bob被網民指玩得投入及敬業樂業，不過亦有唔少網民指環節嘔心及唔衛生，例如「好嘔心呢個遊戲」、「好慘」、「全部嘔心遊戲」、「唔覺得好笑，淨係覺得好核突！」、「唔好意思真心唔覺得好笑，呢啲節目仲要低俗當有趣，希望Bob下次可以更有智慧選擇上電視節目啦」、「黐X線節目」、「好核突」、「好噁心喔, 不衛生。」、「我真的想投訴他們，讓他們禁止玩這個遊戲」、「藝員如果有病唔知，咁噴法，對方吸左入鼻咪感染點算。」、「不覺得好笑！因衛生問題，好嘔心！接受不到呢個環節。除了接食（接爆咀）環節之外，其他環節不錯，好搞笑！希望下次再好玩些！除了衛生問題之外就可以」及「睇到我想嘔」等等。
歡迎光臨 賽馬世界 (http://racingworld.no-ip.org/)
Powered by Discuz! 5.0.0
