賽馬世界 - Powered by Discuz! Board

標題: JJ賈曉晨爆老公被呃幾百萬 [打印本頁]

作者: 帶來吉利 時間: 8/2/2024 02:27 PM 標題: JJ賈曉晨爆老公被呃幾百萬

賈曉晨同老公樊少皇近年屢傳婚姻出問題，JJ多次受訪都話有離婚念頭，今日JJ接受傳媒專訪時都係直言唔係因為2個女一早就離婚，更大爆樊少皇被好友借錢唔還，金額高達幾百萬！

打仔出身嘅「力王」樊少皇，睇落硬橋硬馬但原來得個殼。JJ透露結婚第2日樊少皇就向佢坦白，有好兄弟向佢逐少逐少借錢，前後一共幾百萬；最激氣係呢位好友欠債之際，仲夠膽問樊少皇借多50萬先還返之前筆數，而樊少皇又真係信！JJ爆話到而家都仲有人想搵樊借錢

賈曉晨為咗保持頭家唯有做霸氣人妻管住屋企盤數，睇實老公往來文件，自此樊少皇一切收入由經理人入落屋企聯名戶口，然後每個月出幾萬蚊糧俾樊。而現時樊少皇名下物業大部份都歸JJ名下，JJ仲爆樊少皇揸嘅2層樓都係由佢俾首期，講笑話要「收歸國有」。

雖然近年成日嗌離婚，但JJ都盛讚老公孭起頭家，錫晒老婆同2個女，而且又冇不良嗜好，加上每月零用錢唔多，唔使擔心有女埋身。賈曉晨提到自己早年患過抑鬱症，近年因為家事繁瑣疑似病發，同老公傾訴之後，樊少皇竟然會流淚，令JJ更抑鬱。喂，樊少皇真係好pure 好true喎。

歡迎光臨賽馬世界 (http://racingworld.no-ip.org/)