標題: 前練馬師吳志林教睇馬 [打印本頁]

---

作者: EternitY    時間: 30/7/2006 08:16 PM     標題: 前練馬師吳志林教睇馬

（01）大長途馬在沙圈及出跑道時，有時會呆呆滯滯，甚至推都唔郁，其實係氣定神閒，經典例子是已退役的「福將軍」。

（02）老馬跑肥唔跑瘦，若見身瘦切勿捧場，相反，肥些少唔係問題，臨退役前打疊贏兩場的「橫財」是最佳例子。

（03）睇灰馬毛色靚唔靚，呈胭脂紅當然最好，但若見黑白分明其實狀態已不錯了。如進昌得寶就係最典型例子。

（04）大熱天時好多馬都會流汗，如果神色好的話不用介懷，相反，一滴汗不流之馬，小心是患了乾皮症，更加不妙。

（05）有些馬行沙圈時後腳會跛口下跛口下，如已退役之「厚愛」，這是馬兒的慣性，所以絕對不會影響陣上的表現。

（06）未跑過濕地之馬，若見耳仔戙戙，伸埋條舌出來舔雨水，未跑已知是匹游水馬。

（07）肉身馬要睇肥唔肥好考功夫，反而聽馬兒過步及出跳時落腳重唔重（即聲響大與否）會較易察覺係咪過肥。

（08）有些馬行沙圈時會不停發出呼氣聲響，其實屬馬匹正常現象，各位不用太介懷，但若見有打噴次情況則不太妙。

（09）反白眼馬匹在陣上多數會有些神經質，所以出賽時表現也較失準，已退役之「出擊」便是最佳例子。

（10）馬尾只要生得整齊便算及格，但個別短尾之馬，競跑時平衡力會較差，在彎急路斜的谷中上陣會較吃虧。

（11）競賽時豎尾的馬匹，一般來說皆並非好貨色，好像「威達之星」上陣全程豎尾，而又跑得好的，只屬少數例子。

（12）馬匹紮腳其中一個作用係保護馬腳，好似「力奇良駒」次次都紮腳，一樣打疊3W，所以咪當此類馬無到。

（13）馬匹行圈時如見口部流白泡，絕對唔使擔心，相反重要買大D，事關咁至代表隻馬弗到震，狀態接近十足水準。

（來源：不明，轉自友網『論馬』）

---

作者: EternitY    時間: 30/7/2006 08:46 PM

（13）馬匹行圈時如見口部流白泡，絕對唔使擔心，相反重要買大D，事關咁至代表隻馬弗到震，狀態接近十足水準。

有關這一點，本人曾在上年國際賽時看見馬王『爪皇凌雨』的確如此，最後順利勝出！:gggg::gggg::gggg:

---

歡迎光臨 賽馬世界 (http://racingworld.no-ip.org/)

Powered by Discuz! 5.0.0