賽馬世界 - Powered by Discuz! Board

標題: 關於97年香港國際盃 [打印本頁]

作者: hkcmlawrence 時間: 2/11/2006 04:20 PM 標題: 關於97年香港國際盃

馬會精采20載內的簡介:

先後四度在這項賽事跑入位置後，美國代表終於都威番一次，艾謀信憑狠辣騎功發揮「威太子」的強橫後勁，臨門一步擒下韋達的「奔騰」。日本代表「無聲鈴鹿」放到甩轆，頭千四米快達1分22秒1，如此操控步速，實在難以相信鞍上人是號稱東瀛高手的武豐！

羅倫士:
我只能說,寫個個人實在太香港賽事模式主義了,冇見過大逃就彈人地.
我敢話,以當時3歲無聲鈴鹿的實力,性能.如果唔係咁跑.對著1堆國際級對手,1定冇第5.

作者: Running 時間: 2/11/2006 04:31 PM

其實要寫，就應該寫o係02年香港瓶啦！

作者: +超級無敵+ 時間: 2/11/2006 04:34 PM

千四造一分廿二秒一應該可以0係二班贏馬

所以佢咁寫其實都唔過份

當年有邊個知無聲鈴鹿咁鬼勁

作者: hkcmlawrence 時間: 2/11/2006 04:41 PM

QUOTE:

原帖由 +超級無敵+ 於 2/11/2006 04:34 PM 發表
千四造一分廿二秒一應該可以0係二班贏馬

所以佢咁寫其實都唔過份

當年有邊個知無聲鈴鹿咁鬼勁

問題係ｌｅｅ幾句唔係當年寫ｇａ　ｗｏ:ggg:

作者: 肥西 時間: 2/11/2006 04:49 PM

日本仔騎馬素來留放極差。好多時根本就是亂跑。
你應該好後生，應該未睇過騎師條件限制賽，得閒睇下。比較一下那些比賽和日本賽事。

作者: hkcmlawrence 時間: 2/11/2006 05:17 PM

QUOTE:

原帖由肥西於 2/11/2006 04:49 PM 發表
日本仔騎馬素來留放極差。好多時根本就是亂跑。
你應該好後生，應該未睇過騎師條件限制賽，得閒睇下。比較一下那些比賽和日本賽事。

但從之後的比賽來看
此馬真係冇需要留ga wo

作者: mosse 時間: 2/11/2006 11:20 PM

QUOTE:

有冇睇過無聲鈴鹿點羸馬，睇完先講!!!!!!!!!!!!

作者: 列高力 時間: 2/11/2006 11:22 PM

QUOTE:

原帖由 mosse 於 2/11/2006 11:20 PM 發表

有冇睇過無聲鈴鹿點羸馬，睇完先講!!!!!!!!!!!!

咪就大逃
即係狂放lor :fff:

作者: sw 時間: 2/11/2006 11:25 PM

QUOTE:

一隻自造步速跑2000唔駛兩分鐘嘅馬冇必要留住再爆一段...

作者: kururu 時間: 2/11/2006 11:44 PM

大逃好可能係日本既特色

係日本跑馬跑馬先靈既方法

同香港拉龜放頭一樣係「地方特色戰略」

不過比起係外國都有用既拉龜放頭地方局限性更大

以上只屬個人推斷:ooo:

作者: 不夜城 時間: 3/11/2006 01:44 AM

如果呢段文章係97年寫: 可以理解, 因當時真係冇人知道隻無聲鈴鹿真係可以大逃
但如果係資訊發達既2006年寫: 呢位作者既賽馬知識僅限於香港, 簡單d講-井底之蛙

作者: 莫問我是誰 時間: 3/11/2006 02:23 AM

問題重點是...香港過去有無馬可以用大逃贏馬呢??

剛剛贏馬o既龍馬精神之前狂放回來又係得第4,轉跑法就輕鬆贏馬~

而以前,唔好話香港無馬用大逃戰術,簡sir都好興用呢招,當年一隻"大丈夫"配丁仔騎,又係用大逃放離10幾個馬位,但返來最後結果又如何

呢?

上年快活谷,賴仔騎"帝聖名駒" o個隻又係唔係叫大逃呢?定係叫留放不恰當呢??

而會唔會大逃呢種戰術只會響日本馬場先可以用得著,香港2大馬場用只會是死路一條呢?

我就比較相信後者...起碼呢20多年,我無咩印象有邊匹馬可以放離10幾個馬位之後,返到來仲可以贏馬,如果有的話,請高手指點,謝謝~~

作者: EternitY 時間: 3/11/2006 06:22 AM

十幾個馬位真係難有 ...

放頭 ... 最後嬴好遠 ... 就記得有君子 ...

作者: EternitY 時間: 3/11/2006 06:24 AM

無聲鈴鹿遠征香港時，只是一匹普通馬，回國後才發威的。

日本賽馬的水準，無疑是很高，但騎師因為封鎖政策，水準毫無疑問是較低。

作者: 飛神 時間: 3/11/2006 07:43 AM

QUOTE:

原帖由 莫問我是誰 於 3/11/2006 02:23 AM 發表
問題重點是...香港過去有無馬可以用大逃贏馬呢??

剛剛贏馬o既龍馬精神之前狂放回來又係得第4,轉跑法就輕鬆贏馬~

而以前,唔好話香港無馬用大逃戰術,簡sir都好興用呢招,當年一隻"大丈夫"配丁仔 ...

同興旺又如何?

仲有我都覺得大逃係日本 work ge 原因係因為d local jockey 水準低...

同埋其實一走左出黎七八個馬位都係整番慢.......(我指普通馬)

[ 本帖最後由飛神於 3/11/2006 07:46 AM 編輯 ]

作者: souphen 時間: 3/11/2006 09:09 AM

QUOTE:

大逃並唔係一d普通既放頭馬可以做到...
唔好用d無級數既馬所做既"所謂"大逃黎同無聲鈴鹿比...
簡直係侮辱左一隻跑2千米做出1分58秒仲要嬴十馬位既馬

你搵d垃圾黎大逃,無速度又無氣力,梗係返到黎無力,有力又爆唔到
因為香港思想黎講,放頭馬多數係均速,香港人覺得有速度既馬,一定要留
無聲鈴鹿集速度與耐力於一身,係百年難得一見既怪物
係寶塚記念,換左比南井克已騎,無大逃,反而差d比黃金旅程追到而輸埋
武豐揀左氣糟,都差d追到上黎
可能係大賽壓力唔敢亂黎,之前既賽事亦都只係二,三級賽
武豐可能都係好似達少咁現實

但係事實都證明左,佢係可以輕鬆彈甩兩隻馬王級既佳駒

1998年每日王冠 G2 1800米東京

神鷹　　　草上飛

一隻3歲嬴日本盃,凱旋門只負望族,更成為第一隻勝出海外中長途一級賽既日本馬(聖格盧大賽)
一隻3歲嬴有馬記念,成功做出史無前例既Grand Prix三連霸(有馬->寶塚->有馬)

草上飛可以話佢轉彎太急,衝左上黎,又或者話兩隻馬未熱身
一隻跑完朝日杯斷腳,休養大半年先出返,有成9個月休息
一隻跑完nhk已經放草,完全為日本盃準備,中間有成4個半月

但係,請,睇返佢跑既時間

1:44.9

所以,請尊重佢既跑法
這就是他的跑法,這就是他的威力
這就是他的必勝之道

作者: souphen 時間: 3/11/2006 09:17 AM

某程度上黎講,每日王冠跑到咁快
可能果時已經有少少傷而發覺唔到

再加上係天皇秋出閘200米之後..果一段400米既路(1800->1400)

佢係果段好似痴左線咁..跑21.6(10.9-10.7)
最後踏上不歸之路

作者: sw 時間: 3/11/2006 09:34 AM

QUOTE:

原帖由 souphen 於 3/11/2006 09:17 AM 發表
某程度上黎講,每日王冠跑到咁快
可能果時已經有少少傷而發覺唔到

再加上係天皇秋出閘200米之後..果一段400米既路(1800->1400)

佢係果段好似痴左線咁..跑21.6(10.9-10.7)
最後踏上不歸之路

都話要o係o個場搵人算帳......搵木村拓哉啦....

作者: souphen 時間: 3/11/2006 10:21 AM

QUOTE:

原帖由 sw 於 3/11/2006 09:34 AM 發表

都話要o係o個場搵人算帳......搵木村拓哉啦....

我唔信邪

作者: 肥西 時間: 3/11/2006 10:54 AM

日本大逃馬多的主要原因是隻馬開步之後隻馬擔咇，搶住走，一般日本騎師的水平根本唔可以settle隻馬，咪唯有焗住走，根本就係放得順過頭，完全冇尺寸，你試下換一個韁蠅好的一級師傅騎，可以令隻馬放得較順，所謂大逃跑去法通常是隻馬想偷雞先會用，放甩十幾個馬位之後按慢隻馬回氣，直路就可以放到。無聲鈴鹿贏馬當然睇過，給我的感覺不是放頭那隻勁，而是後面的騎師差。熱門通常會成為其他人的假想敵，你一開始走必定有人跟隨，唔會畀你放甩，係日本騎師先會全部都唔追隻熱門。呢D跑法只有對住一班水平極差的騎師先行得通，由得你放完全冇燒你的打算，又唔識得搵隻冇乜機會的馬玩殺傷戰術同你鬥燒。以前試過有練馬師專登報一隻短途馬跑長途，就是為厩友燒死隻假想敵，唔知點解日本冇人用呢招。

你自己睇下就算俊歡騰呢種級數的馬在二班畀馬燒會跑成點：
http://www.hkjc.com/chinese/raci ... /2006&raceno=12

睇馬唔好咁著重時間，地快自然時間快，馬場地形都有影響，記唔記得每年來香港跑一千的日本馬的時間，通常都快過本地馬成秒，但成績如何。仲有就係跑馬唔係跑時間，如果係跑時間就不如逐隻跑，跑馬是跑邊隻第一隻到終點，唔理你用咩時間。日本馬的質素高是不容否認的，但騎師就真係不敢恭維。

作者: sw 時間: 3/11/2006 11:04 AM

QUOTE:

到時只會有10隻8隻步步勇水星去送死.......:hhh:

[ 本帖最後由 sw 於 3/11/2006 11:06 AM 編輯 ]

作者: 莫問我是誰 時間: 3/11/2006 04:33 PM

同興旺不同意,因為o個場係變化地,同跳舞城贏日本盃一樣,係靠場地之助(2隻馬都係變化地特佳)~~

另外相當同意肥西所說,本人也不"迷信"時間,跑馬好多時制做出快時間唔係因為馬匹實力高,而係多得場地因素所致~~

香港o岩o岩開季呢2個月不停破記錄時間,攪到好多人以為香港馬匹水準又高左,查實真係多得o個班場地管理者唔少,成日嘗試換新草

保養場地,而家d記錄時間根本無意義,因為當年精英大師跑o個塊草地,同今日騏彩跑o個塊根本唔係同一塊草地!!

我好似講開左好遠,事實上唔係,其實人人話"無聲鈴鹿"返去日本進步左好多,但係呢d進步,全都係響日本4個馬場東京,中山,中京,阪神所做,

之後隻馬都無再遠征,對o既都只係日本對手,精英大師未遠征前都比人叫門口狗,咁呢隻鹿仔...哈哈~~~

~~用客觀想法去思考,大逃好似真係只適用於日本呢~~~

作者: 肥西 時間: 3/11/2006 04:51 PM

咁又唔好咁講，無聲鈴鹿亂咁跑都贏，證明佢的實力都幾高。睇返97年香港國際盃條片，隻鹿基本上早段已經擔晒咇搶走，唔好話我睇少武豊，以佢的騎功根本唔可能settle到隻馬，唯有亂放。

放頭制勝的馬唔等於亂放，希望大家分清楚。唔好將日本的賽馬遊戲代入現實世界，賽馬遊戲唔會有擔咇搶走同騎師韁繩的問題，但現實是有的。

作者: taxi2003 時間: 3/11/2006 05:16 PM

QUOTE:

原帖由肥西於 3/11/2006 10:54 AM 發表
日本大逃馬多的主要原因是隻馬開步之後隻馬擔咇，搶住走，一般日本騎師的水平根本唔可以settle隻馬，咪唯有焗住走，根本就係放得順過頭，完全冇尺寸，你試下換一個韁蠅好的一級師傅騎，可以令隻馬放得較順，所謂大逃跑去法通常是隻馬想偷雞先會用，放甩十幾個馬位之後按慢隻馬回氣，直路就可以放到。無聲鈴鹿贏馬當然睇過，給我的感覺不是放頭那隻勁，而是後面的騎師差。熱門通常會成為其他人的假想敵，你一開始走必定有人跟隨，唔會畀你放甩，係日本騎師先會全部都唔追隻熱門。呢D跑法只有對住一班水平極差的騎師先行得通，由得你放完全冇燒你的打算，又唔識得搵隻冇乜機會的馬玩殺傷戰術同你鬥燒。以前試過有練馬師專登報一隻短途馬跑長途，就是為厩友燒死隻假想敵，唔知點解日本冇人用呢招。

你自己睇下就算俊歡騰呢種級數的馬在二班畀馬燒會跑成點：
http://www.hkjc.com/chinese/raci ... /2006&raceno=12

睇馬唔好咁著重時間，地快自然時間快，馬場地形都有影響，記唔記得每年來香港跑一千的日本馬的時間，通常都快過本地馬成秒，但成績如何。仲有就係跑馬唔係跑時間，如果係跑時間就不如逐隻跑，跑馬是跑邊隻第一隻到終點，唔理你用咩時間。日本馬的質素高是不容否認的，但騎師就真係不敢恭維。

1. 點解唔跟隻放頭快開??
睇下每日皇冠果場草上飛想跟上d結果place都冇埋就知咩事
唔係話唔比佢走甩就有機會捉到佢的,玩下手燒死埋自己都燒唔到人地

2. 點解日本好少出d冇機會既馬幫廄侶開路??
日本長途好多時full gate的,唔係話跑就一定入到
你估hk跑2000場場唔夠馬跑咩:lll: :lll:

同埋日本d級際賽都唔係幾大馬房壟斷哂
當然好難咁做:tttt: :tttt:
兵力強如藤澤和雄都好少一場級際賽出到幾隻馬

[ 本帖最後由 taxi2003 於 3/11/2006 05:17 PM 編輯 ]

作者: 真誇張!嵩哥 時間: 3/11/2006 05:17 PM

既然肥生咁講
秘書處只係一隻鞍上人唔識HANDLE既馬
但又俾佢死好運貝蒙STAKE贏31馬位:fff:
呢隻直頭係一路跑一路放:eee:

作者: 莫問我是誰 時間: 3/11/2006 05:21 PM

響賽馬理念上,我個人係好相信有主場之利呢樣東西!!!

好像奧馬田呢隻馬,絕對係o個d響高地踢波o既足球員,響自己國家可以係龍...出外遠征就........

而無聲鈴鹿係唔係真係一隻超級馬呢,用現有紀錄,佢響日本絕對係數一數二o既名駒,但響全世界,唔好意思,唔見佢有再出外遠征,

所以無呢方面資料...所以用客觀想法,我始終覺得佢係o個種靠地利,靠地快放到人氣咳追唔到o個種馬...但去到歐洲跑地慢o既地

會唔會有同樣威力呢??

我相信"無聲鈴鹿"o既支持者一定都會異口同聲話無問題!!!就同最近跑凱旋門之前..有人問大震撼有無能力奪冠軍時一樣.......

作者: 肥西 時間: 3/11/2006 05:27 PM

QUOTE:

原帖由 真誇張!嵩哥 於 3/11/2006 05:17 PM 發表
既然肥生咁講
秘書處只係一隻鞍上人唔識HANDLE既馬
但又俾佢死好運貝蒙STAKE贏31馬位:fff:
呢隻直頭係一路跑一路放:eee:

Handle到唔到隻馬，係睇隻馬擔唔擔咇搶走同騎師韁繩，唔係睇佢贏幾遠或放幾遠。
秘書處未睇過(未睇過不下結論)，隻鹿就睇過，肯定係騎師Handle唔到隻馬。

作者: taxi2003 時間: 3/11/2006 05:29 PM

QUOTE:

原帖由 莫問我是誰 於 3/11/2006 05:21 PM 發表
響賽馬理念上,我個人係好相信有主場之利呢樣東西!!!

好像奧馬田呢隻馬,絕對係o個d響高地踢波o既足球員,響自己國家可以係龍...出外遠征就........

而無聲鈴鹿係唔係真係一隻超級馬呢,用現有紀錄,佢響日本 ...

我亦冇講過鈴鹿再遠征得唔得......

佢係咪超級馬唔在乎,只係佢的確係大逃造出咁輝煌既戰績....
既然如此,做咩無啦啦要轉做慢放.....

而且,最近亦有Admire Main大逃成功,禁番慢反而捉虫
菊花賞用番大逃又有place反勝番Meisho Samson

有d放頭馬唔係禁慢黎放最好的
好似小武士咁慢放甚至唔放,由於隻馬冇突然變速既能力
次次比人捉到輸少少,贏果次冇刻意拉慢步速都越放越有
(雖然未至於係大逃,但原理其實差唔多)

作者: 真誇張!嵩哥 時間: 3/11/2006 05:30 PM

QUOTE:

原帖由 莫問我是誰 於 3/11/2006 04:33 PM 發表
同興旺不同意,因為o個場係變化地,同跳舞城贏日本盃一樣,係靠場地之助(2隻馬都係變化地特佳)~~

另外相當同意肥西所說,本人也不"迷信"時間,跑馬好多時制做出快時間唔係因為馬匹實力高,而係多得場地 ...

我想問吓香港塊草等唔等於日本塊草
我睇過97國際盃無聲鈴鹿放得好順
再睇佢之後既片跑法完全冇問題
騎師冇咩大問題一定好前季俾鵬哥一騎擺後面返到嚟榨都冇
每隻馬都有自己個性俊歡騰俾馬一拍就散係因為隻馬唔想有馬拍住
馬都有思想佢唔係機器話點走就點走:lll:

作者: 真誇張!嵩哥 時間: 3/11/2006 05:36 PM

QUOTE:

原帖由肥西於 3/11/2006 05:27 PM 發表

Handle到唔到隻馬，係睇隻馬擔唔擔咇搶走同騎師韁繩，唔係睇佢贏幾遠或放幾遠。
秘書處未睇過(未睇過不下結論)，隻鹿就睇過，肯定係騎師Handle唔到隻馬。

你估吓你熟隻馬定騎師練馬師熟隻馬
騎師練馬師一定識得同馬溝通如果唔係隻馬一定唔聽佢駛
如果武豐騎唔掂佢咁日本重邊有人搵佢騎
唔好成日睇住個騎師點
隻馬既感覺係好重要既隻馬開心自然跑得更好
騎師只係引導隻馬跑隻馬係唔掂既都唔會贏到一場大賽
唔好話日本定香港就算你話佢偷雞贏佢始終都係做王者你話佢廢都係晒氣:eee:

作者: 肥西 時間: 3/11/2006 05:37 PM

小武士贏果場絕對唔係放得快，在四百米只是放離個幾馬位，然後在四百米左右爆一段，彈開，絕對係好的放頭跑法，雖然我不太信時間，但小武士四段時間為24.60 23.30 23.10 22.90 ，一段比一段快，絕對唔係一起步就喪跑果隻，同意嗎？

作者: taxi2003 時間: 3/11/2006 05:40 PM

QUOTE:

原帖由肥西於 3/11/2006 05:37 PM 發表
小武士贏果場絕對唔係放得快，在四百米只是放離個幾馬位，然後在四百米左右爆一段，彈開，絕對係好的放頭跑法，雖然我不太信時間，但小武士四段時間為24.60 23.30 23.10 22.90 ，一段比一段快，絕對唔係一起步就 ...

0.2秒....極其量叫段段均速:eee: :eee:
出閘果段1200都好少開23.3啦,所以係正常步速黎

作者: 肥西 時間: 3/11/2006 05:43 PM

QUOTE:

原帖由 真誇張!嵩哥 於 3/11/2006 05:36 PM 發表

你估吓你熟隻馬定騎師練馬師熟隻馬
騎師練馬師一定識得同馬溝通如果唔係隻馬一定唔聽佢駛
如果武豐騎唔掂佢咁日本重邊有人搵佢騎
唔好成日睇住個騎師點
隻馬既感覺係好重要既隻馬開心自然跑得更好 ...

騎師熟隻馬唔代表騎得掂，嚴顯強夠熟佢的基本坐騎，咁你覺得佢騎唔騎得掂？
多人搵唔代表騎得好，韋達夠畀巫斯義多人搵，唔通韋達騎得好過巫斯義？
覺唔覺得隻鹿在97年香港國際盃果場馬擔咇搶走先，冼文諾騎飛象過河就是一個好例子，你騎得差望空留唔到馬唔代表其他騎師做唔到。

作者: 真誇張!嵩哥 時間: 3/11/2006 05:43 PM

QUOTE:

原帖由 taxi2003 於 3/11/2006 05:29 PM 發表

我亦冇講過鈴鹿再遠征得唔得......

佢係咪超級馬唔在乎,只係佢的確係大逃造出咁輝煌既戰績....
既然如此,做咩無啦啦要轉做慢放.....

而且,最近亦有Admire Main大逃成功,禁番慢反而捉虫
菊花賞用番大 ...

佢可能開始動搖改口風
我就咁睇
經驗係重要但變通同樣重要
你用騎師限定賽同而家比係唔合時
家陣跑馬係講戰術人馬配合唔係一味靠騎功
隻馬好壞唔係一般馬迷可以判斷
練馬師自己一定有能力知道隻馬既LEVEL
你唔知馬性又點可以令到佢成王:ddd:

作者: 肥西 時間: 3/11/2006 05:47 PM

QUOTE:

原帖由 taxi2003 於 3/11/2006 05:40 PM 發表

0.2秒....極其量叫段段均速:eee: :eee:
出閘果段1200都好少開23.3啦,所以係正常步速黎

咁咪即刻同日本仔騎馬唔同，唔係亂放，我只是想指出這點。

作者: 真誇張!嵩哥 時間: 3/11/2006 05:50 PM

QUOTE:

原帖由肥西於 3/11/2006 05:43 PM 發表

騎師熟隻馬唔代表騎得掂，嚴顯強夠熟佢的基本坐騎，咁你覺得佢騎唔騎得掂？
多人搵唔代表騎得好，韋達夠畀巫斯義多人搵，唔通韋達騎得好過巫斯義？
覺唔覺得隻鹿在97年香港國際盃果場馬擔咇搶走先，冼文諾 ...

問題係
第一我指既熟唔係講騎師既質量係佢地對隻馬既認知
佢既習慣跑法脾性嚴顯強都算係有能力贏馬既騎師而且你搵個最差既講冇意義

第2 我講既多人搵唔係人地係唔係都搵佢係佢俾到人信心
即係表示佢有一定實力正如你秉講 HK YIM俾唔俾到你信心

第3 你用第2隻馬比實力又唔係同級冇得比
我睇隻馬同騎師冇乜角力正如大師定志叔一樣唔會鬥力
再重伸馬係有心靈唔係一部機器:kkk:

作者: 真誇張!嵩哥 時間: 3/11/2006 05:51 PM

QUOTE:

原帖由肥西於 3/11/2006 05:47 PM 發表

咁咪即刻同日本仔騎馬唔同，唔係亂放，我只是想指出這點。

再講落去都無謂
你始終都係話日本仔=無能:eee:

作者: 莫問我是誰 時間: 3/11/2006 05:51 PM

其實...跑馬邊有最佳跑法呢種東西!!

日本馬真心呼喚以前用後上,轉左前領跑法之後又如何呢??

以前香港有隻馬好似叫"駿先鋒"(錯了請指教)...呢隻馬一向係前速飛快,但有一次配滇仔,竟然出閘緩慢留左響包尾,所有人以為可以掉飛

o既時候,隻馬竟然可以響直路由包尾追上來變左第1~~~

相講o既就係,世事無"絕對",無聲鈴鹿"如果真的是超級馬,改任何跑法都可以贏o既~~~

大震撼咪一樣可以改跑法~~

作者: 肥西 時間: 3/11/2006 05:52 PM

QUOTE:

原帖由 真誇張!嵩哥 於 3/11/2006 05:43 PM 發表

佢可能開始動搖改口風
我就咁睇
經驗係重要但變通同樣重要
你用騎師限定賽同而家比係唔合時
家陣跑馬係講戰術人馬配合唔係一味靠騎功
隻馬好壞唔係一般馬迷可以判斷
練馬師自己一定有能力知道隻馬 ...

騎師限定賽用來比喻那些騎功差的騎師點樣跑長途，絕對唔係不合時宜。比較這些賽事，只是想睇一睇日本騎師的水平同騎師限定賽的騎師水平究竟係唔係差不多。
如果騎馬唔駛睇騎師的騎功，咁點解咁多人唔買胡恩達，油王係唔係儍的，咁多錢請主師。
咁想問胡恩達呢一類騎師同咩馬會人馬配合呢？

作者: 肥西 時間: 3/11/2006 05:54 PM

QUOTE:

原帖由 真誇張!嵩哥 於 3/11/2006 05:51 PM 發表

再講落去都無謂
你始終都係話日本仔=無能:eee:

唔好咁講，我只係講日本騎師騎功差，同其他日本仔冇關。

作者: souphen 時間: 3/11/2006 07:13 PM

QUOTE:

原帖由肥西於 3/11/2006 10:54 AM 發表
所謂大逃跑去法通常是隻馬想偷雞先會用

極之唔同意呢種極權思想
大逃一定偷雞 ? 大逃都係跑法一種,一定要跟死放頭,居前,居中,留後 ? 唔識變通既人係唔會明
我隻馬爆炸力低 , 但係又大把耐力係手 , 唔通叫隻馬放頭 , 拉慢步速 , 直路同你班爆段22秒既衝 ?
我d氣留黎做乜 ? 我點解唔放遠d等後面d馬追唔到 ? 大逃一定係settle唔到隻馬先用 ? 呢d係咪叫局限思想 ? 不思進取。

大逃一定係"放得順過頭" ? 舊年日本伊利莎伯女王杯 , 跑第二果隻 , 個騎師賽前講明我係跑大逃 ,
結果 ? 只係輸東商變革一馬位 , 其他馬跑到死下死下

QUOTE:

原帖由肥西於 3/11/2006 10:54 AM 發表
無聲鈴鹿贏馬當然睇過，給我的感覺不是放頭那隻勁

點先叫放頭 ? 一定要留到段段26,27秒直路爆返段22秒先叫勁 ?
我就真係好想知啦 , 乜放頭有講明一定點放架咩 ?
可能你果d係香港跑中距離 , 又或者係d歐美賽事既思想 , 放頭一定要慢步速啦

QUOTE:

原帖由肥西於 3/11/2006 10:54 AM 發表
根本就係放得順過頭，完全冇尺寸

QUOTE:

原帖由肥西於 3/11/2006 10:54 AM 發表
放甩十幾個馬位之後按慢隻馬回氣，直路就可以放到

請問無尺寸又如何放甩左之後按慢回氣 ?
無尺寸就唔收慢不停咁快跑啦 , 仲洗回氣 ?
跟本係特登放遠少少 , 然後拉慢 , 到時你追上黎又晒力 , 我又回下氣慢慢跑 ,
跟本係一種戰術 , 一種藝術 , 而唔係所謂 "偷雞" 呢d咁低級既字眼

QUOTE:

原帖由肥西於 3/11/2006 10:54 AM 發表
呢D跑法只有對住一班水平極差的騎師先行得通，由得你放完全冇燒你的打算，又唔識得搵隻冇乜機會的馬玩殺傷戰術同你鬥燒。

又一歐洲式思想既證明
歐洲跑馬 , 講到明可以搵隻馬做步速 , 燒你就燒你 , 完全合法
但係香港 , 日本跑馬 , 係有規矩唔比亂黎
你試下係香港搵隻馬特登走去燒人 , 係咁推呀推 , 起碼都會比人問你點解咁跑啦
答唔到仲衰 , 可能比人停賽 , 因為跟本無為個馬主著想 , 你搵佢d馬去死 , 佢唔拉倉已經係奇蹟
除非你個個都大馬主 , 有成幾隻馬 , 咪可以搵馬去亂跑囉
你話d日本仔亂放 , 我就話你搵其他馬主既馬去燒人 , 呢d先係亂跑
跑馬唔係練馬師大晒 , 馬主先係隻馬既擁有者 , 同埋係香港同日本跑大賽 , 通常都比d有機會既馬跑
要同一個練馬師出兩隻馬已經好難 , 特別係日本
你睇下日本d級制賽既出賽表 , 好少話兩隻馬係黎自同一馬房
出兩隻馬已經難 , 仲係度玩野 ? 唔比人停賽就奇蹟 , 唔停牌已經好彩
大佬你跟本係殺馬 , 除左違反馬性亂咁跟人走 , 仲可以講句白痴

作者: souphen 時間: 3/11/2006 07:17 PM

QUOTE:

原帖由肥西於 3/11/2006 04:51 PM 發表
放頭制勝的馬唔等於亂放，希望大家分清楚。

咁無聲鈴鹿你又話佢亂放 , 佢係放頭嬴wor
咁你講晒啦 :lll: :lll: :lll: :lll: :lll:

作者: souphen 時間: 3/11/2006 07:24 PM

QUOTE:

原帖由肥西於 3/11/2006 10:54 AM 發表
睇馬唔好咁著重時間，地快自然時間快，馬場地形都有影響

某程度上的確係場地有幫助~我無話唔係

只係無聲鈴鹿果兩個快得驚人既時間~係佢自造步速快放

返到黎步步有力 , 而且呢兩個時間就算搵隻馬狂放 , 再搵隻勁既留追馬爆一段 , 都極難跑得返

呢兩個時間 , 足以證明佢既強 , 同埋佢大逃係岩既

一隻馬唔會話因為留慢d , 而末段快多兩三秒

馬係有極限 , 唔係話爆就爆

我大逃末段廿三秒 , 我點解要留到慢一慢比機會你地追 ?

我跑1:44 , 你追到你咪追 , 都無話唔比你追
你跟到我段段廿二秒咪跟 , 你跟到末段再爆到段廿二秒先過到我
但係我想講 , 正常段段開廿二秒,係無可能係末段再加速 , 通常都只得廿三秒或者再慢點。
如果你咁都過到我 , 你就係馬王

作者: hkcmlawrence 時間: 3/11/2006 07:48 PM

想不到我拋磚引玉居然引出精采的辯論:aaa:

我都認為,慢步速利放頭馬,快步速利後上的理論,並不是絕對的.
有d放頭馬真係要快步速先贏到,就係要你地跟到索氣先好.末段齊齊冇力鬥慢佢先有得贏.

作者: 莫問我是誰 時間: 3/11/2006 08:20 PM

QUOTE:

原帖由 hkcmlawrence 於 3/11/2006 07:48 PM 發表
想不到我拋磚引玉居然引出精采的辯論:aaa:

我都認為,慢步速利放頭馬,快步速利後上的理論,並不是絕對的.
有d放頭馬真係要快步速先贏到,就係要你地跟到索氣先好.末段齊齊冇力鬥慢佢先有得贏.

我只能夠說板主先生開此題目實在非常奸詐!!

我相信寫簡介那位先生,都是因為在香港數10年也沒見過一隻大逃馬有表現才那樣寫,如果這樣比說為"大香港賽事模式主義",板主

未免有點"以偏概全"吧

而板主所謂見過"大逃"成功跑法的例子,好像也全都只出現在日本賽事,試問兩地賽事模式又怎可混為一談呢??

奧馬田可以在澳洲羸完再贏,但遠征則無用武之地,可想而知此馬十分適合澳洲模式!!

"無聲鈴鹿"3歲來挑戰輸左就話因為年輕,4歲進步時在本土贏左多場又不幸斷腳離世,實在是死無對証~~

所以結論,我們也中了板主的計,入來討論了一個沒結果的事情............

[ 本帖最後由莫問我是誰於 3/11/2006 08:21 PM 編輯 ]

作者: hkcmlawrence 時間: 3/11/2006 08:25 PM

QUOTE:

原帖由 莫問我是誰 於 3/11/2006 08:20 PM 發表

我只能夠說板主先生開此題目實在非常奸詐!!

我相信寫簡介那位先生,都是因為在香港數10年也沒見過一隻大逃馬有表現才那樣寫,如果這樣比說為"大香港賽事模式主義",板主

未免有點"以偏概 ...

你都幾過癮wo:eee:
其實,良性討論對論壇的發展係好事黎ga:aaa:
不瞞你講,我對大逃達到痴迷的地步,係rw係人都知ga.:loveliness:

今次能聽見各位咁多對大逃的不同見解,我真的非常高興.:mmm:

[ 本帖最後由 hkcmlawrence 於 3/11/2006 08:32 PM 編輯 ]

作者: souphen 時間: 3/11/2006 08:33 PM

QUOTE:

事實是我們中了你們的計 , 入來聽你們說廢話。

作者: hkcmlawrence 時間: 3/11/2006 08:35 PM

QUOTE:

原帖由 souphen 於 3/11/2006 08:33 PM 發表

事實是我們中了你們的計 , 入來聽你們說廢話。

souphen,請冷靜點,:ttt: 討論大逃其實好少有機會.
大家當交流下知識,多好阿:aaa:

作者: 莫問我是誰 時間: 3/11/2006 08:37 PM

不過只可惜"無聲鈴鹿"早死,否則此馬必可攻破一直由澳洲馬壟斷的覺士盾,大逃跑法相信在覺士盾才是無敵跑法吧~~

但是....澳洲百多年賽馬歷史中,又有沒有出現大逃呢??真的很奇怪,大逃這種賽馬模式好像只有日本才有,而香港都是一些見習生留唔住隻

馬才會出現,所以難怪之前肥西有那種見解吧~~

而香港,最多都是玩"中途放鳶"吧////

作者: souphen 時間: 3/11/2006 08:42 PM

QUOTE:

原帖由 hkcmlawrence 於 3/11/2006 08:35 PM 發表

souphen,請冷靜點,:ttt: 討論大逃其實好少有機會.
大家當交流下知識,多好阿:aaa:

互相討論交流意見 , 被人寫成是中了計
我真係比佢吹到bi一聲啦 :bbb:

作者: hkcmlawrence 時間: 3/11/2006 08:48 PM

QUOTE:

原帖由 莫問我是誰 於 3/11/2006 08:37 PM 發表
不過只可惜"無聲鈴鹿"早死,否則此馬必可攻破一直由澳洲馬壟斷的覺士盾,大逃跑法相信在覺士盾才是無敵跑法吧~~

但是....澳洲百多年賽馬歷史中,又有沒有出現大逃呢??真的很奇怪,大逃這種賽馬模式好 ...

這樣說吧,我認為,大逃很少出現成功案例的原因,

在於此跑法對馬的要求太太太高了.要有出色的爆發力,在早段不需消耗太多氣力下,拋離主馬群,又要有好好的耐力,全場維持高速.

所以,好的大逃馬真係百年難得1見,遠比每年都必然有出現1匹的馬王更經貴,所以我才如此痴迷大逃.:mmm: 我們常見的,多數係d偽大逃馬,係靠騎師不惜消耗馬匹全部氣力死推才造成大逃的假相.這樣的"大逃"當然失敗的多,成功的少.

要說日本以外的成功的大逃,秘書處可以算1匹吧.:aaa:

作者: 肥西 時間: 3/11/2006 11:18 PM

大家交流一下:

騎師條件賽的騎師一般都不是溜韁而變大逃，絕大部份都是留放沒有尺寸才會變成大逃，其實叫大家睇騎師條件賽的意思是以往驃叔教落教騎師的方法是首先叫個見習生放頭，初時尺寸一定不好，到佢慢慢放得好的時候，知道留放的技巧之後騎功自然會進步。日本騎師的大逃跑法根本就是留放沒有尺寸。

不過，你們可能會說驃叔的已經過時，現在賽馬不同以前。但如果在世界某一個騎師水準低的角落，有很多馬都是漏閘贏，唔知你們又會唔會話呢個係漏閘戰略，隻馬唔漏閘唔識贏，唔認同漏閘戰略的人只是將香港的賽事模式套入全世界。推崇一些公認騎師水平低的地方的騎師跑法，不覺得有問題嗎？

97年國際賽隻鹿場馬其實是隻馬已經擔必走，冇得留，一留只會人馬角力，唯有繼續放，這同騎師的韁繩有關。但你們好像不曉得什麼是擔必走，還說隻馬放得順，我真的無話可說。

[ 本帖最後由肥西於 3/11/2006 11:46 PM 編輯 ]

作者: 肥西 時間: 3/11/2006 11:33 PM

贏馬同亂跑是冇予盾的，贏馬都可以亂跑而贏的，其實就永遠都唔會有結論，你話係，我話唔係，但隻馬都死左。

作者: 西人堅 時間: 3/11/2006 11:37 PM

QUOTE:

原帖由 souphen 於 3/11/2006 08:33 PM 發表

事實是我們中了你們的計 , 入來聽你們說廢話。

請各位有權入版主區的兄弟入內睇野:eee: :fff:

作者: sw 時間: 3/11/2006 11:38 PM

QUOTE:

原帖由肥西於 3/11/2006 11:33 PM 發表
贏馬同亂跑是冇予盾的，贏馬都可以亂跑而贏的，其實就永遠都唔會有結論，你話係，我話唔係，但隻馬都死左。

咁你會唔會話: 秘書處贏貝蒙都係亂跑, 邊有可能2.24跑完全程仲要贏31個馬位?
原來隻鹿場場都係亂跑....咁隻鹿都幾勁下......:ggg:

作者: kururu 時間: 3/11/2006 11:42 PM

QUOTE:

原帖由 sw 於 3/11/2006 11:38 PM 發表

咁你會唔會話: 秘書處贏貝蒙都係亂跑, 邊有可能2.24跑完全程仲要贏31個馬位?
原來隻鹿場場都係亂跑....咁隻鹿都幾勁下......:ggg:

秘書處美國三冠頭兩關都係一開始留最後, 去到淨番800左右已經自動上左黎

貝蒙錦標跟本就係d人有心做世界紀錄:ooo:

作者: +超級無敵+ 時間: 3/11/2006 11:45 PM

秘書處根本點跑都贏

話佢係大逃馬真係好攪笑=.=

[ 本帖最後由 +超級無敵+ 於 3/11/2006 11:48 PM 編輯 ]

作者: 西人堅 時間: 3/11/2006 11:46 PM

QUOTE:

原帖由 hkcmlawrence 於 3/11/2006 08:48 PM 發表

這樣說吧,我認為,大逃很少出現成功案例的原因,

在於此跑法對馬的要求太太太高了.要有出色的爆發力,在早段不需消耗太多氣力下,拋離主馬群,又要有好好的耐力,全場維持高速.

所以,好的大逃馬真係百年難得 ...

lawrence, 我就黎頂唔順, 好想笑出聲:eee: :yyy:

作者: timothyhin 時間: 3/11/2006 11:47 PM

QUOTE:

原帖由 kururu 於 3/11/2006 11:42 PM 發表

秘書處美國三冠頭兩關都係一開始留最後, 去到淨番800左右已經自動上左黎

貝蒙錦標跟本就係d人有心做世界紀錄:ooo:

隻馬點跑都超:ooo:
唔好唔記得佢個心臟異於常馬:ggg:

作者: 德記 時間: 4/11/2006 12:54 AM

我覺得肥西也有POINT﹐大逃也需要看馬兒有沒搶口之外對手的品質也十分重要(包括騎C)﹐鹿是騎C留不住﹐但質高夠殺﹐場場這麼跑也不是問題﹐秘書處贏得頭2場後﹐有D機會跑近他的都GIVEUP最後一場﹐這場是騎C放他任走﹐點跑都贏﹐
早兩年我親眼看見有1馬﹐情況和秘書處相同﹐點跑都贏﹐帶住1X馬位轉灣﹐跑1700M 1200時1﹕07﹕X 1600時 1﹕29﹕X 最後100公尺突然斷腳﹐等左6﹐7秒先看見我買個條Q跑上來FINISH LINE
不過我覺得(鹿)如果有馬去燒﹐一定沒有今天RESULT﹐除非他是D有4000M氣量+速度的馬

作者: souphen 時間: 4/11/2006 01:19 AM

QUOTE:

原帖由肥西於 3/11/2006 11:18 PM 發表
不過，你們可能會說驃叔的已經過時，現在賽馬不同以前。但如果在世界某一個騎師水準低的角落，有很多馬都是漏閘贏，唔知你們又會唔會話呢個係漏閘戰略，隻馬唔漏閘唔識贏，唔認同漏閘戰略的人只是將香港的賽事模式套入全世界。推崇一些公認騎師水平低的地方的騎師跑法，不覺得有問題嗎？

騎師水準普遍低,唔代表佢既跑法一定係錯
漏閘戰略亦的確係香港有人用過,特別係沙田二千米
跟本每個地方都可能有自己一套獨特既跑法
但係有人有心地去抹黑人地的跑法,並認為一定是錯誤,以誤導馬迷們
並自居神明以務求令自己說話更有可信性,不覺得有問題嗎?

作者: souphen 時間: 4/11/2006 01:20 AM

只可惜有死硬派認為跑馬只能夠有一種form
而絕不接受其他跑法 :eee: :eee:

作者: 西人堅 時間: 4/11/2006 11:51 AM

標叔講 d 野邊有過時, 例如

" 我係標叔你唔係, 我講野你就要聽 " :fff:

都唔知有幾多人以為自己係標叔, 自己係權威, 你地班細路一定要信,
鬼咩, 睇左咁多年, 多多少少都會上左腦:yyy:

作者: 真誇張!嵩哥 時間: 4/11/2006 08:48 PM

QUOTE:

原帖由 souphen 於 4/11/2006 01:20 AM 發表
只可惜有死硬派認為跑馬只能夠有一種form
而絕不接受其他跑法 :eee: :eee:

我諗人地要既係十四隻馬一齊大漏閘
跟手一字長蛇陣段段27
最後直路等齊十四隻馬拍埋先一齊發力:fff:
咁就叫跑馬:eee:

[ 本帖最後由真誇張!嵩哥於 4/11/2006 09:22 PM 編輯 ]

作者: 西人堅 時間: 4/11/2006 09:06 PM

嵩哥你的觀察能力真係高:eee: :ttt:

好想錫你一啖:fff:

作者: 真誇張!嵩哥 時間: 4/11/2006 09:23 PM

QUOTE:

原帖由 西人堅 於 4/11/2006 09:06 PM 發表
嵩哥你的觀察能力真係高:eee: :ttt:

好想錫你一啖:fff:

交流吓姐:fff:

作者: 育馬者傳說 時間: 4/11/2006 09:53 PM

如數大逃放頭馬，領導者等不知算不算。

跳舞城其實都係玩大逃起家。

不過點可以少左隻，杜拜千禧。段估呢隻馬唔算係亂放喇掛。

作者: hkcmlawrence 時間: 4/11/2006 09:54 PM

QUOTE:

原帖由 育馬者傳說 於 4/11/2006 09:53 PM 發表
如數大逃放頭馬，領導者等不知算不算。

跳舞城其實都係玩大逃起家。

不過點可以少左隻，杜拜千禧。段估呢隻馬唔算係亂放喇掛。

係阿,係阿,我都想唔起lee隻添.:loveliness:
自造2000m泥地紀錄時間,仲快過香港d草地時間:funk:

作者: sw 時間: 4/11/2006 09:59 PM

QUOTE:

跳舞城......中段發力先最勁~

作者: 育馬者傳說 時間: 4/11/2006 10:02 PM

其實日本這麼多逃馬，都係多得佢上斜訓練。

美浦牛骨當年贏打比，頭1000係58.1，一樣段段12秒放到返黎。

作者: 肥西 時間: 6/11/2006 10:52 AM

唔知隻馬全速衝刺時對馬的心肺同雙腳的負荷有多大呢？跑馬最緊要就是贏，無緣無故場場將隻馬贏十幾廿個馬位只顯得騎師冇分寸。將隻馬跑到咁盡，令到隻馬的競賽生涯縮短，原來咁先至係一個好的跑法，失覺晒。

唔知點解好多練馬師要在晨操或者陣上教隻馬留力呢？佢地係咪儍嘅呢，有大逃跑法都唔用？隻馬留力把鬼咩，一開閘跑晒佢咪算仲好。

其他人說什麼我也不會介意，一個人上唔上腦與其他人無關，起碼我唔會鬧走D新人。

作者: souphen 時間: 7/11/2006 01:48 AM

QUOTE:

原帖由肥西於 6/11/2006 10:52 AM 發表
唔知點解好多練馬師要在晨操或者陣上教隻馬留力呢？佢地係咪儍嘅呢，有大逃跑法都唔用？隻馬留力把鬼咩，一開閘跑晒佢咪算仲好。

都話左唔係隻隻馬都可以大逃,自我封閉思想,自我中心唔理人地意見就係你呢類人

有d馬力度唔夠,爆發力短,唔留力點同你爆呀?
自己力度不足仲唔留力姐係自殺,人地跑得大逃梗係預左夠力返到黎,再唔係就傻既

但係一隻無咁多力去大逃既馬,會唔會特登走去大逃呢?我就真係失覺啦,
而且我地都無話隻隻馬可以大逃,你隻眼又睇去左邊呀,回人文唔睇人回覆既?

作者: souphen 時間: 7/11/2006 01:54 AM

QUOTE:

原帖由肥西於 6/11/2006 10:52 AM 發表
其他人說什麼我也不會介意，一個人上唔上腦與其他人無關，起碼我唔會鬧走D新人。

又唔知邊個上腦啦 , 唔該講明d啦 ,
鬧走新人 ? 呢度邊個新人比人鬧呀 , 講黎聽下
好過你係度暗串人啦 , 講野又唔到point , 一味死兜

唉,再同你講都晒氣,你d人唔肯接受現實,討論落去都無謂,
無計啦,點都要你岩晒,你睇你幾威,囉晒彩啦,
原來大逃只係牌仔行為,嬴日本盃同杜拜世界盃既騎師都係牌仔 :lll: :lll: :lll:

作者: 鐵漢玻璃心 時間: 7/11/2006 06:24 AM

QUOTE:

話分兩頭說..
香港有無大逃馬可贏...
答案係有...
最經典的大逃馬我諗係靳達利的"飛駒"
次次都帶十幾馬位入直路比人追...
其實"快樂八十"都係狂放...不過就無"飛駒"咁誇張.
仲有一匹係"百勝福星"
當年陳柏鴻騎狂放
"同德"負150lbs由告東尼騎終點前才追上
該場做出的時間為1.33.3
亦即係沙田1600的紀錄
但同德的紀錄是草地..
現在的是沙網草..
所以現時的紀錄好像是由活力先生做的...
都係1.33.3,但活力先生當時負126lbs

另外,唔駛講...日本騎師的騎技...
無論如果也談不上世界級...這也是事實...
武豐能在世界各地勝出一級賽...
並不是他利害...而是日本馬真係勁...
你睇下當年日本一出手...就好似黎香港提款咁就知道...
正因如此...當年潘廸生先生引入一匹日本馬"閃閃星"
一出即成大熱...
我就同我身邊的人講千萬勿下注...
因為,日本賽駒有幾勁,同日本賽事獎金有幾高...大家都知...
馬主又點會為左果400萬...就賣隻馬比你丫...
點知不幸言中...
大熱死火...跟住退埋役...
下注左的人仇都無得報...

作者: 德記 時間: 7/11/2006 06:40 AM

每一個人也有自己獨特眼光或見解﹐大家不用這麼火﹗﹗
場場馬都有放頭但不=大逃﹐我也覺得大逃是這麼多戰術中最差的(對騎c來說)完場沒有技術﹐只是馬高質﹐有氣加速度﹐一定放到終點﹐贏不贏到只有看別的馬追到沒有﹐我可以說何人騎上去都會是大約個時間完成﹐不知到我算不算是老一代﹐但我完場理解肥西說的一套。:hhh:

作者: 鐵漢玻璃心 時間: 7/11/2006 06:45 AM

QUOTE:

原帖由德記於 7/11/2006 06:40 AM 發表
每一個人也有自己獨特眼光或見解﹐大家不用這麼火﹗﹗
場場馬都有放頭但不=大逃﹐我也覺得大逃是這麼多戰術中最差的(對騎c來說)完場沒有技術﹐只是馬高質﹐有氣加速度﹐一定放到終點﹐贏不贏到只有看別的馬追到 ...

同意...
不過..同時我認為...有些馬根本不用騎功..
但一定要大逃先得...
當年隻"飛騎"就係咁...
用牌仔或大師傅都一樣...
肯大逃就有...唔肯大逃就無...
唔知有無人記得或知道呢...大約係83年至85年的事...

作者: 西人堅 時間: 7/11/2006 08:14 AM

QUOTE:

原帖由 souphen 於 7/11/2006 01:48 AM 發表

都話左唔係隻隻馬都可以大逃,自我封閉思想,自我中心唔理人地意見就係你呢類人

有d馬力度唔夠,爆發力短,唔留力點同你爆呀?
自己力度不足仲唔留力姐係自殺,人地跑得大逃梗係預左夠力返到黎,再唔係就傻 ...

係 wor, 乜原來戴圖理係牌仔, 蘇萊係9流練馬師:yyy:
佢唔講我都唔知:yyy:

睇左咁多年馬又真係唔同 d wor

[ 本帖最後由西人堅於 7/11/2006 08:16 AM 編輯 ]

作者: 西人堅 時間: 7/11/2006 08:49 AM

QUOTE:

原帖由 souphen 於 7/11/2006 01:54 AM 發表

又唔知邊個上腦啦 , 唔該講明d啦 ,
鬧走新人 ? 呢度邊個新人比人鬧呀 , 講黎聽下
好過你係度暗串人啦 , 講野又唔到point , 一味死兜

唉,再同你講都晒氣,你d人唔肯接受現實,討論落去都無謂,
無計 ...

隔岸觀火秘笈第x式就係講埋 d 似是而非o既野, 等人地諗, 等人地對號入座, 分化果班人, 分化個 forum,
之後就可以坐享其成, 睇住佢地鬼打鬼, 手法真係高:ttt:
le d 野, 某香港最大的討論區馬版日日都有, 好似 RW 唔係咁, 冇咁易中計

佢都係想我地一早話佢叻姐, 早 d 講 ah ma, 過吹水區我地俾十9萬個叻你都得 la,
你 d 滿清式8股同埋中國式權鬥分化技巧咁叻,
等我俾3個叻你先, 叻叻叻:ttt::ttt::ttt:

冇上腦, 仲好清醒 tim, 更加有 d 興奮, 即係 high
佢咁講法, 我從行為上估計, 估 ja 下,
認為佢有 d 我地冇的使好/病, 例如捉蟲入老屎忽:eee:
詳細病情唔解 la, 話曬係馬版, le d 有關健康的討論都係第2度講

比你做左美國總統咪唔得了, 自我放棄武裝, 仲要叫 d 惡佈份子, 入黎 la 入黎 la,
入黎炸我白宮, 炸我 new york la, 我地唔反抗架, 我地唔會掃走你架:fff:

[ 本帖最後由西人堅於 7/11/2006 08:58 AM 編輯 ]

作者: 肥西 時間: 7/11/2006 10:22 AM

此段有少少離題，興大逃馬無關，只是有人覺得我老作，要我舉例子，故我舉一個：

唔知一個禮拜前仲好活躍的蔡志森去左邊呢？咁耐都沒有上來，一定係我鬧走佢了:yyy:
http://racingworld.no-ip.org/vie ... page%3D1&page=1
此個已離題，不必回應，而且已列舉相關資料，等其他人睇完自己評價仲好。

主席，你不是講過話唔好罵戰和人生攻擊嗎？我話人鬧走人，我會舉例子。
我想西人堅解釋一下佢點從一個人的行為上估計得到佢有捉蟲入老屎忽這些病(請有根據地回應)，如果解釋唔到，我就有絕對理由懷疑佢人生攻擊，如果根據網規，應如何處理？主席，我將個波拋給你，好多人會睇住你點處理的。當然個網是你的，你可以不處理，你處不處理你自己決定，只是你的處理會給人看到你對網友的標準如何。

蔡志森在上文第24個回復說：
"請不要用奸狗一詞去形容我,我是一個正人君子..........."，唔知呢句算不算投訴呢，如此是的話即不是初犯了。根據網規，再犯又會如何。

但大逃對馬的心肺同雙腳負荷的影響好似未有人回應喎？

作者: 肥西 時間: 7/11/2006 11:18 AM

QUOTE:

原帖由 鐵漢玻璃心 於 7/11/2006 06:24 AM 發表

其實"快樂八十"都係狂放...不過就無"飛駒"咁誇張.
仲有一匹係"百勝福星"
當年陳柏鴻騎狂放
"同德"負150lbs由告東尼騎終點前才追上

對住負150磅的同德狂放擺明是想偷雞。快樂八十正常跑就跑唔贏同德，咪唯有偷雞狂放搏一搏。放頭(放頭不等於狂放)戰術冷馬可以用來偷雞，以前好多馬都咁試，幾隻熱門以其他熱門為假想敵，大家一齊唔上，咪畀隻冷門放到而爆。熱門大逃就通常畀自殺部隊燒死，畀你帶離你就贏，正常計點都會有馬搏一搏，除非其他馬一早已覺得你點跑都贏，冇得跑，但如果點跑都贏，係咪應該用一個耗力最少的方法來贏馬呢？一個好的騎師如果明知對手的馬實力強但又未至於冇得跑，放頭後又唔輕易放斷，你估佢會唔會咁易畀你在冇馬燒的情況下輕鬆帶離。

作者: souphen 時間: 7/11/2006 11:28 AM

QUOTE:

原帖由肥西於 7/11/2006 11:18 AM 發表

對住負150磅的同德狂放擺明是想偷雞。快樂八十正常跑就跑唔贏同德，咪唯有偷雞狂放搏一搏。放頭(放頭不等於狂放)戰術冷馬可以用來偷雞，以前好多馬都咁試，幾隻熱門以其他熱門為假想敵，大家一齊唔上，咪畀隻冷門放到而爆。熱門大逃就通常畀自殺部隊燒死，畀你帶離你就贏，正常計點都會有馬搏一搏，除非其他馬一早已覺得你點跑都贏，冇得跑，但如果點跑都贏，係咪應該用一個耗力最少的方法來贏馬呢？一個好的騎師如果明知對手的馬實力強但又未至於冇得跑，放頭後又唔輕易放斷，你估佢會唔會咁易畀你在冇馬燒的情況下輕鬆帶離。

都話你隻眼唔知睇左去邊
人地話百勝福星放甩同德
你又話快樂八十唔夠同德跑要狂放
都唔對point得自己係度講 :lll: :lll:

有時d步速你話跟就跟架咩 :lll: :lll: 個個都聽你話全部跟晒 :lll:
有一兩隻唔跟其他人就唔跟架啦 :ddd:

你估跟住2,3位果d一定係d大熱門,勁馬咩 :ggg: :ggg:
明知跟左必死既中游馬匹,唔通為左做比後面d馬而去跟 :eee: :eee: :eee: :eee: :eee:

作者: 肥西 時間: 7/11/2006 11:36 AM

QUOTE:

原帖由 souphen 於 7/11/2006 11:28 AM 發表

都話你隻眼唔知睇左去邊
人地話百勝福星放甩同德
你又話快樂八十唔夠同德跑要狂放
都唔對point得自己係度講 :lll: :lll:

有時d步速你話跟就跟架咩 :lll: :lll: 個個都聽你話全部跟晒 :lll:
有 ...

百勝福星應該係最後都係輸，同德全盛期好多馬都狂放搏偷雞，當時狂放是偷雞的跑法。

但大逃狂放對馬的心肺同雙腳負荷的影響好似未有人回應喎？點呀，係咪唔回應呀！

作者: souphen 時間: 7/11/2006 11:39 AM

QUOTE:

原帖由肥西於 7/11/2006 11:18 AM 發表

但如果點跑都贏，係咪應該用一個耗力最少的方法來贏馬呢？

用得大逃就知一定唔係點跑都嬴啦哥哥仔~
你有無睇人打字架 :lll: :lll: :lll: :lll: :lll:
無人話場場大逃~又無人話無啦啦要大逃~

只係你係度以偏概全~成日話大逃偷雞~
有無諗過大逃都係跑法~雖然睇落差左d~
人地嬴到就得啦 :hhh: :hhh:
咪以為人地下下都偷雞啦 :hhh:

其實大逃同中途放鳶都係異曲同工
都係等你唔為意既時候慢慢,慢慢咁走甩你
但係普通既馬又唔可以亂跟wo,如果跟左佢跑而輸又會比人話
特別係一d有機會既馬,我無啦啦做咩跟你走,你最後點都無氣
我跟左你而益到其他人咪大獲?

咪以為成日好似外國有teamwork咁玩先得架~
騎師都要睇住自己既利益架~

作者: souphen 時間: 7/11/2006 11:39 AM

QUOTE:

原帖由肥西於 7/11/2006 11:36 AM 發表

百勝福星應該係最後都係輸，同德全盛期好多馬都狂放搏偷雞，當時狂放是偷雞的跑法。

但大逃狂放對馬的心肺同雙腳負荷的影響好似未有人回應喎？點呀，係咪唔回應呀！

你有大把point都未回應啦 :lll: :lll: :lll: :lll:

你回左我咪回囉~~:bbb: :bbb: :bbb: :bbb: 肥西!

作者: souphen 時間: 7/11/2006 11:41 AM

QUOTE:

原帖由肥西於 7/11/2006 11:36 AM 發表

當時狂放是偷雞的跑法。

姐係依家唔係啦 :hhh: :hhh: :hhh:

依家睇緊當年今日呀?咁懷舊既,唔係,係守舊 :lll:

作者: 內閃 時間: 7/11/2006 11:55 AM

QUOTE:

睇左咁耐, 真係忍無可忍.....
大逃狂放對馬的心肺同雙腳負荷的影響...
點解會有關係呢..?? 我真係諗唔到會有咩影響, 隻馬 ge 氣量有幾多咪跑幾多 lor...
你叫精英大師去跑2000m就會對佢 ge 心肺有影響...
至於馬腳方面係關乎馬匹 ge 體重同埋佢對快硬地 ge 適應能力...同佢用咩跑法又有咩關係呢..??
唔通留住黎跑 ge 馬唔會有腳患..???

作者: 西人堅 時間: 7/11/2006 12:31 PM

蔡志森在上文第24個回復說：
"請不要用奸狗一詞去形容我,我是一個正人君子..........."

又一個人唔明"大奸狗" 點解
你自己睇下 laklak 個簽名先講啦, 又借 d 2
"大奸狗" -- le 3 個字, 在這裡有特別意思的,

至於, 阿肥先你以上對我的指責, 我唔會公開解釋,
因為, 真話對於當事人永遠係最難聽,
我只會在主席要求下在版主區出 post

[ 本帖最後由西人堅於 7/11/2006 07:35 PM 編輯 ]

作者: 肥西 時間: 7/11/2006 01:25 PM

好了，暫不再回復任何問題，只想看看主席怎處理(或不處理)。
都是那一句，個網是主席的，他喜歡怎樣處理也可以。

作者: souphen 時間: 7/11/2006 02:56 PM

最憎d人係度係咁用d規則上既漏洞
又係度話咩主席大晒主席點都得

呢d野咁似一個人既 :hhh: :hhh:

作者: 鐵漢玻璃心 時間: 7/11/2006 03:39 PM

QUOTE:

我都係果句..
正如我在ihorse版內寫...
做人...請抱開明態度...
試著去接受別人意見...
做什麼事也覺得自己是對的...那個人...只會變了另一個丁蟹...
我最唔明係...我只係站在一個中立的態度...
無話邊個對...邊個錯...
所以我舉出...
"飛駒"一定要大逃先win
百勝之星那一場無疑係想偷同德雞..
但係自此之後...無論對任何對手都用呢招..
亦都有贏過...有輸過...

所以我只係話...我認同於今天,大逃呢個跑法,係落後
因為現代賽馬係講求步速智慧
如果你想體驗一下所謂的步速智慧..
可以一試玩ihrose
但同時,我認為有些馬...係真係獨孤一味...狂走...
等你來追...
你亦可在ihorse內體驗此種自殺式偷雞跑法..

仲有一樣野...
步速智慧呢樣野...
唔係我同阿豬阿狗作出黎o既..
現在很多專業評馬人及馬圈中人亦已認同..

如果你還要說只有你那一套才是對的
那即是說,閣下認為你的專業知識比起方俊輝,張福元還要強..

那我無話可說...
閣下就請繼續沉醉於你的自戀世界當中...

因為一個頑固的人...
當佢無論做錯什麼事,他也認為自己是對的
就如上文所指之"丁蟹"一名

即係打死左個朋友..
都係話為左個朋友好果種...

最後再鄭重一點,
無意得罪任何人,
如果我有講錯,
我係度講聲對唔住.
大家亦唔駛勞氣
在這個post,我亦到此為止...

作者: +超級無敵+ 時間: 7/11/2006 03:43 PM

淨係睇香港果場

無聲鈴鹿事實真係放快左架

大家留意下隻馬果d腳步就睇得到

剛剛出閘果d步幅同終點前果d步幅係大大不同

再睇返無聲鈴鹿贏神鷹出閘時既步姿有係有多少出入架呢

[hkyoutube]zjWJtayAuBI[/hkyoutube][ 本帖最後由 +超級無敵+ 於 7/11/2006 03:55 PM 編輯 ]

作者: souphen 時間: 7/11/2006 04:05 PM

QUOTE:

原帖由 +超級無敵+ 於 7/11/2006 03:43 PM 發表
淨係睇香港果場

無聲鈴鹿事實真係放快左架

大家留意下隻馬果d腳步就睇得到

剛剛出閘果d步幅同終點前果d步幅係大大不同

再睇返無聲鈴鹿贏神鷹出閘時既步姿有係有多少出入架呢