標題: 王若舜專欄：經典再現打快攻 [打印本頁]
作者:
Running 時間: 8/9/2007 10:00 AM 標題: 王若舜專欄：經典再現打快攻
有人說季初選馬頗易，每場揀幾匹弗馬便可，原理上可行，但馬匹抖暑後復出很難以十足狀態出戰，晨課睇狀態只是高低之分，即使狀態較佳一匹也有不足之處，陣上隨時未能交出應有水準。
也因為狀態各有不足，質素較佳而狀態欠突出的卻有權以質補態，如不睇晨操卻隨時會投注在一匹狀態平平的馬匹身上，加上質新馬歇暑後有權大幅變身，所以季初選馬其實很難。
暑期曾說過，睇晨操必須結合操練表，才能減少判斷錯誤的機會，尤其是季初，馬匹快跳往往因新鮮感十足，而出現火噴噴湧住走假象。此外，操練表也提供了很有用的資料，如是否曾缺課，操練程序和準備，以推敲練馬師的出擊意圖。
以開鑼日賽事為例，列陣第九場的「經典再現」。
七月中已復操，是摩厩首批復課分子，再看周日八匹正選馬中，只有兩匹曾於賽前安排試大閘，其中一匹便是「經典再現」，顯然是馬房的先頭出擊部隊。
該課出閘應聲彈出後，隨即緊韁刻意跟馬尾，跑第八跟跑而回輸近五個身位，走勢有點示人以弱。日前在內圈慢試，沿途谷起雞公頸神態甚佳，埋門快跳出腳開揚有勁，腳頭硬朗力度貫注，大馬收身上力，狀態已及作戰水準。上季連仗搏輸尚未交代，操練積極戰意鮮明，不失為明日捧場對象。
「經典再現」大馬收身上力，開鑼戰有望打開勝門。
鴻福星威行舊路
鄭厩「鴻福星威」埋門兩周始見加強操練，連課拍跳並安排彈草閘，雖然沒有試大閘準備，但此駒身形較細隻單薄，體重不足一千磅，加上已是七歲老馬，操練適可而止已經足夠。
翻查上季初出即贏的操練手法，賽前也未有試大閘安排，單跳為主埋門才於河畔草地彈閘拍試一課，與今次準備極相似。剛周四彈閘所見，早段留守厩侶之後，末段移出外檔望空即自動湧上，步幅開揚挺勁，走來朝氣勃勃力貫四肢，狀態已勇。
鴻福星威
領爵以質補態
台型長相出眾的「領爵」，早已被觀操客視為銀行馬對象，從上季抵港後操練準備來看，二月投入操練後只操不跑，頗有操好才上陣和留待今季才用之意。
期間共曾試過三課大閘，走勢課比課好，操至煞科前夕才見放緩，七月中已匆匆復課。早前在八月底安排試大閘，沿途大力扣實並刻意走大外疊，走勢令人憧憬，埋門快跳再未見重身現象，論狀態未必是全組最好一匹，但以其質素有權以質補態。
領爵
瀟灑王子及鋒而試
徐厩「瀟灑王子」自暑期復課後，操練循序漸進按部就班，除於大圈單跳和拍跳外，大閘細閘工夫做齊，備戰程序可謂一絲不茍。
早前試大閘所見，沿途按韁跑第五姿態頗輕鬆，埋門交由巫斯義過檔彈草閘，出閘反應敏捷，只見鞍上人抽緊韁繩按慢，末段才鬆韁漸漸加快，走來有火有力渾身是勁。
相較身旁厩侶要沿途稍作推騎步步進迫，走勢優劣分明，行返馬房時也見神采飛揚態甚活躍，狀態已及鋒而試。
瀟灑王子(左)
綠色駿威精神煥發
柏厩「綠色駿威」上尾最後一役大熱倒灶，末段追勢欠凌厲已露疲態，故暑期沒有急於復課，直至七月底始露面。
經過充分休養生息後，復課精神煥發疲態盡消，每課快跳均予人不俗觀感，最吸引一課莫過於嘉年華試大閘，早段欠前速慣例居後疊，然而中段紋風未動已徐步追上，末段稍騎更交出良好反應，鞍上人見好即收，跑第二輸短頭走勢點到即止，試來充滿角逐興趣，近態回勇。
綠色駿威
作者:
taxi2003 時間: 8/9/2007 10:13 AM
領爵真係好靚仔:vvvv: :vvvv:
作者:
Running 時間: 8/9/2007 10:14 AM
瀟灑王子好Sharp:eee:
o個場本來想揀勁財寶，而家要改改啦。
作者:
櫻花 時間: 8/9/2007 10:20 AM
原帖由 Running 於 8/9/2007 10:14 AM 發表
瀟灑王子好Sharp:eee:
o個場本來想揀勁財寶，而家要改改啦。
瀟洒王子 勁多人貼,太熱就唔抵買.
作者:
Running 時間: 8/9/2007 10:22 AM
原帖由 櫻花 於 8/9/2007 10:20 AM 發表
瀟洒王子 勁多人貼,太熱就唔抵買.
開飛呢隻隨時係大熱:fff:
作者:
taxi2003 時間: 8/9/2007 10:23 AM
原帖由 Running 於 8/9/2007 10:22 AM 發表
開飛呢隻隨時係大熱:fff:
小心驃騎.....跑4班著數到暈:fff: :fff:
作者:
Running 時間: 8/9/2007 10:24 AM
原帖由 taxi2003 於 8/9/2007 10:23 AM 發表
小心驃騎.....跑4班著數到暈:fff: :fff:
計班底當然著數:fff:
今晚睇埋狀態就知道
呢場幾隻中年馬狀態好吸引
作者:
taxi2003 時間: 8/9/2007 10:27 AM
原帖由 Running 於 8/9/2007 10:24 AM 發表
計班底當然著數:fff:
今晚睇埋狀態就知道
呢場幾隻中年馬狀態好吸引
勝哥果隻吸引....不過1檔:sss: :sss:
作者:
臨場 時間: 8/9/2007 02:18 PM
經典再現打快攻......
唔通謝拉特係後場放過直線比佢:jjj:
作者:
Running 時間: 8/9/2007 02:28 PM
原帖由 臨場 於 8/9/2007 02:18 PM 發表
經典再現打快攻......
唔通謝拉特係後場放過直線比佢:jjj:
因住傳到去觀眾席啊:eee:
作者:
少仔 時間: 8/9/2007 04:39 PM
經典再現太熱了....:zzz:
作者:
木奇異 時間: 8/9/2007 05:51 PM
原帖由 少仔 於 8/9/2007 04:39 PM 發表
經典再現太熱了....:zzz:
最近係咁比人唱....唔熱就奇 :llll:
作者:
Wai 時間: 8/9/2007 06:02 PM
原帖由 taxi2003 於 8/9/2007 10:13 AM 發表
領爵真係好靚仔:vvvv: :vvvv:
我又覺得未係好靚仔
可以再好d...
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |