賽馬世界 - Powered by Discuz! Board

標題: 資訊泛濫錯誤處理+選擇性記憶+恐懼--明明好一粒咖哩魚蛋,搞到無咖哩味又無魚味 [打印本頁]

作者: thankheavens 時間: 16/7/2008 11:16 AM 標題: 資訊泛濫錯誤處理+選擇性記憶+恐懼--明明好一粒咖哩魚蛋,搞到無咖哩味又無魚味

資訊泛濫錯誤處理+選擇性記憶+恐懼--明明好一粒咖哩魚蛋,搞到無咖哩味又無魚味

有留意開 ""賽馬怨言"" 的人 , 都不難發覺, 好多人成日感慨現在的馬越來越難賭, 選多匹都未必中到, 中到又未必好分! 又會話以前點樣易賭又好分, 以前又唔洗計什麼偏差什麼飛數什麼速勢走位都可以羸錢!
難道真的是現在的馬難賭了嗎? 難道真的只是現在才有偏差有飛數有速勢走位?

個人意見, 真係唔覺有什麼難賭與否, 從來賽馬投注都是難的, 未易過而已
只是好多人越諗越Y, 越Y越驚, 越驚就越無信心, 自自然然 --- 明明好一粒咖哩魚蛋,搞到無咖哩味又無魚味

再解釋 ""明明好一粒咖哩魚蛋,搞到無咖哩味又無魚味"" --- 本人的意思是說, 明明可以投注 3- 4匹互串中q單場回報率幾百巴仙, 但卻因為想得太多而搞到多匹互串, 或2膽9腳或 1膽F 才投注, 令到單場回報幾百巴仙得番幾十巴仙, 中一場輸一場都要輸錢

本人做了個總結, 主要都是資訊泛濫錯誤處理+選擇性記憶+恐懼此三種相輔相成的因素惡性循環而形成的

1) 資訊泛濫錯誤處理
資訊多是一件好事, 但必要懂得處理. 偏差 + 飛數 +速勢走位etc一向都是有的, 只是以前未盛行及未有人提倡研究, 才沒有人理會.
當時最盛行研究的是馬匹狀態 + 馬匹形格腳法走勢, 因此那時候的馬迷們賭馬, 只是主要看晨操及陣上走勢而投注, 都可以在一場內不多選擇之下而投注.

好多事, 知好過唔知, 但唔知則好過一知半解, 越諗越Y. 現在的馬迷怨言便是最佳例子

同是一場馬, 用以往單看晨操+陣上走勢腳法的準則, 可能選到3-4匹明顯突出
現在卻因為, 偏差賺又驚, 飛數硬又驚, 速勢走位好又驚, 結果要搞到要選 6-8匹才覺明顯突出

2) 選擇性記憶
唔夠客觀的人總喜歡將過往的事長留心中, 印象深刻的當然是極喜或極悲的事, 此是正常之心態
每當遇上類似的問題時, 人總喜歡主觀地將單方面的記憶不斷發大來支持及安慰自己

經驗越多, 記憶便越多, 而選擇性記憶更會越多.

現在投注之時, 可能會選擇性翻起一些記憶, 想番以前""差些少"" 慘痛的經歷, 可能曾經試過因為選少1-2匹而浪費了機會, 此類之後果是會影響將來的投注決定的

再推論, 明明選了3匹心水, 結果卻因為以往唔夠多選而輸錢, 搞到又多了幾匹心水

3) 恐懼
人之常情, 每人都會潛在對前景恐懼的, 無可避免的事
但過份的恐懼, 過多的疑惑只是令人卻步的跘腳石

80年代可能簡簡單單1膽3腳 100元一注q 投注
有就有, 無就無
現在, 又怕跑1-3qp, 又或怕跑2-4, 結果只投注了10元q, 30元qp及 10元四連環

選馬能力好的則影響不大
相反若果是選馬能力不算太好, 可能以前可以贏1千, 現在卻因為左怕右怕又只贏三百, 中一場輸一場都唔夠補數

另一方面的現時好多人提倡的 Hedging 都算是本人最反對的賭博concept, 玩得就唔好怕輸, 夠膽輸就要夠膽贏, 否則, 長期只做一個唔夠膽輸唔夠膽贏之馬迷較好, 總好過贏之時走去守, 輸之時走去攻之正宗賭仔大忌

三種因素是一個循環來的, 對於心理質素不高的人, 很容易越想越多, 越多就越Y, 越Y就越無信心

[ 本帖最後由 thankheavens 於 16/7/2008 11:21 AM 編輯 ]

作者: thankheavens 時間: 16/7/2008 11:17 AM

此文目的不是叫人唔好與時俱進, 徘徊於舊時的選馬法,

只是帶出, 各位研究賽馬投注之時

要盡量客觀及懂得處理資訊, 唔好搞到惡性循環

唔係的話, 長線影響單場回報率, 增加抽稅率, 但卻不能提高命中率

回報率 + 命中率好多時是相對的, 兩者有時要互相平衡才可以長期保持信心

[ 本帖最後由 thankheavens 於 16/7/2008 11:22 AM 編輯 ]

作者: 白武仔 時間: 16/7/2008 11:22 AM

睇黎我都要開始睇下天樂兄既文章..學下賭LU..好快到我XDD:eee: ..
我睇馬..真係冇諗到咁多原素..

作者: thankheavens 時間: 16/7/2008 11:28 AM

QUOTE:

原帖由 白武仔 於 16/7/2008 11:22 AM 發表
睇黎我都要開始睇下天樂兄既文章..學下賭LU..好快到我XDD:eee: ..
我睇馬..真係冇諗到咁多原素..

玩賭馬先學心態

最最最緊要是""輸得起""

輸得起的意思及層面包括金錢與心態

好多人有錢但卻無賭品, 錢輸得起但心態輸唔起
而同時間亦有人贏心態及無本輸唔起

賭博是立桿見影的, 上上落落贏贏輸輸是必然的事, 若果輸唔起, 好快就會變 ""周瑜""((被激x死))

但若果在可以輸得起的本金內玩樂 + 擁有輸得起的好賭品
參與卻是樂事!

作者: Running 時間: 16/7/2008 11:35 AM

QUOTE:

原帖由 白武仔 於 16/7/2008 11:22 AM 發表
睇黎我都要開始睇下天樂兄既文章..學下賭LU..好快到我XDD:eee: ..
我睇馬..真係冇諗到咁多原素..

其實天樂兄o既觀點，如果鐘意賭馬o既人係特別適合睇，當然部份道理同樣適用於做人。

不過我覺得唔同人有唔同方法，天樂兄所講o既o野，係教人點樣面對情況，但適合自己o既賭錢方法，

就需要自己去發掘。

過於拾人牙慧、而冇自己o既想法，落到賭場都會被人食o左！

[ 本帖最後由 Running 於 16/7/2008 11:36 AM 編輯 ]

作者: 木奇異 時間: 16/7/2008 12:11 PM

QUOTE:

原帖由 Running 於 16/7/2008 11:35 AM 發表

其實天樂兄o既觀點，如果鐘意賭馬o既人係特別適合睇，當然部份道理同樣適用於做人。

不過我覺得唔同人有唔同方法，天樂兄所講o既o野，係教人點樣面對情況，但適合自己o既賭錢方法，

就需要自己去發掘。 ...

我好同意天樂兄所講
睇馬同賭馬係完全2回事
賭馬更加要講自信心同埋唔好俾其他野搞亂你
所以我點解我從來都唔會睇同信報紙d貼士

其實周圍都大把馬迷買馬時總會俾其他野搞亂自己一時睇到馬主大班人入場又驚一時睇到隻馬冇飛/起飛又驚一時睇到騎練動態唔同d又驚
總之咩野都要驚
咁想唔輸都難

[ 本帖最後由木奇異於 16/7/2008 01:11 PM 編輯 ]

作者: thankheavens 時間: 16/7/2008 12:38 PM

QUOTE:

原帖由 木奇異 於 16/7/2008 12:11 PM 發表

我好同意天樂兄所講
睇馬同賭馬係完全2回事
賭馬更加要講自信心同埋唔好俾其他野搞胡亂你
所以我點解我從來都唔會睇同信報紙d貼士

其實周圍都大把馬迷買馬時總會俾其他野搞亂自己一時睇到馬 ...

:gggg: :gggg:

作者: Running 時間: 16/7/2008 12:50 PM

QUOTE:

原帖由 木奇異 於 16/7/2008 12:11 PM 發表

其實周圍都大把馬迷買馬時總會俾其他野搞亂自己
一時睇到馬主大班人入場又驚一時睇到隻馬冇飛/起飛又驚
一時睇到騎練動態唔同d又驚
總之咩野都要驚
咁想唔輸都難

顧慮或者想法太多，好易影響到自己信心。

太過猜度偏門o野o既人，當佢地成日輸o既時候(特別係賭得大)就會連信心都輸埋。

跑馬，記住係要「以馬為主」，呢一樣基本原則點都係度馬先決條件！

作者: 白武仔 時間: 16/7/2008 01:44 PM

我諗我而家對賽馬既睇法..只限於睇..唔係賭囉..
好多時我都好盲目追隨一D野..
講真我真係一個好受人影響既人..
所以賭馬我諗真係唔會好岩我..
我要學唔好因為人地既諗法而影響自己既VIEWPOINT..
咁我先可以諗玩下衣家野XD

歡迎光臨賽馬世界 (http://racingworld.no-ip.org/)