賽馬世界 - Powered by Discuz! Board

標題: 澳洲賽事日20080915檢討 [打印本頁]

作者: S.WEEK 時間: 15/9/2008 08:52 PM 標題: 澳洲賽事日20080915檢討

星期六滿利谷上演9場賽事，全日有熱後面場次都爆得幾勁!!! 唔易賭也。

跑道移欄2米，天氣情況與上星期六差唔多都係陽光普照

頭兩場場地為Dead。後面場次場地變番Good。

全日形勢開頭都幾明朗，後面場次則步速開得好快，有唔少實力份子成為步速受害者。

前三場留意馬匹唔多，第二場的Lucky Secret 子彈快馬，排大外檔起步，放得出埋到欄直路頭拋開三馬位嬴馬。典型的滿利谷賽事模式。Lucky Secret 當然亦係一匹相當利害的馬匹 (唔係因為流鼻血的話)，如果計前速能同佢撼我估在滿利谷場只有跑一級賽果場的Kaphero。

第三場嬴馬雖是 Fly Higher。但其實值得留意反而係亞軍馬Memorise。騎師處理手法有問題，全程食哂 Box 係內欄 (滿行谷其中一個死位)，轉最後一個彎先拉出來衝，果時距離放頭馬5個馬位。直路得果177米，根本好難可反先。反觀 Fly Higher一早外疊撻行哂。輸唔夠半馬位，其實騎好D晨早嬴左呢!!!
前景上當然已 Memorise 較好。

第四場之前係當天論戰區講過，水準就一定同當天幾場級際賽相提並論。三大熱門返來其實好正路。頭馬Chairmanoftheboard乃「星運時機」子嗣，沿途跟住前領馬群直路頂住後上型既Road To Rock。有咁既表現真係唔似久休成10個月的馬匹，睇下次會唔會打回原形。

Road To Rock悉尼馬本想上去跑同日一級賽，因之前同 Racing To Win 跑開。上場表列賽大敗輸俾Bel Mer 先拎唔到出線席位，質素在呢場一定夠哂份量，係上場大敗嚇怕人地。第三名係大熱門Allied Force，無論型格，彩衣都十足十隻「更歡笑」早期 (唔係林文彬先生所擁有)，又係以放頭搵食。今場步速不利佢，本身隻馬直路有外閃，再成熟在級際賽一定大有作為，不過呢隻「列度選擇」子嗣回本機會都係不大。

作者: S.WEEK 時間: 15/9/2008 08:52 PM

開始講下重頭戲場合

第5場 TBV/ELIZA Park Champagne Stakes (G3 雌馬)

賽前幾隻名氣馬均成為此賽熱門，係級際賽表現出色既Viennese, Taameer。另外，兩匹在3歲讓賽跑得好的名氣馬Ortensia初出嬴四個半馬位，第2場嬴五個馬位。8月尾復出輸俾Time Thief，Time Thief 之後咩成績，大家都好清楚。Cats Whisker 呢匹雌馬亦強得恐怖，初出嬴四個馬位，次仗嬴 Peter 既Yesterday。賠率上呢四匹馬控制大局。可惜戰局並不是這麼簡單。

成場馬步速奇快，好多馬搶得好緊要直路內欄的馬匹全部都是拉車回來。
時間: 1:11:65
包括 Viennese , Taameer (更尾二回來)，另一匹熱門馬 Cats Whisker 戰略更不知所謂，我唔知 Ryan 在做什麼。8檔又走外疊全程望空，直路冇哂，都唔知騎緊咩野。

菲特文另外一匹馬Dan Baroness主帥騎 (唔知油王唔滿意佢表現定佢自己咁醒識揀騎)。今次唔走入面而出中間衝刺，又咁岩得咁橋，Ortensia同Impressive Eagle因Cats Whisker墮退而要飛出更外一疊衝刺 (蝕上加蝕)，返來岩岩追唔到 Dan Baroness。真係死好彩 ~~　鄧迪。下次再出未敢寄予厚望。

Burgeis 呢場又跑返好少少，不過咁的實力未夠在級際賽上名及爭勝。Ortensia 跑返本身水準唔係馬場的設計加上呢場的快步速。嬴既應該是牠。Impressive Eagle 就受惠著步速先可以咁接近。

作者: S.WEEK 時間: 15/9/2008 09:56 PM

第６場 Dato ' Tan Chin Nam Stakes (G2 1600 米)

跑出接近紀錄時間的 1:35:98 慢由「莊園小子」2006年同一項賽事所創舊紀錄1:35:8慢1線。
兩隻兔之下創出接近驚人的紀錄。

我同pakkilo賽日果朝有討論，前面好多馬放。電兔Jungle Ruler, Maldivian,仲有神經刀Sir slick。這局面對Maldivian 十分不利。Sir slick本來佢學上次慢閘放唔出就根本唔需要驚佢 (自然拉停)。

另外，列高力又唔知發咩神經，「龐貝尊主」本身並不是Good Jump。走外疊上埋來望空跟第四位，上次廖偉德唔係又排外檔跟中間。此場步速又加快。Maldivian本身羅達都想留番多少，但本身太好Heart，上埋前面。而新西蘭既Alamosa本身在新西蘭都係跟三四位，自然又跟埋前列。

都未到最後400果隻 Sir slick 自己都成隻散哂 (其實真係好難想像佢點解可以在新西蘭嬴咁多場一級賽)
小魔怪冇講錯Guillotine今場突然變到成隻「高效能」一樣，轉最後彎前內欄湧上(果個係另一個滿利谷死位)等埋Alamosa轉位再拉出來衝嬴早段用得多的Maldivian番來仲可頂住Casual Pass的衝刺。

Casual Pass 8歲老馬可做到這樣，連續兩場級際賽跑得咁接近，真係致敬!!! 睇可唔可以做另外一隻「奧馬田」

Sirmione 講真好失望，因為本身形勢最好應該係佢。騎師捉錯發力點，過早發力。

「升平」表現可以又唔係一級馬，「更勝一籌」睇多一場今次跑咁好下場又可能跑唔出水準，好難打疊跑得好的馬匹。

放頭果堆，當然Maldivian係最好，今季狀態亦係起得最好果匹(已我睇咁多場年長馬熱身賽)，如果可再定D，留得到四五位會更好。今年一定拎到一級賽。

「龐貝尊主」直路頭已經收哂，賽績可抹左去，騎者明顯來維省渡假。

作者: S.WEEK 時間: 16/9/2008 04:49 PM

第7場萬利嘉多錦標 (G1 1200 米)

澳洲短途又回歸混亂戰線，成組馬如果計盡實力只值到二級頂。同兩年前相比有一段距離。

嬴馬的Typhoon Zed 全組馬穩定性係較強的一匹，亦同過上一代的短途好手拼過。經驗上一定較同場首次上一級賽為高。之前嬴一級賽都係因為熱門馬失準所致。今場形勢上亦不是牌面馬，故今場嬴埋我估好多人(包括我)都好意外(除了大戶咁醒又一落飛得手)。羅理雅亦發揮一絕咁靚。

亞軍Absolut Glam感覺上比上季最後嬴 Winter Stakes (雌馬一級賽) 又進一步。看來之前在史德布克讓賽跑得咁接近並非僥倖。今年Myer Class有一定的分量，始終1200米並不是擅長的路程。今次落1200米都係認為對手水準不濟。

Kaphero 是滿利谷能手，跑入第三亦正常。但始終覺得係1000米馬匹，1200真係嫌長。今次步速控制得咁漂亮。都始終差半個馬位先捱到。

大熱門 Red Element 全程走Box 位，根本冇機會可以轉位出來。All American 剛轉三歲咁快挑戰年長馬難度太高，讓5kg都唔掂。檔位亦不利。

Bel Mer 騎師全程遊馬河

第8場 Arrow Training Services Stocks Stakes (G2 1600)

平淡的賽事，兩匹熱門回來。

Tuesday Joy 睇住魔月來食，「魔月」我唔明白Ryan在做什麼，一係你就搶埋欄呢，又玩全程三疊望空。真係隻隻都大超級咩。做就羅理雅起孖。

Dane Julia 鄧迪直路俾羅理雅封死在不足100米回氣再上追番第六，下次回留意。狀態近仗提升得好快。南非一級賽冠軍係時間現身。

作者: S.WEEK 時間: 16/9/2008 11:59 PM

今晚睇了今朝在 Rosehill 11 組閘

見到 KM 試 Siphon 唔錯喎 :fff: :fff:

至於同馬房的 El Cambio 退出今朝試閘

其他馬房，Tim Martin 名氣馬之一 Mirabeau 例牌試閘之星 :lll:

準備功夫亦唔錯，睇來好快重回戰線 (之前輸俾 AICHI)

另外，上星期五蘭域亦有舉行21組試閘

基婆的 Miss Raxyana 嬴開，都唔知試咩閘 :ooo:  好輕鬆壓過同組的馬匹

Fianchetto 反應一般

另外，全日其中一場焦點第6組

Musket 雖得第三，但同組嬴佢果兩隻都跑慣短距離

尢以 Royal Discretion 之前同 Tan Tat De Lago 或者 Serious Speed 跑開，性能唔同好難做比較，俾落去唔錯希望今星期有好表現

另外第二的 Polaway 明顯進步要留意住

作者: EternitY 時間: 17/9/2008 12:11 AM

Star stable執邊隻好？:eee:

作者: pakkilo 時間: 17/9/2008 06:58 AM

QUOTE:

原帖由 EternitY 於 17/9/2008 12:11 AM 發表 
Star stable執邊隻好？<img src="images/smilies/lol.gif" smilieid="456" border="0" alt="" />

安小姐:eee: :eee: :eee:

作者: S.WEEK 時間: 17/9/2008 07:43 AM

QUOTE:

原帖由 EternitY 於 17/9/2008 12:11 AM 發表
Star stable執邊隻好？:eee:

我連賽程有咩，都未知 :ooo:

作者: S.WEEK 時間: 17/9/2008 07:44 AM

QUOTE:

原帖由 pakkilo 於 17/9/2008 06:58 AM 發表
 

安小姐:eee: :eee: :eee:

我地主席都夠膽玩 :fff: :fff:

作者: S.WEEK 時間: 17/9/2008 07:57 AM

其實唔使咁心急，仲有16日

10月2日搞都未遲 (出埋果日排位表)

最重要係食哂 10月4日果5場一級賽就有機帶頭

之後10月8號就有得換馬

係驚佢會唔會跑完星期六木下錦標就馬匹升值 :ooo: :ooo:

作者: pakkilo 時間: 17/9/2008 08:23 AM

上年d馬都無升值..今年睇怕都唔會..

weekend 仲諗緊入唔入好..一來又貴..二來佢今個星期又博..

正如你所講..到大賽嘉年華實做點心:fff:

作者: S.WEEK 時間: 17/9/2008 10:02 AM

QUOTE:

原帖由 pakkilo 於 17/9/2008 08:23 AM 發表
上年d馬都無升值..今年睇怕都唔會..

weekend 仲諗緊入唔入好..一來又貴..二來佢今個星期又博..

正如你所講..到大賽嘉年華實做點心:fff:

希望其他馬真係做到用體力去戰勝呢匹馬王 :fff: :fff:

佢個賽程真係仲變態過「北來風」 :jjjj: :jjjj:

作者: pakkilo 時間: 17/9/2008 06:21 PM

如果計我覺得佢成就分分鐘係北來風之上
跑埋今個嘉年華就有答案:fff: :fff:

作者: S.WEEK 時間: 17/9/2008 06:36 PM

QUOTE:

原帖由 pakkilo 於 17/9/2008 06:21 PM 發表
如果計我覺得佢成就分分鐘係北來風之上
跑埋今個嘉年華就有答案:fff: :fff:

祝佢好運

如果佢能夠嬴完木下錦標 -- > 東寶錦標 -- > 考菲爾德杯 --- > 覺士盾 ---- > 墨爾本杯的話

名人堂即時入選我諗無人反對 :jjjj: :jjjj:

作者: pakkilo 時間: 17/9/2008 06:40 PM

機會係零:eee: :eee: :eee:

當然我都想睇下佢成為匹傳奇馬如phar lap..

作者: S.WEEK 時間: 17/9/2008 06:45 PM

QUOTE:

原帖由 pakkilo 於 17/9/2008 06:40 PM 發表
機會係零:eee: :eee: :eee:

當然我都想睇下佢成為匹傳奇馬如phar lap..

其實佢上到哩半，我已經覺得佢好叻

因為 1200 - 2400 的路程佢都嬴到

但我覺得機會不大

我始終認為「北來風」係近十年以來最強的馬匹

就算「戴花」嬴三屆墨爾本盃 ~~ 我都係咁話

歡迎光臨賽馬世界 (http://racingworld.no-ip.org/)