標題: 分享個人見解, 順道解答一位網友的賽馬問題 --- 賠率與不穩熱門之我見 [打印本頁]
作者:
thankheavens 時間: 20/2/2009 09:46 AM 標題: 分享個人見解, 順道解答一位網友的賽馬問題 --- 賠率與不穩熱門之我見
另外我想問下關於對賭既意見....
絕對值與相對值
一隻馬成為熱門, 其實一定都有不少優勢或近績支持
其實基本上比較難完全批死佢一定不入圍
想問下tl 兄係咩情況下才選擇與大熱或次熱對賭?
舉d例子.
好像數周前樂意洋洋初挑戰級際賽, 個場初對一級賽對手+蝕分難度極大.
但都只係得3.x. 非常唔值博, 但當然牠仍然有機會的
結果我與其對賭, 但最後佢都係跑第1, 我都係收唔到錢.
即係其實係咪一隻馬有機會入位既, 不論冷熱都不應計較?
咁計法冷門, 特別2,30倍開外甚至更冷既, 機會一定細過即使唔算穩既熱門.
咁幾時先係飛熱門既時機?
我對此問題仍然經常感困惑
本人的賽馬計算系統內, 我經常強調一個重點, 以馬為本, 亦即是賠率與馬匹實力沒有關係
一) 計算出來馬匹之實力與機會在此組是不好的, 無論冷門熱門, 都不會投注, 若果是熱門, 更是歡喜, 因為可以對賭
絕不會因為此馬是熱門而無端端忌了它
亦不會因此機會不好之馬成冷門而夾硬博了冷
二) 計算馬匹實力+操練etc在此組是突出的, 無論冷熱, 就會列入範圍. 本人是場場投注的馬迷, 基本上本人的投注策略多數是以單棍, 3至4匹互串, 雙膽3-4腳, 單膽拖腳為主, 視乎當場之形勢及賠率而定. 賠率在本人的系統內, 佔到的只是設定投注策略,
若果大部份都是冷門, 很高興, 不會因為全冷門而忌三忌四怕無飛怕回飛不作投注
若果是熱門為主, 則要才作勾選, 通常都是3匹互串, 或單膽拖腳為主
三) 賠率在本人的系統內, 尚佔一個因素, 當幾匹馬實力與機會差不多時, 便會選擇以較"值"的一匹為投注對象
"值"對我來說, 是一個幾主觀的東西, "值"不等於冷與熱, 而是在於幾匹實力機會馬差不多之時的主觀決策
四) 網友提出關於分析樂意洋洋初跑級際賽成熱門再勝的一場, 本人不著眼於那場是否不穩熱門, 始終每人的計算法都不同, 只著眼於賽後檢討 -- 是否真的計低了樂意洋洋? 下場應否繼續對賭? 還是顯示了進步感? 退步感?
好多時, 追殺不穩熱門未必一定場場準確的, 當然亦不可以盲目追擊, 像我一樣, 經常都會錯誤分析, 但賽馬之可愛就是回報, 只要有20/30%左右的成功追擊命中率, 基本上都可以有不俗之利潤了
總結, 以馬為本, 計馬行先, 不喜愛的馬無論冷熱都不作投注, 喜歡的馬熱門要定策略, 冷門則一定要投注.
賽馬投注回報絕對可以彌補超過50%的error. 著眼於宏觀賽後檢討比起單場之得失更為重要
作者:
thankheavens 時間: 20/2/2009 09:53 AM
補充
有時候, 會計算出一些似是而非的熱門, 計落不算突出, 但又不能刪走其機會, 那麼應該怎樣辦?
本人投注方面以 q + qp + 孖寶為主, 四連環亦作在內, 對於似是而非的熱門, 有一個特別玩法
可以用較有分頭之實力機會馬匹為膽, 選擇此匹似是而非的作為腳(q/qp, 甚至只作 ff 腳)
若果最後結果是與熱門串q+qp, 當作保本, 若果最後似是而非的熱四甲不入同時間命中, 便會有驚喜了
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |