標題: 「蓮華生輝」務求蟬聯主席短途獎 [打印本頁]
作者:
willandgrace 時間: 20/2/2009 05:33 PM 標題: 「蓮華生輝」務求蟬聯主席短途獎
「蓮華生輝」究竟能否重振世界草地短途馬王雄風，相信在本週日（2月22日）主席短途獎（香港一級賽1200米）賽後，就會有更清楚的答案。
這場香港速度系列次關賽事，台柱仍然是此項錦標上屆盟主「蓮華生輝」，儘管牠上仗久休復出角逐百週年紀念短途盃僅獲第四。而主要對手則為「綠色駿威」、「安畋」、「陽光」，牠們於兩個多月前在國泰航空香港短途錦標分別跑獲第二、第四以及第五名。
「蓮華生輝」近況如何？練馬師姚本輝表示「甚為滿意」。他說：「上賽之後，復課以來這匹五歲馬的進度合乎預期。上仗由於排內檔的緣故，牠在跑道上靠近內欄的一邊競逐，但當日卻是在靠近外欄的一邊競逐比較有利。當時我們本來打算沿途跟隨韋達的『安畋』，不料對方竟然一直保持在靠近內欄的一側來跑。還有，將近到終點時，『蓮華生輝』亦曾略受擠壓。整體而言，牠的表現未至於令我太失望。」
杜利萊將於週日首次替「蓮華生輝」主轡，他發覺自己的運氣不壞–跑千二米而抽到一檔。雖然姚本輝不欲透露「蓮華生輝」今仗的戰術–理由顯而易見而且可以理解，然而不妨假設入直路之前牠將會據守一個中游位置。
蟬聯主席短途獎的機會有多大？姚本輝答曰：「只要直路能夠望空，取勝應該不成問題。」
方嘉柏的「綠色駿威」，上仗在杜利萊胯下角逐花旗集團董事盃，沿途跟得稍為前了一些。今仗縮程出戰，改配臨別秋波的蘇銘倫，估計末段將會重現如飛殺上的鏡頭。
「安畋」一向演出準繩，但鞍上人韋達卻大歎排位運氣欠佳。他指出：「這是牠連續第三場一級賽抽到不理想的檔位。前仗國泰航空香港短途錦標抽到13檔；上仗抽到1檔，在當日而言，是跑直路賽的不利檔位；今次則在十駒之中排在第8檔。看來我們真的需要幸運之神幫幫忙。」
一再與大賽錦標擦肩而過的「陽光」也有同感，呂健威相信旗下這匹出自Honour And Glory的閹馬今仗仍然是位望較高，不易取得令人驚喜的突破。
「牠的狀態不錯，但可能未及得上跑國際賽時。近仗牠的運氣都麻麻，不是排檔失利就是競賽中受到干擾。」呂健威說，並透露此駒下一個目標是3月15日的女皇銀禧紀念盃–香港速度系列尾關。
至於其他人馬，「樂意洋洋」鞍上人馬偉昌認為「只要坐騎不搶口，就有機會入三甲」，而兵分三路的約翰摩亞則表示，「企業精神」乃主力所在，此駒跑完百週年紀念短途盃後恢復得快，狀態來得令人滿意。
「上仗『企業精神』走勢不俗，今次跑多二百米更合發揮，雖然與其首本路程比較仍嫌略短一些。我估計牠可以跟隨領放馬來跑，直路上展開強勁的衝刺，且看以此戰術是否可以帶來一席位置。」大摩道。
作者:
willandgrace 時間: 20/2/2009 05:34 PM
個人覺得大摩主力係「新力勁」。:zzz:
作者:
櫻花 時間: 20/2/2009 07:21 PM
當時我們本來打算沿途跟隨韋達的『安畋』,這是"姚生"自己講的,好明顯根本就係"姚生"上賽判斷錯誤,但代罪羔羊係"鄭雨填",但"姚生"賴騎師已經唔止一次不以為怪:yyy:
其實一匹馬王使咩跟人跑,自己跑自己唔受阻,發揮到實力已經掂.
作者:
自由雨滇行 時間: 20/2/2009 07:25 PM
原帖由 櫻花 於 20/2/2009 07:21 PM 發表
當時我們本來打算沿途跟隨韋達的『安畋』,這是"姚生"自己講的,好明顯根本就係"姚生"上賽判斷錯誤,但代罪羔羊係"鄭雨填",但"姚生"賴騎師已經唔止一次不以為怪:yyy:
其 ...
姚本輝最醒目係唔用韋達:yyy: :yyy: :yyy:
作者:
S.WEEK 時間: 20/2/2009 07:25 PM
呢場嬴唔到，可以準備轉馬房
創惑都唔係到
作者:
kitchai1228 時間: 20/2/2009 09:32 PM
機會有疑最高..睇下跑得番幾多
腳就真係好多都得..駿威,安畂,陽光(比多次機會佢),新力勁同鐨石
作者:
翼 時間: 20/2/2009 10:18 PM
姚本輝答曰：「只要直路能夠望空，取勝應該不成問題。」 :fff:
作者:
戶田惠梨香 時間: 21/2/2009 04:03 AM
被綠色駿威從後生擒:yyy:
作者:
keywinner 時間: 21/2/2009 04:31 AM
以前爪皇凌雨跑唔掂, 拎完去放草, 番黎重振雄風
然後有個傻佬建議隻精英大師學爪皇凌雨咁拎去放牧, 放完番黎諗住又可以屈:yyy:
結果俾告仔話佢低能, 一口反對呢個放草建議
一隻短途馬, 一隻長途馬, 又點可以用同一個處理手法
短途馬係要跑火氣同速度, 一定要你keep住操同跑先維持到戰鬥力
一抖得耐d, 就算之前有幾快速度都會變成龜速~~~
同樣道理, 蓮華生輝身為一隻跑速度的馬,抖了咁耐, 現在已經退化了不少
呢場肯定唔夠呢班跑開, fit開既短途馬跑
作者:
keeper 時間: 21/2/2009 04:45 AM
原帖由 keywinner 於 21/2/2009 04:31 AM 發表
以前爪皇凌雨跑唔掂, 拎完去放草, 番黎重振雄風
然後有個傻佬建議隻精英大師學爪皇凌雨咁拎去放牧, 放完番黎諗住又可以屈:yyy:
結果俾告仔話佢低能, 一口反對呢個放草建議
一隻短途馬, 一隻長途馬, 又點可 ...
一隻跑短途0既馬王...如果本身狀況足....根本冇可能同其他馬鬥短頭...仲話要個騎師跑呎吋......跑到一步都唔蝕先贏到..又點似馬王....:yyy: 仲有上次跑來...未段是比人過的...如果有狀況...全力衝刺緊...又邊可能比人後上閘到........:yyy:
作者:
木奇異 時間: 21/2/2009 08:08 AM
原帖由 自由雨滇行 於 20/2/2009 07:25 PM 發表
姚本輝最醒目係唔用韋達:yyy: :yyy: :yyy:
所以咪有g1大賽贏又有隻馬王出黎lor :yyy:
蔡生重用韋達的後果, 就係好似駿河之後都未贏過int g1, 馬王都未出過一隻 :yyy:
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |