賽馬世界 - Powered by Discuz! Board

標題: 今次唔係貼馬 [打印本頁]

作者: 冼馬田 時間: 27/2/2009 02:08 AM 標題: 今次唔係貼馬

但想另開一post講講港澳盃。

其實今年香港馬比上年還要差，因為上年「細腦」係有心部署跑呢場的，只負118磅，根本其他馬唔會夠佢跑。但今年，港隊馬中真是處心積累跑今場的，唔係冇，係得「厚利多」囉，但要負133磅唔係咁易啦，其他馬多數都係跑開就跑，搏開就繼續搏，當正今場係普通一班千四咁來報名，咁0既情況，即係大家鬥滾，各無把握，咁搞法澳門馬唔係冇得偷的。

港隊馬中最四正亦應該會係大熱0既係「同一世界」，從來失過頭六名的馬，應未見盡，上場只跑第四可以當牠之前一場用133磅贏馬太吃力而要回一回，整體表現準，熱門有時可以飛，但唔係飛「同一世界」呢類馬。另一隻我睇好「厚利多」，優點係卡士高，同「爆冷」串Q在此組一定是高，同埋國際賽後刻意不跑等今場，其實計馬性能本身可跑「花好月圓」那場千八，一樣是三級賽，但大概是賀賢認為上場對手比今場強，反正都要負重磅不如跑今場抖多一個月好了，我想他的部署是正確的，唯一缺點是重磅。

要睇好到隻負133磅0既馬，即係其他香港馬我都麻麻地，「開心多多」上年都有跑港澳盃，今年跑得少不排除有心跑呢兩場之前刻意保留，我係嫌佢評分已經偏高。再數就真係冇得數了。

澳門馬今年有兩三隻是年輕用得不算多而當起的馬，有虛分在手，此一點在讓賽中是重要的爭勝條件，頗有威脅的。「潮州大兄」係當起，我稍嫌佢沙地起家，草地表現可以但欠殺著。譚文就兩隻我認為都是今季跑得少刻意留力部署今場的，尤其是「師父」，此駒在英國已是現馬主所有，未用殘而運到澳門，在英國賽績與當年大摩的「新鮮」接近，港澳盃評九十五分我當牠仍有一W在手，突然用冼文諾根本是非同少可，如果臨場有雨更有利。「溢勝精神」也是英國馬，愈跑愈進步，今季只跑五場，又是留力跑今仗的。

作者: 新水星 時間: 27/2/2009 03:03 AM

細腦跑港澳盃之前發燒停過一排。

作者: 007 時間: 27/2/2009 06:24 PM 標題: 回復 #2 新水星的帖子

最後退役:ooo:

歡迎光臨賽馬世界 (http://racingworld.no-ip.org/)