賽馬世界 - Powered by Discuz! Board

標題: 梁靜茹自爆戀情鼓動濕吻 [打印本頁]

作者: 光仔 時間: 16/3/2009 11:09 PM 標題: 梁靜茹自爆戀情鼓動濕吻

紅遍台灣的梁靜茹前晚在紅館舉行「今天情人節梁靜茹 2009 演唱會」，三面觀眾席全爆滿，她坦言初時擔心門票銷量，得悉爆滿才放下心頭大石。趁着白色情人節，梁靜茹叫台下 fans 濕吻，還自爆已回禮給圈外男友，認真甜蜜。

梁靜茹前晚白色情人節在紅館開演唱會，三面觀眾席全部爆滿，心情靚靚的她開場時以一身白色紙鶴裙出現，她用廣東話說：「我係第二次嚟香港演出，我嘅心情仍然好激動，我喺後台望出嚟見到大家揮動螢光棒，好似做好準備。三面台你哋睇得清唔清楚呀，不過冇辦法啦，咁我背住你哋時候咪睇到我籮柚囉。」

在其中一個環節，梁靜茹坐火車頭出場，原本她想讓火車環繞舞台走一圈，可惜不獲批准，現在只能向前向後行，她說：「我未坐過火車頭只係向前向後行，因為紅館限制多，唔能夠有太多機關。」

趁白色情人節，梁靜茹叫台下情侶來個法式熱吻，又自爆已回禮給男友，她開心地說：「白色情人節係女方回禮畀男方，表示接受對方追求，我都回咗禮 … … 大家唔知就算，唔再講。」其實梁靜茹有個要好的圈外男友 Tony 。

梁靜茹也很懂冧 fans ，原本今次沒安排握手位，她卻自動走近台前與觀眾握手，並大笑說：「驚唔驚喜呀，係我自己爭取 o架，本來冇得握手 o架。」但有些 fans 嫌不夠喉，叫梁靜茹再握手，她笑言會辛苦了保安人員。

梁靜茹邀來好姊妹陳鳳合唱一曲《分手快樂》，又請了北京雜技團兩位成員在半空中表演，看得觀眾拍爛手掌。梁靜茹及後說：「我望到啲座位好感動，上次嚟做演唱會好似準備不足，所以喊到失聲，我咁少嚟香港，大家都咁愛我，喺開騷前我有啲擔心，不過見到票房好，真係好感動。」

作者: 小武士 時間: 17/3/2009 12:23 AM

個topic咁怪雞佢明明宣佈左有男友好耐自咩爆戀情:yyy:

歡迎光臨賽馬世界 (http://racingworld.no-ip.org/)