標題: RAINBOW GALA 3 感想+相集(PART 1) [打印本頁]
作者:
河馬仔 時間: 19/4/2009 06:31 PM 標題: RAINBOW GALA 3 感想+相集(PART 1)
今次RAINBOW GALA終於去到第三屆,又在九龍灣展貿舉行,而今年的同人誌大會亦有電視台來訪做訪問,可算係同人漫畫開始受到大眾的注意,可能經過多次的同人誌大會後,來參觀的人越來越多,甚王相比兩年前,我見到有唔少的成年人或一家大細都入場參觀,看來以往一向係後生仔女才會去的節目,未來可能同漫畫展一樣咁受注目...........
今年一樣要排兩個鐘先入到場,今年一樣都係先買飛,後排隊,個日曬到爆,真係辛苦,而入場就收到有場刊,今年以生徒手帳做主題,頗有心思,而簿面係硬紙皮,較以往靚好多
場內人都唔少,當然有唔少舞台表演,多數都係唱歌多,我覺得上台的同人團體好多都唱得又跳得,證明佢地肯定有努力綵排過,當然"台上十分鐘,台下十年功",雖然大多係後生仔表演,不過如果唔係對表演有熱血同埋衝勁及團體精神下,基本上係好難在台上表演得咁用心,在此小弟都真係都感到佢地的努力.
今年發覺女性向同男性向的同人漫畫書比例真係接近8:2,故此小弟入到場,真係見到好多書都係畫男仔多,當然小弟都係睇第二邊啦,故此場內都係行左30分鐘都睇左自己想睇的檔口,而買到的同人本當然唔多,但有些精品或同人誌又真係畫得不俗.........
場內有初音本,畫得相當不錯,本內有多種畫風,彩色...........另外還有LUCKY STAR CROSS 初音等角色之poster,畫得都OK特別啦
場內都驚見一隻可愛的毛公仔,白雪雪,有條長頸,係唔係可居於沙漠草原地區的...............羊駝???如果有得賣又會否在香港大賣呢?
最後講下一位本地的輕小說作家,當日佢都有一個大大的檔口,香港本地土產輕小說其實唔似日本那般發展得咁耐,而輕小說其實就係有動漫風格插圖的一種娛樂作品,主要係後生仔為讀者群,當然唔會好長篇,而且入面有插圖,題材就可以好廣泛........
今次就講下呢位香港新派跨媒體創作人---何故先生---之創作,<愛。因思坦症候群>,今次出到第三集,叫做人人英雄傅.
當日作者何故在場,小弟買了此書的第三集,何故先生已經義不容辭地立即簽左名,在此多謝一下佢先.同佢傾計都好好傾.唔講唔覺上次係七點半的電視節目都見到佢的訪問.講番呢個series的輕小說,小弟雖然未睇哂,皆因小弟工作忙,平時工作後又要睇馬講馬,做完都好疲勞,而小弟都盡量在臨訓之前都會睇下,第一集小弟之前買了,睇下睇下都覺得書內同一些漫畫愛好者或時下年青人之脈搏都幾相近,主題以青春,浪漫為主,當然有一些動漫題材在內.當日小弟想去買第二集睇下,但個日已發現全部賣哂,真係厲害.
本地創作的輕小說可能仲係萌芽階段,現在開始出現一些能吸引年青人的本地土產輕小說,看來輕小說可能係未來年青人消閒讀物之一.小弟睇下遲點買埋第二集同埋睇埋第三集後,再同大家分享一下感想啦.而希望本地輕小說創作未來會似日本般越來越盛行啦
作者:
iamjack 時間: 19/4/2009 08:50 PM
這次 RAINBOW GALA 我也有去 ... 這是我第一次去RG :eee:
感覺上 , 這次RG不比CW遜色 , 也有不少看頭 ... 場刊也的確頗有心思
:eee:
想起"戰利品" ... 何故先生的作品我也有買了一本 (GL相對論)
早前曾在別的討論區曾見過有關介紹 , 也有興趣 , 支持一下
:eee:
不過 ... 想起當日 ...
在排隊時進場時 , 附近有人暈倒了 ... 幸而駐場人員很快到達 ... 希望當事人早日康復
其實 ... 有關九展活動安排(如CW,RG等) ... 其實可否安排人流於室內冷氣地方?
事關在九展外的確沒有遮擋處 ... 萬一遇上猛然陽光/暴雨 ... 對排隊者確實相當辛苦 ...
但 ... 九展內也有不少商戶 ... 或許安排人流於室內會有困難 ...
:ddd:
[ 本帖最後由 iamjack 於 19/4/2009 08:52 PM 編輯 ]
作者:
河馬仔 時間: 19/4/2009 09:09 PM
原帖由 iamjack 於 19/4/2009 08:50 PM 發表
這次 RAINBOW GALA 我也有去 ... 這是我第一次去RG :eee:
感覺上 , 這次RG不比CW遜色 , 也有不少看頭 ... 場刊也的確頗有心思
:eee:
想起"戰利品" ... 何故先生的作品我也有買了一本 (GL ...
係啦,真係熱到扒係度,其實係入面排咪好啦............
何故其實我同佢因為開台的節目而見過幾面,佢應該對日本文化認識唔少架,我買唔到第二集,我只有第一,三集:eee:
作者:
iamjack 時間: 19/4/2009 09:22 PM
原帖由 河馬仔 於 19/4/2009 09:09 PM 發表
係啦,真係熱到扒係度,其實係入面排咪好啦............
何故其實我同佢因為開台的節目而見過幾面,佢應該對日本文化認識唔少架,我買唔到第二集,我只有第一,三集:eee:
I see :eee:
作者:
長毛 時間: 20/4/2009 02:43 AM
I have been the same place 2 weeks ago ..
of course .. not for rainbow gala ... :fff: :fff:
作者:
直布羅山 時間: 20/4/2009 03:14 AM
原帖由 河馬仔 於 19/4/2009 09:09 PM 發表
何故其實我同佢因為開台的節目而見過幾面,佢應該對日本文化認識唔少架,我買唔到第二集,我只有第一,三集:eee:
何故在跨媒體界的地位很高的.....
特別係在日本文化方面
佢同時都係中大日研系其中一科講師
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |