標題: (河馬仔專欄)灣仔高級西餐廳評論 [打印本頁]

---

作者: 河馬仔    時間: 9/8/2009 06:30 PM     標題: (河馬仔專欄)灣仔高級西餐廳評論

由星期一做到星期六,不停營營役役,面對繁忙乏味之工作,到到完成工作之時,當然要去享受及休息一番,當日小弟去漫畫節之前,便去了一所位於灣仔皇后大道東之QRE PLAZA之DAP餐廳食餐西餐,休息一下先.




店內環境寬敞,最喜歡這裡的椅子,當日去吃飯時已經非常疲憊,那張椅子非常大及軟,差點睡著了.


由於小弟唔太敢食生蠔,故此頭盤先來炸雜菌麵糰伴蕃茄醬,香口得意,入面軟綿綿,有三粒都夠吃.


到車厘茄忌廉湯加麵包,個湯雖然碟大湯少,但湯內充滿了車厘茄肉,配合合桃麵包,口味清新,只可說湯太少啦.




來到了要加$48之是日燒牛肉伴精選蔬菜及薯仔,一定要講講這片五成熟之燒牛肉,那個炭燒的肉面香脆而且充滿了橙酒之香味,肉質有咬口,一點都唔過生或老,配合黃芥辣可說非常合拍.再加上蔬菜唔少而且薯角唔油膩,已經可以俾到90分啦.




去到最後要的凍咖啡夠大杯,奈何咖啡香就有點欠缺,在高級西餐廳之中只可算係普普通通而已.


最後加錢換了一個心大軟,普普通通啦,太特別就唔講得,有一點要彈的就是個心太軟入面唔太軟,朱古力流不到出來,麻麻啦.



總括而言最後全個午餐要約二百餘元,上半場可喜但後半場確係有點失望.不過此店之場地舒適,確係適合拍拖或要舒適地食一頓午餐之朋友,整體上可評75分.

---

歡迎光臨 賽馬世界 (http://racingworld.no-ip.org/)

Powered by Discuz! 5.0.0