標題: 蔡明紹贏夠70場頭馬極速畢業，你有何評價？（聲望遊戲） [打印本頁]
作者:
EternitY 時間: 12/1/2010 04:15 AM 標題: 蔡明紹贏夠70場頭馬極速畢業，你有何評價？（聲望遊戲）
蔡明紹贏夠70場頭馬極速畢業
今午(1月10日)沙田賽事第二場，蔡明紹在香港第472次出賽，
策騎首次上陣的「萬事佳」勝出他在港第七十場頭馬，成為本港歷來最快畢業的見習騎師。
賽馬事務執行總監利達賢隨即主持一個簡單而隆重的儀式，代表馬會頒發紀念銀碟給蔡明紹，祝賀他榮升大師傅。
現年19歲的蔡明紹，於2004年獲馬會取錄為賽事見習學員。
在香港接受了基礎訓練之後，獲派往澳洲黃金海岸，
跟隨練馬師Maryann Thexton實習，於2008年5月17日首次以見習騎師身分參賽，
直至同年11月24日為止，在彼邦合共勝出26場頭馬。
同年12月，蔡明紹返回香港，成為告東尼馬房的見習騎師。
2008年12月20日，首次在香港策騎參賽，且於當天第八場策告東尼馬房的「威利來」在第二班千四米賽事取得個人在港首捷。
及至去年度馬季結束時，蔡明紹已累積43場冠軍，在騎師成績榜上排名第四，並且成為2008/09年度冠軍見習騎師。
2009年10月1日，蔡明紹策告東尼馬房的「再領風騷」勝出香港三級賽國慶盃，取得個人首項分級賽勝利。
2010年1月1日，他再次夥拍該駒贏得另一項香港三級賽–華商會挑戰盃。
上個月，蔡明紹獲選為香港三名代表之一，首次參加國泰航空國際騎師錦標賽，與九名來自世界其他地方的一流大師傅競技。
由開始在香港策騎出賽，到贏夠70場頭馬畢業，蔡明紹只花了387天。
在他之前，香港從未有見習騎師能夠在這麼短的時間內畢業。
-----------------------------------------------------------------------
蔡明紹策騎紀錄摘要
-----------------------------------------------------------------------| 獲發香港見習騎師牌照 | 2008年12月15日 |
| 在港參與的首場賽事 | 2008年12月20日，「稻庭烏冬」 |
| 在港首場頭馬 | 2008年12月20日，「威利來」 |
| 在港首場分級賽頭馬 | 2009年10月1日國慶盃（香港三級賽），「再領風騷」 |
| 在港策騎成績（截至2010年1月10日第2場賽事）： |
| 第一名 | 第二名 | 第三名 | 總賽次 | 獎金 | 勝出率 |
| 70 | 49 | 43 | 472 | 52,356,225元 | 14.8% |
在澳洲實習期間策騎成績（截至2008年11月24日）：
|
| 第一名 | 第二名 | 第三名 | 總賽次 | 獎金 | 勝出率 |
| 26 | 26 | 25 | 237 | AU$184,550 | 10.9% |
| | | | | | |
-----------------------------------
圖一: 圖1, 2
見習騎師蔡明紹在第二場賽事策「萬事佳」勝出第四班1000米賽事，取得在港第七十場頭馬，宣告畢業
| 
圖二
|
圖三:
賽馬事務執行總監利達賢頒發銀碟給見習騎師蔡明紹，祝賀他晉升騎師。
| 
圖四:
賽馬事務執行總監利達賢（右三）與勝出七十場頭馬的見習騎師蔡明紹（左四）及其父母（右二及左二）、練馬師告東尼（左三）、馬會賽馬人才發展經理兼見習騎師學校校長陳念慈、香港賽馬會賽馬培訓發展委員會前任經理葛偉恆合照。
|
圖五:
蔡明紹畢業後與師傅告東尼合照。
|
作者:
君子 時間: 12/1/2010 09:30 AM
說實話 一開頭我吾覺得佢有乜野料 一個十磅仔 係香港咁激烈既賽事自然係有一大優勢
只要夠多支持 而師傅d 座騎又有料 成績好自然理所當然
所以開頭感覺梁家俊比佢更有實力
但正所謂路遙知馬力 蔡明紹既表現大家有目共睹
騎放頭馬表現之佳不在話下 但究竟會吾會畢業真係等於失業呢
當佢升為大師傅後 告仔仲會吾會支持佢呢 (傳聞告仔搵緊一個新既十磅仔了)
雖然睇報紙話告仔會繼續捧佢做冠軍騎師 但係減2/3磅 同減10磅 對一匹既爭勝機會又真係差好遠
仲有 佢係自然派個類 係快活谷用依招真係死硬有餘 究竟佢會吾會變招 搞到幾年之後又變左香港第4/5個欄王
不過希望佢繼續努力 可以完成佢既大志 衝出香港 為華人騎師爭光 !!!
作者:
西人堅 時間: 12/1/2010 10:42 AM 標題: 回復 #2 君子 的帖子
佢唔識講中文
唔駛同 香港 d pk 賽馬傳媒打交道
又聽唔明 方駿輝 d on9 up 乜
唔駛理埋 d 咩跟前d la, 鬆多幾步
騎功梗係好 d la :gggg:
作者:
君子 時間: 12/1/2010 11:07 AM
原帖由 西人堅 於 12/1/2010 10:42 發表
佢唔識講中文
唔駛同 香港 d pk 賽馬傳媒打交道
又聽唔明 方駿輝 d on9 up 乜
唔駛理埋 d 咩跟前d la, 鬆多幾步
騎功梗係好 d la :gggg:
遲d 出現幾場比人討伐既賽事..
就未必咁講 ....
老老實實 , 包裝個場 要※一定要※韋達多過白德民
作者:
金威 時間: 12/1/2010 03:01 PM
不過就算點勁都係贏唔倒大賽
我覺得告東尼跑大賽, 平磅既話
就唔會比佢跑了
而且而家得番三磅, 唔知座騎會否減少
作者:
木奇異 時間: 12/1/2010 03:38 PM
原帖由 君子 於 12/1/2010 11:07 AM 發表
遲d 出現幾場比人討伐既賽事..
就未必咁講 ....
老老實實 , 包裝個場 要※一定要※韋達多過白德民
一早就話E隻馬唔好俾韋達騎, 用梁家俊仲好, 佢又唔用
隻馬如果拉倉真係抵PAUL SO死 :abcde::abcde:
作者:
莫問我是誰 時間: 12/1/2010 04:06 PM
今季呢批見習生中...其實明紹都已經算係相當正氣o既一個,除左初出嬴馬一場有多少污點之外~~
其他三名見習生太多是非啦~~多是非o既見習生,往往影響日後成就~~
而明紹本身比人感覺相當謙厚,嬴馬唔多慶祝動作,外表又似一個怕醜仔,純如一張白紙...其實非常難得~~
希望可以繼續保持呢份獨有o既純真~
作者:
ayaya9992003 時間: 12/1/2010 04:22 PM
我就覺得換轉係梁家俊師傅係告東尼都可以咁快贏到７０場
依個係位師傅 大唔大力支持徒弟問題
[ 本帖最後由 ayaya9992003 於 12/1/2010 04:23 PM 編輯 ]
作者:
dennis2299 時間: 12/1/2010 04:49 PM
當佢升格到七磅既時候 , 我睇到好多人都話小蔡都係靠告仔
同埋多放頭馬騎先咁快嬴夠20場 , 不過我就唔認為係完全靠哂告仔
當然...跟到一個好既師傅先會有咁好成績
但係如果小蔡冇番咁上下騎功既話
根本冇可能騎得起告仔既馬
雖然而家已經升格做大師傅同埋得三磅
不過既然告仔都話想佢做冠軍騎師
希望告仔可以繼續比好馬佢騎
為我地香港嬴番一屆既冠軍騎師:gggg:
作者:
週日寧靜 時間: 12/1/2010 08:31 PM
原帖由 ayaya9992003 於 12/1/10 04:22 PM 發表
我就覺得換轉係梁家俊師傅係告東尼都可以咁快贏到７０場
依個係位師傅 大唔大力支持徒弟問題
同意:gggg: ..只能話梁家俊冇蔡明紹咁好運
講真..我覺得梁家俊比蔡明紹騎功仲硬淨
梁家俊真係支持度遠遜於蔡明紹..只能慨歎自己師傳唔係完全support自己
蘇保羅周不時d chance馬都好容易被韋達拎左黎騎
反而告東尼就極力支持蔡明紹..當正主帥一樣..蔡明紹真係幸福
最重要係兩個馬房兵力同實力都有段距離
[ 本帖最後由 週日寧靜 於 12/1/2010 08:32 PM 編輯 ]
作者:
dennis2299 時間: 12/1/2010 08:33 PM
原帖由 週日寧靜 於 12/1/2010 08:31 PM 發表
同意:gggg: ..只能話梁家俊冇蔡明紹咁好運
講真..我覺得梁家俊比蔡明紹騎功仲硬淨
梁家俊真係支持度遠遜於蔡明紹..只能慨歎自己師傳唔係完全support自己
蘇保羅周不時d chance馬都好容易被韋達拎左 ...
梁家俊騎馬騎到咁狠 , 可能停賽既日子仲多過小蔡既2倍:yyy:
作者:
ayaya9992003 時間: 12/1/2010 08:40 PM
原帖由 dennis2299 於 12/1/2010 08:33 PM 發表
梁家俊騎馬騎到咁狠 , 可能停賽既日子仲多過小蔡既2倍:yyy:
依個都係佢缺點黎
好聽就話認真 肯博 唔好聽就狼 亂黎
作者:
dennis2299 時間: 12/1/2010 09:04 PM
原帖由 ayaya9992003 於 12/1/2010 08:40 PM 發表
依個都係佢缺點黎
好聽就話認真 肯博 唔好聽就狼 亂黎
但係博馬唔好博到唔顧其他騎師既安全:rrr:
作者:
翼 時間: 12/1/2010 09:06 PM
認真講佢騎功我會覺得明紹係暫時hk最好的一個
由其以騎放頭馬更有聲有色,但騎後上都有不少佳作,
雖然他騎功仲有改善的空間,但以佢的資歷已經不錯,
相信時間會令到更進一步
有幾場我本人會係覺得係佢代表作,
首選:01/05/2009 沙田[iframe]http://www.hkjc.com/images/RaceResult/20090501R9_S.jpg[/iframe]
雖然此場輸了,但係一個冇磅減的2級賽上,用一隻弱勢馬,以佢最擅長騎放頭馬,力迫hk短途馬王蓮華生輝,
到呢個地步,已經騎到一絕,輸得光彩
第四班 - 1400米 - (060-040)
確叻星
[iframe]http://www.hkjc.com/images/RaceResult/20090322R7_S.jpg[/iframe]
以為係直頭冇位上,憑著他的果斷,左串右插後上贏馬,俾差少少騎師
一定冇埋
第一班 - 1400米 - (115-095)
締造美麗
[iframe]http://www.hkjc.com/images/RaceResult/20091213R9_S.jpg[/iframe]
可能此馬超,但受到好利威力迫都不荒不忙,穩定走勢,貫住到底,希望月中經典一哩可以騎此駒為他帶來一級賽的榮譽
作者:
timothyhin 時間: 12/1/2010 11:16 PM
話蔡明紹靠告仔先咁快畢業
定調轉黎講......告仔靠佢先贏到咁多馬呢?:ppp:
我淨係知佢墮馬果排告仔真係好少出擊:ppp:
如果要話佢點解贏到咁多馬
我諗佢係少數唔會放頭亂咁拉...三疊唔會亂咁跑既騎師
佢可以證明到鞍上人既冷靜係可以克服形勢:gggg: :gggg:
作者:
阿源 時間: 13/1/2010 12:00 AM
蔡明紹係告仔以後,最成功的見習生.巧合的事兩個都有算係半個鬼佬,根據佢養父所講,蔡明紹從小就愛冒險,踢波都斷個三次腳,總之就係敢搏,唔服輸,我反而更欣賞佢兩場跑第二的表現,一場就係騎帝聖龍駒力併蓮華生輝,一D都唔輸俾柏寶,另一場係雙辣,出閘脫腳但永不放棄,追番成條街.佢目前巳經係華藉一哥,將來發展如何同告仔有極大關係,如果告仔真係要支持佢,佢夠料可以做大賽騎師.可是如果想做冠軍騎師,則必須騎更多外線馬,告仔又唔知肯唔肯,話唔定到時候告仔巳經有另一個徒弟.
[ 本帖最後由 阿源 於 13/1/2010 08:29 AM 編輯 ]
作者:
李澤楷 時間: 13/1/2010 12:17 AM
沒有甚麼大不了,等同用幾多日幾多時間完成入50球,100球.1000分等等.
唔係有師父,佢邊有咁快可以贏夠70場,有時真係講人緣或者際遇,好彩遇到告仔肯培育你.
如果遇上霍利時,岳敦,愛倫,卓普咸..........真係有機會變成第二個梁明偉,湯智傑.
華將低潮期佢自己又無經歷過,又睇下做左大師父告仔又係唔係好似以前咁俾哂好馬你騎.
不過我見到徐君禮都好少同告仔有交易了.如果想進步的就真係要證明多D.
作者:
neeDu 時間: 13/1/2010 09:50 AM
原帖由 李澤楷 於 13/1/2010 12:17 AM 發表
沒有甚麼大不了,等同用幾多日幾多時間完成入50球,100球.1000分等等.
唔係有師父,佢邊有咁快可以贏夠70場,有時真係講人緣或者際遇,好彩遇到告仔肯培育你.
如果遇上霍利時,岳敦,愛倫,卓普咸..........真係 ...
不過諗深1層,
如果告東尼唔覺得蔡明紹有騎馬天份,
又點會將倉入面9成馬比晒佢騎呢,
雖然佢好好彩遇著一個咁支持佢既師傳,
但如果比第2個有咁好彩,
我諗佢都未必可以咁快畢業,
因為蔡明紹的確係好努力,
而且我認為佢騎功係同期見習生中最好既1個...
作者:
neeDu 時間: 13/1/2010 09:54 AM
原帖由 金威 於 12/1/2010 03:01 PM 發表
不過就算點勁都係贏唔倒大賽
我覺得告東尼跑大賽, 平磅既話
就唔會比佢跑了
而且而家得番三磅, 唔知座騎會否減少
騎功好就唔駛驚減幾多磅啦:gggg:
仲有畢業左就會有更多外線坐騎:loveliness:
作者:
小野伸二 時間: 13/1/2010 07:40 PM
我覺得佢騎功仲係未成熟哂
好多時仲係太順其自然俾隻馬自己去
例如好開心同露悅個次，有時隻馬係搶口定順走佢都係用一個方法去跑
呢d經驗我覺得係需要時間累積。
希望佢之後去多d地方試下，唔駛一定學其他人點跑
最少自己認識多d唔同既騎法，咁對佢閱讀賽事一定有幫助
作者:
李澤楷 時間: 13/1/2010 07:43 PM
原帖由 neeDu 於 13/1/2010 09:50 AM 發表
不過諗深1層,
如果告東尼唔覺得蔡明紹有騎馬天份,
又點會將倉入面9成馬比晒佢騎呢,
雖然佢好好彩遇著一個咁支持佢既師傳,
但如果比第2個有咁好彩,
我諗佢都未必可以咁快畢業,
因為蔡明紹的確係好努力,
...
咁都要把握到機會先得既,蔡明紹肯用心學習都值得尊重.不過我著重一點就係幾快畢業其實無咩指標性.馬會又無限定幾多時間內畢業=天才.
作者:
kitchai1228 時間: 14/1/2010 12:14 AM
除左講騎功不俗之外
蔡明紹有既係一份騎師應有既態度
就係投入感同鬥心!
睇佢墮馬一場睇,
如果比住一個大師傅老死都唔去,
但佢照上(雖然亦睇到佢大意判斷較差一面)
但好方面無疑係睇到佢不論咩馬不論咩位有機會佢都會去把握.
另外,
佢可以初出道冇耐即贏70場,
可見佢同其他練馬師關係一定不錯,
雖則話依家仲係出道初頭,
但只要keep住呢兩種態度(人際方面同鬥心)
不難有更進一步成就
作者:
冼馬田 時間: 14/1/2010 12:28 AM
我想問0的聲望有咩用？:eee:
作者:
細B 時間: 14/1/2010 01:53 PM
由初出道個時...其實大家都將目光注視係楊明倫同梁家俊身上..事關好多名人都讚佢地騎功了得...日後必成大器...當時連蔡明紹係乜水都唔知...初出見佢名...心諗...應該用魯柏軒個d差唔多料掛...第一場威利來令我刮目相看...佢既留放岩岩好...係個時一直都留意緊呢位騎師...係季中留又有...放又有...佢既策騎的確唔夠硬...最記得一場蓮華生輝鬥帝聖龍駒...紹仔竟然可以係最後50仍有反彈...最後輸個馬鼻...反映其實力足以係香港立足...而留後亦都比人更淡定...飛快勇...締造美麗...亦曾為佢贏留後馬...其實好多人將馬留後...都擔心比前面馬走甩而心急想快d推進...而紹仔比人感覺係...『唔洗驚...我隻馬大把在手』...然而上季既成績43win亦令人大跌眼鏡...由10磅>7磅>5磅>到e家既3磅...其頭馬並無話太大影響...只可惜駿綵既墮馬意外令佢既記憶蒙上污點...冇左以前既勇敢...係水泄不通既馬群中左穿右插...呢個亦為佢既成長必經階段...同期既見習生...要數到較為早熟既梁家俊...其實力絕對不遜於紹仔...係國慶杯一役...末段友誼至上既衝刺...個種既狠勁騎法...唔睇返報紙...仲以為係柏寶...騎功硬淨...食落去個下食得好應...反而紹仔末段鬥落去真係爭小小...不過呢種文靜騎法...亦為佢帶黎更小既停賽...兩個人比較...其實梁家俊天資比紹仔更好...紹仔有告仔從旁指點...而俊仔可能都係自己從賽事中,影片中自我學習多...各有各優點...人比人就比死人...成績出黎係咁就係咁...賽車贏你0.000001秒...都係贏...係世界騎師錦標賽..紹仔坐騎實力平平無其...但都能夠以第4名完成實在難得...有雄心壯志既佢希望成為冠軍騎師...新一代本地一哥...黎緊經典一哩賽將會策騎指定大熱門締造美麗出賽...到時其實力將會見真章...始終一級賽馬匹實力好緊要...就好似韋哥一級賽遲遲都贏唔到...本身既一級賽實力坐騎小...步速際遇都好緊要...希望紹仔唔好負左香港人對佢既期望...做個香港冠軍...衝出世界
作者:
李澤楷 時間: 15/1/2010 02:20 PM
不過暫時一樣野,就係紹仔無咩頭馬係不可能化為可能.
好多都係好理所當然咁贏:ppp:
作者:
S.WEEK 時間: 15/1/2010 02:47 PM
原帖由 李澤楷 於 15/1/2010 02:20 PM 發表
不過暫時一樣野,就係紹仔無咩頭馬係不可能化為可能.
好多都係好理所當然咁贏:ppp:
唔係無，只是少數
我只覺得 蔡明紹 沒什麼帶來驚喜
同唔係點博位 。 所有東西都係順住去
作者:
李澤楷 時間: 15/1/2010 03:31 PM
原帖由 S.WEEK 於 15/1/2010 02:47 PM 發表
唔係無，只是少數
我只覺得 蔡明紹 沒什麼帶來驚喜
同唔係點博位 。 所有東西都係順住去
徐君禮都唔係點搏位,可能係告仔教佢地既.
但佢地2個就真係無告仔咁硬淨.
作者:
kewell 時間: 16/1/2010 04:54 PM
我覺得 佢既 考驗未夠多, 好似所有野都係鋪排晒俾佢咁, 佢騎功係有, 但係都仲未算好, 始終未夠全面, 未去到可以駕馭隻馬咁.
我希望佢可以贏多D下風馬, 或者邊線馬, 咁樣佢會進步得更快
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |