標題: 周秀娜否認片場偷竊 [打印本頁]
作者:
帶來吉利 時間: 23/2/2010 12:41 PM 標題: 周秀娜否認片場偷竊
周秀娜（Chrissie）昨日於銅鑼灣街頭出席無糖香口膠活動，吸引不少途人看熱鬧。近日Chrissie正拍攝邵氏新片，有指日前拍攝時發生失竊事件，戲中演員敖嘉年遺失了私人物品，報道指千嬅「暗篤」是周秀娜，二人更因此炒大鑊。
對於被暗指「偷嘢」，Chrissie昨日回應時，竟然全程嘻嘻哈哈，如同千嬅大笑姑婆上身一樣，她說：「當日我在場，那天好眼瞓，由日本返來第一日開工，在飛機上已經很累，所以好眼瞓，當聽到有人不見嘢時，整個人醒了。」對於被影射偷東西，Chrissie語帶諷刺說：「唔係啩，唔會啦，等我帶多啲香口膠返去畀佢哋食，觸動吓佢哋啲視覺及快感。（對報道有否不開心？）不會，真是無辦法，大家知道佢唔見嘢，都有一齊幫手搵。宣傳搞錯了，這套戲是講Wedding Planner，唔係講《歲月神偷》，諗錯隔籬喇，我近日洋溢在婚禮甜蜜中，無唔開心。」
至於被指與千嬅炒大鑊，問日後兩人如何相處？Chrissie說：「因為開咗工唔係好耐，大家也有傾有講，我都收到丁太（千嬅）封利是。（有杯葛妳嗎？）無，大家拍得好開心。」有傳千嬅妒忌Chrissie靠身材上位，因而杯葛她，Chrissie回應：「唔會啦，佢好Nice。（不用埋位時傾甚麼？）傾吓無謂嘢，有千嬅在片場，氣氛都好好多，佢成日講『地球好危險』。」
替敖嘉年難過
談到此片是非甚多，對此Chrissie說：「不是呀，是非多不是代表桃花旺、人緣好嗎？（妳被人指是賊啊？）總之大家拍得好開心，宣傳錯了啦。」問她覺得是否宣傳技巧？「我不知，自己沒有不開心，我見敖嘉年唔見嘢，都戥他不開心，因為自己都試過，（知他不見甚麼嗎？）好似係電話及銀包。」記者笑問Chrissie近日是否「手緊」？「我是要買樓，不過由上年開始已經手緊了，不過都OK的，又有利是𢭃，我雖然身在日本，男友也幫我𢭃了一大堆呢。」
昨日Chrissie收起美好身段，對此她哈哈笑說：「吓？一向都喺度喎，只係魂魄未返啫。」問為何學了千嬅的愛傻笑性格？「OK啦，都受她感染了，所以說她好Nice。」另外，何超蓮昨日路過銅鑼灣，之後又折返，「我想見吓周秀娜，因為未見過佢。」超蓮也讚Chrissie身材好，問她是否羨慕？「不，覺得自己身材都好好。」至於她情人節收到男友甚麼禮物？她只甜笑不答，之後更匆匆離去，問到為何不逗留見Chrissie？「唔好喇，太多人，好恐怖。」另外，Chrissie在另一新片《惡胎》中，飾演心術不正的女護士，介入黎諾懿飾演的男醫生的婚姻，養鬼仔趕走其妻，結果發生連連怪事。
作者:
李澤楷 時間: 23/2/2010 02:28 PM
俾人話賊都多數係樣衰姐:fff:
不過佢應該唔似偷野既:yyy:
作者:
贏馬人 時間: 24/2/2010 08:39 PM
原帖由 李澤楷 於 23/2/2010 02:28 PM 發表
俾人話賊都多數係樣衰姐:fff:
不過佢應該唔似偷野既:yyy:
偷食就有:zzz: :zzz: :fff: :fff:
作者:
真誇張!嵩哥 時間: 25/2/2010 01:56 AM
原帖由 贏馬人 於 24/2/2010 08:39 PM 發表
偷食就有:zzz: :zzz: :fff: :fff:
好味道:jjjj:
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |