賽馬世界 - Powered by Discuz! Board

標題: (河馬仔專欄)7月14日旺角Dreaming Akiba女僕咖啡室評論+賽馬分析 [打印本頁]

作者: 河馬仔 時間: 14/7/2010 05:36 PM 標題: (河馬仔專欄)7月14日旺角Dreaming Akiba女僕咖啡室評論+賽馬分析

(由於馬季結束要休息,<河馬仔專欄>會休息兩至三週,敬請原諒!)

<河馬仔專欄>之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

樂子：易啦沙伊孖蛇、哥簫煎沙馬!
彩珠：樂子您搞乜呀.呢D好似以前D通勝日文咁...您講清楚D啦.
樂子：好啦好啦!講多次!!!　いらしゃいませ、ご主人様！(讀音:I-RA-SYA-I-MA-SE,GO-SYU-JIN-SA-MA)
彩珠：咁先係架嘛,頭先個句係主人,歡迎光臨噃.咁今次呢句開場白都好明顯係講日式東西,而且呢句說話好有秋葉原味道噃!
樂子：冇錯冇錯,今次其實都係講女僕咖啡室啦.但家姐呀,原來女僕咖啡室在日本興起,原來有接近十年歷史啦.而女僕服飾的工作人員之服裝亦有傳由於19世紀時英國的女僕服飾演變出來的...
彩珠：話時話女僕CAFE都有咁多年歷史,現在唔只日本之秋葉原,其實亞洲某些地方如台灣,香港及內地都慢慢地興起了!
樂子：香港都唔例外啦,女僕咖啡室亦都有幾間.大多在旺區,而今次我們去食的一間就是在旺角豉油街福泰大廈之Cafe Dreaming Akiba啦.

彩珠：通常每間女僕咖啡室都有位看板娘或標誌讓客人記得,<河馬仔專欄>的看板娘就係我地兩姊妹啦.唔知呢間的看板娘是誰呢?

樂子：粉紅色的雙馬尾頭髮加上大蝴蝶結及咖啡色的眼睛,給人幾"萌"的感覺呢^_^....不過家姐呀,其實未必好多人,如睇我地飲食版的馬迷明白"萌"的意思,就算係我都係有點一知半解呢!
彩珠：其實都係日文演變出來的字呢.日文叫もえ(讀音:MO-E),主要用來在動漫中形容可愛的事物,特別是女生呢!

彩珠：其實入到店內裝潢雖然不是貴族大屋般華麗,但非常似一些田園鄉村別莊般令人感到放鬆呢,有心思呢!
樂子：呀....有位女僕服的工作人員過來帶我們坐下啦,我們坐低先....坐落真係覺得店內光猛而坐得舒服.女僕咖啡室之工作人員又好有禮貌呢,佢地同我講話如果要寫單的話就搖圖上個鈴就得了.
彩珠：個鈴好得意呢^_^,工作人員都真係好有禮貌及好好聲氣呢,佢地在工作時都會稱呼食客為主人,令客人在食飯時都有種"回家"的感覺呢!.......樂子,您對個搖鈴好有興趣呢,但店內咁多人,唔好嘈到其他的食客呀.
樂子：係呀,在女僕咖啡室食飯時亦要尊重店內禮儀,如不應隨處喧鬧,胡亂拍攝,吸煙等等,故此今次只會有店內食物相片而已!
彩珠：好,睇睇個MENU,就要呢幾樣食物啦!

樂子：蛋包飯,接近係女僕咖啡室永遠都食得到的東西呢.
彩珠：可能是蛋包飯可以在蛋上讓每間店之女僕工作人員作唔同的裝飾,亦可弄出不同的特色呢!
樂子：這個有個貓的樣子呢,仲可以寫埋個萌字,呢隻一定係"萌貓"啦!
彩珠：講真又真係唔多捨得食.個蛋包飯係兩面煎呢,來到都好熱噃,個蛋煎得唔會太乾,而飯內炒飯亦幾彈牙噃,真係有屋企炒飯的感覺呢!

彩珠：意粉呢!此意粉我真係好想讚呢!平時我地出去食的肉醬意粉好多時都係意粉上有層厚厚的肉醬及茄醬,好多時都會出現太黏的情況.而這兒的意粉食落有好多鮮蕃茄的汁,加上肉碎,的確好像媽媽在家裡煮的好接近呢.食落蕃茄味足而不會搶喉,意外驚喜呢.

看板娘---馬場彩珠---對Cafe Dreaming Akiba正餐之評分:

樂子：食完個正餐,飲杯西班牙咖啡先,雪榚加入咖啡中,雖然一凍一熱有時會飲落會變暖,但因為咖啡本身夠熱,個雪榚慢慢熔,對女仔來說甜甜地都幾NICE架

彩珠：要了個芝士切餅,感覺上唔太甜,亦唔過硬,有水準的.但又係見到上面隻朱古力貓咪的Graffiti,真係唔捨得食落肚呢>_<

樂子：這個有名堂的,就是小魔女芭菲.
彩珠：呢杯似小天使芭菲多D噃-_-
樂子：都係個名啫,唔好太認真!呢樣甜品係我地要LIKE的.
彩珠：上面見到個雪榚,下面睇唔到係乜添,樂子來開估一下啦!
樂子：上面係凍凍的雪榚,入面有朱古力醬外及食到一些雲呢拿外,加上了一層淡淡的奶凍,下面加上一層層之粟米片,估唔到幾樣野夾埋又夠脆又夠凍又有咬口,而且朱古力及雲呢拿醬伴食之下,非常合拍呢!而此作品足見廚師之心思呢,值得俾幾個LIKE啦!

看板娘---馬場樂子---對Cafe Dreaming Akiba咖啡及甜品之評分:

樂子：食飽飽啦,店內環境舒適,食物有心思,而女僕工作人員待客態度良好,特別是工作人員非常有禮地亦主動地幫忙修拾餐桌,亦會按序及不急不忙地送上食物來,令食客都覺得食得舒服呢.在此掌聲鼓勵一下先!

河馬仔第二,三,六,八場心水選擇:

第二場:

11. 雄獅寶貝 - 晨操此駒表現已同前廄之時有截然不同之進步,以前晨操較急之狀況已消除,反之之前見拍神機妙算一課草閘順暢之餘而且從容不迫,計PINS父系加上外祖父和十足十有關係下谷草中距離應合,而留後居中才是最理想之發揮

是場心水:
11. 雄獅寶貝 - 2. 希望之星 - 4. 創新高 - 7. 高歡

第三場 :

11. 家橋 - 此駒一向都唔係放頭馬,更加唔係一隻可中途走甩對手之馬,此駒暫時只係適合守三四位趁前面散開才食糊之馬,故此前幾場抽衰檔輸都好合理.今場雖然用上賽日表現麻麻之西哥坐陣,但今場快馬多之餘佢終於有好檔,表現應會好唔同.

是場心水:
11. 家橋 - 8. 亞洲橙王 - 7. 開心好多 - 4. 贏啲啲

第六場:

3. 大進 - 前一仗沿途外疊蝕位搶口都衝得好結果上場一遇弱旅放鬆了已贏得輕鬆,12號快踱之下身輕肚底展現柳條而前肢肌肉紋清晰,應該食多場啦.

是場心水:
3. 大進 - 12. 質超駒 - 4. 祥勝愛駒 - 10. 浚鋒天河

第八場:

5. 威利多多 - 上四次跑田草都唔係主場來,始終冇八運寶冇金德寶唔駛鬥燒就好得多,有埋內檔守二三位便最好跑,計狀態亦見爽朗,五月尾後已有過停戰期應該有助,趁對手有點回落之下能奪冠來為今季寫上美滿之結局.

是場心水:
5. 威利多多 - 4. 開心風采 - 12. 特好 - 7. 聖樂邦

馬場彩珠三寶提供(總共廿七注):

第六場 : 3. 大進 - 4. 祥勝愛駒 - 12. 質超駒
第七場 : 3. 納帕二號 - 4. 歡歡樂樂 - 5. 包裝老友
第八場 : 4. 開心風采 - 5. 威利多多 - 12. 特好

馬季今季終於呌暑結束了,各位馬迷經過漫長的馬季,都係時候要休息一下了.<河馬仔專欄>之兩位看板娘都係一樣,今次出現了一張名為<暑期休息>之WALLPAPER,希望大家能有一個悠閒寫意之暑假!

人設之人名如有雷同,實屬巧合!

由河馬仔出品,夥拍同人組織---LAPUS之畫師CHIYA一起設計,由LAPUS之畫師CHIYA負責執筆繒畫,以<共享創意署名-非商業性 3.0 香港授權條款>發放:

[ 本帖最後由河馬仔於 14/7/2010 05:40 PM 編輯 ]

作者: 贏馬人 時間: 14/7/2010 09:00 PM

做乜唔影真人呀？:zzzzzzzzz: :zzzzzzzzz:
打格仔遮住個樣都好呀......:zzz: :zzz:

作者: 河馬仔 時間: 14/7/2010 09:40 PM

QUOTE:

原帖由 贏馬人 於 14/7/2010 09:00 PM 發表
做乜唔影真人呀？:zzzzzzzzz: :zzzzzzzzz:
打格仔遮住個樣都好呀......:zzz: :zzz:

唔得架,贏馬兄,係入面要同人影相一定要問清楚人地的.:loveliness:

作者: 贏馬人 時間: 14/7/2010 09:42 PM

QUOTE:

原帖由 河馬仔 於 14/7/2010 09:40 PM 發表
唔得架,贏馬兄,係入面要同人影相一定要問清楚人地的.:loveliness:

我睇得日本偷拍多:zzz: :zzz:

作者: 河馬仔 時間: 15/7/2010 08:30 PM

是日河馬仔心水選擇及賽果由看板娘---馬場樂子為大家報導:
(中第六場連贏)

河馬仔第二,三,六,八場心水選擇:

第二場:

11. 雄獅寶貝 - 晨操此駒表現已同前廄之時有截然不同之進步,以前晨操較急之狀況已消除,反之之前見拍神機妙算一課草閘順暢之餘而且從容不迫,計PINS父系加上外祖父和十足十有關係下谷草中距離應合,而留後居中才是最理想之發揮

是場心水:
11. 雄獅寶貝 - 2. 希望之星 - 4. 創新高 - 7. 高歡

第三場 :

11. 家橋 - 此駒一向都唔係放頭馬,更加唔係一隻可中途走甩對手之馬,此駒暫時只係適合守三四位趁前面散開才食糊之馬,故此前幾場抽衰檔輸都好合理.今場雖然用上賽日表現麻麻之西哥坐陣,但今場快馬多之餘佢終於有好檔,表現應會好唔同.

是場心水:
11. 家橋 - 8. 亞洲橙王 - 7. 開心好多 - 4. 贏啲啲

第六場:

3. 大進 - 前一仗沿途外疊蝕位搶口都衝得好結果上場一遇弱旅放鬆了已贏得輕鬆,12號快踱之下身輕肚底展現柳條而前肢肌肉紋清晰,應該食多場啦.

是場心水:
3. 大進 - 12. 質超駒 - 4. 祥勝愛駒 - 10. 浚鋒天河
(中連贏派$116.5)

第八場:

5. 威利多多 - 上四次跑田草都唔係主場來,始終冇八運寶冇金德寶唔駛鬥燒就好得多,有埋內檔守二三位便最好跑,計狀態亦見爽朗,五月尾後已有過停戰期應該有助,趁對手有點回落之下能奪冠來為今季寫上美滿之結局.

是場心水:
5. 威利多多 - 4. 開心風采 - 12. 特好 - 7. 聖樂邦

馬場彩珠三寶提供(總共廿七注):

第六場 : 3. 大進 - 4. 祥勝愛駒 - 12. 質超駒
第七場 : 3. 納帕二號 - 4. 歡歡樂樂 - 5. 包裝老友
第八場 : 4. 開心風采 - 5. 威利多多 - 12. 特好

歡迎光臨賽馬世界 (http://racingworld.no-ip.org/)