賽馬世界 - Powered by Discuz! Board

標題: 「馬季開鑼，你心目中的銀行馬？」 [打印本頁]

作者: EternitY 時間: 13/8/2010 11:47 PM 標題: 「馬季開鑼，你心目中的銀行馬？」

歡迎各位會員分享。

每位會員最多可以列出十匹銀行馬。

如有見解者會有機會獲得聲望，作為嘉許。

本活動會直至2010年9月9日為止。

作者: 翼 時間: 14/8/2010 12:13 AM

告東尼

讚賞初出水準7成左右,直路內閃最後都能回氣再上,力迫常山鳳寶,0.56.73
時間已經非常難得,來季有望更上一層樓

蘇保羅

出人意表初出明顯有大肚腩,初跑1000米,1檔沿途望空,只是輸3班都有好表現的
中國心,活力至寶 ,明顯大把水位,如健康冇事,3班都有爭勝能力

再續.....

作者: dorus 時間: 14/8/2010 03:02 AM

將軍歡笑
快樂小子
電子金麟
L416
金碧旅程
錢照贏
駿威煌
.......

作者: dennis2299 時間: 14/8/2010 07:59 AM

1. 普渡馗  文家良

普渡馗初出一役個馬身仲未收好 , 仍然係身肥 , 只有七成至八成狀態 , 當日場地係黏地
對於一隻1200磅既大馬跑黏地係極不利 , 但係佢仍然可以跑到第2 , 證明質素有番咁上下
第2場既場地狀況仲差 , 黏至軟地 , 個日普渡馗完途冇遮擋 , 所以最後200力弱
而上季最後個場 , 柏寶出閘第4-5位 , 轉彎既時候同隻一路奇兵抽出外檔鬥沖 , 隻馬應該係守好位
發揮佢300米既沖刺力 , 今年已經轉4歲 , 可望比之前更成熟
下季展望 : 3 - 4 w

2. 按得醒  呂健威

初出臨場被睇淡 , 結果輕描淡寫追入第8輸2個馬位 , 係佢前面過終點既馬實力不簡單
豐衣足食上左3班 , 奇葩 , 永利多上3班仍能交出頭馬 , 精英財星於季尾交出頭馬
喜在心頭此仗後交出1w2q2p既佳績 , 剩睇賽績 , 佢已經有能力上3班 , 此仗後再出沙田1200米
末段交出22.40既時間 , 之後轉戰谷草1650米 , 初戴面箍上陣 , 呢場佢走左去放頭
最後輸比上3班再嬴既勝利雄威4個馬位 , 之後過番去沙田跑1400米既遺材賽
按得醒順利勝出呢場 , 末段交出驚人既22.10 , 係沙田煞科再次出賽 , 今場增程至1600米
但係排左個14檔 , 迫於要擺係前面走 , 最尾只係輸比靚好聲7個馬位跑第4
練馬師試準左隻馬既最佳跑法 , 下季可望挑戰4歲系列大賽
下季展望 : 3 - 4 w

3. 偉感  霍利時
初出一役係1000米憑新解感下跑入第4名 , 當時輸比勇敢小子接近4個馬位
之後再跑多2場沙田1000米同谷草1000米 , 沙田1000米冇左新解感之下 , 結果輸得比較遠
而谷草1000米偉感應該不熟識夜戰或馬場 , 所以都輸得比較遠 , 到451場次 , 佢首度增程兼落到五班
表現即時唔同 , 雖然輸比四班下風既華忠寶同實力較次既高駿跑第3 , 但都已見有少少既進步
之後再增程至1400米 , 負頂磅下嬴受讓超過15磅既年年開心同泰寶馬 , 之後回升四班作賽
輸比一言為定3個馬位 , 但係同第2名同歡笑只差不足1個馬位 , 證明佢既進步係四班一定夠用
之後增程至1600米 , 呢場再度勝出 , 係佢後面過終點既靚好聲再出都能夠成功補中
呢場比同日既3班1600快5線 , 明顯見到佢係4班大利 , 經過呢個暑假後偉感會繼續進步
偉感呢隻栗毛白鼻馬下季可望上升至90分既水平
下季展望 : 3 - 4 w

4. 羅馬奔騰  告東尼
於5月轉投告東尼馬房既羅馬奔騰 , 轉技告東尼馬房後既第一場只是草草跳了2課
臨場羅馬奔騰肥到不得了 , 以告東尼轉倉初出馬 , 賠率竟冷落至38倍 , 係沿途4疊既情況下
梁家俊轉彎就想將羅馬奔騰係外疊博走甩 , 點知國寶既沖刺力太強 , 最後唔夠100米比國寶過頭
之後再出沙田1400米 , 今場轉上蔡明紹 , 出閘後沿途跟係馬群中間既位置 , 入直路後交出不差的後勁
不過為時已晚 , 被濃情同寶貝王子入直路走甩 , 以第2場黎睇羅馬奔騰爆發力不算太高 , 比較均速
轉馬房後第2場睇 , 隻馬落腳已經比較慢 , 佢應該向較長途發展 , 以佢狀態不足下輸比國寶3/4馬位
實力已經不止3班69分 , 經過暑假既操磨及進步 , 下季可望一班進發
下季展望 : 3 - 4 w

5. 多嬴勁駒  何良
上季來港既多嬴勁駒係一匹歐愛馬 , 歐愛馬比澳紐馬較難適應水土 , 所以練者上季頭3場都係讓佢減下分
之後第4仗後追一段跑第6 , 之後多嬴勁駒跑得越黎越近 , 只有2場因為受擠迫而輸得比較遠之外
其餘場次都可以於頭馬3個馬位內過終點 , 證明佢忠心性格 , 係595場次 , 佢雖然只係跑一個第3
但係頭馬係高手 , 高手再出可敗於2班再勝既歡呼星 , 而第5名既蓬萊仙子再出可嬴騰雲駕霧
現時多嬴勁駒評61分 , 3班尾 , 而家已經開操進行拍跳 , 練者應該想係開鑼日到部署出擊
4歲歐愛馬預料今季才踏入黃金期 , 可望上升至3班頂或2班尾水平
下季展望 : 2 - 3 w

6. 龍的傳說  胡森
前季來港既英愛馬 , 前季出左4場 , 最尾1場增程跑2000輕鬆追入第4 , 原本預料上季可以交出數場頭馬
點知佢上季出左11場 , 跑左3個亞軍 , 1個季軍 , 4次第4同埋2次第6 , 隻馬相當忠心 , 但係由於太過尺寸
令佢未能奪冠 , 401場次 , 瀟洒叻龍大逃 , 龍的傳說直路已經係第4位 , 最後200米覺得嬴面機會好大
點知最後幾步印度光輝沖勁相當強 , 只係輸一個短馬頭位 , 737場次 , 佢縮程落番去1600
入直路佢沖刺好強 , 最後200仍然領先 , 最後150先至比人過頭 , 證明龍的傳說已經適應環境
下季可以連場數糊 , 升至2班頂水平
下季展望 : 2 - 3 w

7. 此時此刻  沈集成
上季初次出賽既此時此刻 , 上季總出賽6次 , 6次俱為谷草100米賽事 , 除左第2場輸得比較遠之外
其他賽事都係2個馬位以內過終點 , 證明其質素不太差 , 睇賽績 , 此時此刻更不止於三班
嬴馬一役跑出快標準時間6線既56.81 , 當時雖然只負119磅 , 但係拋甩威威財星1 3/4馬位
676場次佢比之前出閘較慢 , 用左100米先將佢推番上至第6 - 7位 , 耗力不少
旅英駿駒之後上到96分既水平 , 此時此刻如果冇漏閘既話 , 應該可以更加追近旅英駿駒
計死數 , 此時此刻可以上到去90分既水平 , 上季尾最後一場 , 此時此刻負131磅跑第3
頭2名既馬係常山鳳寶同讚賞 , 分別讓10磅同5磅 , 此時此刻都只係輸1個馬位受讓10磅既常山鳳寶
同埋輸1/4馬位受讓5磅既讚賞 , 5歲澳洲馬 , 來港前只跑一場 , 絕對未用盡 , 今季可望繼續再上
下季展望 : 2 - 3 w

再續~

[ 本帖最後由 dennis2299 於 19/8/2010 05:35 PM 編輯 ]

作者: 馬俠 時間: 14/8/2010 11:31 AM

小鬥士方嘉柏
對呢隻馬本來都好相信佢三班既馬
但因水土仍未適應,有場1200跑第5,所贏佢既對手全部都有馬贏,同高質馬
呢隻馬一定唔係咁短馬應該要1400 1600馬黎,如今落到5班評分非常有利

預計有3w 係手

中華寶寶徐雨石
呢隻馬差不多次次交出追勁,表現相當忠心,而且田谷皆能,落到5班應有作為
如交出這些水準
預計2w

連利威勁賀賢
上季尾轉投賀賢後,報爭3場短路賽事,甚至跑法不合下,都交下唔錯成績,直到上季最後一場,
報爭1600,明刀明槍強配柏寶下,負於寶利多,其後寶利多在3班再跑都跑第3,可見連利威勁在4班大把在手

預計有2-3w

旭之光告達理
上季開始適應之後,又搵到跑法,每次都跑得近既成績,雖然每次近,但亦有減分,現評39分在5班形勢有利,
而且這些前領型馬匹在5班有利都有些增加

預計有2W

浪漫添馬苗禮德

上季尾隻馬開始成熟,在5班已交出頭馬,可惜之後2次都僅敗,特別潘頓騎那場,有點兒那過,是否輕敵之嫌
竟唔開鞭,如果唔係咁樣,已經上4班啦,在上季尾最後一場賽事明顯大超班,沿途大蝕位跑法,令到中後游位置,最後大大步咁攬上黎僅負,129磅咁樣係5班跑唔簡單,下季38分仲係5班大把水位,有權上到3班尾繼續偷雞!

預計有3w

上浦駿將呂健威
呢匹上季一初出,都有好多人追捧,奈何最後跑得尾2,但於季尾那場1400交出不錯後勁追入第4,表現頗吸引,因為頭3名的馬匹,都是超第4班馬既馬,現評38分又在5班起步,這駒非常著數,應該繼續要吼!

預計有3w

氣定神閒李易達

上季開始有唔錯既走勢,季尾1600 因背傷退出..提早抖暑,但之前跑既場次開始有睇頭,好似613 506 470 呢d賽事,都見隻馬肯追下馬咁,而且同場對手不弱,深信呢隻馬係3班應有作為,只要1400,1600呢2個路程,呢隻馬必殺架啦,配合埋奸仔達,冷門出擊,搵銀之選呢隻!!

預計有2w

幸運傳奇方嘉柏

呢隻馬越跑越有進步,而且亦是在強組別下所負不遠,走勢尚算吸引,我相信這匹在谷草較田草有為,就此又配合方仔出擊,看見上季3場強組下所敗不遠戰績

預計有3w

芙蓉威龍沈集成
呢匹馬型格非吸引,可惜上季有2場唔正常既賽事啦..一場心律不正,一場無啦啦走去放頭致敗..最吸引果場當然已經有大幅落飛票數跑第2 輸比有莊有閑果場,呢隻馬需要一段時間先可以交出衝刺,而且跑姿非常吸引,又大步,擺明高班馬款,雖然擺左係沈集成到,信心可能有所減少,但呢系馬主曾經合作過,相信沈集成應該小心部署,期望上到2班

預計有4w

小橋流水沈集成
沈集成難得手上拎住一隻好馬,復唔復興靠呢隻啦,期望對佢希望有幸運寶貝既級數或更高已經夠,呢隻馬2戰都完全超級easy咁win,真係大把大手,只係希望養到健健康康,贏到級制賽啦

預計4w

[ 本帖最後由馬俠於 29/8/2010 01:28 AM 編輯 ]

作者: taxi2003 時間: 14/8/2010 02:53 PM

1. 錢照贏
由試閘已見噴射前速唯擔心氣量
但對上1場贏1200早段輕易帶出後末段仍保持優勢直領到底做出1:09.5好時間
以此時間跑3班都一樣超級,2班前不會有阻力
此外,ELUSIVE CITY本身屬ELUSIVE QUALITY子
本身子嗣泥地性能普遍出色,如轉跑泥地隨時成為繼幸運駿駒,電光能源後另一泥地明星馬

2. 睡得好
自購馬適應水土後最後2戰都交出極佳走勢
先跟寶利多一同以21.7左右末段跑得第3
再出谷草更以1:39.37好時間大勝,比同日紅跑車贏同程時間快7線
再看段速前3段2場立其實相近由此看睡得好該次水準即使於3班賽亦夠用
現時56分仍在4班超級程度可想而知,計3班都夠爭保守計最少20分在手

3. 讚賞
初出已成熱門失手跑第2或者有人認為既然博失應非想像中高
不過先看當時本身毛色仍呈兩截色可見本身仍遠未及最佳水準出戰
初出似想監生吞而已
然而,能做快時間跑近,且殺退2匹同程惡馬此時此刻,勁勇士已是好表現
而且本身入直路初內閃至頭馬之後失位末段再反撲上前追近,如發揮好一點未必輸
告東尼走勢好開之馬多能一段時間保持好表現,新季更進一步預期有不少上升空間
贏2班不成問題,甚至可一試會否有級際水準

4. 威皇鷹
初出已有票數支持,但入直路不幸被重重圍困
200米處更於後列仍未望空
但之後找到空位後竟於短距離內追近最少3馬位
非大超級不可能做到
計血統預料可應付更長路程
前景無可限量,居3班肯定只是過客而已

5. 一言為定
上季第2戰已後上輕勝,雖然對手實力不高但方廄對新馬向來不急進
能如此早就贏馬應有分在手
而升3班後雖未再贏但仍交出好追勁
從血統看本身可跑更長路程,而馬房本身亦有不少例子於第2,3季有更好演出
相信此駒亦不會例外
另方廄馬多能應付谷草急彎窄場,如見轉跑谷草更有把握

6. 高一線
上季霍利時馬房新血戰績普遍欠佳
此駒跑4次都接近已算少有表現較好一隻
當中第2次出賽能跟斐聲,濃情同到
2駒其後再出表現有目共睹
而最後一場更於末段22.8情況下由後追近國寶至只差半馬位
此末段第2快段速快近3線,個人認為表現於比頭馬國寶更吸引
現於3班負輕磅必定有利,可予重視

7. 驚喜
曾於2歲2級賽上名而被評高分起步
來港後一直未服水土而借勢減分
但上季尾2一戰,於最後200仍落後之下最後竟輕易越過後勁不差的寶貝王子跑第3
已顯露非凡質素
之後再出成大熱整條直路未望空敗不足據
雖然已轉去弱勢之薜達志馬房,但相信馬實力超就不用擔心
反彈上2班應不成問題

8. 文武維揚
型格不算大隻但翻步急密而狠辣,頗有同馬房幾匹好馬如最佳子寶等風采
初出遇強手即使配柏寶票數仍冷落
但見前段輕易可跟上,入直路後見一直玩脷但走勢仍可保持,可以肯定有相當質素
復課後見身型更成長,唯試閘見力留仍搶口
現時水準要贏馬上3班當然不難
但如口勁更收斂可以快慢由人的話,大有機會如前輩最佳孖寶,美猴王等贏上2班

9. 帶旺來
跟之前提及之文武維揚於同一場初出跑第5
但其實出閘已有意外而被迫留後
一向見新馬賽絕少馬後上有表現,何況今次慢步速下末段還快至22.4?
但見此駒入直路仍落後放頭馬6馬位左右
最後追至只輸3馬位,末段應做出22秒極快時間了
有此走勢而只被評低於標準插班評分實在著數
新一季取至少2win應不成問題

10. 萬里駒
上季初仍能於2班田草上名,之後卻難明一直跑田草居多
而只曾跑法2次首本谷草1200則一次外檔一次被查詢跑法,即全不能作準
轉馬房後只跑一場泥地大敗換來減更多分
現可跑3班有著數,馬房亦擅於谷草出撃
部署得宜有望贏2場

[ 本帖最後由 taxi2003 於 30/8/2010 07:51 PM 編輯 ]

作者: leongsing123 時間: 14/8/2010 03:50 PM

1.如願以償 -- 蔡約翰

如願以償初出新馬賽已經可以連贏兩場,贏陽明飛飛同軒轅勇將
之後因為韋達要爭冠軍騎師,所以走左去跑快活谷1200米
一隻兩歲馬要一季贏3場已經難,仲要去跑快活谷,結果雖然只能
跑第5,但係我已經收貨,今季評分67分,阻力應該唔大,今季可望有
2至3W

2.極速寶寶 -- 鄭俊偉

上季尾已經開始有反彈跡象,係沙田1400-1600米取得1Q1P,而且一路
愈跑愈進步,可惜既係5班馬用後上跑法十分蝕低,所以次次都只差一步
追唔到,而家只係評31分,睇黎上4班無問題,只要繼續有進步,今季至少都
會有2W

3.風力威猛 -- 蔡約翰

相信下季將會有好多有質素既4歲馬來港跑4歲大賽,不過我認為以上季隻風力
威猛初出既走勢,絕對有權贏到4歲大賽,睇番隻風力威猛上季跑過既唯一賽事
沿途一路守住第9位,入到直路捐上黎跑第3,我覺得1600米唔係佢最佳路程,1800
2000既話會更好,既然風力威猛初出1600已經可以跑得咁好,今季應該起馬有2W
而且係蔡約翰4歲大賽希望

4.大衛精神 -- 梁定華

呢隻馬今季由黃汝安馬房轉到梁定華馬房,大衛精神雖然已經5歲,但係其實隻馬上季
先開始跑,而且只係跑過3場,呢3場賽事大衛精神更加係越跑越進步,最尾個場只係
輸俾大進入Q而贏到心中有勁,而家只評80分,今季一定可以突破3班,2班狽輕磅就更加惡,
隻馬可以係1班立足,快活谷1200更係拿手路程,今季估計應該會有2至3場頭馬,係一隻值
得長捧既快活谷馬

5.沙田寶 -- 苗禮德

要係5班既賽事中獲勝,主動既跑法係贏馬既重要因素,而呢隻沙田寶就具備左呢個特性,睇番
佢上季唯一一場贏馬既賽事,其實全無戰略可言,只係一出閘就狂推上前,然後就此一放到底,可
見係5班放頭跟前呢d馬十分著數,沙田寶更加有輕磅之助,相信下季呢隻馬10場都有8,9場有倍率
要突破5班應該就難喇,但係只要吼準時間出擊,下季應該會有2場頭馬,而且倍率會好和味,中到佢
1,2場就一定有回報

6.小橋流水 -- 沈集成

小橋流水係一隻深不可測既質新馬,而家先只係4歲馬,年紀小小就已經2出2捷,兩場都係輕描淡寫
姿態勝出,而且兩場都贏2個馬位以上,第一場贏既對手係錢照贏,錢照贏之後都順利補中,第二場贏既
係尚駿心,尚駿心再出都可以同旅英駿駒串Q,另外要留意既係小橋流水贏個兩場都係排跑直路賽不利
既內檔,到現時為止小橋流水都仲未受過考驗,隻馬現時評78分,有幾多都仲未知,隨時係香港短途新星,
下季可再放心繼續追捧呢隻馬,個人估計小橋流水尚有3至4W

7.好運得福 -- 苗禮德

苗禮德上季d質新馬好多都有好表現,好似一出即勝既苗禮德團體馬飛銀動力,而家先至4歲既科研精英同
虎虎生輝等,但係好似虎虎生輝已經有好高既評分,下季好難望再有突破,科研精英上季尾個兩場突然走樣,
似乎比較失準難靠,而飛銀動力係一隻比較有憧憬既馬,但係評分已經好高了,而好運得福就唔同喇,上季尾
贏馬個場賽事,其他後上馬完全追唔到上黎,得佢同前領既好旺財鬥,可見隻馬後勁相當凌厲,時間快過同日
個場3班1800米賽事,好運得福而家先4歲,評分又唔高,而且仲係繼續進步中既馬,下季可望大放異彩,4班絕對
超班,我認為係3班頂2班尾既馬,快活谷1800沙田1800,2000要留意,下季3W無問題

8.曬冷王 -- 約翰摩亞

曬冷王上季已經愈跑愈進步,更加係季尾增程1800成功贏馬,而家只係3歲仔,仲有大把世界,睇番隻馬
上季贏馬個場,3歲馬跑1800已經係難事,曬冷王不但能夠克服到,仲可以同赤胆雄威雙雙掟甩後面既印度
光輝接近3個馬位咁遠,另外最後幾步當赤胆雄威拍上黎既時候,曬冷王可以力拒來犯,一隻3歲馬可以有如
此強勁既鬥心實在難能可貴,今季繼續進攻沙田1600,1800米,3班絕對只係過客,起馬手執2至3W

9.讚賞 -- 告東尼

讚賞現時呢個評分真係十分著數,點解咁講?睇番讚賞上季跑過既個場馬,初出最多7,8成左右但竟然可以跑到
第二,時間仲唔差添,睇佢一出閘已經顯示到佢有十分高既速度,直路不斷內閃下都可以跑到第二,而家呢個75
分完全唔係問題,呢隻馬起馬都係100分馬,可惜上季個場已經走左光,倍率都唔會好分,但係以馬論馬,讚賞今
季點都有3至4W

10.精靈勇駿 -- 吳定強

眾所周知吳定強係老馬同低班馬既救星,而精靈勇駿就係吳定強少有既質新馬,而且呢隻精靈勇駿而家只係評
61分起步,前景相當秀麗,講番佢初出個場,完全比人睇淡,34倍開跑,結果放到番黎跑第三,跟住可能吳定強見到
隻馬前速咁快,所以比佢試下跑1000,當時精靈勇駿7.3倍開跑,沿途咬住錢照贏,結果最後加速輕勝1馬位,而家
4歲既精靈勇駿係3班尾起步,睇佢會持續進步下,今季2至3W應該做得到,現時主攻沙田1000米最好

[ 本帖最後由 leongsing123 於 16/8/2010 06:13 PM 編輯 ]

作者: mR.偉 時間: 14/8/2010 06:28 PM

馬名       路程範圍       預計頭馬數目       評分升幅空間
1       威皇鷹       1400 – 2000       4    66-105
2       飛闖       1200-1600       3       86-100
3       傾力之城       1200-1600       3       79-100

作者: Running 時間: 14/8/2010 09:49 PM

銀行馬唔一定指質新馬，只要有分在手，無論質新馬定係舊馬都可以做銀行馬！
今次介紹嘅銀行馬當中，新馬舊馬都有，希望大家會鐘意：

1. 一路易：
上季中健康有過挫折後轉倉，重新做起後卻意外發現泥地千二性能甚佳，結果季尾一役喺檔位、走位不利下，末段卻追回大量失地。展望新一季已經降至五班，以泥地跑性能唔跑班嘅特性，只要主攻呢個路程，就算上到四班都夠殺。

2. 快樂小子：
上季初出前我已經點名話佢係2011年打比主角之一，果然喺短途熱身兩場再加程幾乎重飛得手。以佢本身血統、腳法，千八二千先係佢強項，以其質素贏至110分亦不足為奇，可以追到斷攬為止。

3. 爪皇盛水：
上季初出仲見佢周身脾氣，出閘、走勢仲好唔規矩下，末段卻追回大量失地，證明本身質素超群。以佢本身血統，千六、千八會更適合佢發揮，再加上血統顯示四歲先開始成熟，只要脾氣、走規改善，一百分前應該冇阻力。

4. 朝東之星：
遲熟長途馬上季尾一進步就即刻顯示超級實力，而家轉埋去告仔度戰鬥力只會更進一步，主攻谷草長途相信贏到上六十分都冇問題。

5. 閃耀小子：
父線雖屬新種，但第一批子嗣相當成功，並且係擅打快攻分子；而母線子嗣質素有一定保證，估計此駒質素不俗。加上方仔搞呢類即食馬相當拿手，只要喺試閘、晨課見到隻馬有走勢，頭兩三回合追住買都唔怕！

6. 誠信心：
論質素五班點可能冇馬贏？搞好健康嘅話，喺五班主攻千四、千六一定不愁寂寞！

7. 清風送爽：
上季講咗好多次，有本事同Cape Blanco鬥得接近嘅馬，質素、實力喺二班都非常超級，今季成熟程度更進一步下，係有能力爭入打比一席；不過要留意佢今季需要加程先可以發揮本身實力。

8. 有盈有利：
能夠喺英國與金禧錦標亞軍Society Rock鬥足一條直路僅敗，令我要重新估計呢匹馬嘅潛力，加上呢系人馬最擅長喺英國發掘呢類寶藏，估計此駒喺三班亦係超卓分子。

9. 精密紡：
遲熟長途馬季尾開始見走勢，預計今季大熟下跑中長途應有一番作為，假如呢隻馬肯轉跑谷草，相信會更見威力。

10. 清風駒：
以此駒上季幾場走勢，跑谷草一哩相信更適合。以本身質素，四班點會冇得贏？今季踏入大熟之年，絕對有能力贏到80分。

[ 本帖最後由 Running 於 14/8/2010 09:52 PM 編輯 ]

作者: 天之馬王 時間: 15/8/2010 04:11 PM

文武維揚
初出直路玩"利"都走得咁勁，今季教好走規應該不愁頭馬進帳，目標70分

好玩神駒
自購馬一季已經減左20分有多，以目前仲係3歲仔實有進步空間，可以反彈上4班頂。

好新聞
減減下分又轉左馬房，4班簡直隨時可勝，直路賽應該係出擊路程，目標2W

六六駿駒
季尾匆匆出黎減分但都敗不脫節，加強操練會現真身同轉谷草出擊

好心星
有質馬只係因為心律不正大敗一場，跑返9成都有力二班取勝

作者: 細B 時間: 17/8/2010 10:55 AM

濃情,
上季初出已有走勢,係第次出賽嚴重內閃贏黎仍然超級,展望上到一班唔成問題,最小仲有3-4場頭馬

火龍駒,自上季中健康回復正常,於季尾即贏兩場頭馬,質素肯定非差,來季將會大放異彩,長距離賽事長捧可也

錢照贏,上季試閘已經嚇死人,其後於千二米大勝而回,來季更成熟可望再添幾場頭馬

金德寶,新一代短途新星,上季跑黎仍有點幼嫩及重口,希望暑假更成長,懂留力來日必可於級制賽站穩陣腳

作者: iamjack 時間: 17/8/2010 12:38 PM

希望找一點比較冷門的銀行馬 (暫定10匹前後 ... 無獨有偶 , 比較多吳大夫的馬 ...) :eee:

1. 動力 (精選)

質素本是不俗的一駒 , 可惜受到進度和健康影響 , 令牠一直得不到最佳發揮 . 上季季初受傷後 , 一直處於休養狀態 ... 直至季尾才出戰一仗 , 久休近一季 , 且賽前僅得4課而沒有試閘 , 這仗可謂在操練完全不足下出戰 ... 尚且路短 , 大冷必然 ... 但 , 沒有預期大敗之餘 , 也可以與後列馬群跟回 (後列馬群也有聖河 , 勝利旋峰等不算太弱的馬) , 表現合格有餘.

動力前季早期表現不俗 , 初出泥地一戰印象更是深刻 ... 但期後似乎因部署打比而影響了本身的進度 , 表現回落 . 此駒應是一匹一哩前後馬 ... 記得一仗2200米賽事 , 牠衝刺了一段 , 旋即後退 ... 耐力應該不足. 泥草皆可 , 如復出數仗遇冷 , 可以一拖 ... 但 , 以吳定強慢火式的操練 ... 動力可能需要多一點時間進入狀態 , 可能季初中後段~季中左右時間才開始進攻 . 現在評六十分 , 以上季可以參戰二班賽事水準高 , 相當有利

2. 精靈勇駿

以個人的經驗 ,吳廐質新馬初出有表現, 質素應該不俗 ... 有表現者, 如燈胆王, 金德寶, 喜萬家, 駿蹄飛等等 ... 反之亦然, 像求仁得仁, 萬事歡, 海豚動力等等 ...

精靈勇駿初戰表現不俗, 顯示出有速度 ... 其後一仗亦順利補中. 觀乎該仗對手, 高飛飛, 錢照贏再出亦有表現, 賽事水準應可以 ... 精靈勇駿的勝姿亦算是輕鬆 ... 來季應仍以部署短途為主, 現在61分, 應有2~3win在手, 且看牠可否超越喜萬家 ... 但, 來季此駒陣上賠率, 應該不會太冷了 ...

3. 京城精英

感覺, 上季牠仍未適應水土... 尚且,5月時仍受傷患困擾 ... 記得煞科日入場時, 見牠仍有脾氣 ... 但, 基於血統關係 , 牠仍有值得憧憬之處. 個人認為, 基於尊豪的血統, 牠應是一匹一哩以上的賽駒. 且看上季4仗, 最接近表現的一就是煞科日的谷草一哩.

觀乎近日操練斷斷續續, 似乎進度來得不太好... 估計可能需要更多時間提升狀態, 可以留待季中後才
開始留意... 現在53分, 應有上升空間... 希望牠來季會挑戰一哩以上路程的賽事吧 ... 估計出賽時應不會太熱, 希望可以命中爆冷的一仗

4. 搏得過

很早時間已經留意此駒, 在早期曾試800閘而接近, 可惜陣上表現一般... 幸好上季尾有接近的表現, 而不致於被淘汰... 上季尾曾與辣得喜接近, 而後駒再出亦能勝出, 水準也算是可以

比較奇怪的一駒, 1000賽事可以(很早期已經在直路閘接近,不出為奇...) , 泥地1200賽事也算是可以 ... 但, 1200, 1400 的賽事, 又好像有點力有不遞的感覺 ... 1650一戰, 沿途外疊下, 所負仍不算太遠... 且看牠來季會否繼續進步, 表現穩定化... 應是一匹有冷味的賽駒, 來季5班賽事可以一拖... 個人比較期待牠出戰5班1000, 泥地1200, 1650... 另外, 前季548場, 牠曾經顯示出前速... 谷草性能應該可以
(上季一場谷戰, 有久休復出和外檔的影響, 可以給牠一個籍口... )

5. 搖滾雄豐

轉入蘇廐後 , 表現逐漸改善 ... 由以往大敗十個馬位以上 , 到季尾最後一仗負四個馬位 , 有改善跡象.
看看蘇保羅在今季可否幫牠的狀態提升到一個新高

由季初九十分 , 下降至現在六十五分 ... 應該有"水位" ... 質素雖不算太高 , 但在3班應有立足之地 ...
看陣上表現 , 似乎留後一段衝的表現會較好 ... 但 , 可惜衝刺力較短 ... 個人會較期待牠轉戰谷草. 估計來季初 , 應以部署短途為主 ... 但觀乎外地表現 , 也有一試增程一哩的價值 . 陣上應有冷味的一駒 , 看看來季可否打開勝利之門

~ 待續 ~

[ 本帖最後由 iamjack 於 17/8/2010 05:24 PM 編輯 ]

作者: bondli 時間: 28/8/2010 11:00 PM

馬名             路程範圍       預計頭馬數目       評分升幅空間
1       佳同             1200-1400          3                      66-85
2       馬主光輝       1800-2200          2                      65-80
3       小橋流水:yyy:  1000-1600          3                   78-105
4       按得醒          1400-1800          3                      55-85
5       多贏勁駒       1400-1800       2                      61-75
6       偉感             1400-1600       2                      51-65

歡迎光臨賽馬世界 (http://racingworld.no-ip.org/)