標題:
崔建邦翻撻唐詩詠成功 戒蒲睇三級片
[打印本頁]
作者:
帶來吉利
時間:
27/8/2010 01:30 AM
標題:
崔建邦翻撻唐詩詠成功 戒蒲睇三級片
崔建邦 自捲入打女友鄺敏慧（中巴）事件後，6月雖然復工《東張西望》，但人氣一直插水。其間過氣女友唐詩詠 繼續力撐，之後不時傳出兩人復合消息，上月兩人終被傳媒踢爆正式復合，不過兩人仍死口唔認。據知，崔建邦今次成功翻撻唐詩詠，因為跟女方約法三章，發毒誓戒蒲戒滾。早前本報發現不用開工的崔建邦，單拖現身尖沙咀海港城逛街買三級影碟，睇嚟戒滾的他，現在只可靠睇碟解悶
崔建邦去年尾涉嫌毆打中巴鄺敏慧後，全面停工，上月中才獲無綫開恩復工主持《東張西望》。事業跌落谷低的崔建邦，幸得前度女友唐詩詠不離不棄，經常開口力撐，崔建邦亦發現還是覺得唐詩詠最好，一直力追對方復合。
訪香閨接唐詩詠
上月終被傳媒拍得崔建邦開車到唐詩詠寓所接女方，女方亦到男方家過夜，不過被踢爆後，兩人繼續否認復合。據了解，崔建邦能夠搞點唐詩詠，因為發毒誓戒蒲戒滾，又將之前的Audi溝女戰車，換了樸實型的Mini Cooper ，向女友大派定心丸。
近期女友唐詩詠忙於拍攝劇集《真相》，冇女陪的崔建邦唯有自己搵節目。
早前本報發現不用開工的崔建邦，單拖現身尖沙咀海港城，在影碟店「香港唱片」逗留了半小時，最後買了以粗口為主的三級片西片《勁揪俠》離開。剛剛翻撻唐詩詠成功的崔建邦，睇嚟真係有心變乖，希望唔係三分鐘熱度啦！
歡迎光臨 賽馬世界 (http://racingworld.no-ip.org/)
Powered by Discuz! 5.0.0
