標題: (河馬仔專欄)10月31日長沙灣松記總店熱糖水評論+賽馬分析 [打印本頁]
作者:
河馬仔 時間: 30/10/2010 05:12 PM 標題: (河馬仔專欄)10月31日長沙灣松記總店熱糖水評論+賽馬分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
樂子：秋冬起!
彩珠：三蛇肥!
樂子：想食甜嘅噃!
彩珠：咁就熱糖水啦!
樂子：河馬仔話佢自從中學個陣已開始在此店之總店食糖水,叫我地今次去試試噃.
彩珠：中式熱糖水,香港人秋冬時間都會食下嘅呢.咁今次係唔係去聽河馬仔講,去試下這兒的熱甜品呢?
樂子：Let's go!長沙灣的松記糖水店呢!
樂子：不如每人一碗糖水加埋呢個湯丸呢!
彩珠：好呀,咁就逐樣講啦.這兒有接近廿年歷史呢!河馬仔話中學個陣同同學係深水埗踢波之後,都行過來食碗糖水先番屋企呢.
樂子：當然踢完波就鐘意食碗凍甜品啦,但現在食碗熱熱的呢.呀!來啦!
彩珠：桂圓蓮子蛋茶,唔太甜噃,帶點清甜呢,特別是桂圓肉唔少呢,加隻蛋都係香港糖水的特色呢!而最緊要就係料多嘛!
樂子：雪耳津梨燉海底椰,雪梨燉好後更有蜜味,而清潤的雪梨更啱秋冬時間呢!而加上海底椰又係夠清潤呢,食完個口都感到甜甜蜜蜜呢.
彩珠：最後呢個六寶湯丸我最喜歡呢.
樂子：同家姐您頭上的六粒珠差唔多呢!唔怪得您話一定要試試啦^_^
彩珠：嘻嘻嘻^_^
樂子：有綠茶,芝麻,紫米等等,個皮其實幾薄,加上一些薑湯伴食.而最好的是餡料唔太甜,最喜歡就是芝麻,夠香已唔過甜,兩位女仔分來食就最好呢!
彩珠：當然秋冬時間食呢種熱甜品係要即場食才最好呢!
看板娘---馬場彩珠---對松記糖水以上三款熱甜品之評分:
看板娘---馬場樂子---是日食物日文讀音:
河馬仔第一,五,八,十場心水選擇:
(馬場樂子代筆)
第一場 :
6.駟馬難追-晨操28號個日雖然仲係有D頭岳岳,個口拉到都有點飄,不過馬身係壯之餘,個日快跳係冇面箍的,所以唔好介意.上場時間雖然麻麻,但沿途俾一般高怒頂之下最後仍能前列而返尚算可喜,今戰排檔唔好但快馬唔少,已唔駛單靠快放之馬的確有望守到三四位二疊等食糊.
是場心水 :
6. 駟馬難追 - 4. 皇仁神駒 - 5. 砲嘜 - 3. 開心好多
第五場 :
10.連戰連勝-講真馬就真係好靚,但上場之表現又真係水準之下,騎師在開閘後狂PUSH此駒上次用得比預期用多好多氣力之下仲要幾隻馬貼住放,入到直路唔散先奇.晨操28號沿途埋欄快跳兩段唔慢的23.8及22.2秒仲頂住隻晨操好勁又高班的蓋世子牙.排十二檔雖然真係好差,但最好就是今場可以大把理由留後跑,而最好就係上次跑到咁的情況下在問話時,蘇狄雄都話跑谷草好過沙田,今次如立心試試此駒唔好狂推上前的話唔係冇贏馬的資格.
是場心水 :
10. 連戰連勝 - 11. 友情友義 - 1. 回鄉精神 - 2. 龍船旺
第八場 :
3.旺國手-走生位一氣推騎方法就係最能發揮此駒超強之後勁,雖然湯仔因試閘時快都墮馬換人,但用昌哥就算三四疊都唔會有太多唔同.上場沿途入直路後在內欄塞車未能發揮得最好的確可惜,否則落咁勁飛之下理應可入到位置的,今戰晨操27號快跳一段神生步爽鋒芒盡展,今仗一有快馬就叫得糊.
是場心水 :
3. 旺國手 - 1. 精算攻略 - 6. 雨電風雷 - 7. 頭盤
第十場 :
3.智友-上仗其實檔差關係,堯仔要焗住留後但最後轉彎時都係順勢走出去追而非一早走外疊,加上上場晨操感覺真係毛色較暗而神情較呆,講真輸馬責任都唔應該係堯仔孭哂,講真跑完一場26號晨操爽番哂,跳來輕身之餘又有主動性,此馬在三班頂確有實力爭勝,用巫生騎應有補中意.
是場心水 :
3. 智友 - 9. 賞蝦王 - 2. 三和之星 - 8. 飛躍王子
是日三場全餐博冷門Q膽 :
(馬場彩珠代筆)
第二場 : 4. 暖在心頭
第五場 : 10. 連戰連勝
第八場 : 3. 旺國手
9月5日馬季開鑼,各位馬迷又要迎接密鑼緊鼓的賽事了.
今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!
今次由河馬仔出品、由同人組織天空音匣之畫師Mineko繪製而成。以<共享創意 署名-非商業性 3.0 香港 授權條款>發放。
作者:
贏馬人 時間: 30/10/2010 11:21 PM
喂...樂子，秋風起，三蛇肥:zzz: :zzz:
唔係秋冬起，三蛇肥:uuu: :uuu:
:fff: :fff: :fff: :fff: :fff:
作者:
yuricylau 時間: 30/10/2010 11:42 PM
食過n次都未試過佢地d熱甜品:yyy: :yyy:
作者:
河馬仔 時間: 31/10/2010 01:13 PM
原帖由 贏馬人 於 30/10/2010 11:21 PM 發表
喂...樂子，秋風起，三蛇肥:zzz: :zzz:
唔係秋冬起，三蛇肥:uuu: :uuu:
:fff: :fff: :fff: :fff: :fff:
係噃:eee::eee::eee:
作者:
河馬仔 時間: 31/10/2010 01:14 PM
原帖由 yuricylau 於 30/10/2010 11:42 PM 發表
食過n次都未試過佢地d熱甜品:yyy: :yyy:
佢地d凍甜品出名好多:eee::eee:
作者:
河馬仔 時間: 31/10/2010 09:10 PM
是日河馬仔心水選擇及賽果由看板娘---馬場樂子及馬場彩珠為大家報導:
(中第五場連贏及第八場$1427.0三重彩!)
河馬仔第一,五,八,十場心水選擇:
(馬場樂子代筆)
第一場 :
6. 駟馬難追 - 晨操28號個日雖然仲係有D頭岳岳,個口拉到都有點飄,不過馬身係壯之餘,個日快跳係冇面箍的,所以唔好介意.上場時間雖然麻麻,但沿途俾一般高怒頂之下最後仍能前列而返尚算可喜,今戰排檔唔好但快馬唔少,已唔駛單靠快放之馬的確有望守到三四位二疊等食糊.
是場心水 :
6. 駟馬難追 - 4. 皇仁神駒 - 5. 砲嘜 - 3. 開心好多
第五場 :
10. 連戰連勝 - 講真馬就真係好靚,但上場之表現又真係水準之下,騎師在開閘後狂PUSH此駒上次用得比預期用多好多氣力之下仲要幾隻馬貼住放,入到直路唔散先奇.晨操 28號沿途埋欄快跳兩段唔慢的23.8及22.2秒仲頂住隻晨操好勁又高班的蓋世子牙.排十二檔雖然真係好差,但最好就是今場可以大把理由留後跑,而最好就係上次跑到咁的情況下在問話時,蘇狄雄都話跑谷草好過沙田,今次如立心試試此駒唔好狂推上前的話唔係冇贏馬的資格.
是場心水 :
10. 連戰連勝 - 11. 友情友義 - 1. 回鄉精神 - 2. 龍船旺
(中連贏派$92.5)
第八場 :
3. 旺國手 - 走生位一氣推騎方法就係最能發揮此駒超強之後勁,雖然湯仔因試閘時快都墮馬換人,但用昌哥就算三四疊都唔會有太多唔同.上場沿途入直路後在內欄塞車未能發揮得最好的確可惜,否則落咁勁飛之下理應可入到位置的,今戰晨操27號快跳一段神生步爽鋒芒盡展,今仗一有快馬就叫得糊.
是場心水 :
3. 旺國手 - 1. 精算攻略 - 6. 雨電風雷 - 7. 頭盤
(中三重彩派$1427.0,單T派$292.0,連贏派$100.5)
第十場 :
3. 智友 - 上仗其實檔差關係,堯仔要焗住留後但最後轉彎時都係順勢走出去追而非一早走外疊,加上上場晨操感覺真係毛色較暗而神情較呆,講真輸馬責任都唔應該係堯仔孭哂,講真跑完一場26號晨操爽番哂,跳來輕身之餘又有主動性,此馬在三班頂確有實力爭勝,用巫生騎應有補中意.
是場心水 :
3. 智友 - 9. 賞蝦王 - 2. 三和之星 - 8. 飛躍王子
是日三場全餐博冷門Q膽 :
(馬場彩珠代筆)
第二場 : 4. 暖在心頭
(唔中)
第五場 : 10. 連戰連勝
(中都冇用,連贏派$92.5,全餐Q十蚊注要$110成本,-$17.5)
第八場 : 3. 旺國手
(唔中)
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |