賽馬世界 - Powered by Discuz! Board

標題: 「香港國際賽事賽後討論區」（聲望） [打印本頁]

作者: EternitY 時間: 12/12/2010 06:52 PM 標題: 「香港國際賽事賽後討論區」（聲望）

2010年香港國際賽事已完結，對於各路人馬的部署，賽事發揮，質素等，你有何感想？

各會員熱烈討論本貼或提出獨特見解，將會給予一定聲望嘉許。

結果如下：

國際賽頭馬
------------------------------------------------------
香港短途錦標：卡通飛機
香港一哩錦標：締造美麗
香港盃：飛雪仙蹤
香港瓶：技藝精湛
------------------------------------------------------

第一隻過終點港隊馬
------------------------------------------------------
香港短途錦標：蓮華生輝
香港一哩錦標：締造美麗
香港盃：魔法幻影
香港瓶：至勇威龍

作者: EternitY 時間: 12/12/2010 06:53 PM

香港瓶：

-------------------

名次	馬號	馬名	騎師	實際負磅	檔位	頭馬距離	完成時間
1	5	技藝精湛(M621)	戴圖理	126	2	-	2.27.69
2	9	紅杉木(M624)	曉斯	126	6	2-1/2	2.28.10
3	1	美利堅(M602)	巫斯義	126	9	3	2.28.17
4	3	網絡電郵(K624)	韋紀力	126	7	4-1/4	2.28.39
5	4	至勁寶(M620)	李慕華	126	12	5-1/4	2.28.54
6	10	至勇威龍(K129)	韋達	126	4	5-1/2	2.28.59
7	11	火龍駒(L096)	勞愛德	126	1	5-3/4	2.28.63
8	2	爆冷(G096)	白德民	126	13	7-3/4	2.28.92
9	7	印族節日(M623)	文羅	126	8	10-1/4	2.29.32
10	12	星光水晶(M625)	莫雅	122	10	14	2.29.93
11	6	溫徹斯特(M622)	柏兆雷	126	3	14-1/2	2.30.01
12	8	好先生(K218)	黎海榮	126	14	18-1/2	2.30.65
13	13	董事會(M626)	郭達成	122	11	60-3/4	2.37.40

作者: EternitY 時間: 12/12/2010 06:54 PM

香港短途錦標：

--------------------

名次	馬號	馬名	騎師	實際負磅	檔位	頭馬距離	完成時間
1	2	卡通飛機(M603)	史卓棟	126	8	-	1.08.84
2	3	火箭人(M601)	高雅志	126	6	短馬頭位	1.08.84
3	1	蓮華生輝(G268)	柏寶	126	2	3/4	1.08.96
4	12	共創未來(L176)	白德民	126	11	1-1/2	1.09.08
5	14	繡球花(M606)	韋紀力	122	5	1-3/4	1.09.13
6	6	京畿地膽(M605)	莫雅	126	1	2-1/4	1.09.18
7	10	天久(L259)	巫斯義	126	12	2-1/2	1.09.22
8	9	小橋流水(L285)	潘頓	126	3	3-1/4	1.09.36
9	11	點心(H226)	杜利萊	126	9	3-1/4	1.09.36
10	4	綠色駿威(H245)	韋達	126	7	3-1/2	1.09.38
11	5	時尚風采(H014)	安國倫	126	13	4-3/4	1.09.61
12	13	愛跑得(L141)	戴圖理	126	10	5-1/2	1.09.71
13	8	同一世界(H133)	勞愛德	126	14	6-3/4	1.09.91
14	7	極奇妙(G311)	黎海榮	126	4	8-1/4	1.10.16

作者: EternitY 時間: 12/12/2010 06:55 PM

香港一哩錦標：

---------------------------

名次	馬號	馬名	騎師	實際負磅	檔位	頭馬距離	完成時間
1	4	締造美麗(K314)	巫斯義	126	14	-	1.34.79
2	12	庭園華座(M611)	柏兆雷	125	12	3/4	1.34.93
3	14	莎貝寶駒(M613)	李慕華	122	9	1-1/4	1.34.99
4 併頭馬	6	榮進快蹄(M609)	岩田康誠	126	8	1-1/2	1.35.01
4 併頭馬	13	驪勝名駒(M612)	龐利萊	125	6	1-1/2	1.35.01
6	9	自由好(K005)	都爾	126	11	2-1/4	1.35.15
7	8	勝眼光(J049)	韋達	126	10	2-1/4	1.35.15
8	5	食夢精靈(M608)	霍聰	126	1	2-1/2	1.35.18
9	10	金獅威將(L093)	馬偉昌	126	4	2-3/4	1.35.25
10	7	好爸爸(E201)	杜利萊	126	7	4-1/4	1.35.46
11	3	友誼至上(G292)	潘頓	126	3	4-1/4	1.35.47
12	11	樂聖(M610)	歐道樂	125	5	4-1/4	1.35.47
13	1	小柏高(M607)	莫雅	126	13	4-1/4	1.35.49

作者: EternitY 時間: 12/12/2010 06:55 PM

香港盃：

---------------

名次	馬號	馬名	騎師	實際負磅	檔位	頭馬距離	完成時間
1	13	飛雪仙蹤(M619)	莫雅	119	8	-	2.02.96
2	6	魔法幻影(L187)	柏寶	126	2	頸位	2.03.03
3	8	包裝大師(E334)	杜利萊	126	6	1-3/4	2.03.23
4	1	萬千景象(L614)	柏兆雷	126	7	1-3/4	2.03.24
5	10	田園莊主(M616)	戴圖理	123	10	2	2.03.27
6	4	極品絲綢(K116)	韋達	126	1	2-1/4	2.03.31
7	3	天鷹翱翔(L623)	貝朗迪	126	13	2-1/4	2.03.32
8	11	勝多利大(M617)	李慕華	122	12	2-3/4	2.03.38
9	12	永勁(M618)	巫斯義	122	11	3-1/2	2.03.51
10	9	威利旺旺(L099)	高雅志	126	9	3-1/2	2.03.53
11	7	王子風采(M615)	魯賓遜	126	3	3-3/4	2.03.56
12	5	玻璃杯琴(M614)	韋紀力	126	4	4	2.03.58
13	2	閒話一句(K217)	白德民	126	5	5	2.03.75

作者: S.WEEK 時間: 12/12/2010 07:38 PM

短途王國終被人攻陷

蓮華生輝經過三次大病，正式宣告由原來的7成再趺得番盛時的5成。

7歲了你仍然係香港馬中最先過終點的一匹。

不得不承認香港馬繼精英大師 > 騏彩再冇馬匹接班了。

可幸見到如日中天的3歲馬「天久」，「共創未來」一定可以接到一哩班。

「小橋流水」就算吧呢 :llll:

望「天久」成為第二匹「靚蝦王」不過首要係馬主衝破一級賽頭馬先

但再諗諗「繡球花」都可以取得第五，咁馬后「魚子精華」肯落來的話是不是會大勝而回呢 !

--------------------------------------------------------------------------------------------------------------------

「俊歡騰」的翻版「締造美麗」

不得不承認告仔的谷馬一定在大摩及方嘉柏之上，呢隻「締造美麗」似足哂「俊歡騰」

只不過今年水準再沒有「大將領」「奇速達」盛時的「好爸爸」水準

告仔終於重奪一哩錦標。老巫估唔到我估錯你博殺果場係香港瓶。

呢場連「食夢精靈」都可以輸咁短距離，而「小柏高」亦因體力不繼下敗陣而回

水準係點大家估到

李慕華大家真係唔好再亂追，佢已不再是騎「雷神精靈」的李慕華

做了阿加汗主帥判斷，走位真係 ........

--------------------------------------------------------------------------------------------------------------------

「魔法幻影」繼續成大摩遺憾

季前預言將成馬王的「魔法幻影」只差一條頸俾上年「閒話一句」更少

今次真係不得不讚柏寶全場跑得最舒服的馬匹就係佢同「飛雪仙蹤」。

而且今日應該係我地全季最弗狀態一次的佢，可以一D急同流白汗情況不再現。

係估唔到賽前諗住不利後追的「飛雪仙蹤」可捉回「魔法幻影」。只能怪質素有別始終人家可是嬴經典大賽

而你只係可在歐洲一級大賽中跑4455的馬匹

「萬千景象」明顯係跟錯馬，如果佢跟係「魔法幻影」身後今日鹿死誰手不得而知

「勝多利大」又係弱退，係時候做媽媽。「田園莊主」一戰證明法國3歲馬可唔駛睇。

「包裝大師」正式 Black List 左佢，又一次通殺我。:bbb: :bbb: :bbb:

----------------------------------------------------------------------------------------------------------------------

香港瓶冇咩好過係果5隻馬跑 :rrr: 只不過係跟什麼次序

仲有係可唔可以唔好咁多慢步速好x悶呀 :ccc: :ddd: :bbb: :rrr: :ccc:

作者: bondli 時間: 12/12/2010 08:13 PM

[quote]原帖由 S.WEEK 於 12/12/2010 07:38 PM 發表

「小橋流水」就算吧呢

「小橋流水」起步時在「極奇妙」與「蓮華生輝」之間受擠迫時收慢，當時「極奇妙」被「繡球花」碰撞後向內斜跑，而「蓮華生輝」向外斜跑。:ffff: 頭馬距離 3-1/4

作者: neeDu 時間: 12/12/2010 08:21 PM

寫左我一大段時間,點知一禁確定就話未登入:iiiii: :iiiii: 救命:iiiii: :iiiii:

作者: neeDu 時間: 12/12/2010 08:34 PM

先講香港瓶,嬴馬係技藝精湛,要稍功於戴圖理精彩發揮,我睇好既紅杉木亦都跑入一個第2,希望呢匹馬將來會有更好成績:jjjjj: 美利堅克服大幅跳程難度跑第3,已經好唔錯...:jjjjj:

港隊至勇威龍跑得最好,但亦只能跑第6,年年國際賽都會失意係呢個盃,唯有寄望將來有馬可以接棒...:kkkk:

爆冷真係辛苦,仲要跑二千四,輸7個幾馬位都已經冇苛求...:loveliness: 包裝大師連續兩場都入位,未知係場地問題定係其他原因...:yyy:

短途錦標跑得最好係蓮華生輝,跑第3,頭2名係外隊強豪,以今時今日既佢黎講,已經係十分難得,最失望係小橋流水,今場竟然留後跑,係不利既情況下稍稍追近,希望遲d增程會有更好發展...:ppp:

另外兩匹新星天久同共創未來,其實後者就跑得好好,前者就有d不在意,最後追到咁勁已表現好好,呢兩匹馬又會係經典一哩再同場,睇下到時結果如何...:zzz:

香港一哩錦標,因為閘前有步步穩退出,而前兩盃又被外隊奪去,所以大家都唔敢抱太大信心,最後由締造美麗爆冷嬴馬,令港隊唔駛食白果,但嬴馬亦要靠場地問題...:yyy: 當然亦都要靠老巫騎功啦...:yyy:

小柏高表現令人失望,唔明點解仲要留後跑:kkkk: ,跑第2既庭園華座表現十分好,末段追近咁多實在係超水準,而聽講亦會報跑杜拜,睇下到時表現如何...:jjjj: 自由好,係令我最失望,守中間位置,直路夠晒位擺正軚追都追唔到,只能跑第6,當然未知關唔關賽後驗出氣管有血事...:zzz:

最後係香港盃,賽果一如意料由超強馬女飛雪仙蹤嬴馬,直路狂風掃落葉嬴馬,姿態嚇人,睇黎呢匹馬仲有幾多係手都冇人知...:abcde: :iiiii: 萬千景象是否跟錯假想敵,沿途守咁後最後追入第4,但終點唔到就收韁,最後僅僅失去第3名,係草草了事抑或其他原因,就唔知啦...:fff:

魔法幻影跑得一絕,最後輸少少比前駒實在係令人眼前一亮,希望此駒將來會有出色表現接中長途棒:jjjjj: ,閒話一句令人失望,不想多講...:hhh:

總括黎講,香港要保住國際賽就要有馬接棒:zzz:

[ 本帖最後由 neeDu 於 12/12/2010 09:29 PM 編輯 ]

作者: 小武士 時間: 12/12/2010 08:46 PM

其實睇番個走位圖小橋流水追番唔少加上前面咁大道牆呢場輸都唔洗話咁悲觀
只要健康無問題 (雖然都幾難無問題咁樣博法....) 下季佢都係短途國際賽爭勝份子
同埋共創未來天久 2隻都表現好好
但共創未來要贏國際一級賽恐怕要再有大進步先得
天久就往一哩發展條路應該易行d
另外蓮華已經做足佢本份奈何健康影響左佢佢都唔想睇得出佢仲有個鬥心就算輸都要拍爛手掌

締結美麗呢場簡直俊歡騰再領風騷再世咁但睇落真係似形勢幫晒佢
莎貝寶駒3疊小柏高同自由好死左火其他馬唔係表現差就係級數唔夠
未來唔係話無機會再贏既但都係睇形勢啦

魔法幻影真係俾到驚喜我
雖然形勢有利但咁樣可以挑戰到隻飛雪仙蹤已經唔差的確係準馬王
但就好似難會再有爪皇凌雨全盛個d成就唯有寄望奇蹟啦:ppp:

至於香港瓶? 大致上無意見始終2400香港最屎見慣晒
唯一意見係好先生係唔應該跑呢場
根本初出跑2400 之後就跑墨爾本盃已經好傷
跟住身都未熱又跑呢場2400大賽你估你真係美利堅咩:llll:

[ 本帖最後由小武士於 12/12/2010 08:47 PM 編輯 ]

作者: Running 時間: 12/12/2010 08:56 PM

香港瓶：

基本上沒有什麼好說，高多芬部署精確、主帥利用到場地形勢，做就「技藝精湛」終於再贏。

不過正如S.Week所講：此系人馬現時專注做最強牧場，多於出賽搏命，看來高多芬很難再現盛世。

香港短途錦標：

當七歲的「蓮華生輝」是港隊最先一匹過終點，同場其他主隊馬不是路程不合、就是有健康問題及年紀大，

按現階段而言，香港短途馬已出現青黃不接，最少要用兩三年時間方能重拾正軌。

「天久」、「共創未來」幾乎肯定是下年經典一哩賽兩大主角，兩匹馬路程不合下，

末段走勢非常強勁，特別是「天久」又是出來試馬情況下，走勢天馬行空，

只要保持進步，香港一哩馬又多兩匹新力軍接班。

「小橋流水」還是休息一下吧！

香港一哩錦標：

「小柏高」之敗其實說明一件事，無論你級數多高、跑法如何強勁都好，

只要一年內場場如「小柏高」般拼搏，到年尾很易因體力透支而敗；

另外之前兩場同樣是跑出今年最快末段及速率都敗陣，已經說明牠的跑法在沙田是非常吃虧，

從片段所見牠既敗於今日形勢、同時也看到牠力不從心，落敗是意料之內。

「締造美麗」多得形勢之助及老巫出色發揮，不過今場水準如何大家心照，

在香港內應該對手不多，但再遠征的話相信會再落敗而回。

香港杯：

Snow Fairy今場做出21.97超極速末段，更在今日極不利追下反敗為勝，已證明了級數實力，

下年返回英國遇上雄馬都有能力一決高下，分分鐘是第二匹「占卜」。

「魔法幻影」今季一收斂立即展示實力，我都承認當初小看了牠，

今場柏寶發揮一絕而僅敗於一匹怪獸是雖敗猶榮，但證實力本身實力已站穩香港一線，

只要保持進步今季必定可超越表現不穩的「閒話一句」。

「萬千景象」不明柏生為何如此跑？明知馬匹不是留後爆一段類型，為何仍如此跑？

這樣僅敗於「包裝大師」完全是不知所謂！末段柏生垂手之動作更十分礙眼！

「田園莊主」戴生發揮出色都跑成這樣，證明今年這批法國三歲馬水平太低，不宜再憧憬了。

作者: 阿源 時間: 12/12/2010 09:02 PM

今年外隊陣容為近年最強大的一次,能捧走三座冠軍非常合理,主隊在步步穩閘前退出後,由締造美麗異軍突起,留住一座冠軍,算是有點幸運.

短途錦標:
蓮華生輝的王朝正式宣怖終結,七歲馬巳難苛求.
倒是非常欣賞火箭人,場場都可以交出水準,星洲難得出此好馬:jjjjj:
最令人驚喜的馬是共創未來,十一檔起步,返黎只輸比蓮華生輝3/4個身位,不過呢個第四可能要加10分:sss:
最令人失望的是小橋流水,看來無法成為一級馬:sss:

香港瓶:
賽前巳覺得美利堅跑2400太短,不值大熱.
歐洲長途一級賽駒,除非人地看走眼,否則不會賣來香港,所以香港瓶一
直都要送錢人洗:ccc: 至勁寶都跑得唔錯,令我對意大利馬好番D好印象.

香港一哩錦標:
曾幾何事,香港一哩好馬雲集,今年有青黃不接的現象,以前國際賽常包辦連赢甚至三甲,今年
二至五名都係(平庸的)外隊馬:sss:
今日場地利領放,締造美麗能克服14檔,老巫要記首功
步步穩難得今年咁FIT,臨場退出失去了贏此賽的黃金機會,希望佢可以趕及董事盃.
小柏高掛住一哩天下第二個"朵"竟然跑成咁:sss:

香港盃:
飛雪仙蹤果然係頂級馬女,其實佢既加速力在日本果場巳經見識過,所
以最後一百見到佢個影就知佢贏梗.
萬千景象今年個FORM唔得,否則點會輸俾包裝大師.
魔法幻影今場發揮巳一絕,讓對手七磅力併僅敗,可說是雖敗猶榮,今場巳確立了目前香港二千一哥的地位,為女皇盃香港最大希望.
閒話一句應該是小休一段時間,養番起個健康再算:sss:

[ 本帖最後由阿源於 12/12/2010 09:30 PM 編輯 ]

作者: 飛神 時間: 12/12/2010 11:00 PM

短途錦標
蓮華生輝唔係幾多成既問題...
係馬王既光輝...消失了...
睇咁多次, 無論電視現場, 第一次有呢個感覺
共創未來希望贏番場先, 唔係又第二隻同一世界架啦

不過...一千蓮華生輝勝望仍在...天生速度都磨死...
千二就再算

香港盃
我覺得柏兆雷無跑錯(我買1>2,6,10)
Miss start, 如果夾硬推, 走三疊望空咪又係死...
不過肉緊D...應該第3
多謝Snow Fairy令我地再一次見識到真正一級馬的水平

香港瓶
藝高強後再一次俾戴圖理表演
至勇威龍點解好似無乜進步咁...

一哩
由報名表出...已經計無咩步速...
點知最後十秒
是天大的玩笑

今年氣氛不錯, 希望下年可以更好

其實馬會搞乜乜物物, 但係從來無諗過照顧下本地騎師
例: 黎海榮(你幾何有聽到華人騎師int day有兩匹GI坐騎??)

作者: 翼 時間: 12/12/2010 11:28 PM

2400米香港瓶

一如以住的結果

今年都5例外,又係外隊馬勝出,都要意料之內,只是對韋紀力發揮有點不滿,
今年來HK,少左一點跑道智慧,如果5係應該可以更接近一點,美利堅捧為大熱就有點過份而已
看看何時港隊會有一匹可以在此賽上名的馬

1200米短途錦標

終於被破身

當火箭人係預賽可以奪冠,其實多多少少已經表露上港隊面對多年最大的危機,
只係卡通飛機更厲害係意料之外,蓮華,都己經7歲,已經好難苛求牠回到當年的水準
但都已經盡力而為(港隊第一隻過終點),當年蓮華退下來,誰接捧都是大問題,但平均HK
都產生不少質優的短途馬,我有預感今年會誕生一隻出黎,餘下馬如天久我始終覺得佢
部署上有點問題,當共創未來先過你終點的話,已經為方嘉柏響警號了,經典一哩好看了

1600米一哩錦標

巧見俊歡騰

我睇到俊歡騰的影,加上(天敵)步步穩退出,天時地利人和,做就俊歡騰完成5到的目標
,巫巫真係值得一讚,步步退出時做的準備,顯出他的積極,此外方嘉柏同告東尼功力的分野

2000米飛仙XD

今日5利追,可以後追打段21,幾,實力厲害到屈機,魔法幻影跑到一絕,輸無話可說
金盃應該輪到,萬千景象5係留得太後la.應該有得爭,閒話一句睇睇呢場罵劇會幾時終止

作者: 冼馬田 時間: 12/12/2010 11:45 PM

香港馬向來印象是短優於長。今次國際賽有四匹本地馬入三甲，一匹是短途，一匹是一哩，兩匹是二千米香港盃取得。如此說來，香港的長途馬真的較短途馬遜色嗎？

賽前，普遍認為今年外隊馬陣容完善，而且外隊對香港國際賽事有足夠的重視，因此取得三盃也是合理。但香港馬在短途失守，令人意外。我想可以歸咎於我們的短途馬遠征太多，在國際賽前已耗用了不少里程，假如「綠色駿威」、「同一世界」、「極奇妙」、「時尚風采」，還有那匹已經打柴的「鳥語花香」沒有遠征，不敢保證牠們留港一定表現出色，但至少，爭標可以有多幾重保險。

老牌馬王「爆冷」、「蓮華生輝」及「好爸爸」經過今天一戰可以確定退步，09年打比三強「閒話一句」、「自由好」及「好先生」皆鎩羽而歸，一代新馬換舊馬，但馬王級的佳駟，不是說想換就換得來，下一匹希望是誰？會是「天久」嗎？

作者: Galileo 時間: 13/12/2010 12:23 AM

香港瓶:
一如所料，是外隊馬的天下。而且再一次是慢步速賽事，技藝精湛戴圖理發力點一絕，有點當年「藝高強」的影子。:jjjjj: 其他馬匹都是跟前守好位的較有優勢。「美利堅」縮程難度太高，而且馬匹亦非想像中頂級。「網絡電郵」如非最後直路受阻，理應可以更接近。:ppp:
港隊方面，「火龍駒」與「至勇威龍」表現已超預期，應該會是香港長途賽事的中堅份子，相信明年香港瓶仍會見到此兩駒。「爆冷」年華老去，而且熱身不足，但相信以大摩功力，而對本地的一眾老對手，再添一場一級賽頭馬亦不足為奇。「好先生」鐵馬亦需休息，澳洲兩戰虛耗不少。:ppp:

香港短途錦標：
今仗過後正式宣佈改朝換代，「蓮華生輝」獨大的時代已經完結，但誰是接班人仍不得而知。新一輩未有一匹實力太突出者，可能會重現當年「精英大師」退役後的情況。（還記得電光火力勝出短途錦標嗎？:ddd:）如果未有一匹新短途馬王出現接班，相信下年仍短途錦標仍然會是亂局一場。除了「蓮華生輝」外，以「共創未來」表現最令人驚喜，此駒越跑越進步，但相信下半季會與「天久」一起進軍四歲大賽，特別是經典一哩賽。下年國際賽相信仍然會見到「共創未來」和「天久」的身影，但可能不是再在短途錦標，而是在一哩錦標了。

香港一哩錦標：
滿心期待步步穩衝擊一哩錦標，怎料閘前退出，老馬功虧一簣，令人惋惜。:sss: 亦因如此，令此場本來已經沒有甚麼步速的賽事，變得更為混亂。因此「締造美麗」漁人得利，14檔起步亦可在二疊跟跑，加上慢步速，在此天造地設的形勢造就，順利為港隊挽回一點面子，令人鼓舞。不過今場水準成疑，很多匹實力馬都發揮不出應有實力，但在「步步穩」年華老去後，相信「締結美麗」以其主動跑法，在將來的一哩賽事會成為有力的競爭者。:gggg: 希望馬主可以讓「好爸爸」光榮退役吧，牠的年代已經過去。:zzzzzzzzz:

香港盃：
其實早已預計是外隊天下，不過亦有數點令人驚喜。「飛雪仙蹤」的確有馬后風範，不過二千可能稍稍嫌短，二千四應該更合發揮，今場雙重讓磅幫助極大。「魔法幻影」今季進步幅度大得驚人，本以為上場在預賽乘主要對手狀態未足而取勝，怎料在正賽發揮仍然是如此出色，我也小看了牠的實力。特別是「閒話一句」有點見盡之感，「魔法幻影」有望成為香港二千米的王者。:iiiii: 「極品絲綢」直路連番受阻，未能發揮最佳實力。不過此駒今季可能已被「魔法幻影」反先，畢竟「極品絲綢」上季耗虛不少。「閒話一句」表現令人失望，健康問題令人關注，若未能及時復原，相信會被一眾新馬取而代之。

作者: kewell 時間: 13/12/2010 12:47 AM

2400米
段段拉龜慢鬥慢高多芬再贏G1
今年國際賽又係大家拉個超慢步速，先講香港馬。
「火龍駒」證實係冇呢個級數，咁既步速都近唔到。
「至勇威龍」留既位置都算後，但係都算慳晒，不過我覺得佢既表現都叫做好好。我睇皇太后杯都應該係冇走雞，香港二千四米第一把交椅都係捨佢其誰？
「爆冷」冇復當年勇，七歲跑得接近已盡力了。
「好先生」遠征澳洲後，唔該俾佢休息下先再搏，其實我更懷疑隻馬傷左。
「技藝精湛」冇說話好講，形勢造就俾佢贏，始終覺得實力唔係呢度最強。
「紅杉木」慳晒位追上黎都冇乜追近頭馬，有少少失望。
反而「美利堅」都算克服到三千二落二千四既難處，都算追得唔錯。不過睇得出隻馬其實跑香港既快地都係唔係咁好。
「網絡電郵」發揮真係想打人，用達少可能仲好。
「星光水晶」既傷患真係影響左呢隻好馬既成就。
「至勁寶」係我覺得今場表現算最好既馬，咁既步速可以追到呢個地步。

1200米

港隊金身終被破飛機火箭殺蓮華
「卡通飛機」有少少係大家睇少左，冇馬針對佢黎跑造就個形勢俾佢贏，始終覺得隻馬能力唔係好強。
「火箭人」上場適應左右轉之後，已經可以期望今場跑得更好，但係估唔到有黃雀在後。
「蓮華生輝」已盡全力了，七歲之齡都盡顯鬥心，下半季依然可期有冠軍。
「共創未來」下場應該係跑經典一哩賽，呢隻馬進步得好利害，我期望佢係經典一哩賽有更進步既表現。
「天久」今場依然因為路短未能全力施為，我覺得經典一哩賽可見真章。
「小橋流水」我自己依然好樂觀。隻馬拚搏過度，今場第一次用留後跑法，都可以追返好多，如果休息完出短途系列賽可以同馬王鬥。
「綠色駿威」遠征完返黎既表現都算唔錯了。
「同一世界」拉馬味濃，做返上場「共創未來」做既野。
「極奇妙」級數唔夠，但係點都會跑得咁差嗎？
「時尚風采」傷後既表現算好好架啦。

1600米

步步穩臨場退出美麗替俊俊完夢
今年港隊既唯一頭馬，港隊馬表現有點失望。
「締造美麗」形勢造就晒俾佢贏，加上老巫一絕既發揮，唔贏都難。
「莎貝寶駒」唔係李生騎既話，或者講發揮好少少應該有第二。
「庭園華座」都追到咁勁，呢場既水準真係笑了。
如果「自由好」唔係氣管有血同埋「小柏高」部署好Ｄ，目標係跑呢場既，頭馬一定不出呢兩隻級數高晒既馬。
「好爸爸」同「友誼至上」唔該退役啦，呢兩隻老馬跑唔返啦。
「勝眼光」都算有驚喜，下次跑變化地都仲要繼續留意下。
「金獅威將」級數都係不足，期望可以贏到二，三級賽。

2000米
飛雪仙蹤新馬后閒話一句最失望
「飛雪仙蹤」返到去歐洲都應該可以同雄馬一鬥，來年既新馬后應該會係呢隻馬。呢隻馬今場既表現完全證明左佢係一級長途馬，今場仲要路短。
「魔法幻影」正式證明自己既級數，之前要去到谷草交代既馬竟然可以係呢場拚到僅敗，進步得好利害。另外，柏竇最夾呢隻馬呢。
「包裝大師」係新一代神經馬，唔識評呢隻馬。
「萬千景象」出閘咁樣係得呢個位跑既，不過都同大家一樣，垂手真係冇野好講，同好礙眼。
「田園莊主」表現俾想像中差，今年法國３歲馬再一次過譽了，惶論想挑戰「勞動力」啦。
「極品絲綢」今場表現都算唔差，但係進度比想像之中差，希望抖下跟住以女皇杯同金杯作目標，可以同「魔法幻影」鬥的。
「閒話一句」下半季會黎料了，大摩既手法呢。

[ 本帖最後由 kewell 於 13/12/2010 01:03 AM 編輯 ]

作者: 小野伸二 時間: 13/12/2010 01:20 AM

香港瓶:

技藝精湛贏左戴圖理走位加埋今日場地配合，返到歐州應該仲有少許作為

紅杉木個第二已證明今場都仲係一級尾既水準...:ppp:

美利堅走位令人眼冤，車前倒後，老巫特色，返到黎第三係因為其他馬仲屎

港隊馬唔駛點提，好先生遠征完要回氣，爆冷等下半季啦，至勇威龍級數已盡，狀態好都無用

火龍駒留番G2,3用就算

香港短途錦標:

全組馬扯到散哂之下益哂跟3,4位既馬

卡通飛機贏在跟後左dd，加上火箭人認錯假想敵早左少少發力，但馬本身都係一級馬，無容置疑

火箭人我一路都唔算太睇得起佢，但今日佢又再證明自己係得既，同時亦都說明霍達當年都無乜騎錯佢

蓮華生輝去到閘前已見神色狀態不如早兩年，一絕走位之下都拍唔住前兩名返終點，且望下半季仲有無得屈多兩場G1

共創未來同天久真係一場比一場進步，特別係前者，期待經典一哩既對決。

小橋流水今場未見作章，可再觀望，其他馬無甚可提。

香港一哩錦標:

步步穩天時地利人和下意外退出，相信跑既話都應該坐亞望冠。

締造美麗兜兜轉轉咁耐都係要返千六先贏馬，老巫唔外遊既威力真係唔講得少

二三名既外隊馬都有點人棄我取。

小柏高可能真係體力問題。自由好氣管有血唯有原諒。

金獅威將真係失望，原來都係110-115分馬左右，跑埋呢道氣應該差唔多收工。

香港杯:

飛雪仙縱盡顯馬后本色，係不可能既位置從後殺上，末段21.97比同場其他主要對手最少快一秒，返到歐州大把世界

魔法幻影已經係末段時間比頭馬只慢半秒既對手，今場留放走位十分搏命，可惜同上年閒話一句一樣
技不如人無辦法

包裝大師跑返起狀態，而且杜杜留放出色，頭三段去到25秒幾後面d馬都拉到碰碰車，漁人得利下搶到第三

萬千景象輸，騎師有部份責任，但馬真係無上年個隻咁fit係事實。

閒話一句包尾，已經唔知可以點評價佢，主觀上仍然會支持。

作者: 神風無缺 時間: 13/12/2010 01:55 AM

香港瓶－香港又一次三甲不入
無可否認，香港瓶一直是香港隊的「悲哀」
不像短途、一哩兩樣般連續稱霸多年
也不如香港盃這般近年來只輸不遠，雖敗猶榮
賽前，看看外隊陣容，還是為今年香港隊可能終於久別而嚐三甲的滋味
可惜事卻又與願違
這場賽事並無特別好說的……
只是又再一次看到香港哩半馬和世界的分野

香港短途錦標－王朝崩塌，青黃不接?

相比起香港瓶，香港短途錦標可說是截然不同的情況
多年來此賽的稱王稱霸，最終毀於今朝
自從升格為一級賽後……由02年的更歡笑，一直到上年的蓮華生輝，那一場香港短途錦標曾落在他人之手?
但今日，香港敗了，敗給不只一隻外隊馬
和上年包辦同賽頭四名的情況截然不同
今天，我看到的不但是外來者日趨接近的身影
也看到香港這個短途王朝的青黃不接
我夠膽說，今場的蓮華生輝只能發揮全盛時期一半左右的實力
多災多難的牠，今年也已經7歲了，不復當年勇也無可厚非
但是，難道短途王朝只能夠靠這隻垂垂老矣的老驥支撐著場面嗎?
幸而見到共創未來和天久兩隻三歲馬衝勁頗佳……但是在他們過歲後最佳路程會是短途嗎?
小橋流水今場雖然令眾多馬迷失望，但其里程未盡，仍有機會接短途的棒
但這個棒，牠會接得怎樣呢?牠會是全盛時代的繼承者，還是王朝沒落的謝幕者呢?
還有鳥語花香，也不知道傷癒後，牠能回復多少水準……
雖然香港短途仍然是世界首屈一指，但是王城的一角已經崩塌了
且看有沒有後來者來修復這崩坍，再創短途錦標的神話，保住我們引以自豪的短途錦標

香港一哩錦標－意外的結果，失望的表現

步步穩閘前退出，一度令我們對這場一哩錦標失去希望
但結果出來卻是，締造美麗成功保住香港隊的面子
也令我確信步步穩因為退出而失去了再勝國際一級賽的機會
坦白說，締造美麗今場能夠勝出，老巫的功力和形勢的幫助缺一不可
借著形勢而造成的這個意外的戰果，令香港隊免卻國際賽全敗的窘境
但觀乎締造美麗之後，最近的香港馬卻是第6名的自由好
賽前備受注目的二駒－自由好和金獅威將表現令人失望
而好爸爸和友誼至上令人失望的名次亦已經證明兩者已經開始從一級賽舞台上淡出
沒有締造美麗，會否造成頭四名都是外隊馬的窘局?
今年平平凡凡的外隊馬已經可以在佔領一哩錦標的2-5名
下年的一哩錦標又會是甚麼光景?
我可不敢想像
而小柏高，一隻我頗鍾愛的馬匹，卻以一場包尾來結束其競賽生涯
我深信這是一個遺憾
但一匹今年多拚的馬，在今場可說是體力和形勢均完全輸蝕的情況下作賽
除了遺憾外，也沒有甚麼可以多言了

香港盃－力拚僅敗，出色一戰

今場香港盃，是四場國際賽中我想期待的，畢竟外隊馬實力看似不俗，主隊馬迎戰的陣容也不差
可說是一場勢均力敵的比賽
賽前我最鍾愛的是外隊馬飛雪仙蹤，結果牠亦沒有令我失望，從後一攻而破奪得香港盃，今場更是本日絕無僅有的一場後上贏馬的賽事，飛雪仙蹤的實力可見一斑
魔法幻影，我覺得今場的牠有上年閒話一句的影子，隻馬狀態top fit，操練部署的目標亦係明確直指今仗，可惜最後輸質，雖敗猶榮
只是在大摩之手，不知下年會否變成今年的閒話一句呢……
今場不知是應該失望還是怎樣的
閒話一句竟然在本賽包尾而回……其實一匹如此佳駟來港後只得4勝我認為是不能接受的，唉……
法國三雄－勝多利大、萬千景象和田園莊主表現也不如預期，連包裝大師也過不了……唉……(我條T就係斷係包裝大師之手..哈)
且看Snow Fairy和Irian二駒下年表現如何

[ 本帖最後由神風無缺於 13/12/2010 01:58 AM 編輯 ]

作者: DrEAm 時間: 14/12/2010 12:06 AM

香港瓶

技藝精湛贏在騎師走位醒目,慢步速早早走甩
紅杉木質不如人
美利堅始終路程太短,騎師發揮無問題
火龍駒今季跑到不知所謂下出戰此等賽事,對馬匹本身實非好事,呢場輸都係意料中事
爆冷今季未好過,又睇大摩幫吾幫到佢贏返場

香港短途錦標

睇完呢場,諗緊健康既鳥語花香可以贏幾多個馬位...

卡通飛機今季水土問題解決,跑出本身應有水準,此駒不易發揮,有一段仔極強爆發力,今賽雖然險勝,但相信今季仲有大把機會見到佢贏
火箭人準而不超,力拚僅敗,可惜
蓮華生輝老退了,過往既佢守呢個位,對手只有食塵...

共創未來上場亂跑混吉,今次守係中間位,即時跑出不同水準!!!
天久吾係咁短既馬,志不在此....
小橋流水假以時日之短途王,依加要做就係比佢休息,回氣,長成

香港一哩錦標

一哩一向係港隊最有把握賽事之一,但今次真係出現左斷層....近年最低水平的一次,想起苦命的競駿精英

今季停止進步既締造美麗都贏到,水準可想而知,自由好跑埋呢場,吾覺同係沈廐有大分別,仲要長期都爾哥,祝佢好運:kkkkk:

香港盃

「飛雪仙蹤」騎師莫雅：入直路時，我以為我們已無機會爭勝。想不到牠的加速力會如此驚人。今天真令我喜出望外。此駒很特別，就像一部賽跑機器。

飛雪仙蹤馬后級好馬,希望佢一季可更進一步,佢吾似一D女生男相既雌馬,係真正既馬女身型,此賽可見莫雅吾係一個頂級騎師,吾會次次咁好運有位比你爆到出來

魔法幻影以盡所能,柏寶發揮更是一絕,對手太強,無話可說,咁既水準實有G1贏
萬千景象騎師錯搵假想敵?漏閘都可以守返係中間既啫,大步馬同人鬥後勁,未段垂手更是離譜.....無言
閒話一句希望隻馬無比大摩搞彎啦...不過都相差不遠

作者: 細B 時間: 14/12/2010 12:56 AM

香港短途錦標:
冠軍馬卡通飛機，亞軍馬火箭人，季軍馬蓮華生輝
頭三名馬分別為南非，新加坡，香港，短途馬王！！
三匹馬能夠構成三強的局面，認真難得
蓮華生輝無疑曾是最強短途馬，畢竟年屆七歲，能力亦有點開始退化，
卡通飛機早於晨課已見突出，可能因南非水準不太高而被受冷落，贏馬絕不出奇
火箭人一再証明本身國際級實力，今次僅敗絕對雖敗猶榮！
不過本土短途馬新星雖然湧現不少，但似乎要達國際級短途馬則還差一大截，
要像蓮華生輝呢類馬班級的馬出現，相信還要等多一兩年了～～

香港瓶：
二千四百米依然成為香港馬的弱項，即使是時間紀錄保持者爆冷亦因老退問題而沒法替香港爭光
後生一輩的至勇威龍等，長途實力仍與一級水準差太遠，
或因香港賽事模式關系，相信未來幾年香港瓶仍成為海外賽駒的囊中物
今界冠軍技藝精湛比我感覺有點像早年於瓶賽負黃金旅程的藝高強，
不過技藝精湛強得多，直路彈甩後速度仍能保持，氣量十足，相信下年歐洲大賽均會榜上有名
而美利堅只能後追一席第三，但已令我眼前一亮，
本身跑變化地更佳的馬，於香港跑好地亦跑得好實屬難得，
而且由二千二百米縮落二千四米競逐亦有一定難度，能夠後追第三已有交代
紅杉木繼續表現其忠心表現，而且賽事狀態弗，能入三甲屬意料中事。

香港一哩錦標：
步步穩退出後，香港代表隊就像完全失去機會一樣，
論級數實力，暫無一匹能比上牠，
由於此場賽事無多放頭馬，故步步穩退出後，機會便落在締造美麗之上
有前速有後勁之馬，如果自製步速，相信贏面大增
出閘後雖然未能領放，但仍能輕鬆守住第二位，入直路後率先突為，力抗後上之馬匹獲冠
無論鞍人及馬匹，都十分抵讚:gggg:
至於亞季馬，或因本身賽事水準問題而被忽略，而且近年頭三名均落在香港手中
故外隊馬被冷落亦正常，本身庭園華座及沙貝寶駒亦是較穩定之馬，能發揮出水準三甲不出奇
至於大熱門小柏高，或因今季硬仗太多，每次均靠超強後勁追上，疲態早已呈現，敗亦正常

香港盃：
大熱門飛雪仙蹤，未來港已被各界睇好，於香港馬迷較為認識的日本女皇杯賽事能輕勝今年牝馬三冠之馬獲冠軍，兼彈甩多個馬位，其後勁馬迷早已笛下深刻印象，埋門更愈買愈熱，由3.7倍跌至2.5倍開跑，沿途鞍上人莫雅冷靜地留到最後，直到未段才發揮出凌厲後勁，追至最後一百五十米始逢馬過馬，最後贏馬而回，贏得出色
亞軍魔法幻影上季適應問題，未能於打比發揮出最佳水準，跑得接近已好好
今季馬匹更成長更成熟，於預賽贏馬亦不是負碌，今仗已証明本身實力，相信今季中距離一級賽有佢份
季軍包裝大師藉有利跑法奴形勢始能入三甲，可一不可再，始終年紀有返咁上下

作者: mR.偉 時間: 15/12/2010 08:59 PM

香港短途錦標
冠軍頭馬為JJ jet plane.
而家大熱門蓮華生輝則跑入第3,
呢場明顯帶出香港短途青黃不接.
但係蓮華生輝雖然老退但仍跑入一席第3,值得加許:gggg::gggg:
令人期待下隻接班馬係咩,,
共創未來呢隻進步之大,仲未知佢仲有幾多料,
可能仲高過天久,經典一哩有野睇:jjjj:
天久經典一哩先見真章,
香港瓶
二千四百米不嬲都係香港既弱項.
又比外隊馬當銀行禁搶
爆冷又一老退馬王.但仍接近.亦值欣賞.
至勇威龍.呢隻睇黎實力旨於G2頭.G1尾.
火龍駒又一級數未夠.
冠軍技藝精湛,賺盡形勢級數.
亦不得不讚戴圖理之騎功:gggg::gggg:
香港一哩錦標
步步穩宣布退出時.心情由山頂即時滑落山腳..
VERY DOWN:sss:
以為呢場最穩陣..
港隊今年4大皆空之際,
老巫竟以其精湛的騎功.
令港隊保住一場.
締造美麗成功奪標.
Paco Boy應是一匹級數極高的馬
但是因為今年征戰太多.疲態畢露.
跑包尾,唔知有無影響配種費:yyy:
香港盃
大熱門的飛雪仙蹤賽前都被予為一匹級數極高的賽駒.
最後.由冠軍騎師莫雅留到最後
一條直路殺曬.
呢隻真係近年香港盃級數最高的一匹:tttt:
魔法幻影.呢隻馬我由佢一來港支持到而家.
最終都出頭了.:ccccc:
上季佢贏唔到打o比真係有d可惜.
進度未夠.情緒唔夠穩定.
搞到要上季去快活谷度破處:tttt:
但係.今季完全適應,進步甚大.同埋最緊要係個情緒搞番掂
其實果場1800都應該贏到.但係因為騎師既發揮,令佢:ppp:
但到G2果場一沖過曬.盡顯霸氣:gggg:
睇黎下季閒話一句健康不穩都係靠佢嫁la d大賽
閒話一句呢匹又係一隻我由佢來港鐘意到而家既馬
但係今季確實係令我失望了
上季場女皇盃搞到滿城風雨.
到左G2果場驗到內出血,
健康真係令人擔心..
之後.跑埋今場又不良於行.
呢隻全港中距離質素最高既馬王
竟然搞到禁
我心內都酸了一酸:zzzzzzzzz:
不過,而家最希望係大摩將隻馬既健康搞番好
之後再創高鋒:gggg:

作者: asiadragon 時間: 17/12/2010 04:07 PM

總結番今次國際賽成績..香港拿到一哩..其餘三項由外隊馬拿到..其實都唔太意外.因為今年外隊馬的水平比上年強得多..加上港隊有點失運..

香港瓶
技藝精湛..贏馬相當合理..練馬師都有心部署跑.加上有埋好檔位.
當然把握形勢啦..下年有無這樣天造地設的配合.真係跑過先知
紅杉木..跑對晒都只係第二..實力都只值歐洲2,3級賽常客..過去美國跑一級賽都可以偷下機
美利堅..2400 好明顯就短..去番法國應該有得爭.
幕後下年想挑戰日本盃..可以一試..
網絡電郵..睇下天春能否再贏:yyy:
至勇威龍.比想像中仲有進步..皇太后盃係最好的目標..遮打盃就睇對手啦
火龍駒..高級班的爆炸..只要掌握形勢可以在G3/一班偷機..至於平磅方面就幫手開路居多.
爆冷..肯定老退..遮打係最後機會..可否把握到係關鍵
星光水晶..跑錯晒..回歐洲牝馬應該有作為
好先生..要休息啦..1600 應該好過2400..不過睇情況練馬師想跑長多過短
印族節日..歐洲 g3/Listed 博偷機
溫徹斯特..美國都仲有得爭下
董事會:ooo:

香港短途錦標..
卡通飛機..難道歐洲不利牠..有看輕左牠..今次人馬發揮出色..可能香港先利牠?
火箭人..再一次證明實力..唯有望新航短途贏番場啦
蓮華生輝..雖然有點回不到全盛.不過依然好過香港短途馬..如果跑速度系列..唔係好多馬挑戰到牠
共創未來..應該上四歲系列..隻馬應該短優於長..下年都係機會馬
天久..試完馬啦..上經典一哩絕對係有力馬..小心
小橋流水..要休息..練馬師好明顯搏到隻馬好盡..
點心..偷機馬..唔知幾時又會爆入位
綠色駿威.時尚風采,極奇妙都要回氣
同一世界..應該係蓮華爭速度系列的最佳對手..
愛跑得..場G3 水準成疑:ppp:

一哩錦標方面:
步步穩退出..都幾令人意外..如果正常出賽..應該至少有三甲..回復健康..1600 相信都未必有馬威脅
締造美麗..把握步步穩退出..掌握步速..騎師表現值得一讚..如果其後賽事都係慢步速..加上步步穩失準..隨時有力贏馬
自由好..有血..如果閒話之後都係這個表現..上2000不失為一個選擇..
勝眼光..掌握晒形勢都跑輸..平磅就難搞..讓磅就睇對手
金獅威將..級數問題..回番 Handicap,隨時入位/贏馬
好爸爸..退役啦
友誼至上..都係失望..等埋董事盃再評價
小柏高..博多了..這隻絕對係 Win or Nothing..結果係後者:ooo:
庭園華座..唔識評..睇埋杜拜就知1000萬是否合理
莎貝寶駒..下年日本一哩賽見
榮進快蹄..下年一哩馬應該仲強..Danon Yoyo 有力反先:fff:
食夢精靈..都係G1 一哩偷位置馬
樂聖..超早熟馬

香港盃..
飛雪仙蹤..跑番伊女水準..贏馬合理..去番歐洲就好睇啦
魔法幻影..適應晒水土..練馬師多一隻棋子用
包裝大師..步速受惠者.遮打盃隨時賺形勢:fff:
威利旺旺..等場地
閒話一句..健康變得差..睇下幾時好番..質素始終相信在魔法幻影之上
極品絲綢..睇埋女皇盃再決定..如果係這場.就算無塞都係級數之別..
田園莊主..想留意去番法國表現..下年應該更好..
天鷹翱翔..檔位問題
勝多利大,永勁..牝馬賽事隨時有入位機會
玻璃杯琴..去澳洲..希望有好表現啦

歡迎光臨賽馬世界 (http://racingworld.no-ip.org/)