賽馬世界 - Powered by Discuz! Board

標題: (河馬仔專欄)12月19日深水埗德發晚飯再評+賽馬分析 [打印本頁]

作者: 河馬仔 時間: 19/12/2010 01:33 AM 標題: (河馬仔專欄)12月19日深水埗德發晚飯再評+賽馬分析

<河馬仔專欄>之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

樂子：今年天氣突然好凍呢...又就來做冬了...

彩珠：唔......有時真係凍到都唔想煮...

樂子：不如搵番以前河馬仔專欄寫的地方先,唔駛再諗地方嘛...呀,呢個河馬仔一年前有寫過,話食晚飯唔錯架噃.今年爸爸媽媽都會一齊回港做冬食飯!不如係做冬之前我地同賽馬節目的同事食番餐吖!做一個Review啦!

彩珠：好,今次再Review位於深水埗基隆街的德發小廚.

樂子：這兒我記得一年前都是同樣的茶餐廳格局,當時遠睇真係唔知有小菜呢.

彩珠：當時我都覺得好意外,但入到去就被發現唔係只有炒粉麵飯,還有好多海鮮菜式呢.

樂子：不過今次又點呢,一齊入去試試先!

樂子：入到去先要下一些前菜先,雞腳同豬紅,香港人都幾經常食,試少少先.個豬紅雖然較辣,但辣椒香加上豬紅的爽,一路飲啤酒的話其實都係一個不俗的小食.

彩珠：雞腳都好熱辣辣,油鹽水沙薑亦感覺唔過鹹,您知我地有時都好驚食沙薑雞腳個陣有D沙薑黏住一舊舊咁.呢碟就唔覺呢!

樂子：來了一碟黃金魷魚鍋巴,嘩,都好rich噃...

彩珠：您指膽固醇?哈哈

樂子：如果單食魷魚的話可能有點漏,但加上鍋巴脆脆的話就唔太覺啦,而蛋黃亦唔會黏得太緊,感覺上都係一個頗好的佐酒小食.

彩珠：呢個炸生蠔就脆口夾熱呢!外面脆漿食落唔算太厚,但一食入口外面帶點點脆之餘,一入到中心已覺好熱,而且蠔的肉汁真係好甜美,最緊要就係隻蠔炸完仲係唔乾身,又係佐酒不俗之品啦!

樂子：原來單單的蒜蓉菜心都可以有籠仔上,大廚都真係好創新.條條菜都幾厚,最緊要係食落D菜唔老,仍然唔過軟,食左咁多炸物都要食番條菜嘛.

看板娘---馬場樂子---對上述各食物之評分:

樂子：跟住到重頭戲登場呢...先係...生炆龍躉及鮑魚雞煲!

彩珠：重點一定係個皮,肉在炆後好重肉汁之餘又夠滑,而個皮又好重膠質亦唔韌,最重要就係個汁係滲到入去魚內,香氣迫人之餘真係送飯一流.

彩珠：呢個鮑魚雞煲我諗係最值得講的,這個汁的濃度的確好到位,唔會太杰又唔會太稀.當然雞嫩唔在講,個鮑魚先至好食,夠哂腍之餘又含有濃濃的鮑魚甘香味道,絕對要讚.但最重要就係講到頭先的汁,真係加入飯中一起,個種味道真係不得不給以下的分數!

看板娘---馬場彩珠---對生炆龍躉及鮑魚雞煲之評分:

樂子：講到這兒又唔可以唔講甜品,試試心太軟,法式焦糖燉蛋,椰汁榚,木槺布甸及疏乎厘.咁多甜點點樣揀呢?

彩珠：一齊食飯開開心心不如樣樣試D?

樂子：好!

樂子：始終都係疏乎厘及法式焦糖燉蛋係我最喜歡的,疏乎厘最重要的鬆軟這個做得到之餘,這些甜品都唔會過甜,而個疏乎厘食落個陣亦唔會像一些店做的一入口就唔見哂咁,今次食落仍感受到熱熱的香味.至於法式焦糖燉蛋最喜歡就是面頭的焦糖,佢做得唔硬,輕輕的一片加上入面甜甜的燉蛋,做得都幾滑又唔會過硬,在小菜店能吃到這種質素的甜品真係相當有特色了.

彩珠：與一年前寫的時候比較菜式的花款又多了不少呢!不停的創意,嘗試以及用心煮的菜餚就係食客想要的東西啦,這都是我們值得借鏡的地方呢.

樂子：與一年前比較,食物水準維持良好之餘亦多了變化,所以今次就以這篇為今次REVIEW的總結呢!

看板娘---馬場樂子---對上述甜品之評分:

河馬仔第三,五,九,十場心水選擇:
(馬場樂子代筆)

第三場 :

5. 康樂名駒 - 看來今場有機會力克極速寶寶可能只得此駒,上戰在走位甚蝕之三四疊下最後仍能追近稍走內欄之兄弟班,論當時狀態仍未像上年般銳.雖然千六可能略短,但幸好今場有實力之快馬其實唔多,如能守在桓速寶寶之後以其後追之力確有望一爭.

是場心水 :
5. 康樂名駒 - 2. 極速寶寶 - 3. 金滿貫 - 11. 日麗中天

第五場 :

14. 雄獅寶貝 - 上場唔塞,雖然難講佢能否過到魔幻大師,但競駿寶寶就好大機會會過得到.當然跑馬係一場一場計,今年跑過三場後狀態係一步一步改善,同樣用紀仁安出擊鬥志亦明顯,再者就是今場有一批新馬都有可能將前領馬拉散,而主要對手上場之贏馬或入圍之姿態感覺上又非超哂班之格,還是揀一隻四班四平八正之馬為安全,9檔亦容易走生位.

是場心水 :
14. 雄獅寶貝 - 1. 仔仔女女 - 2. 黃金褭蹄 - 12. 歡心

第九場 :

4. 旅英駿駒 - 上仗都係一入直路時蘇廄雙駒入直路後轉慢時都霸左條內欄頗耐,直接令旅英駿駒入直路後完全未見夠位作正常的衝刺.今年狀態起初的確唔好,但跑下跑下近期17號韋達快跳三段終於見回順暢感之餘亦冇任何疲憊之象.今次同樣有唔少快馬坐陣,對手也是一堆老對手,可憑其狀態轉好之下有實力挑戰一堆對手

是場心水 :
4. 旅英駿駒 - 2. 飛銀動力 - 8. 聖迪達 - 13. 正黃旗

第十場 :

10. 豐衣足食 - 上場在行沙圈時此駒漸變緊張,在臨師上馬之後見到渾身是汗,雖然如此都能在嚴重蝕位蝕形勢下,追過慳好多位的精英財星,絕對唔簡單.個日可如此後追得咁厲害之馬我諗到係飛雪仙縱及何方神聖.今次對手雖然都有,但主力都係勁飛寶一隻,講真有十二磅差距之下亦非冇機

是場心水 :
10. 豐衣足食 - 2. 勁飛寶 - 1. 高一線 - 13. 永新勝利

是日三場全餐博冷門Q膽 :
(馬場彩珠代筆)

第五場 : 14. 雄獅寶貝

第九場 : 4. 旅英駿駒

第十場 : 10. 豐衣足食

到了冬天了、白色都是冬季其中一種主色呢!而浪漫及溫馨的氣氛總會為冬季增添了絲絲暖意.

今次<河馬仔專欄>為了多謝各位長期支持、迎接這個浪漫冬季、看板娘---馬場樂子再次登場。今次WALLPAPER主題為「暖意白色聖誕」、繼續支持充滿心思及愛之同人創作。

今次由河馬仔出品、由同人組織FINGER AND FISH之畫師HECO繪製而成。以<共享創意署名-非商業性 3.0 香港授權條款>發放。

作者: 河馬仔 時間: 19/12/2010 10:02 PM

是日河馬仔心水選擇及賽果由看板娘---馬場樂子及馬場彩珠為大家報導:

(幾時可以脫離慘敗的循環?)

河馬仔第三,五,九,十場心水選擇:
(馬場樂子代筆)

第三場 :

5. 康樂名駒 - 看來今場有機會力克極速寶寶可能只得此駒,上戰在走位甚蝕之三四疊下最後仍能追近稍走內欄之兄弟班,論當時狀態仍未像上年般銳.雖然千六可能略短,但幸好今場有實力之快馬其實唔多,如能守在桓速寶寶之後以其後追之力確有望一爭.

是場心水 :
5. 康樂名駒 - 2. 極速寶寶 - 3. 金滿貫 - 11. 日麗中天

第五場 :

14. 雄獅寶貝 - 上場唔塞,雖然難講佢能否過到魔幻大師,但競駿寶寶就好大機會會過得到.當然跑馬係一場一場計,今年跑過三場後狀態係一步一步改善,同樣用紀仁安出擊鬥志亦明顯,再者就是今場有一批新馬都有可能將前領馬拉散,而主要對手上場之贏馬或入圍之姿態感覺上又非超哂班之格,還是揀一隻四班四平八正之馬為安全,9檔亦容易走生位.

是場心水 :
14. 雄獅寶貝 - 1. 仔仔女女 - 2. 黃金褭蹄 - 12. 歡心

第九場 :

4. 旅英駿駒 - 上仗都係一入直路時蘇廄雙駒入直路後轉慢時都霸左條內欄頗耐,直接令旅英駿駒入直路後完全未見夠位作正常的衝刺.今年狀態起初的確唔好,但跑下跑下近期 17號韋達快跳三段終於見回順暢感之餘亦冇任何疲憊之象.今次同樣有唔少快馬坐陣,對手也是一堆老對手,可憑其狀態轉好之下有實力挑戰一堆對手

是場心水 :
4. 旅英駿駒 - 2. 飛銀動力 - 8. 聖迪達 - 13. 正黃旗

第十場 :

10. 豐衣足食 - 上場在行沙圈時此駒漸變緊張,在臨師上馬之後見到渾身是汗,雖然如此都能在嚴重蝕位蝕形勢下,追過慳好多位的精英財星,絕對唔簡單.個日可如此後追得咁厲害之馬我諗到係飛雪仙縱及何方神聖.今次對手雖然都有,但主力都係勁飛寶一隻,講真有十二磅差距之下亦非冇機

是場心水 :
10. 豐衣足食 - 2. 勁飛寶 - 1. 高一線 - 13. 永新勝利

是日三場全餐博冷門Q膽 :
(馬場彩珠代筆)

第五場 : 14. 雄獅寶貝
(唔中)

第九場 : 4. 旅英駿駒
(唔中)

第十場 : 10. 豐衣足食
(唔中)

歡迎光臨賽馬世界 (http://racingworld.no-ip.org/)