<河馬仔專欄>之『馬場對對子』飲食專欄又來啦!

『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的

『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!

樂子：家姐家姐,今次我地要寫嘅飲食專輯話到明要有本土特色噃...話我地以前寫得太多西餐呢...

彩珠：本地特色本地特色本地特色 (x10)

樂子：諗唔到哩..........咦.....枱面有包即沖奶茶........我諗到啦!

彩珠：係噃!絲襪奶茶唔駛講就係充滿香港特色呢!

樂子：咁我地都要搵間有代表性先得.........

彩珠：不如就搵搵2009年在香港首次舉辦的『金茶王大賽』的公司組冠軍,睇睇先,地點係洪水橋...細妹,知唔知係邊呀?

樂子：其實係接近天水圍同元朗的交界點啦,當然坐輕鐵都有個洪水橋站呢,不如今日我地就輕裝上陣,去這兒看看啦!

彩珠：咁呢間食店就係洪水橋的大發餐廳呢!



樂子：店外和其他的茶餐廳都好相似呢!



彩珠：入到店內都好多學生哥及附近工作的朋友食飯呢,都好旺場架!

樂子：唔...除了一定要叫奶茶外,點都叫一些本地特色食物嘛,我知家姐唔係太熟香港食物,今次等我作主啦

彩珠：懶叻...我要凍奶茶

樂子：咁我要杯熱嘅先!




樂子：家姐呀,其實一杯好飲嘅絲襪奶茶要用好多的工夫才能做先有得飲呢!

彩珠：又係點架,平時我地都係用茶包加滾水加淡奶之後飲.

樂子：其實整絲襪奶茶係要把茶葉用有棉紗網的手抽架來沖泡,再用銻壺來煲茶,然後又要再反覆沖泡又焗茶,才能得到更好之茶香,其實又繁複又多心機.

彩珠：唔怪得見到有時好多茶餐廳都有好多個煲係度煲緊野啦.都係飲番奶茶先...杯凍的好滑噃,而且茶的香味在飲落口後就發揮出來了,整體上唔會出現平時飲奶茶個種粗糙感,而茶的濃度足夠,加冰飲落亦唔覺稀.

樂子：我較喜歡熱的,始終會夠原汁原味嘛,而且茶香更能體現出來,最喜歡就係茶夠濃而茶味及香會留在上顎,係要夠濃煲得夠火喉先好飲的

看板娘---馬場樂子---對凍熱奶茶之評分:


樂子：跟住又點少得呢樣呢.奶油多!


彩珠：奶油多最緊要都係奶油夠多嘛,佢入面都填得滿滿的,係要一路食一路漏出來才好,加上個麵包又唔會烤得太乾,這樣加上奶茶就是香港人最喜歡的下午茶孖寶呢!

樂子：仲有呢樣沙嗲牛肉包啦.包脆而好在牛肉整得唔肥,唔會成個包變油左,係個沙嗲味就強了點點,SHARE來食都幾特別呢.


看板娘---馬場彩珠---對奶油多及沙嗲牛肉包之評分:


樂子：話時話,入到來洪水橋,不如食埋個河粉先出番去市區啦.

彩珠：梗係啦,唔通入來只係飲杯茶,食個包就走咩.

樂子：咁就每人一碟有本地特色的炒牛河啦.

彩珠：駛唔駛搵牛河博士出來介紹呀?

樂子：呢個笑話讀者需要笑架..............(汗)


彩珠：我要的係瑞士汁牛河呢,雖然甜味就真係唔多,但勝在多芽菜蔥等等,而個牛肉亦少得剛剛好,富有彈性之餘味道亦幾濃,最好就是入面的牛肉纖維咬落唔會鬆散,確實不錯呢.樂子,您呢?


樂子：講牛河又點少得干炒牛河呢,係油多了少少而已,但講真個鑊氣相當足夠,夠哂熱辣辣.牛肉亦少得夠香夠彈牙,最緊要就係個河粉炒得分明唔會一舊舊,食落爽快,再加上一些桂林辣椒醬佐食,已經好有水準了.

看板娘---馬場樂子---對兩個牛河之評分:


樂子：今次講的食店又夠香港特色,奶茶又夠工夫,食物亦有本土氣息,可以交稿了.

彩珠：仲有呢個要做啦......

看板娘馬場樂子---是日食物日文讀音:

河馬仔第四,五,七,十場心水選擇:
(馬場樂子代筆)

第四場 :

14. 年年開心 - 雖然此駒真係帶了不少老退感,但上場其實一千米直路走勢其實算係在水準以上,至少都係跟得上馬群而唔漬潰敗.上次再戴眼罩就係能交出唔錯的追勢,今戰對手都係一批老對手之下,此起彼落之下可靠分利扒冷.而狀態而言,雖然拍紅酒精英個課比廄侶漸先,但其實佢本身走勢輕鬆有神而毛色夠光鮮,到位了.

是場心水 :
14. 年年開心 - 1. 招積仔 - 6. 煇煌駒 - 10. 冰火

第五場 :

1. 洪福齊來 - 幾日前的谷草1650米沿途居後而藏在最內疊,轉彎後一直塞在馬林之中毫無突圍之象,當時只見騎者在馬上無計可施,只可以像跳健康舞般左右分疆後到最後一百才有空位出現,基本上發揮唔多,用力亦相對較少.而上場正正可以幫今場作熱身,對手亦質素參差.前仗還可在強組三班衝入第七,今仗計班底應有爭功之理由

是場心水 :
1. 洪福齊來 - 12. 雄獅寶貝 - 6. 幸運多多 - 9. 精奇

第七場 :

14. 將軍歡笑 - 相對來說今次能受勁敵皇帝旨令27磅,而佢本身今季用得甚少,相反皇帝旨令今年贏兩場就輸一場.再加上今次皇帝旨令抽內檔,塞車機會亦較將軍歡笑多,故此選眙膽材還是選一隻狀態慢慢上升而夠休息仲要實力未盡的將軍歡笑

是場心水 :
14. 將軍歡笑 - 1. 皇帝旨令 - 8. 威騰駒 - 13. 哈哈大少

第十場 :

4. 福智 - 此駒都係得巫生贏過,雖然當時對手非強但初出即勝亦非容易事.當然心律不正後曾經小休,但晨課拍喜蓮智星一課後追頗夠餘勢,而馬身亦唔不像頭三場般肥.今仗主力對手其實唔多,憑其實力及進度確實唔係冇贏馬之理由

是場心水 :
4. 福智 - 1. 軍事行動 - 8. 至勇飛龍 - 14. 陽明深心



是日全日全餐博冷門Q膽 :
(馬場彩珠代筆)

第五場 : 1. 洪福齊來

三寶心水 : (共27注,$10注要$270)

第八場 : 7. 飛闖 9. 大智慧 12. 聖迪達  
第九場 : 2. 印度光輝 7. 有盈有利 10. 名人
第十場 : 1. 軍事行動 4. 福智 8. 至勇飛龍

到了新的一年、在此祝大家新年新氣象、創意創高峰。

而冬天也是各式各樣的同人活動舉行的季節、看板娘Mary CHAN也和各位熱愛同人創作的各位齊齊努力、一於為大家打打氣、加加油。期望在充滿愛與夢的創作過程中飛翔、為作品傾注愛的動力、將夢幻的意念轉化為一個又一個精彩的畫面。

本WALLPAPER亦有參加今次CW31的投稿比賽、希望各位多多支持Mary CHAN呢！

(不久的將來會有此WALLPAPER之另一個版本的出品！敬請各位留意！)


今次由河馬仔出品、由同人組織黑蛛白蛛繪製而成。以<共享創意 署名-非商業性 3.0 香港 授權條款>發放。

是日河馬仔心水選擇及賽果由看板娘---馬場樂子及馬場彩珠為大家報導:
(仍須努力...........)

河馬仔第四,五,七,十場心水選擇:
(馬場樂子代筆)

第四場 :

14. 年年開心 - 雖然此駒真係帶了不少老退感,但上場其實一千米直路走勢其實算係在水準以上,至少都係跟得上馬群而唔漬潰敗.上次再戴眼罩就係能交出唔錯的追勢,今戰對手都係一批老對手之下,此起彼落之下可靠分利扒冷.而狀態而言,雖然拍紅酒精英個課比廄侶漸先,但其實佢本身走勢輕鬆有神而毛色夠光鮮,到位了.

是場心水 :
14. 年年開心 - 1. 招積仔 - 6. 煇煌駒 - 10. 冰火


第五場 :

1. 洪福齊來 - 幾日前的谷草1650米沿途居後而藏在最內疊,轉彎後一直塞在馬林之中毫無突圍之象,當時只見騎者在馬上無計可施,只可以像跳健康舞般左右分疆後到最後一百才有空位出現,基本上發揮唔多,用力亦相對較少.而上場正正可以幫今場作熱身,對手亦質素參差.前仗還可在強組三班衝入第七,今仗計班底應有爭功之理由

是場心水 :
1. 洪福齊來 - 12. 雄獅寶貝 - 6. 幸運多多 - 9. 精奇
(唔中)

第七場 :

14. 將軍歡笑 - 相對來說今次能受勁敵皇帝旨令27磅,而佢本身今季用得甚少,相反皇帝旨令今年贏兩場就輸一場.再加上今次皇帝旨令抽內檔,塞車機會亦較將軍歡笑多,故此選眙膽材還是選一隻狀態慢慢上升而夠休息仲要實力未盡的將軍歡笑

是場心水 :
14. 將軍歡笑 - 1. 皇帝旨令 - 8. 威騰駒 - 13. 哈哈大少
(唔中)

第十場 :

4. 福智 - 此駒都係得巫生贏過,雖然當時對手非強但初出即勝亦非容易事.當然心律不正後曾經小休,但晨課拍喜蓮智星一課後追頗夠餘勢,而馬身亦唔不像頭三場般肥.今仗主力對手其實唔多,憑其實力及進度確實唔係冇贏馬之理由

是場心水 :
4. 福智 - 1. 軍事行動 - 8. 至勇飛龍 - 14. 陽明深心
(連贏派$45.0)



是日全日全餐博冷門Q膽 :
(馬場彩珠代筆)

第五場 : 1. 洪福齊來
(唔中)

三寶心水 : (共27注,$10注要$270)

第八場 : 7. 飛闖 9. 大智慧 12. 聖迪達
第九場 : 2. 印度光輝 7. 有盈有利 10. 名人
第十場 : 1. 軍事行動 4. 福智 8. 至勇飛龍
(唔中)